|
يالمبتعثين وياللي موب مبتعثين عادي ترى الموضوع فلللللللللله لأني فاضي !!! Ladieeeeeeeeeeeeeeeees and gentlemennnnnnnnnnnnnn مساااااااااااااكم الله بالخير ان كانكم ممسين .. وصبحكم بالخير كانكم مصبحين والله تراني ما كتبت هالموضوع الا من زود الفراغ اللي مقطع جنوبي بس مرة من المرارير وانا طالع مع خويي لمدينة تبعد عنا 8 ساعات تقريبا والمدينة هذي أسوأ وأسخف مدينة في أمريكا الا وهي ديترويت طبعا انا أدرس في ولاية ويسكانسن في أمريكا الله لا يبلاكم ويرحم موتانا وجميع موتي المسلمين المهم وحنا ماسكين الخط وطلعنا من ولاية ويسكانسن الى ايلينوي الى انديانا الى ميتشقن التي تحتضن المدينة الميتة ديترويت وكانت السرعه المسموحة 70 ميل في الساعه يعني تقريبا 115 كيلو بالساعه ومشغل سي دي يحوي اغاني منوعة ما بين محمد عبده وميادة الحناوي اذا بغيت الطرب وأحيانا أغير الجو وأسمع مزعل فرحان <=== علييييييييييييييييييييك جوووووووووووو وأحيانا ابو نايف وفارس مهدي وعبادي وجميع المغنين من كل بقاع الدنيا المهم ارجع للسالفة << ؟؟؟؟؟؟؟؟ وانا ماسك المسار الايسر وامشي 70 ميل شوي الا والسفتي يشتغل والدورية تلحم في صدام موتري وقال لي بالمايك Camry owner, pull over، يعني اصفط على جنب يا راعي الكامري دقيقة بالله خلوني اشرح لكم الوضع في تلك اللحظة كان خويي منسدح وراء ونايم .. وانا فصخت التي شيرت من الحررررر .. والكامري سوداء ومضللة بعد وانا اللي اصفط ما دريت الا جايني الشرطي يقول لي ورااااااك الحين ماسك الخط الايسر هاااااااااه ؟؟ وانا اللي انلخم قلت طيب وش فيها ؟؟ قال ممنوع في ولايتنا تمسك الخط الايسر الا اذا كنت تبي تسقط ومير شاف خويي منسدح .. قال لي انزل يوم نزلت خذ رخصتي وقال لي اقعد على العشب اللي جنب الخط وباعد ما بين قدميك يا أخ العرب << مسوي مسلسل خالد بن الوليد راح الرجال يشيك على رخصتي في سيارته .. شوي وهو جايني قال معك مخدرات ؟؟؟ .. قلت لا وش مخدراته .. لا يسمعك ماي فاذر بس قلت طيب معك سلاح؟؟ قلت لا ياخوي انا سعودي .. لو اشيل معي نبيطه كان قلتوا ارهابي صاحي انت << طبعا ابطي عظم اقول له هالكلام ولكن هذا ما كان يجول في خاطري ويدغدغ فلسفة مخيلتي << اوخص قال أجل خويك وش سالفته ؟؟ وانا اللي اضحك .. قال وش فيك .. قلت هذا ما نام زين في الديرة .. ويوم مسكنا الخط نام كما هي العادة طبعا المهم قاعد لي روح هناك يابني وارتزع على العشب حتى أرى ما أنا فاعل بكما .. قلت حسنا يا أيها الحاجب << هذا اللي ما ينترك مع مسلسلات تاريخية المهم واشوف انواع السيارات اللي تشطفنا .. واللي معهم بزارينهم وقاعدين يشوفوني على هالزرع ووضعي مزري وواحد من اللي مروا بسياراتهم يقول لعياله شفتوا .. ترى اي واحد يسوي جريمة يصير مثل هذا .. ويسر باصبعه علي المهم ان الشرطي راح لخويي وصحاه ونزله من السيارة .. والين خويي تارك نعاله تكرمون قدام وهو منسدح ورا .. ومير ان الوضع صار ازفت جا الشرطي قال عادي افتش السيارة .. قلت there is nothing except your property يعني ما به الا حلالك << لا يكثر بس ومير الرجال طلب دعم .. وجت دوريتين معه وحده فورد والثانية يوكون .. وخوووووووووووووووذ لك تفتيش يوم خلصوا جانا الشرطي يقول خلاص روحوا قلت بس؟؟ خلصنا ؟ .. قال ايه .. قلت أكيد؟؟ .. قال ايييييييييييييييييييييييييييييييييييييييييييييييييييييه << مشكلتي عله قلت أجل بيض الله وجيهكم والعذر والسموحه ان كاننا عنيناكم والا شي << يا زينك ساكت قال لا عادي بس لا عاد اشوفك موطوط على المسار الايسر الا كانك بتسقط قمت غمزت له وقلت you have nothing else a boy who is reading يعني ما لك الا ولد يقرا .... ......................... والله يا ان السالفة طااااااااااااالت بس قسم قسمات انه من الفراغ الذي يخالج شعوري ويثقل كاهلي يأحمال واهية تنفض اطراف جسدي كلما عانق ستار نومه وتقلق عيناي كلما ذهبت اسيرة لـ اللاوعي << اذا فهمتوا تكفون اشرحوا لي والى لقاء آخر مع فراغ آخر بحضور ثقالة دم أخرى(اتعب على اللون الموف أناااااااااااا) |
هههههههههههههههههههههههههههه ,, والله جآني الضحكـ ,,, المهم بالتوفيق لكـ و للجميع ,, :) |
هههههههههههههههههههههههههههههه الله يعينكم |
هههههههههههههههههههههه الله يعينك أخوي أبو عقيل ترى والله كلنا بالهو سوا يعني هذي الغربة وبلاويها بس لا تنسى لا تحسبن المجد تمرا أنت آكله لن تبلغ المجد حتى تلعق الصبرا << علقه في الغرفة بتاعتك ثااااااااااانكس ع القصة الروعة >>>> وردة |
تستاهل يابو فهد من قالك ماتاخذن معك. بس خل عنك انت وابو حميد مريتوا بمواقف محرجه ، ويوم انك كتبت هذي القصه وراك ماتكتب لنا قصتك يوم تدق على 911 بالغلط. |
ما الذي يحدث اماااااااااااااااااااامننا اهني نفسي على الرد ;) |
هلا والله وغلا بكل اللي ردوا واللي مروا على موضوعي الرهيب أحسن موضوع <<؟؟؟ مشكورين على الرد والمشاركة يا ابو ابراهيم الذي يحدث أماااااااامنا انك ودك تكب عشانا << اوخص سالفة 911 احطها ان شاء الله قريب من عيوني الثنتين يا قميل peace be upon you all |
والله فاتكم قبل شوي رحت أرد على موضوع واحد من الشباب الله يجزاه خير شكله من الشباب المضحين بمستقبلهم من أجل العائلة الرجال أخته جايته بعثه وما يدري وين يروح بها له انا قلت له يدخلها مدرسة محو أمية وفي نفس الوقت يسجلها في المعهد السعودي البريطاني عشان يحسسها انها تدرس برا مدري ليش أحس انه بيتوطى في بطني هههههههههههههههههههههههه ههههههههههههههههههههههههههههههههه أجل أقول له اقضب ارضك انت واياها .. والله شكلي بنجلد ههههههههههههههههههههههههههه عاد اتمنى لهم التوفيق في رحلتهم لكوكب بلوتو نصحته انه يروح هناك لأن فيه ربيع وعشب وكذا ههههههههههههههههههههههههههههههههه انا اصلا مدري ليش جيت اكتب هنا بس حسيت اني مسوي جريه وجاي ازبن في موضوعي ابو مخي المصدي برررب مدري باي |
ابو فهد تلاحظ معي ياسيدي الفاضل ان تسجيلك في عام 2004 وكاتبين تحت ال USER NAME زعيم جديد وش يحسون فيه بالظبط والله انكت......... (: |
عطنا سالفة ناين ون ون :d ، |
لايك "واز هير" سييد تيل آس ذا ستوري اوف ناين ون ون اتز لوك فني أدفينتر :d ثانك يو s34s |
نبي سالفة 911 ,, شكلك مسوي جرييييه ... |
ههههههههههههههههههههههههههههههه والله ياخوك تحصل معنا مواقف كثير في الغربه تخيلو اول ماجيت امريكا معرف معنى بيكن ولابورك خنزير ومعي صوره خنزير في البوك اذا توهقت طلعتها هههههههههههههههههههههههههههههههههههههههههههه واشر عليها واقول ذيس نو نو عاد يفهمون ترى الامريكان حليوين ماهوب مثل ربعك فيهم لكاعه واحتيال وتنسيم مع خبال المهم لاهنت نبي سالفه 911 إقتباس:
تم تعليقه بالمسن والغرفه ههههه |
يا أهلا وسهلا بكم جميعاااااااااااااا يا شباب والله سالفة 911 سخيفة .. لكن مشكورين على الردود |
نززززززززززلت موضوع بسالفة 911 يا عيال لا تقرونها الا اذا كنتم طفشانيييييييييييييييييين جداااااااااااااااااااااا عشان تطينونها زود بسخافة سالفتي هههههههههههههههههههههههههههههههههههههههه ما عاش اللي يردكم اشوفكم على خيرر |
| الوقت المعتمد في المنتدى بتوقيت جرينتش +3.
الوقت الان » 04:22 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd