.

إقتباس الرسالة الأصلية كتبت بواسطة حـآيـلــي ^ ^ أخيرا لقيت واحد يتفق معي ولو انه مو اتفاق 100% بالميه بس فيه حاجات كثيره نفس كلامي لاكن أخوي إيكر السؤال اللي مقرووش راسي : كيف بيكون ألونسو اذا جاء جيرارد ؟

هلا والله بولد ديرتي .. ما أدري على أي أساس سألتن هالسؤال , يوم شفت ردّك انتفخ راسي وعدّلت الجلسة ههههههههه .. والله الإهتمام بجيرارد ما أتوقّع انّه لمقصد فنّي بحت !! حسب الأخبار , ان مورينهو وقبله بيريز مُعجبين باللاعب من قبل , ومورينهو يحب اللاعبين من طينته .. تقدر تلقى له مكان بالتشكيل , ومُمكن يعطيك , لكن أشوف خيار محور دفاعي وقدّامه ألونسو أفضل من "ألونسو - جيرارد" ..

إقتباس الرسالة الأصلية كتبت بواسطة البلانكو10 مازلت اشوف انه الونسو يقدر يقدم الي عليه سواء جبنا له محور مساند للهجوم او مساند للدفاع ! .. مع تطبيق طريقه خط الدفاع المتقدم السريع ومع نظام الاحتفاظ بالكره بكثره والضغط على حامل الكره بأكثر من لاعب وقتها مشكله المساحات الكبيره الي تكلم عنها عزوز مابتكون موجوده لو جبنا له محور هجومي هجومي عليه الكلام مهو زي شراحيلي نجيب لاعب يعرف متى يتقدم ومتى يهدي ويثبت في مكانه ! .. وبعدين موضوع المهام الهجوميه لألونسو اتوقع انه بوجود جيرارد كمثال وكاكا ودي ماريا وبن زيما والدون رونالدو ماابحتاجها ابد زي ماكان يحتاجها الليفر لانه الليفر ماكان يمتلك كل تلك الامكانيات الي عندنا ! .. ياارجل مع الاسماء تلك كل الي ابيه من الونسو انه يوصل كره صح سوا بالثرو او باللونق وجزاه الله خير ..

هلا جهاد , يا طول ردودك هههههههههه .. زي ما قلت , جيرارد نقدر نلقى له مكان بالتشكيلة , لكن ما أشوف انّه أفضل من ألونسو على الدائرة .. المحور الدفاعي أشوفه أهم من جيرارد , خصوصًا مع مُدرّب مثل مورينهو , ما ندري عن التكتيك اللي يبي يلعبه , لكن الأقرب وحسب الأخبار انّه "4-2-3-1" ..
دور ألونسو الهجومي مُختلف عن بقيّة اللعيبة , تنظيم اللعب وكُرات طويلة وقصيرة ومُمكن ثرو باص ..

مع بيلّيغريني , شفناه يستغل بعض إمكانيّات ألونسو .. لكن مع مورينهو , نبي ألونسو بمركزه المُفضّل , بلا جيرارد بلا هم ..

إقتباس وبعدين فيه فكره شويه غايبه ! .. سالفه لو جبنا جيرارد خلاص بيكون الونسو دفاعي ! .. لا ابد فيه طريقه وهو اشراك ديارا الكبير كممحور متأخر وقدامه الونسو وجيرارد وقدامه الثلاثي الهجومي الي هو كاكا وكريس وبن زيما ! .. فيه طرق كثير وبصراحه اتمنى اني اشوف جيرارد وخاصه انه بيفتح على مورينهو خيارات كثيره بالتشكيل ! ..

إذا كانت التقارير والأخبار اللي تنزل تتحدّث عن شريك ألونسو , وأسماء مثل "مارتينيز , خضيرة" ويدخل اسم جيرارد .. هذا معناه انّ أحد هذولا يبي يكون شريك ألونسو بالمحور , ومنهم جيرارد , ولا فيه أي دلالة عن ان جيرارد إضافة لمركز آخر أو زيادة بمرونة الفريق ..

إقتباس عموما بالنسبه لي زي ماقلت اتمنى اني اشوف جيرارد على خضيره مع اني اشوف ان الفريق قادر انه يحتمل فكره التعاقد معهم الاثنين !! ..

مُستحيل , اصعد حبّة ..

إقتباس وفي كل الحالتين الصفقه القادمه بتعطينا انطباع اكثر عن فكره الفريق ! .. سواء بخضيره والي بيكون الفريق معه اكثر تحفظا بالنسبه للدفاع .. او بجيرارد الي بيكون الفريق معه اكثر عطائا بالنسبه للهجوم ..

التعاقد مع خضيرة ما يعني انّ الفريق يبي يكون مُتحفّظ دفاعيًّا , بالعكس مُمكن نشوف هجوم حريقة , لكن الفريق يبي له توازن من ناحية الأدوار , المحور الدفاعي يعطي حريّة أكبر للوسط الهجومي ..

إقتباس الفائده الي تفوق خضيره على جيرارد فقط والي مخليتني ممكن استغني عن فكره جيرارد .. انه خضيره بيعطي الفريق توازن كبير بين خط دفاعه وهجومه ! .. توازن اشوف فيه مورينهو مع تشيلسي والانتر ! ..

من أوّل , حسافة الشرح اللي فوق ..

إقتباس الرسالة الأصلية كتبت بواسطة عاشق أبداع الفيلسوف بخصوص سعر اللاعب أعتقد مع المفاوضات راح يقل كثير,,غير تسذا اللاعب مافيه فرق بينه وبين مايكون لا من ناحية الأدآء(بإختلاف الجهتين) ولا السعر حتى ,,إدارة الإنتر مصممة على مبلغ 35 مليون والريال ماراح يدفع إلا 28 أو 30 مليون بس, عشان تسذا الريال إتجة لخطة ثانية.

الصحافة الإنجليزيّة أشغلتنا , مدخلين الريال بكل صفقة وبمبالغ كبيرة .. وخبر آشلي كول مصدره ذا صن ههههههههههههههههههه ..