شباب لو سمحتوا متى توقيت مبارة مايوركا وريال مدريد
أسف على الرد السلبي
شكرا

^
^
^

يوم الاربعاء الساعه 11 بتوقيت السعوديه

إقتباس Animation Love

موب كل من ناقشك بدون ابتسامة صار مايحترمك أو انه يفهم اكثر منك .
أنا جيت هنا وطرحت رأيي وانتظر الرأي الاخر ولا وش هو له فاتحين رابطة .؟
عادي كل واحد يكتب اللي عنده مافيها اي شيء ياتقنعني او أقنعك
واذا ماحد اقتنع يبتل على وجهة نظره لين تتبين له الامور .
والحمد لله استفدت من مناقشتي معك ومع المخضرم عبد الله .
وإن شاء الله المره الجايه احط ردودي كلها مليانه ابتسامات

على العموم أنا اسف ان كاني مخطي عليك .

---

إقتباس اللاعبين مابينهم تكتيك ومايقدرون يستلمون الكورة لأكثر من دقيقتين أو 3 دقائق إلا وتنقطع هذا يدل على العشوائية وعدم وجود تكتيك معين للاستحواذ على الكرة والسيطرة على الملعب لمدة تزيد عن دقيقتين ! برشلونة يستلمون الكرة في أي ملعب وعادي تمر ربع ساعة ويكون الخصم ما استلم نص كورة تشيلسي وهم يقابلون ليفربول تحكموا في الملعب كامل ! كلها بسبب تكتيكات معينة من مدربين محترفين ..

امتلاك الكرة لـ أكثر وقت ممكن يعتبر شيء جيد ومفيد للفريق لكن حتى وإن لم يحصل لي الامتلاك على الكورة اقدر افرض اسلوبي بـ طريقه ثانيه عندك اللعب المباشر واللي ينتهجه الريال حالياً هذا اسلوب جيد لكن فيه مشكلة عند اللاعبين انفسهم إن التطبيق ما يكون بالشكل الصحيح المدرب هنا وضع كل شيء امام اللاعبين وماعليك أنت ياللاعب الا انك تطبق . عاد هنا يظهر لي معدن اللاعب الجاهز من جميع النواحي . الريال ذا السنه مضطرب مافيه لاعب في الريال تقدر تقول انه جاهز من جميع النواحي كل لعيبتنا مضغوطين مدري ليه تحس انهم ملحوقين او مغصوبين على حاجات اكبر منهم وسبينا افراد الفريق فرداً فرداً اولهم كاسياس واخرهم كريس مرينا على كل اللاعبين وعطينا كل واحد حقه من التسفيل يعني هنا المشكلة ماهي في المدرب المشكلة في اللاعب نفسه والمدرب يتحمل جزء من توهان اللاعب في الملعب ولكن مانلقي اللوم كامل عليه بسبب اخطاء فردية من لاعب معين . الامور هذي تتصلح في الاعداد القادم للسنه الجايه وتلقى كل لاعب شرب تكتيك بلجريني زين ومخمخ عليه بالشكل السليم والكل يكون فاهم الثاني وش يبي منه بالظبط .
---

قفلة : -
حنا الحين نقول ان الريال ماجاب الارقام القياسية بجهده لان مافيه فريق في الدوري كفو .؟!
طيب برشلونة اللي نعتبره الافضل في العالم ماحقق نفس الارقام اللي حققناها ومع ذلك نشوفه قوي برى .!

فيديو من الاس

الدقيقة الـ 88 .. 2/2 ريال مدريد واوساسونا ..

لابورتا سعيد جدا ويكثر الضحك و يريد الاحتفال

الدقيقة 89 يتلقى خبر هدف كريستيانو رونالدو

ثم .. ينفجر بكلمات شوارع نعتذر عن البحث عن ترجمتها



http://www.as.com/futbol/video/reacc...asdasftb_9/Ves

^
^

ثقت الكبار يا كريم

^^

كبيـر يآلبنــز .. ننتظر آبدآعــك

إقتباس امتلاك الكرة لـ أكثر وقت ممكن يعتبر شيء جيد ومفيد للفريق لكن حتى وإن لم يحصل لي الامتلاك على الكورة اقدر افرض اسلوبي بـ طريقه ثانيه عندك اللعب المباشر واللي ينتهجه الريال حالياً هذا اسلوب جيد لكن فيه مشكلة عند اللاعبين انفسهم إن التطبيق ما يكون بالشكل الصحيح المدرب هنا وضع كل شيء امام اللاعبين وماعليك أنت ياللاعب الا انك تطبق . عاد هنا يظهر لي معدن اللاعب الجاهز من جميع النواحي . الريال ذا السنه مضطرب مافيه لاعب في الريال تقدر تقول انه جاهز من جميع النواحي كل لعيبتنا مضغوطين مدري ليه تحس انهم ملحوقين او مغصوبين على حاجات اكبر منهم وسبينا افراد الفريق فرداً فرداً اولهم كاسياس واخرهم كريس مرينا على كل اللاعبين وعطينا كل واحد حقه من التسفيل يعني هنا المشكلة ماهي في المدرب المشكلة في اللاعب نفسه والمدرب يتحمل جزء من توهان اللاعب في الملعب ولكن مانلقي اللوم كامل عليه بسبب اخطاء فردية من لاعب معين . الامور هذي تتصلح في الاعداد القادم للسنه الجايه وتلقى كل لاعب شرب تكتيك بلجريني زين ومخمخ عليه بالشكل السليم والكل يكون فاهم الثاني وش يبي منه بالظبط .

يعني الحين الفريق لاعب تقريباً 45 مباراة هذا الموسم ولم ينجح اللاعبين في تطبيق هذا التكتيك إلا في تقريباً 10 مباريات أو قول 15 مباراة لعب فيها بيلغريني والريال بشكل جيد ! طيب هذي مو مصيبة ؟ إنك مدرب ولا قادر توصل لحل لتطبيق تكتيك معين على لاعبي فريقك ؟

أنا مع الاستقرار ما أقولك لازم نقيل بيلغريني ! ولكن إن كان البديل مورينهو ؟ لا والله لعنبوه من استقرار الي مع بيلغريني بيلغريني ممكن يتحسن ويظهر في السنوات القادمة بريال مدريد قوي ولا يهزم ابداً ! ولكن في نفس الوقت ممكن يفشل ويستمر على ماهو عليه ! هنا انت تلعب على 50% نجاح 50% فشل أما إذا جبت مورينهو فإنت تلعب على 100% نجاح لأنه نجح مع بورتو في البرتغال ونجح مع تشيلسي في انجلترا ونجح مع انتر في ايطاليا وأعتقد أن الإيطالي + الإنجليزي + الأبطال مع البرتغالي مقياس حقيقي لمدرب قادر على النجاح في أي مكان حتى لو مع نادي النصر الي مستحيل ينجح معاه أي مدرب لأنه نادي المفروض يقفل ويعزل

على فكرة موسم كابيلو انا كنت معارض للأخبار الي قالت بأن مورينهو سيخلف كابيلو لإيماني بأن كابيلو انهى موسم بشكل جميل وكابيلو مدرب كبير له تاريخه وقادر على العودة بمدريد لمكانه المعهود بس حسبي الله على بابانويل بس الحين بعد الي شفته من مورينهو مع انتر انا أبيــــــــــــــــه لأن وصوله لنهائي دوري الأبطال مضمون مع أي فريق والدليل تشلسي وانتر وبورتو وأعتقد إنه المدرب الوحيد الي وصل لـ3 نهائيات أبطال مع 3 أندية مختلفة وان شاء الله انه بيوصل مع الرابع الي هو ريال مدريد

والي زاد رغبتي في قدومه إنه على قولته لفيجو : لا تقلق فأنا عدو البرسا الأول الآن ياخي تخيل مدربك بس بصورته ترتفع حرارة كاتلونيا

إقتباس قفلة : - حنا الحين نقول ان الريال ماجاب الارقام القياسية بجهده لان مافيه فريق في الدوري كفو .؟! طيب برشلونة اللي نعتبره الافضل في العالم ماحقق نفس الارقام اللي حققناها ومع ذلك نشوفه قوي برى

برشلونة حتى الآن متخلف عن عدد انتصاراتنا بـ انتصار واحد فقط وفرق بيننا في عدد الأهداف المسجلة 5 أهداف فقط ! وباعتقادي انه قادر قبل نهاية الدوري انه يتجاوزنا في عدد الأهداف وان شاء الله انه ماراح حتى يعادلنا في عدد الانتصارات يعني مافي بيننا اختلاف كبير ..

وفشلونا مدري برشلونا برى قوي لأنه يمتلك ميسي + اكزافي + المدرب الي عارف كيف يوظفهم ويوظف الباقيين في أماكن تخليهم يسيطرون على الملعب كامل .. بالإضافة إلى أنه يقابل أندية تخاف منه واللاعبين الي ضدهم دايم تحسهم يواجهون الموت والا اذا تبي الأشناب ؟ شوف روبين كازان الروسي كيف أدبهم وعذب حياتهم ذهاباً إياباً ليه ؟ لأن عندهم مدرب فاهم ولاعبين مايخافون ..

تحيتي .,,.

إقتباس يعني الحين الفريق لاعب تقريباً 45 مباراة هذا الموسم ولم ينجح اللاعبين في تطبيق هذا التكتيك إلا في تقريباً 10 مباريات أو قول 15 مباراة لعب فيها بيلغريني والريال بشكل جيد ! طيب هذي مو مصيبة ؟ إنك مدرب ولا قادر توصل لحل لتطبيق تكتيك معين على لاعبي فريقك ؟

حرام عليك

الريال كان في كثير من المباريات جيد عيبنا الوحيد كان في المباريات الكبيرة بـ استثناء مباراة الذهاب في الكامب نو الشيء ذا الكل متفق عليه , حنا نتكلم على إن بلجريني سيء في إدارة المباريات الكبيرة , المباريات الكبيرة اللي اخفقنا فيها فقط مع ان فيه مباريات مصيرية ابدع فيها الفريق وكان فيها تكتيك فني واضح من المدرب على سبيل المثال مباراة فالنسيا في المستايا ومباراة الريال في ملعب الاتلتيكو العدد ماهو 10 او 15 مثل ماقلت العدد اكثر من كذا وقابل انه يكون دبل اذا استمرينا على مانويل .

---

إقتباس أنا مع الاستقرار ما أقولك لازم نقيل بيلغريني ! ولكن إن كان البديل مورينهو ؟ لا والله لعنبوه من استقرار الي مع بيلغريني بيلغريني ممكن يتحسن ويظهر في السنوات القادمة بريال مدريد قوي ولا يهزم ابداً ! ولكن في نفس الوقت ممكن يفشل ويستمر على ماهو عليه ! هنا انت تلعب على 50% نجاح 50% فشل أما إذا جبت مورينهو فإنت تلعب على 100% نجاح لأنه نجح مع بورتو في البرتغال ونجح مع تشيلسي في انجلترا ونجح مع انتر في ايطاليا وأعتقد أن الإيطالي + الإنجليزي + الأبطال مع البرتغالي مقياس حقيقي لمدرب قادر على النجاح في أي مكان حتى لو مع نادي النصر الي مستحيل ينجح معاه أي مدرب لأنه نادي المفروض يقفل ويعزل

شوف انا عادي ممكن اتقبل قرار إقالة بلجريني لكن متى .؟! اذا كان المدرب البديل يكون قريب من تكتيك وتفكير بلجريني وبشرط انه يتفوق عليه في ادارة المباريات الكبيره ويكون عنده سي في ممتاز ويشفع له بحيث اننا اذا جاء نهاية الموسم مانسمع الاسطوانة المشروخة الا وهي ان المدرب اخفق في تخطي دور الـ 16 ولازم نقيله ونجيب مدرب جديد , الاستقرار ماهو بـ بقاء نفس المدرب عادي اقدر اقيل مدربي واواصل على نفس الاستقرار ببـقاء نفس اللاعبين وتدعيم بعض المراكز اللي اعاني فيها واجيب مدرب يقدر يكمل مسيرة المدرب السابق ويعالج اخطاءه ويطبق طريقة ممتازه جداً تكون مشابهه لـ طريقة لعب المدرب السابق عشان مايكون فيه معاناة وصعوبة في تطبيق تكتيكات مدرب جديد وبفكر جديد مثل فكر مورينهو لأن الكل متفق ان طريقة مورينهو تختلف مليون مره عن طريقة بلجريني لأن مورينهو يعتمد على القوة البدنية واللعب على اخطاء الخصم واهم شيء انه مايقبل اي هدف حتى لو ماسجل هو الا هدف واحد ينهي به المباراة وياخذ الثلاث نقاط . برشلونة كان مستقر بنفس الاسماء وكان مدربه ريكارد اقالوه وجابوا قوارديولا اللي يطبق نفس الخطة المعروفة عن برشلونة وظبط الفريق ودعمه باسماء جديدة وكأن شيء لم يحدث واستمر الفريق بـ استقراره وطريقة لعبه المعروفه عنه . هذا شيء حلو واتمنى اننا نسوية في حال توكيل مدرب جديد غير بلجريني . مع ان بلجريني وليده مايتعوض واعتقد اننا بنبكي عليه مثل مابكينا على شنايدر وروبين


يعطيك العافية ايها المخضرم

[CENTER]الرساله وصلتني من مصدر اثق فيه بشكل كبير جدا

واليكم نصها


Somebody gave me this good information: Mourinho's contract with Real
Madrid is ready since march.

interesting... no?

شخص ما اعطاني هذه المعلومه الجيده : عقد مورينيو مع الريال جاهز منذ مارس الماضي

انه امر مثير للاهتمام. الا تعتقد ذلك ؟


عدت وسأالنه مره اخرى هل المصدر الذي نقل لك المعلومه ذو ثقه فكان رده

2 different sources... and very credible.
Mou wants 3 players for real Madrid but I do not know the names yet.
I will tell you as soon as posible


انهما مصدران مختلفان وكلاهما موثوق
مورينيو يريد 3 لاعبين معه لكني لازلت لم اعرف اسمائهم وسأخبرك في اقرب وقت ممكن

زيدانandراؤول

خالد

تشوف معي ان الامور متطوره اكثر مما توقعنا

ودي اسئلك ..


وش تتوقع المراكز اللي طلبها مورينو في حال جاء للريال ..


,,


ختآمآ


والله اني مستحي منك كل شوي ناسخ ردك وناقله ..