السلام عليكم


ويح قلب قناص ماهذا الفريق ؟
صراحة ، أمس توني أحس ان عندنا أسماء يُعتمد عليها

لاس - مامادو - الونسو - جاجو
متصورين المحاور كيف ؟

كاكا - كريس - روبين - غرانيرو
مافيه تعبير أحسن من ( ) !

الرود - البنز - البيبيتا
الحمدلله منيب حارس في الليغا !

الفريق هجومياً كان سريع جداً بغض النظر عن اسم الفريق المقابل
في السابق كنا نلعب ضد فرق أسوء ولعبنا ضد نفس الفريق في الأبطال
والرتم كان أبطأ بكثير والتوغل كان أصعب وفوقها الهجمات المرتدة كانت أخطر !

الطقطقة الي صارت أمس رجعت ريال 2003
فريق يقدر يحتفظ بالكورة يومين متواصلين ، يرفع الرتم يكسر الرتم
شي راجع له ، يتحكم بكل مجريات المباراة
ممكن يخليك توقف من السرعة ، وممكن يخليك تنوم من الهدوء !

الفريق في كل مباراة يتجانس أكثر ، تزيد سرعته أكثر
يقل فقد الكورة ، يزيد امتلاكها
تكثر الأهداف ، تقل الأخطاء ، تزيد التمريرات الطولية
هذي كرة قدم حقيقة


عجبني تصريح بلجريني عن التيكي تاكا
نبغى فريق هجومي كاسح ، نبغى نحطم رقمنا السابق في عدد الأهداف في الدوري ( 107 أهداف )

اللعب في نص الملعب حلو
نقل الكرات حلو .. الاستعراض حلو
لكن نبغاها تنتهي بأهداف
وكل ماقدر الفريق ( يحتفظ بتركيزه ) في هجمة معقدة
ترتفع جودة اللاعبين من الناحية التهديفية ويصير الفريق ممتاز في المواقف الصعبة
لأن الطبيعي إن طول اللعبة وصعوبتها تأثر على النهاية السليمة لها
مثل اذا انطلق لاعب بالكورة 70 متر .. إذا وصل لمكان التسديد
يكون مُجهد وفاقد التركيز ويسدد بأي طريقة ( مارسيلو كمثال )
لكن إذا الفريق طبّق لعباته السريعة المعقدة على فرق صغيرة وانهاها بأهداف
مع الوقت بتصير هالجمل شي بديهي مسجّل في العقول الباطنة للاعبين
وخذوا لعب وفوز وقتها


فريق يخلي الواحد تنفتح نفسه للردود
شكراً بيريز




-----

الحمدلله على سلامة اختك سليم
اجر وعافية ان شاء الله