السلام عليكم ورحمة الله وبركاته






كيف حالكم ان شاء الله طيبين...وكيف الأجازه معكم



اعذرونا ترا مافي مقدمات..عشان بس لا تحوم كبودكم


وزي ما قال الشاعر:بلا مقدمات بلا وجع قلب... وش جانا من ورا هالمقدمات
........................غير التنتيف و حومة الكبد وش جاناااااااا



نخش في الموضوع:


الا وهو: الشرطه


ياخي انا اللي يقهرني انهم ارذل طبقه في المجتمع قبل لا يصيروا شرطه

ويصير قبل لا يخش الشرطه راعي دخان ووصاخه وكل شي سيء مجتمع فيهم<<<كل هذا فضفضه



نخش في صلب الموضوع


ياخي قبل اسبوعين انا جاي مع ثلاثه من اصحابي التحليه رايحين نتعشى في مطعم وكلنا هدوء وطمأنينه وسلام


ونحنو رائحون الى المطعم<<<لا تتكلم فصحه بالله


الموهم ويوقفني التفتيش قلت هلا آمر

قال اثباتاتكم وعطيته اياها اخذها وقام يطالع قال وقف على جنب قلت انا مو مسوي شي غلط....قال وقف وتعال


المهم اوقف وانزل و اروح لهم وانا كلي غضب وعصبيه


الموهم ويجي الشرطي اللي موقفني يعطي شرطي دب احوالنا<<<الدب هو زعيمهم

ويجي الشرطي اللي موقفني يقول للدب رح شفهم في السياره!!!انا قلت بس مسوين جريمه وحنا ما ندري


ويجي الدب يقول تعال معي ويجي يطالع في اخوياي ويطالع ويطالع



جيت قلت له خير ياخوي انا وش مسوي


قال ما تدري وش مسوي ويعطيني ذيك النظره انا والله شكيت بعمري بعدها


قلت لا ما ادري...المهم سكت شوي يطالع ويفكر



التعبان ما لقى شي جا حطها بشعري قال شعرك طويل...قلت ياخوي مدرسه هنا ولا إيش<<<قلتها بصوت واطي

وش عليك بشعري, قال المهم انا هالمره بسامحك ولا مفروض مركبك بالباص


قلت ليه اركب و اطالع اللي في الباص والله والاقي شعورهم تخوف قلت بالله الحين تقارن شعري بشعر ذول

االمهم هو قال عاجبك كلامي ولا ركبتك...قلت ايه طيب عطنا بطاقتنا لو سمحت


وعطانا ومشينا



ما يستفاد مما سبق


الحين وش دخل الشرطه في شعور العالم صح في ناس شعورهم تحوم الكبد وتجيب الهم لكن مو لها الدرجه يشيلونهم للقسم عشان يقصون شعورهم


واللي يقهرك بعد ان هالقرار بس في الرياض


وين راحت جده اللي ثلاث ارباعهم تقريبآ شعورهم افرو(كدش)


ياخي لو يعالجون مشاكل المجتمع من تدخين و مخدرات وهالدشير بالأسواق احسن لهم من هالشغله


ويعطون كورس للشرطه في تعليمهم الأخلاق الطيبه والتعامل الطيب


مو الهمج اللي الحين اللي كلهم مرضى نفسيين ومدخنين وراعين مشاكل

(الا من رحم الله) واغلبهم من الفئة اللي فوق


والحين بيخلون حقوق الأنسان تنهبل وتسوي مشاكل هم في غنى عنها


انا شعري بقصه ان شاء الله مع انه قصير ما تسوى علينا والله هياط شرطي رديء


انتهى كلامي حفظني الله عن موضوع الشرطه ومشاكلهم<<<ماخذ مقلب على عمره

ـــــــــــــــــــــــــ

الحين يا ناس ابي افهم

جامعاتنا ليه ما يقبلون اللي نسبهم اقل من 90% تقريبآ


وش دعوى هالجامعات الهارفارد ولا الكمبريدج


ياخي هناك تدفع فلوس وتمشي امورك مو هنا خياس حتى الجامعات الأهليه اللي عندنا اي كلام ولا شهادة زي الناس...

(نسبتي الحمد الله حلوه بس انا شايل هم غيري)

ربك يعين...


ــــــــــــــــــــــــــــــــــــــــــــــــــ


ختامآ:

الحمد الله على سلامتك اخوي(زعيمهم كلهم)

وان شاء الله تكفير ذنوب

والحمد الله انك طلعت..في غيرك ماتوا بالسجون


عشانه بس فزع لواحد من اخوياه او قهوا واحد في بيته


وراح ضحيه...


نصيحه: خلوكم انذال ولا احد يفزع لحد...عشان لا تروح ضحية


اتوقع ما في فرق بينا وبين افريقيا

الا الأمن ولو ان الأمن عندنا بادي يخرب


على فكره ترا هذي اول مره اكتب فيها بهذا الموقع الجميل.....لكن انا متابع له من زماااااااااااااااان

اتمنى تقبلوني ضيف خفيف عليكم


يلا عطونا ردوكم...ولا احد يحطمني بالله

اللي بيحطم يرسلي عالخاص و اذا صار التحطيم كثير ماراح تشوفوا رقعة وجهي


وترا فليتها بخصوص مافي فرق بينا وبين افريقيا

واعذروني عالترتيب و الأخطاء الأملائيه...بس والله كنت كاتب كل هالموضوع قبل وانمسح بالغلط..وبديت اكتبه من جديد..فالأخلاق تعبانه


في امان الله

إقتباس الرسالة الأصلية كتبت بواسطة al3z وش دعوى هالجامعات الهارفارد ولا الكمبريدج

مـٌن جـٌد ,,
حتـٌى آلجـٌآمعآت آلغـٌرٍبية تقـٌبل آقـٌل مـٌن هآلنسبـٌة ,,


بآلنسبـٌة لمـٌوٍضوٍع آلشـٌرٍطـٌه آحـٌد آلشبـٌآب سبـٌقك ,,
لـٌوٍ آنـٌك منـٌزٍله رٍد بمـٌوٍضوٍعه ,,
آوٍ مآجـٌل مـٌوٍضوٍعك شـٌوٍي ,,



مـٌوٍضوٍع كصـٌآحبه ,,
رٍآآآآآآآآئع ,,






مـٌوٍدتيّ ,,

^
^
^

لبى قلبك حبيبي...وكلك ذوق


و ملاحضتك على عيني وراسي بس راح الموضوع

إقتباس الرسالة الأصلية كتبت بواسطة al3z ^ ^ ^ لبى قلبك حبيبي...وكلك ذوق و ملاحضتك على عيني وراسي بس راح الموضوع

تصـٌدق ,,!!
بعـٌد مـٌآ قرٍيت مـٌوٍضوٍعك شفـٌت مشـٌآرٍكآتك ,,
طلعـٌت هذي آوٍل مشـٌآرٍكة لـٌك ,,
وٍرٍب آلبيـٌت دسسسسسسسمـٌة بآلنسبـٌة لآوٍل مشـٌآرٍكة ,,
ننتظـٌرٍ كـٌآتب كبـٌير بآلمجـٌلس ,,


وٍلآ آوٍصيـٌك آسحـٌب عـٌآلجمهـٌوٍرٍ ,,

^
^
^
تسلم تسلم...والله ان راسي بينفجر


اي جمهور يا شيخ...الجمهور اذا كتبت عندهم شي

شف رد اول واحد اذا مدحك كلهم بيمدحونك واذا ذمك كلهم بيذمونك


شكرآ يا غالي

وهذي لك وبعد ذي وبعد ذي

Mr.DL5 ولكم بآآآآك ، عوداً حميداً


//

هولآ ، حيآك الله أخوووي al3Z ومنوّر المجلس

شكل العدوى انتقلت منك ، توي كآتبه رد وش طوله وعلق المتصفّح وسكّر

//

بالنسبة لشرطتنا ماعندهم ولا ميزة وحده
والحال من بعضو في كل القطاعات الأمنية
لاأخلاق ، لا تعامل ، لا تمسّك بالقوانين والأنظمة ، مافي سرعة تصرفَ
يعني جهآز يبيله فرمته وآعادة تهيئة من أول وجديد !
ونقول ، الله يصلح الحال ويسخّر لنا من يشوف حآلنا ويعمل لإصلاحه

//

تسلم أخوي على الموضوع الرآئع
وبانتظار إبداعاتك القآدمة

إقتباس الرسالة الأصلية كتبت بواسطة ربطـه و شبـاصه Mr.DL5 ولكم بآآآآك ، عوداً حميداً // هولآ ، حيآك الله أخوووي al3Z ومنوّر المجلس شكل العدوى انتقلت منك ، توي كآتبه رد وش طوله وعلق المتصفّح وسكّر // بالنسبة لشرطتنا ماعندهم ولا ميزة وحده والحال من بعضو في كل القطاعات الأمنية لاأخلاق ، لا تعامل ، لا تمسّك بالقوانين والأنظمة ، مافي سرعة تصرفَ يعني جهآز يبيله فرمته وآعادة تهيئة من أول وجديد ! ونقول ، الله يصلح الحال ويسخّر لنا من يشوف حآلنا ويعمل لإصلاحه // تسلم أخوي على الموضوع الرآئع وبانتظار إبداعاتك القآدمة

حياك سيدتي


منور المجلس بوجودك

والله شكل المتصفح غاير من موضوعي الزين<<<ذايب بفن التايب هو اللي كبر راسه



الله يسلمك وشاكر لك هالرد الحلو

إقتباس الرسالة الأصلية كتبت بواسطة al3z ياخي انا اللي يقهرني انهم ارذل طبقه في المجتمع قبل لا يصيروا شرطه ويصير قبل لا يخش الشرطه راعي دخان ووصاخه وكل شي سيء مجتمع فيهم<<<كل هذا فضفضه

انا اختلف معك بالنقطة هذي
فيه بعض افراد الشرطة ينحطون على الجرح يبرا واخلاقهم زي الفل



والباقي مصدق نفسه اني انا احسن واحد وان كلامي هو اللي يمشي حتى لوكان خطا فاهم الشرطة على انها هياط وبس

إقتباس الرسالة الأصلية كتبت بواسطة mass انا اختلف معك بالنقطة هذي فيه بعض افراد الشرطة ينحطون على الجرح يبرا واخلاقهم زي الفل والباقي مصدق نفسه اني انا احسن واحد وان كلامي هو اللي يمشي حتى لوكان خطا فاهم الشرطة على انها هياط وبس

حياك الله اخوي


كلام جميل


بس لو تنزل شوي في مو ضوعي بتلاقي اني كاتب(الا من رحم الله)


يعني انا وياك مو مختلفين


شاكر لك ردك الحلو

هلا بك اخووي..
نتشرف بوجودك معنا.."
وننتظر كاتب متميز||
//

الشرطه؟؟
كل اللي الموضوع بكون وفي شي قلته بكون
اللي هو دورات تدريبيه للمعامله وكيفية الذوق احس منزوعه من قلبهم شي اسمه ذوق وعطف مو لهدرجه
قلنا حازمين قلنا شجعان قلنا وقلنا بس فيه اشياء اهم انا اشوفها
ياليت يلتفتون مثل ماقلت على امور اهم من الشعر والقصات والخرابيط هذي

//

الجامعات
كلام ينقال وافعال مخالفه للاقوال

مشكووور

إقتباس الرسالة الأصلية كتبت بواسطة أحلا هلاليه هلا بك اخووي.. نتشرف بوجودك معنا.." وننتظر كاتب متميز|| // الشرطه؟؟ كل اللي الموضوع بكون وفي شي قلته بكون اللي هو دورات تدريبيه للمعامله وكيفية الذوق احس منزوعه من قلبهم شي اسمه ذوق وعطف مو لهدرجه قلنا حازمين قلنا شجعان قلنا وقلنا بس فيه اشياء اهم انا اشوفها ياليت يلتفتون مثل ماقلت على امور اهم من الشعر والقصات والخرابيط هذي // الجامعات كلام ينقال وافعال مخالفه للاقوال مشكووور

حياك رربي


والشرف لي الله يسعدك


والله صادقه (كلام ينقال و افعال مخالفة للأقوال)


الشكر لك على ردك الجميل



بحفظ الله

حجز
.؟...................

الشرطه بعضهم كويس وبعضهم مثل الزفت اخلاقه دئما
قافله وماتفتح الاخلاق من غير ابوقوس
انا بوليسى بالشرقيه ودئما اصحاب الشعر الطويل والكديش
اعطيهم تحيه

شوف لا تتجادل مع عسكري

حتى لو انك انت الصح

لانه بيلفق لك اي شي ويسويلك مشكله





ولا تنسى روح حلق شعرك





تقبل مروري....................

إقتباس الرسالة الأصلية كتبت بواسطة ابو الفن الشرطه بعضهم كويس وبعضهم مثل الزفت اخلاقه دئما قافله وماتفتح الاخلاق من غير ابوقوس انا بوليسى بالشرقيه ودئما اصحاب الشعر الطويل والكديش اعطيهم تحيه

ليت كل الشرطه مثلك


مشكور عالرد حبيبي