إقتباس الرسالة الأصلية كتبت بواسطة بطولات زعيم ( كواريسما هو من سيرافق مورينهو الى الريال )

اول ما شفت الخبر ذا قلت و بصوت عالي WTF

لكن بعد ما فكرة فيها شوي اقتنعت بالموضوع لانه باختصار الارخص و المدرب عارفه زين

بعطيكم مثال بسيط



من شاف مستواء ناني في موسم 09 - 2008 يقول وش يبي السير فيه لاعب ما يعرف يثبت كوره و اغلب مناولاته مقطوعه

لكن السير حطه براسه و عطاه الثقه اللي فقدها وكلنا شفنا ناني السنه هذي وش سواء مع المان كان النجم الثاني بعد روني




هل يكون كواريسما
ناني ثاني لكن هذي المره في مدريد

سوى كل شي يقدر عليه .. فريق جديد , مشروع جديد , 8 عناصر جديدة والعناصر ذي من دوريات مختلفة .. ومع ذلك وصل للنقطة 96 , شفنا خمسات وستات والظاهر سبعات ان ماخانتني الذاكرة , شفنا طقطقة , شفنا متعة في بعض المباريات كنا من زمان ماشفنا هالشي
ممكن يكون فشل في بعض الاختبارات لكن مايلام كل هاللوم على اللي صار
الكوركون .. هزّه صارت للفريق بكامله بسببها وكنا محتاجين هالهزة وكويس انها صارت في الكأس واستفدنا منها
ليون ودور الـ 16 .. كابيلو ماقدر عليها من أول موسم .. صدقوني لو قدر الله له وجلس للموسم الثاني بيعفطها في جيبه
برشلونة .. هوم , اواي .. وكلنا نذكر تفاصيل الهوم
مافي فريق في العالم مايصير له دروب في المستوى في مباراة او اثنين او حتى 5
الفريق ماانهزم في البرنابيو الظاهر الا من بطل البطولة " برشلونة "
عموما االكلام مش بالماضي

انا شخصياً كنت اتمنى استمراره ولأهم سبب وهو الإستقرار
وفي حالة وحدة , انه يتحكم كلياً في الفريق
راؤول ماعاد يطقها اساسي , جوتي انزرع في الاحتياط قرن , لاس قام يعابط وصكها احتياط .. بيلي عنده شخصية وشخصية قوية , لكن ماكان عنده التقارب من اللاعبين , وكنت اشوفه نوعاً ما ضعيف مع الإدارة في البداية في مسألة جلب اللاعبين اللي يبيهم من عدمه
وبيع بعض اللاعبين اللي كان يحتاجهم في مخططه للفريق

عموما بلقريني راح , يستاهل الشكر للي سواه للفريق
من القلب شكرا مانويل




امممم .. مورينيو خيار مغري جداً .. يخليك تقول ..... ام الأستقرار هههههه
بس بشرط ماتطالبه ببطولة السنة الجاية , نهائياً
هو حيوان , يسويها ويجيب الثلاثية هههههه
بس مالمفروض يطالب ببطولة ولايقعد الجمهور يصيح عليه ويقول مافي متعة , مافي تيكي تاكا , مافي تكا ومسالا << اكلات هندية خخخخ
متى ما الجمهور والاعلام خلاه يشتغل على راحته بنشوف شغل جبار , وهو الوحيد من المدربين المتوفرين اللي يقدر يرجع هيبة مدريد كـ فريق في البطولة الاسبانية او في التشامبيونز
طريقة شغل مورينيو ماادري هل تبي تصلح للريال وسياسته او لا
مورينيو مايعترف بمدير فني او مدير كرة او غيره
هو المتصرف الوحيد بالفريق من جميع النواحي , اتكلم رياضياً
هل يبي يخليه بيريز وفالدانو ؟ , هذا السؤال
أبي لاعب , واحتاج مدافع , وابي فريق طبي .. متطلباته لازم تنفذ وخليه يشتغل
لاتلومه لو طبق الكاتناتشو زي ماطبقها في الكامب نو في آخر مباراة
لاتلومه لو فريقك مافاز الا واحد و ماامتعك , لاتلومه في شي
انتظر نتايجه واحكم
بعدين وش سوا مورينيو هالسنة مع الأنتر
ثلاثية تاريخية ماسواها أي فريق انتراوي قبل .. موراتي من الفرحة فكه من الشرط الجزائي هههههه
اخذ الاسكوديتو وهو مسجل 75 هدف كأعلى رصيد اهداف ومسجل عليه 34 هدف كـ أقل عدد اهداف
في التشامبيونز , قابل برشلونة رايح جاي مرتين , تشيلسي , بايرن وكلهم صقعهم واخذ اللي يبيه
مدرب قوي وتاريخه يشهد له , أخذ التشامبيونز مع بورتو
جاء تشيلسي ورجعهم للبطولات
راح للأنتر وجاب لهم التاريخية اللي فحطوا كبار ايطاليا ولاجابوها

مشكلة جمهورنا انه يبي يلعب زي برشلونة
خلونا نكون صريحين , امتع فريق يقدم كورة الحين هو برشلونة
مشكلتنا نبي نصير زيهم , ونبي هالشي سريع سريع
كل مدرب وله طريقته في اللعب وفي التكتيك , ليش مايعطى المدرب الصلاحية كاملة , ويوفر له جو صحي لتنفيذ مخططاته للفريق خصوصا وانك ماجبت اي واحد عشان تقول يمكن يحوق لنا فريقنا , لا انت جايب واحد من افضل مدربي كورة القدم في العالم , وانت جايبه وتعرف طريقته , وتعرف انه يهتم بالدفاع والمحاور قبل كل شي , يأمن نفسه قبل لايبدأ يهاجم , فـ لازم يعطى كامل الحرية في التصرف , والصبر عليه , كـ جمهور وإعلام , تبون دوري .. تشامبيونز .. كأس .. سوبر , اللي تبونه .. مورينيو قادر عليها بإذن الله متى ماتوفر له الجو الصحي السليم انه يطبق اللي في راسه
مسألة انك تقول ابي اطقطق زي برشلونة
مسألة انك تبي الفرق تقمط منك وتهابك في ملاعبها قبل لاتجي ملعبك
صعبة تسويها وانت كل سنة مدرب , وكل سنة طريقة جديدة , ولاعبين يختلفون وكل شي
كل هالحاجات يبي لها استقرار , جبت مدرب ماعليه كلام , ولااحد يقدر يقول له ثلث الثلاثة كم , ولااحد اصلاً يتجرأ ويقول انه مو كبير .. اصبر عليه وأبشر بعزّك << حسيت اني طالب سلف خخخخ



بالنسبة للإنتقالات

يلعن ام التحشيش
يعني مافي فايدة ؟
نبي جناح , نبي ظهير نبي قلب ونبي مدري ايش
ولالاعب المفروض يجي الا بطلب من مورينيو نفسه
لو ميسي وهو ميسي يجينا مجاناً مالمفروض انه يطبها الا بطلب من المدرب نفسه
المدرب هو صاحب الخيار وصاحب التكتيك وبيعرف يختار ويطلب اللاعبين اللي يتناسبون مع خططه ويقدرون ينفذونها

شخصياً .. اللي يطلبه مورينيو جيبوه
مصيبتنا الكبرى ماظنتي بيغفل عنها مورينيو , لما يشوف اشرطة الفيديو والمباريات السابقة للفريق ويشوف المصيبة العظمى عندنا في الفريق من بعد رحيل روبرتو كارلوس


تعبت وانا اكتب هههههههههههه مبطي ماكتبت

تمسّون على خير


سليم :

الله يلعن البلاك بيري اللي خرب اصابعي
ماعدت اقابل نت يابعدي ولاعدت افتح ايميلات .. كل شي يجيني بين يدي .. وش ابي بالنت


سلاام

إقتباس ثلاثية تاريخية ماسواها أي فريق انتراوي قبل

فرق إنتراويه :P

ولكم باك يحيى يـ القاطع :$

يا شباب مبروك علينا مورينهو

الريال خلال العشر سنوات الماضيه كان يفتقد لمدرب ذكي جدا ومميز تكتيكيا باستثناء ديل بوسكي وكابيلو لذلك اقولكم البطولات جاية في الطريق بحول الله واهم شيء بالتأكيد دوري الابطال

iker

معاكـ حق بـ كل اللي قلته !
بللغريني ايجابيته اكثر من سلبياته ! لكن سلبياته قاااتله !
مدرب ممتاز ومحد يقدر يتكلم عليه ! لكن الريال اكبر منه !
مو بس الريال ضغط الريال و ضغط الجمهور المطالبات !
الصحافه ما تقصر ! يلعب قرانيرو ليه تلعبه ! يلعب راؤول ليه تعلبه!
يطلع راؤول ليه تطلع ! قوتي ما طلعه في اخر مباره ! قالو بللغريني
يحرم قوتي من تحيه الجمهور و التصفيق له ! يعني يستنون عليكـ الزله !
الماركا بعد الكلاسيكو كتبت ! اسباب ضعف بللغريني وانا اتفق معها فيها !
يعني صحافتنا ما ترحم !! يبي لها مدرب كبيير يتحمل هذا الضغط !
بصراحه بللغريني كان ماشي صح في بدايه الموسم ! بس من مباره ميلان !
على ارضنا هو بدت فيه اللحسه ! شوي شوي !! اليين النلحس من الصحافه
مسكين احسه يبي يتعالج نفسيا اذا طلع من الريال ! ترا ضغط مو طبيعي
مو اي واحد يتحمله !! هذا السبب اللي ما يخليه يستاهل انه يدرب الريال
كاريزمته ما تنفع مع ريال مدريد او بـ كاريزمت ريال مدريد

صباح الخير والفل للجميع ^ـ^

إقتباس السلام عليكم القيصر و سليم أنا ماكان قصدي من الرد انتقاص الأعضاء الحاليين بالعكس أنا ودي يرجعون الأعضاء القدامى لأجل المشاركة ومتابعة تحليلاتهم للأحداث والمباريات والأعضاء الحاليين فيهم الخير والبركة والله يعافيهم على الجهد اللي يبذلونه في سبيل انجاح ودعم الرابطة وأعضائها للجميع

منت مجبر انك تبرر موقفك لانه كان واضح اخ يزيد وكل كلامك منطقي

الاخوه الكتاب القدامى فعلا لهم وزنهم الكبير في الرابطه من غير طبعا التنقيص من الحاليين

بصراحه فاقد في الرابطه الكثير من الكتاب وابرزهم

Love4Ever
{النمر15}
القطو الازرق
زيدان&راؤول
الثعبان الازرق
رئيس الرابطه السابق (( عبد الحكيم )) بس يمكن الدخان ذبحه
< type=/> vbmenu_register("postmenu_", true); عـــ الزعيم ـــاشق


اما مسألت ان كل واحد ما يكتب رايه الشخصي والتعصب في رائيه الشخصي ارى هذا اكبر غلط بديهي لما يكون لي قناعه بشي مثلا ما اقبل فلان ولا علان يغيره لي

رساله للاعضاء القدامى :

لكم وحشه

رساله للاعضاء الحاليين :

قل ما تراه صواب كل بني آدم خطّاء ومن منا لا يخطئ لكن نريد ليونه في الحوار وموده ولا نريد العنجهيه

تقديري واحترامي للجميع

# أنبآء عن أن الإجتمآع الذي دآر بالأمس في البيرنآبيو لم يكن لـ منآقشة عقد
مورينهو وحسب , بل يُعدّ مينديز أيضاً وكيلاً لـ أعمآل البرتغآلي كونترآو

# الظهير الأيسر ولآعب بنفيكآ حآلياً و سرقسطة سآبقاً يبلغ من العمر 22 عآماً
في بدآية مشوآره كآن يلعب في مركز الجنآح الأيسر وشبهه البعض بـ رونآلدو و فيغو
أمآ الآن فقد استقر في مركز الظهير الأيسر ويُجيد التوآزن بين النوآحي الدفآعية و الهجومية .

# اللآعب صرح بعد مبآرآة البرتغآل أمس ضد الرأس الأخضر وقآل :
" أنآ فخور و يشرفني أن يرتبط اسمي بـ نآدٍ كبير كـ ريآل مدريد و الذي بنظري يُعدّ أفضل فريق في العآلم
لكن إلى الآن لم يتحدث إليّ أي أحدٍ من الريآل بخصوص هذه الأنبآء "



http://www.as.com/futbol/articulo/me...sdaiftb_17/Tes

بلاكبيرن يريد بيع لاعبه الاسترالي من أجل التعاقد مع غوتي



بلاكبيرن روفرز الأنجليزي يريد بيع لاعب خط وسطه الاسترالي فينس جريلا لغلطة سراي التركي من أجل أفساح المجال لخوسيه ماريا غوتيريز لقدوم للفريق الأنجليزي ، الأسباني أعلن رغبته بالرحيل من ريال مدريد وإلى الآن لم يتعاقد مع أي نادي .
بلاكبيرن يريد بيع اللاعب الاسترالي إلى نادٍ آخر من أجل الحصول على غوتي وهذا وينافسه الفريق التركي غلطة سراي على بطاقة اللاعب الأسباني حيث يرغب المدير الفني فرانك ريكارد بالحصول على غوتي .
خوسيه ماريا غوتيريز أعرب في أكثر من مقابلة رغبته بترك ريال مدريد وكان أخرها في 8 أبريل في مقابلة مع اوندا مدريد ومنذُ ذلك الحين وقد أمطر النادي بالعطاءات حتى انتهاء الموسم وبالإضافة إلى غلطة سراي هنالك أيضاً توتنهام و زينيت بطرسبرغ و وفريق دبي كلهم يرغبون بالحصول على خدمات النجم الأسباني .

http://www.as.com/futbol/articulo/bl...sdasftb_12/Tes

اليوم هو الأخير لمورينهو في ميلانو ، البرتغالي أنهى علاقته بالانتر
ومن المقرر رحيله اليوم من مالبينسا إلى مدريد

http://www.tuttomercatoweb.com/?action=read&id=209101