.

إقتباس الرسالة الأصلية كتبت بواسطة the&&loRd iker معاكـ حق بـ كل اللي قلته ! بللغريني ايجابيته اكثر من سلبياته ! لكن سلبياته قاااتله ! مدرب ممتاز ومحد يقدر يتكلم عليه ! لكن الريال اكبر منه ! مو بس الريال ضغط الريال و ضغط الجمهور المطالبات ! الصحافه ما تقصر ! يلعب قرانيرو ليه تلعبه ! يلعب راؤول ليه تعلبه! يطلع راؤول ليه تطلع ! قوتي ما طلعه في اخر مباره ! قالو بللغريني يحرم قوتي من تحيه الجمهور و التصفيق له ! يعني يستنون عليكـ الزله ! الماركا بعد الكلاسيكو كتبت ! اسباب ضعف بللغريني وانا اتفق معها فيها ! يعني صحافتنا ما ترحم !! يبي لها مدرب كبيير يتحمل هذا الضغط ! بصراحه بللغريني كان ماشي صح في بدايه الموسم ! بس من مباره ميلان ! على ارضنا هو بدت فيه اللحسه ! شوي شوي !! اليين النلحس من الصحافه مسكين احسه يبي يتعالج نفسيا اذا طلع من الريال ! ترا ضغط مو طبيعي مو اي واحد يتحمله !! هذا السبب اللي ما يخليه يستاهل انه يدرب الريال كاريزمته ما تنفع مع ريال مدريد او بـ كاريزمت ريال مدريد

يعني هل سبب خروج بيلّيغريني من الريال عشان تعامله مع الضغوط ؟! بالعكس , تعامله مع الضغط على الفريق مُمتاز .. يمكن انّ المُقارنة مع مورينهو خلّت الناس تاخذ هالممسك عليه ! هو رجل هادئ , يحاول يبعد الفريق عن الضغط بدون شوشرة وكثر حتسي ..
الفريق ما كانت مُشكلته ضغوط بس ! أكثر من سبب , من ضمنها الضغوط طبعًا ..

إقتباس الرسالة الأصلية كتبت بواسطة Madridi حياك يا ولدي تذكرها يا بو العز ايام حلوة ان شاء مع بعض نرجعها

هههههههههههههههههههههههه , باقي بس حكيم وتكمل العائلة ..
إن شاء الله نرجع نشارك مثل أوّل وأحسن ..

إقتباس قبل نسأل هل يستحق بيلغريني البقاء .. السؤال الأهم حاليا بعد ان تأكدنا من خروج بيلغريني ، هل هنالك فرصة افضل من الفرصة الحالية لجلب مدرب ( قوي ويتعامل مع الظروف ) مثل مورينيو ( ومجانا ) حسب كل المصادر ؟!

زي ما قلت بردّي , ما أبي أشوف للإسم اللي بعد بيلّيغريني عشان أحكم هو يطلع ولاّ لا ! هو كان يستحق البقاء , سوّا شغل وشخل الفريق شخل ..

إقتباس بيلغريني , انا كنت احد اكثر مناصريه واكيد تذكرون الكلمة اللي قلقت راحتكم بها ( اثق بك ) ولكن بعيد عن النجاحات ( الرقمية ) التي حققها مانويل

تقييمي لبيلّيغريني ما كان للأرقام اللي محقّقها , صحيح انّها جيّد كأوّل موسم له ولكم لاعب من الفريق , لكن يبقى ضعف الليغا - أو خل نقول قوّة الريال وبرشلونة عناصريًّا وفارقهم عن البقيّة - ساعد على تحقيق هالأرقام ..

إقتباس هل حقق نظام معين يسير عليه الفريق ، ما راح اتكلم عن طريقة ادارة المباريات والفشل في المباريات الكبيرة لأنها اشبعت نقاشا ، ولكن هل استطاع مانويل خلق نظام داخلي في الفريق ؟! الاجابة ببساطة ... لا ! .. والامثلة كثيرة .. غرانييرو احد شركاء ملف السوء مع محمد ولاس ... محمد ولاس اوت وغرانييرو لازال يلعب !! ايضا غرانييرو عقوبته بعد ان تحدث عن مانويل بالسوء فعليا بداية الموسم كانت عدد من المباريات وليست شهرين ككاكا و جوتي وخصوصا الاخير ! . واللي رغم ذلك اعاده ! .. لم تكن لديه الجرأة ليقول ان كاكا معاقب ، وكل الاثباتات تعكس انه معاقب ولعل المباراة الأخيرة كفيلة بذلك !

وش العيب بالنظام الداخلي للفريق ؟! إذا كان جوتي أُجلس على الدكّة عشانه تكلّم على المُدرّب , واراؤول لسوء مُستواه , ولو فرضنا ان كاكا ما كان مُصاب ! وجلس على الدكّة , بنزيما أيضًا , بالعكس , هذا مُؤشّر إيجابي ولصالح بيلّيغريني بعد !
بالنسبة لغرانيرو , اللي أخبره انّه بعد مُستواه بكارثة الكاس ما لعب فترة مهي قصيرة ! وإذا على المقطع اللي انتشر , من الغباء مُعاقبة أي واحد من اللاعبين بهكالمقطع بإختصار لأنّه مهو واضح ! شفنا الكلام , له أكثر من تفسير , لكن الصحافة سيّرته على اللي تبي ! رجعته يمكن لدوره داخل الملعب , هو جاء بطلب من مانويل أساسًا , وانت تدري انّه ما أُستغني عن شنايدر إلاّ لوجوده ..

إقتباس بيلغريني مدرب رائع ، ولكن هناك امور مفصلية عجلت بخروجه ، ومادام المدرب هو مورينيو ، فبالتأكيد لن يرفض احد ! .

الأمور المفصليّة ؟! إذا قصدك أخطاؤه , فهي طبيعيّة كأوّل موسم له مع الفريق والظروف اللي ذكرتها .. ودامها سبب إبعاده , فهذا يبقى خطأ من الإدارة !
بالنسبة لعدم رفض مورينهو , ما أخفيك انّي ما تمنّيته يجي هالموسم ! هو هيّن , مهو طالع من الإنتر الاّ للريال , تمنّيت نعطي بيلّيغريني فُرصة يستحقّها , ونخلّي مورينهو للصيف الجاي !

إقتباس عزوز بقسم هالقسم الى جزأين : الجزئية الأولى : الحرية . كل المصادر الخاصة والمقروءه وحتى في المنتديات الاسبانية أكدوا ان خورخي مينديز كان في مدريد امس لتأكيد نقطة الحرية الكاملة والتواصل الدائم مع فالدانو وبيريز ( بيريز ) ان لزم الامر ، وترك الادارة الرياضية للفريق الأول لجوزيه مورينيو . بيريز يحب عمل مورينيو وصدقني لن يخاطر بـ 78 % من نسبة مؤيدي مانويل من اجل ان يحظر مورينيو ويكتمه وهناك ادلة مادية واضحة بين ايدينا ! . الاول .. ايقاف معاملة سيلفا وتأجيل التفاوض مع ادارة الفالنس حتى يأتي مورينيو لإستشارته !. الثاني .. عدم التفاوض الجدي مع اي لاعب ( كله كلام صحف الحالي ) .. واولهم فيا اللي راح علينا ، وذلك من اجل انه لا يوجد مدرب في الفريق . الثالث : كما فعل العام الماضي .. البدأ بـ صفقة المدرب ،وهو من يحدد الفرق هنا ان هنالك اسماء جاهزة وافق عليها بيلغريني لاننا نعد فريق من جديد ، وهنا مورينيو هو من سيختار لاننا نسدد الثغرات ! .

ما أشكّك بهالشي - مبدئيًّا - , قلت انّ المُعطيات - اللي ذكرتها انت - تقول انّ الحُريّة تبي تكون مع مورينهو .. لكنّي قلت بعد هل الإدارة تبي تصبر ؟! المرحلة القادمة مع مورينهو , يمكن جديدة على النادي ككل ! الصبر على مورينهو وعدم التراجع عن قرار الحريّة له أهم شي بالمواسم الجايّة ..

إقتباس الجزأية الثانية : وهي المطالبة بالبطولات اكيد انت في مدريد ستبقى في نظر الصحافة الخاصة بمدريد مطالب بكل شيء دائما ، وبنظر الصحافة الاخرى منتظَر عليك الزلة . لكن المطمئن ان الادارة واعية لهالأمر وهو دليل استفادة من اخطاء مضت .. فعقد مورينيو حسب الاخبار 3 - 4 اعوام .. وليس عامين او عام ! .

هنا المُشكلة ! الفريق يُنهي الموسم بطريقة ما تعجب الصحافة والجمهور , بظرف شهرين بالصيف , كم صفقة على مُدرّب جديد , ويرجع الفريق مُرشّح أوّل ومُطالب بالبطولات من أوّل موسم ..
قرار إقالة بيلّيغريني أوّل خطأ من الإدارة , نبي نحس انّ الفريق فعلاً في مشروع إعادة له ! مُدّة عقد مورينهو مُمتازة وتريّح , ليتهم بس يصملون !

إقتباس ياليت نشوفك اكثر عزوز .

موجودين يوميًّا , العتب على العجز وعرق الزولة ..