معليش يالغالي أنت تشوف مباراة غير عن مباراتنا !؟ برشلونة متحكم بالمباراة تحكم كامل سيطرة للكرة .. يلعب بالرتم كيفما شاء ! هجماتهم المحققه لو سجلوها قد تصبح تاريخية ..! إكزافي يسرح و يمرح بالسانتياغو !
أما الريال حاول لكن بمحاولات خجولة ! و رعونة هيجوان كالعادة أمام الفرق الكبيرة
بعد ما هديت وقريت الكثير من الردود اعود لك اخوي
سالفة تحكم البرسا بالمباراة هذا موب شيء جديد ابد ابد عليهم وفريقهم انهزم العديد من
المرات وباستحواذ كبير وكبير جدا سواء هالموسم او الموسم اللي راح صراحة ما اذكر
مباراة لبرشلونة فاز او انهزم كان استحواذهم على الكرة فيه اقل من 60 في هالموسم
الا مباراة الامس
يعني ما نحكم على مباراة اي فريق قدام البرسا من خلال الاستحواذ وشيء جيد اننا طلعنا
باستحواذ 45 % لنا ولهم 55% بس !
واذكر احد مباريات الريال قدام فريق صغير من الليقا في الشهر اللي راح كانت افضلية الاستحواذ
للفريق الاخر على الرغم من اننا فزنا بفارق اكثر من هدفين على ما اظن !
قدام الارسنال الذهاب اللي انتهت 2-2 بالاساسي لارسنال بدون نقص في الوسط
والدفاع كان الاستحواذ 71 % لبرشلونة وبغو يفوزون 8 على الاقل .
اما هجماتهم ما جت الا بعد ما اضاع الفريق العديد من الفرص مثل هجمات الونزو
بالراس والتصويبه وعرضية مارسلو اللي ماكان فيها تفاهم مع رونالدو وتصويبة
رونالدو اللي بغاها كوبري على فالديس وانفرادة فارت وكورة هيجواين اللي قال
الشوالي شالت 30 حمامة !
بعد هالفرص دخل الفريق في مرحلة الشك والفتور للاسف وانضرب الدفاع 3 مرات
بعد ما نزل رتم الفريق من ناحية الضغط على البرسا وبدو يتابعون الهجمات من بعدالى
جاء هدف واحد من الثلاث واتكلم عن الشوط الثاني بالنسبة لهالفرص اللي للبرسا
والشوط الاول ما فيه اي فرصة تذكر للبارسا بالذات غير الهدف ولنا محاولات خجولة
تعتبر .
بعد كل هالكلام يعني الحظ كان ضدنا في فرص ولا انكر انه يعيب على فريقنا ما يستغل افضليته امام الكبار مثل ما حصل امام الميلان على ارضنا الين قلبوها علينا في
اخر ثلث ساعة وقدام ليون على ارضنا بعد ونفس الشيء قدام برشلونة مع ان الافضلية
كانت نسبية في رايي للريال والبرسا ما قدم شيء كبير في المباراة .
ويضل الحظ ضدنا قدام الكبار ويوم قلتها كنت اتكلم عن عدة مباريات منها مباراة الامس.
و لكن أليس برشلونه من أذل إنتر مورينهو !؟
سؤال هل مستوى الإنتر كان أفضل من ريال مدريد ؟ في الذهاب و حتى الإياب ؟
إذا كان التعادل في ارضك والهزيمة خارج ارضك إذلال فما بالك بالهزيمة رايح جاي ليون ( الفريق المتوسط )فعل بنا مافعله البرشا بـ الإنتر اللذي وصفته بـ ( الإذلال ) وقبلها فعل ميــلآن فعلته في البرنابيو! ومابين عجائب بيلي لا يمكن أن ننسى فضيحة القرن العشرين بالأربعة أكلناها من الكوركون! إنتر مورينهو في نصف النهائي و ريال بيلي لاناقة له ولا جمل والأرقام وحدها غير كافية بدون تحقيق الهدف الكبير!
لا أرغب بـ ( تحقيق رقم قياسي بـ الفوز بـ 15مباراة متتالية وبعدها خسارة 5 مباريات متتالية ) أرغب بـ ( 6 مباريات فوز ثم مباراة تعادل وبعدها 6 فوز وبعدها خسارة وتعثر وبعدها 6 فوز )
صحيح أنك لم تحقق رقم قياسي لكن ستكون الأقرب لـ تحقيق البطولة وهي الأهم .
مَلَكِيٌ مُخّلِصٌ معجب بـ قلمك واقرأ ردودك وأستمتع بها
يبقى الإختلاف في الرأي لايفسد لـ الود قضية
هاردلك الخساره الاليمه من البارسا
ويستاهلون الفوز رغم الفرص القليله
البرسا يعتمد على لاعبين اثنين هم شافي و ميسي
ميسي تمت مراقبته وتعطيله بنسبة 50%
اما شافي يلعب ويمرح كيفما شاء
افضل صانع العاب في العالم بدون رقابه فحصل ما حصل وميسي ماقصر
شافي في الموسم يمرر اكثر من 4000 تمريره كلها صحيحه !!!!!!!
هل انتم متخيلين معاي لاعب يمرر بهالكم من الكرات يترك بدون رقابه
لو كانت بيدي التشكيله اول شي اسويه فارت اوت
دخول محمد او لاس ومهمته فقط مراقبة شافي وليس له دخل بالمباراة الا مراقبة شافي ومنعه من التمرير
لو القول مفتوح مابيه يسدد تجاه القول &&& ابيه يترك الكوره ويروح يراقب شافي
بلقريني كان افضل مدرب واجه البارسا هذا الموسم
فينقرالداهيه اشاد و بصم بالعشر لغواديولا + مورينهو عجز يجاريه + فيرقسون استسلم له
غوارديولا سحر العالم بتشكيلته وتكتيكه
يعني اتحدى فريق بالعالم يقدر يمسك اللعب قدام البرسا
والله لو الجن تلعب كرة قدم ما يقدرون يستحوذون على المباراة
اقولها بالفم المليان &&& اذا كان البديل بينيتيز او كابيلو فانا ارحب باقالة بلقريني
غير كذا بلقريني مستمر موسم ثاني وثالث بعد تدعيم الفريق بلاعبين جدد
نعم بلقريني قدر يلخبط اوراق البرسا في اول 25 دقيقه
ياجماعه اول مره اشوف البرسا يخطي في التمرير وضايع في النص
والريال هو اللى مندفع هجوميا وكان اخطر لولا تالق دفاعه وحارسه
وتوهان كلا من فارت و هيقوين في الامام
رونالدو يابعد روحي والله تحسه انتزع الروح اللى عند كاسياس وراؤول وغوتي جميعهم
لاعب حماسي يلعب بروح وكأنه مولود في الريال
بلقريني للاسف الكل نسى ما فعله
الكل نسى عقدة الريازور الازليه ** منذ 20 سنه لم يفز الريال هناك وقدر يفك العقدة
غيره ماقدر بوجود زيدان وغيره
المدرب واي مدرب واي بشر يصير عنده اخطاْ وهذا وارد في كرة القدم
بيب غوارديولا الذي الجم اوروبا بتكتيكه الرائع اخطأ امام ارسنال في الذهاب وكاد فينقر يقلب المباراة عليه
انك تخطي مو عيب && لكن انك ماتعدل خطأك هذا هو العيب
الريال لايملك افضل الالعبين في العالم
بل يملك لاعبين عاديين جدا بس معهم نجم واحد او نجمين بالكثير فقط
نعم 250 مليون صرفت لكن ممكن 3 صفقات هي اللى صح اما البقيه مال امها داعي
يعني لو ماشريتهم كان افضل وماخسرت الملايين && او دافع مبالغهم في ظهير او قلوب دفاع كان اصرف لك يا بيريز
بلقريني لازم يستمر
الا اذا انتم تبون حيا الله مدرب فهذا شي ثاني
لانه مافيه مدربين كبار حاليا يقبلون يدربون الريال
كابيلو مع منتخب انجلترا ولسى جديد
فينقر يرفض وبشدة تدخلات رئاسة الريال بشؤون المدربين
بينتيز اعتقد هو الاقرب لكن الليفر نادي كبير وااتوقع انه الموسم الجاي راح يعدل اخطاء الموسم هذا معهم
هيدينك الظاهر انه وقع مع منتخب مادري او نادي جديد يعني ماراح يفسخ العقد وامامه تجربه جديده
خلاص من بقى
مورينهو يعشق التحدي&& اذا ماجب بطولة الموسم هذا فمستحيل يطلع من الانتر الا لما يحقق معهم شي
حتى في اول الموسم سحب علينا وراح وقع للانتر هههههههاي
وكلكم عارفين شروط مورينهو الخمسه عشان يصير مدرب الريال
والله بلقريني مش بطال بس عطونا استقرار شوي + شراء لاعبين بتوصيه منه شخصيا
وياليت بيريز مايسوي فيها فاهم بالكوره ويحدد اللاعب اللى بيجي للريال
يعني والله قمة السخافه ان تجد رجل مقاولات وعقار ويدس راسه في كرة القدم
ولا بعد يتدخل بشؤون المدرب على باله فاهم الكوره
اول ما جاء قعد ينظف الريال على كيفه اللاعب هذا لازم يباع واللاعب هذا يجلس
بغض النظر عن المستوى اهم شي عنده المردود المادي
لانه رجل اعمال ناجح && لكن دجاجه في كرة القدم
الا يكفي فشلك وقضائك على الروح الرياضيه في الريال وتحويلها الى ماده واقتصاد في رئاستك السابقه
والحين مبلشنا في ريبري خخخخخخخخخخخخخخخخخخخ
والله لو اسأله اقول باي قدم يلعب ريبري يمين ولا شمال انه فلا يدري
الحاجه الوحيده اللى يعرفها هو تألق ريبري في كأس العالم 2006 بجوار زيدان
وانه لاعب يجيب اهداف فقط
بلقريني خيار اكثر من رائع
اذا فرضنا انه في الصيف القادم
رجوع كاكا هذا اولا
قلب دفاع صلب ليلعب بجوار بيبي وترك البيول وجاراي احتياط
ظهير ايسر من طينة كليتشي و فارقاس او تايو مع تواجد اربيلو كبديل للظهير الايسر والايمن
المحاور فيه اللى يكفيه
بس شوية جرعه معنويه من المدرب للاس ومحمد وبيكونون توب
جناح اخر مثل نافاس او سيلفا او ريبري
بالاضافه الى مهاجم فعال يربك ويزعزع الخصم
مو مثل الطعس اللى اثبت بما لا يدع مجالا للشك انه غير كفء ليكون هجوم الملكي
شفتوا غوارديولا كيف عرف يوقف مفتاح اللعب في الريال رونالدو
حاس اوم التشكيله بس عشان يوقف الاطراف عندنا
ومخلي بويول مراقبة لصيقة مع رونالدو يمين ولا شمال
كيف لو عندنا جناج ثاني غير رونالدو ؟؟؟ومهاجم مثل فيا او روني او توريس
خخخخخخخخخخخ بيتوه غواردويلا مين يمسك رونالدو ولا الجناح الثاني ولا المهاجم ولا القدامين من الخلف
على العموم مادوي اطيل اكثر من كذا
لكن مدرب كبير حامض على بوزكم ماراح يجي احد
خلوكم على مجنونكم لا يجيكم اللى اجن منه
قريت كلام كثييييير وردوك كثييييييييره ..
تقريباً كل الردود المعارضه لبيلقريني يقولون فريقنا يملك افضل لاعبي العالم .. وشلون افضل لاعبي العالم ؟ ما ادري ..
اربيلوا ، قاراي ، البويول ، قرانيرو ، قرانيرو .. هذولا افضل لاعبي العالم ؟
كلهم زلايب ما عدا اربيلوا وقاقو .. وحتى اربيلوا وقاقو ما يوصلون انهم يصيرون الافضل بالعالم ..
اوكي ناقشني وقل بيلقريني ما اعجبك .. وقل ان البلا ببلقريني مو البلا بالاستقرار ..
بس تلعب ع مخي وتقول افضل فريق بالعالم .. صعبه شوي .. خصوصاً لا شفت دفاعنا ..
عن نفسي لما قلت أفضل لاعبين في العالم قصدت رونالدو وبينزيما وكاكا وألونسو وراموس وكاسياس ولاس وهيجواين وجوتي .. ماقصدت الـ 4 أو 5 لاعبين الي عددتهم !
لما نقول برشلونة أفضل فريق في العالم حالياً لأنه يمتلك أفضل لاعبين في العالم لا يعني بأن فالديس وماكسويل وبيكيه وبوسكيتس وبويان وبيدرو أفضل لاعبي العالم ! وانما القصد بأن ميسي واكسافي وابرا وبويول وآلفيس وانييستا من أفضل لاعبي العالم ..
واعذرني لما أقولك إن بايرن ميونيخ أخرج فيرونتينا من دور الـ16 ومانشستر من دور الـ8 وهو نادٍ تكمن قوته في روبين وريبري ولام .. فريق مافيه دفاع زي العالم وحارسهم الله بالخير ومع كذا أخرجوا مانشستر من الأبطال ! لا تقولي حظ ! ولا تقولي أقوى فريق في العالم !! ولكن عندهم مدرب يعرف يقرأ المباراة صح ويعرف يخلي فريقه يلعب بتكتيك ويحشر مانشستر في الأولد ترافورد شوط كامل في ملعبهم ويضغط عليهم !
تقولون أصبر على مانوييل ! لو أنه مدرب في سجله تاريخ يساعد على الصبر كان قلت مو مشكلة أصبر عليه .. ولكنه مدرب أفضل مافي سجله التاريخي = دور الـ8 في الأبطال + ثاني الدوري الإسباني + إخراج ريكلمي من فياريال !!!!!
أنا أتابع ريال مدريد من اكثر من 13 سنة والحين لي 8 سنوات صابر عن دوري الأبطال ! تبوني أصبر أكثر ؟ إلى متى أصبر ! قرأت رد لأحد الأعضاء بالأمس ( المعذرة نسيت مين صاحب الرد ولا فيني أرجع أدور ) قال بأن مانشستر صبر على فيرجسون 4 سنوات أو 5 ! يعني بالله عليك لي 8 سنوات صابر وتبيني أصبر 4 سنوات زيادة ؟ لا والله ان يطق فيني عرق
وبعدين أرجوكم لا تقارنون فيرجسون بـبلغريني ! لما ينجح فيرغسون بعد صبر سنين من جمهور المان يو هذا مو معناه ان مانوييل لو صبرنا عليه بينجح ! هذا أرسنال صابر على فينجر منذو مبطي وللأسف في كل سنة فينجر يخيب ظنهم !
احنا ريال مدريد ! احنا أصحاب الـ9 تشامبيونز ! احنا الي متعطشين للعاشرة !! لا تقولونلي اصبر ! ابي الحل اليوم ! أبي مدرب كبير له تاريخ رائع لأن عندي لاعبين من الدرجة الأولى ولهم تاريخ رائع ويحتاجون إلى الشخص المناسب لتوجيههم !
بالنسبة للي يقولون برشلونة أقوى فريق في العالم حالياً .. ما قلنا شي عالعين والراس .. ولكن دائماً مباريات الديربي والكلاسيكو لا تخضع للمقاييس ولا تعرف أقوى وأضعف فريق في العالم .. واسألوا عشاق برشلونة عن إسبانيول ! الفريق الذي يخسر من بيلباو بالـ4 ومن خيخون بالـ3 ومن سرقسطة بالـ2 ! إلى ماذا يتحول عندما يقابل برشلونة !!!! يصبح فريق مغاير ودائماً مايهزم أو يتعادل مع البرسا أو يفوز البرسا بصعوبة وبشق الأنفس .. لماذا ؟ لأنها مباراة ديربي لا تخضع للمقاييس ولا تعرف أقوى وأضعف فريق في العالم ..
الكل قبل المباراة كان يعلم أن البرسا أقوى فريق في العالم ولكن الكل كان متحمس لأنها مباراة كلاسيكو لا تخضع للمقاييس ولا تعرف أقوى وأضعف فريق في العالم ..
برشلونة الحين يمر بأفضل فترة قد يعيشها اي فريق كان , مااتكلم عن الموسم هذا بالذات , من الموسم السابق او نهاية اللي قبله , الفريق مستقر جداً , يملك فلسفة معينة في طريقة اللعب والتكتيك , اللاعبين متشربين الطريقة وحافظينها , بدون أي توجيهات ..تلقى اللاعبين عارفين اماكنهم , انتشارهم , كل تصرفاتهم . وفوق كذا عندهم مدرب من ربعهم , عارف الطريقة وفاهمها , وهذا اللي ساعده بانه يقود هالمجموعة الكبيرة اللي عنده والعكس صحيح , بحيث وجود بويول , الفيس , تشافي , ميسي او حتى بيدرو اللي يعتبر من اللاماسيا وملقّن تلقيّن كامل وحافظ طريقة لعب برشلونة من قبل لايصعّد للفريق الاول مو استنقاص من بيب , لكن لو تجيب داسيلفا مدرب النصر كـ مدرب لبرشلونة , تبي تشوف طقطقة ومتعة واكتساح , لان اللاعبين ماشين على خطى معينة مااحد قدر يكسرها من المدربين الآخرين الى الحين .. واللي يسويه بيب مجرد لمسات تعطي طعم للعب برشلونة وتخليه ألذ بلاش التمجيد الفاضي لفريقنا واننا الكويسين والفريق اللي جايب 9 ابطال , و31 ليقا , وديستيفانو وبوشكاش وطقتهم والتاريخ ومدري ايش تاريخي وش نفعي فيه ؟ , لقمت 6 بأرضي وبين جماهيري , لقمت الحين 2 مع الرأفة , وبأقل مجهود من برشلونة , ولي 5 مدري 6 سنين اطلع من روما وليون وغيرهم من دور الـ 16 الى درجة اني نزلت تصنيف ثاني والله يستر لاننزل تصنيف ثالث
الفريق بشكل كامل يبي له عدة شغلات عشان ينجح من وجهة نظري
كـ مدرب , انا اشوف بلقريني جيد ويصل لدرجة ممتاز بشكل عام , صحيح انه خذلنا في أهم المباريات , لكن برضو مانحمله فوق طاقته , الفريق مفتقد 2 من اهم عناصره , وهي اللي فرقت معانا في مباراة البارح مثلا " كاكا , بيبي " مااقول انهم هم سبب الهزيمة , لكن للأسف البديل مثلا لبيبي ماهو في قيمة اللاعب الأساسي للأسف , وكاكا كلنا نعرف قيمته وكيف كان التركيز بشكل كامل البارح على كريس واللي مايعدي من الفيس الا ويلقى بويول واذا عداه لقى بيكيه قدامه !! لو تواجد كاكا البارح كان اعطى خيارات عديدة للمدرب اعتب عليه في بعض التغييرات , عدم قراءة المباراة بشكل سليم في بعض الاحيان لكن بشكل كامل , مدرب كبير وقدير وممتع
الدفاع : من متى وحنا نقول ونصيح ونصايح الدفاع يبي له قائد , مش بيبي ولاراموس ولاغيرهم يبي له من طقة بويول , نيستا , تيري بيكيه يعتبر من افضل مدافعين العالم بالنسبة للكثير الا انا , انا مااقتنعت فيه لكن وجوده بجنب مدافع قائد زي بويول خلاه مميز تخيل ألبيول او حتى بيبي جنب تيري , نيستا , او حتى فريديناند لاعب يعرف يقود خط دفاعه , يكون مدربهم جوات الملعب , يقودهم لتطبيق مصيدة التسلل , يوجههم , يحمسهم , يهاوشهم على اخطائهم البارح الأهداف كلها جت بتطبيق غلط لمصيدة التسلل من الدفاع خصوصاً الهدف الثاني لو كان عندنا احد ينظّم هالخط , ماشفنا ع الاقل هدف بيدرو
بإستثناء انو يكون عندهم لاعب إستثنائي زي تشافي البرشا , هذا شي آخر يكسر ظهور مو عاد مصايد تسلل
غير اننا نحتاج ظهير ايسر بطل وعليه العلم والكلام , ملينا من مارسيلو , ودرينثي اللي مصاب له اكثر من 600 يوم هههه صدق وش قصته هالخال؟ وترقيع أربيلوا في اليسار اللي يصير كويس دفاعياً ويموت هجوميا وحنا مرات كثير نحتاج مساندة الأظهرة في الهجوم في كثير من الخطط التكتيكة
المحاور , بطله , ولايبي لها لاتعديل ولاشي , ابداً بس يبي لها شوي تغيير قناعات لبلقريني يبي احد يعطيه سي دي فيه مباريات المنتخب الأسباني ويخليه يشوف تشابي الونسو لما يكون محور هجومي ايش يسوي .. ويخليه يثمل على الطرب اللي يسويه اوكي انا فاهم ان بيلي يبي تشابي هو اللي يبدأ الهجمة نظراً لان عنده نظرة اوسع للملعب من قاقو او حتى الديارتين , بس لما يكون عندك لاعب يؤدي بشكل افضل في المحور الهجومي , ليش تكبحه؟ , ليش تضيع على فريقك ثروة زي كذا ؟ ديارا الكبير شي مو طبيعي دفاعياً , مايمنع يلعب هو وتشابي مع بعض , هنا بتكون أمنت دفاعياً وصار عندك قوة اضافية في التمويل للوسط والهجوم صدق هاللاعب ثروة كبيرة بس يبي لها احد يعرف يستفيد منها صح
الوسط : كلام كبير عليه , كاكا خذلنا وخذل العالم كله , مش هذا كاكا ابداً بغض النظر عن اصاباته , لكن حتى الآن ماشفت منه مباراة تقول ايه يسوى 64 مليون فارت في المباريات القليلة اللي شارك فيها , اشوفه قدم أكثر بكثير من كاكا قوتي , شي طبيعي بيطلع مع اني اشوفه افضل بديل في العالم لما يكون مروّق الكلب مارسيلو كويس , صح انه يجي منه بعض الدباشة هو وشعره اليابس , بس مع ذلك يسوي اضافه هجومية بطلة ولابأس فيها دفاعياً نحتاج لاعب يعرف يتحكم برتم المباراة , يهدي لما تحتاج تهدي , يسرّع لما تحتاج السرعة , ومااشوف لاعب في العالم يطربّني ويمتّعني لما تكون الكورة بين رجليه زي 3 لاعبين .. اثنين بعد عن اشنابنا نجيبهم " تشافي هرنانديز , انييستا" الثالث اتوقع انه ماراح يجلس في فريقه " سيسك فابريقاس " لبى خشيشته , يسوى ميتين ريبري و13 سيلفا , بس يجي
لااحد يكلمني بقرانيرو الزلابة
الهجوم :
هنا الكلام كله عليه كريس مايختلف عليه اثنين مهابيل , عاد كيف اثنين عقّال راؤول هيجواين .. هذا المصيبة الكبرى كأرقام الظاهر انه افضل مهاجم في اوروبا بالنسبة لدقايق اللي لعبها والأهداف اللي سجلها بس بمين ؟ , خيريز , خيخون , ملقا والطقه ذي وينه له موسمين في المباريات الكبيرة واللي نحتاجه فيها ؟ ينكتم كتمة بّس , ولاعاد يصير له كلمه , ويضيع لما تجيه فرصة وحدة قدام فريق كبير , وهنا عامل الخبرة يسوي سواته اوكي لاعب موهبة , يتطور , بيصير من افضل مهاجمين العالم لكن مهوب الحين , يمكن بعد 3 سنوات او حواليها , لكن الحين لا روني , فيا , دروغبا هذولا المهاجمين اللي فعلاً تقول عنهم سوبر ستار , وكلنا نذكر وش سوى روني في السانسيرو وكلنا نعرف فيا ودروغبا ومايحتاج نتكلم عنهم لكن وين هيجوين في المباريات اللي نحتاجه فيها البارح جاته كوره قدام الباب ولحقّها كورة برناوي !! قدام فرق كبيرة زي برشلونة وغيره , مو كل الكور بتجيك زي كذا , فرصة وحدة وبس , تسجل تفتح المجال لنفسك ولفريقك انك تسجل اكثر او حتى تقمط وتفوز لكن تضيّع ؟ , تضيّع ثقة فريقك فيك وتضيع مجهوداتهم وثقتهم بأنفسهم هم , شخصاً مااعتمد عليه كـ سوبر نقدر نحط امال الفريق عليه بنزيما , مااخذ الثقة كاملة وأول موسم له في دوري جديد واعلام وصحافة حقيرة بنت كلب , ماتقدر تحكم عليه ابداً , تعطيه موسم ثاني , وتحكم بعدها , لكن لو خيروني بقول عطوه فينقر لأنه يبي له مهاجم غير البعير بندتر مدري وش اسم امه , وداقشوه بسيسك وافرقوا السعر < وين يالاخو بحراج الشفاء انت ؟
بس الأهم من كل العناصر والخطوط , الإستقرار
بداية الصيف مهم جداً يجتمع زيزو , فالدانو, بيريز , وبلقريني لو قرروا انه يبقى ويؤخذ راي بلقريني باللاعبين اللي يحتاجهم واللي مايبيهم ووش المناطق اللي يحتاجها وبالضبط مين اللاعبين اللي يبيهم انت عشان تنجز شغلة معيّنة , يبي لك عدة ادوات انت محددها عشان تقوم بالشغل اللي انت تبيه وتقدر تنجز اللي انت تبيه احتياجاتك لازم توفرها , بعدين تبدأ مشروعك اللي انت راسمه في مخك
لذلك لازم يعطى بلقريني الثقة كاملة أولاً , والصبر عليه ثانياً , والدعم من الإدارة ثالثاً , ثم يختار اللعبية اللي يبيهم ويطرد اللي مايبيهم بغض النظر عن رغبات الجماهير او الأس او الماركا لأن أهم شي نحتاجه احنا الإستقرار قبل كل شي ثم من المهم اننا مانستعجل النتايج , اوكي هالسنة احتمال كبير نطلع بلوشّي السنة الجاية مهم جداً اننا نكون رقم قوي في التشامبيونز ونوصل الثمانية او حتى الأربعة ونطلع مو مشكلة لو حتى مانفوز الا بالليقا السنة الجاية أو حتى الكأس اللي كرشنا منه الكركون بأربعه بتكون كافية جداً في السنة الثالثة بيكون الفريق عرف مدربه , عرف طريقه مدربه ومخه , اللاعبين عرفوا طريقه لعب زملاهم , تفاهموا اكثر مع بعضهم , في ذاك الوقت تبي تقدر تكوّش على البطولات اللي تلعب فيها بشكل كامل وتمتع وتستمتع
بس لازم الإلتزام بالصبر < تذكرت الإلتزام بالاخلاق السعودية ههههههه
شباب خلونا نقاش بعض الأشياء الي في خاطري ,, مادام الـيقا
شبه راحت علينا ..
هل تتوقع ذهاب بيلي ..؟ اذا لم يحصل الريال على الليقا . واذا حصل على اليقا هل تتوقع بقاءه ..!!
ومن تتوقع أن يأتي لريال ..؟
مورينهو , بينيتز, انشيلوتي , كابيلو , سكولاري
ريكاردو كاكا في مستوى من جرف لدحديره ..!!
هل تتوقع السبب هو مكانه في الفريق كاكا يلعب مع البرازيل وسط يشق لك الوسط شق ,, ومع الريال جناح ..!! لو تغير مكان كاكا مع الريال هل تتوقع يرجع كاكا 2007 ..
تعريف الفشل لدى الأغلبية : أن تكون خلف برشلونة !
كم جلبت نقطة , ماذا قدمت من مستوى , ما الذي تحسن تحت يديك ؟!
كلها باتت أسئلة ثانويه , أنت خلف برشلونة أنت فاشل ..
لا أعتقد مجرد أمرين للإعتراف ., الأولى صفة تاريخية في برشلونه
و هي الظهور الملفت لـ موسمين أو ثلاثه ثم الترنح عقد من الزمن !!
و يختلف الريال في أنه صاحب حضور غير ملفت و لكن أقرب للإستمراريه
و الأرقام دليل ملجم على هذه النقطة .,
و الثانيه واقع نعيشه , هذه أفضل فتره في تاريخ برشلونه
و هو أفضل فريق في العالم حالياً .. و لا أحد شكك أو يشكك في هذا
بللغريني صاحب الحظ السيء و خواندي راموس معه ,
جاءوا في وقت لا يخدمهم .. و حاول كل منهما بـ قدر إستطاعته
فشل الإثنين في التفوق على أقوى فريق أوربي و فريق كبير يمر بأفضل فتره في تاريخه
العقلاء قد يُعدون هذا منطقياً في كرة القدم ,
بينما من يريد ربح كل شيء و السيطره على كل شيء
أصبح يدور حول نفسه و يبحث عن شماعه ,
لا أستطيع أن أختزل كل الأسباب و أقول برشلونه يمر بأفضل حال
فالكل يخطيء و بللغريني أخطأ و أخطأ ..
و لكن أليس برشلونه من أذل إنتر مورينهو !؟
سؤال هل مستوى الإنتر كان أفضل من ريال مدريد ؟ في الذهاب و حتى الإياب ؟
أليس برشلونه من إنتزع لكأس من فيرغسون و لم يقدم المانيو أكثر مما قدمه مدريد بلغريني
و في لقاء حاسم و مفصلي هو الأهم بعد نهائي كأس العالم ؟
أليس برشلونه من عاث بـ فينغر و ابنائه فساداً ؟
كل هذا يجعل قوة برشلونه عامل قوي جداً في عجز مدريد عن الفوز أمس
و العجز تولد منه كره و غضب لـ و على بللغريني !
أنا كـ متابع لـ كرة القدم فـ أفضل مدرب جارى برشلونه في هذه
الفتره الإستثنائية هو بللغريني , و كان الفوز وارد ذهاباً و التعادل إياباً
و على الجميع الإنتباه أنني لم أقل بللغريني لم يخطيء .,
لم تبشر بداياتهم بـ خير البته !
الصبر هو من أتى بـ البشارة ., و لم يترنح بللغريني كـ هؤلاء
بل حاول و نافس أقوى فريق في العالم الآن و كان منافساً قوياً !
و حطم أرقاماً ما كانت لـ تتحطم عديد سنين !
و فعل الشيء الكثير , و فشل سنه لا يحرمه بـ نظري حقه
و لا يسلبه حوائجة ,
عبدالإله
اخي الفاضل انت الآن حطيت حيلك في الدفاع عن المدرب وأنه معذور لأنه قابل أفضل فريق في العالم ،، وجلست تبحث عن أعذار يمين ويسار يكفي أنه استطاع أن يجمع نقاط ويقف خلف أفضل فريق في العالم ،، وأن هذا الفريق دك خشوم أعظم الفرق ،،
طيب خلي الأعذار اللي ذكرت على جنب شوي
طيب ياعزيزي ممكن تدور لي أعذار تشفع للمدرب خروجه من كأس أسبانيا أمام فريق كورن فليكس برباعية تاريخية
،، ممكن تبحث لي عن أعذار تشفع للمدرب خروجه المخزييييييي في أرضه وهو متقدم بهدف في دوري الأبطال ،،،
ممكن تبحث لي أعذار تشفع للمدرب عن سبب تردي نتائج الفريق في الدور الأول ودوري الأبطال وتحديداً بعد إصابة كريس أمام مرسيليا وغيابة لمدة شهر من بعدها الفريق لعب 5 مباريات ما فاز إلا في مباراة ،، خسر أما اشبيليه وتعادل مع خيخون في الدوري ، وخسر من ميلان وعلى أرضه وتعادل في الذهاب ،، وكل هذه المباريات كانت بغياب النجم البرتغالي ،، وكأن لسان حال بيليغريني يقول كريس هو طوق نجاتي ، بدونه أنا لا شيئ ،،
وخلينا نرجع ورى شوي ونعلق على بعض النقاط اللي ذكرت ،، انت ذكرت
((كم جلبت نقطة , ماذا قدمت من مستوى , ما الذي تحسن تحت يديك ؟!
كلها باتت أسئلة ثانويه , أنت خلف برشلونة أنت فاشل ))
طيب يا عزيزي لماذا أهملت مستويات الفرق التي خلف الريال ،، اشبيليه وفالنسيا وفياريال وأتليتكو مدريد ،، كل هذه الفرق يعتبر هذا الموسم أسوأ مواسمها ،، فطبيعي أن لا نجد منافس للمتصدر ووالوصيف وطبيعي أن لا يجاري البرشا سوى الملكي.
،،
بعدين شغلة بسيطة يوم ذكرت أن البرشا أذل انتر مورينهو ،، ياأخي الفاضل وش جاب لجاب ،، تقارن الأسماء اللي في الإنتر بالأسماء الشابة اللي في الملكي ،، لاعبي الإنتر أغلبهم شلة عواجيز فوق الثلاثين وشلون بيجارون نجوم كاتالونيا ،، والشيئ الآخر قدام الأرسينال ،، الظروف كلها كانت في صالح البرشا بسبب الإصابات والغيابات لفريق المدفعجية وهذا لا ينكره عاقل.
وآخر تعليق على اللي ذكرت وهو ((و حطم أرقاماً ما كانت لـ تتحطم عديد سنين !
و فعل الشيء الكثير , و فشل سنه لا يحرمه بـ نظري حقه و لا يسلبه حوائجة)).
أي أرقام اللي حطمها ؟؟ على فكرة الملكي بطل الدوري 2007 و 2008 ،،،
وتقول فعل الشيئ الكثير؟؟ بالله عليك ياأخي عبدالإله وش فعل المدرب ،، خروج مخزي من فريق الدرجة الرابعة وبرباعية تاريخية ،، وهذا الفريق تم إقصاؤه من راسينغ سانتاندير صاحب المركز 15 في المقابلة التي تليها،،،
أيضا تأتيك فرصة تاريخية وتلعب النهائي على أرضك وبين جمهورك في دوري الأبطال وتضيع هذه الفرصة وعلى أرضك أيضاً أمام ليون وتعجز في الحفاظ على مرماك لمدة 90 دقيقة ،، هذا مدرب بالله عليك يعجز أن يضع تكتيك يخرج فيه على الأقل بتعادل
ياعزيزي اختلاف الرأي لا يفسد للود قضية ولكن رأيي الخاص ،، بيليغريني ليس المدرب الذي يصنع الفارق للملكي ودائما ما يفشل في التكتيك في المباريات الحسم ،، هذه حقيقة يجب أن نؤمن بها
بعد الدوري ! ..
مانويل بيلجريني خارج النادي .. وبديله سيكون " سكولاري , كابيلو , مورينهو , انشيلوتي , بينيتز " !
الاسماء المرشحه لخلافته يتفقون في شيئ واحد " جميعهم قادرين على الفوز " !
>> ودي آضحك
, ميسي او حتى بيدرو اللي يعتبر من اللاماسيا وملقّن تلقيّن كامل وحافظ طريقة لعب برشلونة من قبل لايصعّد للفريق الاول 
الوضع العادي
