ميه ميه يا باشا

مدري لسى ترا مو مصدق .. الونسو جانا خلاص وتعدا الكشف الطبي ؟؟
بهـ السرعة وبهـ السهوله ؟؟ .. امس زي ذا الوقت كانت الأخلاق قافلـة من
ذا الصفقة وعمايل بينتيز السودا فيه .. والحين الونسو في الكشف الطبي ؟
مسرع ؟ .. مني مصدق الين اشوفه يطقطق في البيرنابيو خخخخخ
صفقة رجعت لنا الكثير .. أول شي رجعت لنا الخطاب عمر عبدالملك
هذي والله الصفقة المباركة .. طبعاً فنياً عارفين انها الاهم لـ الفريق خصوصاً
واننا نعـاني من ذا المركز بعد طيب الذكر ريدوندو ..

امس قريت في الأس خبر على مقالة .. مدري وشو بالضبط الي كاتبه تومـاس
رونسيرو .. يقول تقديم ما بيكون فيه لـ اللاعب .. بيكون فيه مؤتمر صحفي يتكلم
فيه بعد الفحص الطبي وبعدها بيلتحق بـ الفريق الى كنـدا .. التقديم بيكون شامل
يوم 24 أوغست .. ’ غرانيرو - اربيلـوا - نجريدو اذا بقي - تشابي ‘ .. يعني قبل
مبارة ميـلان بـ يوم تقريباً .. اتوقع ان بيريز فاهم اللعبة الآن .. التقديمات وضع لها
اسبوع والناس كان عندها استعداد تجي كل يوم .. لكن الآن ما فيه سوبر ستار و ما
يقدر يضمن حضور الجمهور بشكل كبير لـ لاعب واحد .. لكن 3 مقبولين خصوصاً
انهم محبوبين ..

آآآآه متى تجي يا يوم الجمعة
الشوق ذابحنـا لـ شوفة كاكآو

ألف مبروك صفقة ألونسو أهم صفقة مع كاكا هالصيف وان شاء الله ريبري الصيف الجاي مع ظهير أيسر ويكمل الفريق لاحظت بالمشاركات بعض الأعضاء يفضل مغادرة روبين أبقول وجهة نظري روبين لاعب سريع و هو اليساري الوحيد بالفريق اللي عليه القيمة - أقصد كلاعب وسط - ( فيه ديرنثي بس لايُقارن بـ روبين ) اذا طلع روبين مين راح يبقى ؟ لاعبي الفريق الخصم بكل تأكيد سيبحثون عن عرقلة كريستيانو وايقافه لو لاسمح الله أصيب كريستيانو من سيكون البديل ؟ غير كذا تفعيل الأجنحة مطلب مهم جداً برأيي الشخصي افضل بقاء روبين و جلب ريبري الموسم القادم لـ تقل قيمته عن القيمة الخرافية الموجودة حالياً نقطة ثانية من تتوقعون من المحاور أن يُغادر بعد قدوم ألونسو ؟ أتوقع بكل صراحة جاجو السبب جاجو كـ افتكاك كور ليس مثل عيال ديارا وألونسو وأيضاً التوزيع الهجومي بالنسبة له يأتي ثالثاً بعد ديارا الصغير ثانياً و الونسو أولاً لكل من كان مع صفقة ألونسو منذ إنطلاقتها إلى نهايتها ألف شكر على مجهوداتكم

وعليكم السلام والرحمة ..

بالإضافة لألونسو هنالك ..

رافائيل ألكورتا .. لعب للريال من 93 حتى 97
وأيتور كارانكا .. من 97 وحتى 2002
وإيفان كامبو من 98 إلى 2003
وإسماعيل أورزايز لعب لفترات متقطعة بين 89 و 93

أتوقع فيه أكثر .. لكن هؤلاء هم الأشهر ..

هلا بالريس

انا اوافقك ان روبين مهم جدا للفريق في حال عدم قدوم روبين ، وعندي اضاافة بسيطة لكلامك

روبين افضل من كرسيتانو بالمساحات الضيقة ، بينما كرستيانو يبدع أكثر في المساحات الفاضية

يعني لو قابلنا فريق مقفل دفاعيا ، اتوقع ان فاايدة روبين او ريبيري لو جاء بتكون أكثر من كرستي

باعتقادي ان الريال مو مضطر لبيع أحد المحاور

خاصة ان عدد لاعبين الريال الحين هو 28 لاعب

يعني نحن بحاجة للاستغناء عن ثلاث لاعبين بس

والاقرب هم " هونتلار ، فارت ، نجريدو ، درينثي "

يعني الريال مو بحاجة لبيع أحد لاعبين المحاور وبذلك يكون عندنا الاساسي واحتياطه

لاس واحتياطه مامادو ، الونسو واحتياطه جاجو

ولك مني كل الاحترام يا ريس

إقتباس وعليكم السلام والرحمة .. بالإضافة لألونسو هنالك .. رافائيل ألكورتا .. لعب للريال من 93 حتى 97 وأيتور كارانكا .. من 97 وحتى 2002 وإيفان كامبو من 98 إلى 2003 وإسماعيل أورزايز لعب لفترات متقطعة بين 89 و 93 أتوقع فيه أكثر .. لكن هؤلاء هم الأشهر ..

بيض الله وجهك وما قصرت

و الله فكيت أزمة

ألف ألف شكر لك