^^^

الحين 3/1 لاستون فيلا ,,,

انتهت المباراة ..

1/3 لأستون فيلا ..

صراحه رافا تأخر في تغيراته مفروض لوكاس ما يلعب ..

الفريق في الشوط الثاني كان احسن لكن بعد الهدف الثالث تغير كثييير ,,

.

هآردلك الخسآرة الثآنية وإنآ تونآ في الجولة الثآلثة

مدري وش السالفه .. هي من الإستعدآد وإلا من الفريق .. وإلا من رافا ؟!

الشوط الأول مآ شفته زين بحكم إني إنشغلت مع ضيف عندي .. لكن الشوط الثآني .. صح الليفر ضغط بس بدون حلوول .. سجلنآ هدف .. وتسجل علينآ هدف .. يعني ضاغطين ومرتدآتهم أخطر !

رآفآ .. معليش إسمح لي .. هالمباراة مآ أحسنت التعآمل معهآ .. لوكآس مفروض من بداية الشوط الثآني يطلع .. وبن عيون الدآج معه !

ولآ يهون كآوت اللي ضيّع أكثر من فرصه ..

..

الفيلآ اليوم .. كآن أفضل .. عرف أونيل كيف يوقف الليفر أمآم الصندوق .. دفآع مجنون .. هجمآت مرتده تعآملوا معهآ بـفن !

للأسف .. مآ توقعت الليفر يظهر بهالمستوى المخيّب ! وكنت حاط في رآسي أسوأ النتآيج نطلع بتعآدل .. لكن استون فيلآ قلب كل التوقعآت !

..

إنسوآ قدم مباراة حلوه .. لكن الفريق مآ كآن يسآعد بإستثنآء جونسون اللي قدم مستوى وإختفى نهاية المباراة !

جيرآرد .. مهوب جيرآرد اللي نعرف .. وتوريس ممنوع من الكرآت من دفاع الفيلآ القوي ..

..

قبل الهدف الثآلث للفيلآ .. كنت أرآهن إن الليفر بيقلبهآ لكن جآء جيرآرد وجآب العيد .. وتحطم الفريق .. وطفت النآٍر اللي مولعه في الملعب !

..

أتمنى أن تكون آخر الخسآئر .. ولو إن هنآك مباريات أمام فرق أقوى من الفيلآ بمرآحل !

..


هآردلك

شباب اول شئ هاردلك ,,
وانا اقول الدووري طويل والليفر قادر للرجوع <<<يحاول يخفف اجواء الهزيمة

إقتباس 3-1 للريدز ... جيرارد هدفين والنينو هدف

:d من فينا النحس
كان توقعت للفيلانز دامك معكوس

أنا فصلت مع المباراه
الزبده هـ الحين مروق ع الاخر ونبدأ طقطقه على المباراه .

الفريق بأول المباراه كان ممتاز وهذا المتوقع ..
عن نفسي ما تمنيت تكون هذي هي التشكيله .. كان ودي الليدر يرجع للمحور وفورنين اساسي .
لكن اللي كان كان .. المهم وش صار بعد الربع ساعه الاولى مدري ..!! الفريق ودع . والله كنت ادعي يعدي الشوط على خير .
لكن الخطأ الفادح من لوكاس وكانه يثبت لـ رافا خطأه بنزوله اساسي . مهيب مشكله اي لاعب يخطأ .. وجيرارد بكبره قد سبب هدف
ناهيك عن بلنتي اليوم ..!! لكن بمثل هـ الروح الميته وبروده بايخه جدا .. اكثر ما قهرني بـ لوكاس انه يستلم الكوره ويرجع لـ ورا
بالعربي صناعة اللعب عنده صفر ..!!
ماسكي حاس ام الدنيا بسبة لوكاس .. وهذي قلتها قبل واقولها مره ثانيه .. لوكاس + ماسكي = كارثه بحق الكوب .
الركنيه اخطأ بتقديرها الحكم + بلنتي نفس بتاع الفيلانز..؟ لكن الضرب بالميت حرام .. والتحكيم الانجليزي سيء من الاساس .
اما على الركنيه فـ كارا وتوريس لاحظو ان الاثنين التحف مغطين لاعب واحد ..!! والبلا انهم ولا واحد قدر على الكوره وهم اطول منه
وجلاها كارا بـ كل سلاسه لـ راس لاعب الفيلانز ..!!
لاحظو ان كل الاهداف اللي دخلت على ليفربول كانت من ضربات ثابته .. واعني بذلك جميعها من الى ..!!
هدفي السبيرز .. فاول .. كورنر
اهداف الفيلانز .. بلنتي .. كورنر .. فاول ..
هل احنا سيئين لـ درجة ان مانعرف نغطي ركنيه .. او فاول ..!!
كان ودي اعرف الغلط من مين .. الفريق ككل سيء .. عدا لاعب واحد بصراحه كان نجم الفريق بكل جداره .. المبدع جلين .
اما الشوط الثاني فـ أشوف ان رافا تأخر بالتبديلات كـ العاده ..!!
خروج لوكاس اساسي .. ورجو الليدر للمحور بديهي .
تغيير بنعيون بـ بابل المفروض بكر فيه . ولاحظو ان كيف بابل يكون افضل كـ بديل قدر يسبب شوية خطوره وكان عنده جرئه اكثرمن الباقين .. بالتسديد من خارج المنطقه .
الشوط الثاني تحسن الاداء .. لكن البلنتي اللي سببه جيرارد ضيعنا 360 درجه .. وقتل الفريق كامل . واشوفه خطأ ماله داعي ابدا .
الكوره كانت اقرب لـ كارا منها لـ لاعب الفيلانز .. لكن الحماس ومايسوي ..
فريدل يلعن ابليسه وش سوى .. والله ثم والله انه سبب فوز الفيلانز 100% .
مجنون حد الثماله .. الغى مايقارب الـ 6 اهداف محققه .. حتى تسديدة جونسون اللي كان مغطي عليه الدفاع قدر لها ..!!
عرف يلعبها أونيل للأسف ..؟
وبصراحه على هذا المنوال خلينا نفكر بـ الابطال وكأس الاتحاد ..؟ حتى الان نقدر ننافس على اللقب ..!!
لكن بمستوى كهذا ما اعتقد ابدا ..؟
خسارة مباراتين من أصل ثلاث .. ماتوحي ان الفريق قادم لـ إعاده لقب الـعقدين . !!
الموسم الماضي تمنينا الفريق يخسر ولا يطلع بتعادل .. يمكن جانا ماتمنينا ..؟ ممكن تكون هذي الاستفاقه الحقيقه ..!!
لكن اللي اخافه انها تكون مدمرهـ للفريق كامل ولطموحاته ونرجع على الثالث او الرابع ..!!
الله اعلم ..!! لكن اللي متأكد منهـ .. أن رافا اقتنع بـ عدم جدوى لوكاس .. واللعب بـ مهاجمين . لانا شفنا اليوم العديد من الفرص
تضيع لعدم وجود المتابعه من المهاجمين او لاعبي الوسط ..!!
انسوا اعطى ماعليه وزياده وهو ماشارك كثر ماشارك لوكاس .. ؟ لكن الفرق بالاصل
على قول فهد العتيبي بالمعنى .. انه اول عاهه برازيليه وهو لسى صغير
ودي اعرف بس اذا كان عرض جريميو لسى قائم .. يصير ندزه بـ أقرب سفينه رايحه لمهم حتى لو اعاره ..
ممكن وقتها يطر رافا يرجع جيرارد او يلعب بمحور واحد ..!!

^^

محمد من قال انه مافرق ..؟
لكن انت عليك باللي عندك ..!! المفروض مانشوف لوكاس اليوم .. لو يكون ماسكي لحاله . !!
اما عن القتال فـ لاعب او اثنين ما يكفون .. المفروض تشوف الفريق كامل يقاتل ..
هدف الفيلانز الثالث قتل الليفر . توقعت نجيب التعادل مثل العام .. اخر 10 دقائق نقلب النتيجه .
ومن الممكن انه تكرر السيناريو وكان هـ الحين نبارك لـ بعض ونقول عدينا هـ المره على خير .. !!
اختلف معك بـ كلمة ما يعرف يفوز ..
وشو الفوز غير انك تكون فريق ممتاز عناصريا . تهيئهم للمباراه . وتقرأ المباراه بالشكل المطلوب .. هذا عكس اللي حصل اليوم بـ اجزاء منه . !!
لوكاس أخطأ ومكانه ممتاز كـ احتياطي وممكن يخب .
الحكم أخطأ .. مهوب شرط أن فريقنا سيئ معناته التخلي عن حقوقنا .. ياما وياما دوريات انحسمت باخطاء حكام .. !!
وحتى الان ليفربول متلكع من التحكيم جدا .
ما احط الحكم شماعه وكان بالامكان انا نجيب الفوز .. لو ما بعض الاخطاء بالمباراه من الفريق ومن رافا ومن الحكم .
ولاحظ اني مادققت كثير على الحكم . لكن جزئيه بسيطه حبيت اذكرها .
اخير مازلت مصر على عودة جيرارد للمحور والنزول بـ مهاجمين . وصدقني ماراح تفقد الونسو بعدها .

صور * صور من اللقاء

الصوره ذي تعبر عن حآل الليفر

رافا يجب ان نكون أفضل أمام بولتن




بعد الخساره الثانيه التي تلاقها فريق ليفربول على ملعبه وبين جماهيره من استون فيلا بثلاثةأهداف مقابل هدف
في المباراه الثالثه من الدوري الانجليزي بنتيز تحدث عن الفريق وأكد ان الفريق يجب ان يتحسن لكي ينافس على
اللقب وسوف تكون عودة الفريق الى المسار الصحيح أمام بولتن في الاسبوع المقبل على ملعب الريبوك ستاديم
وتحدث الدكتور رافا بنتيز بعد المباراه وقال :

الفريق كان جيد في أول عشرين دقيقه خلق العديد من الفرص و المحاولات الجاده على المرمى ولكن بعد ذالك تغير حال الفريق بعد تسجيل لوكس هدفه في مرماه وقبل نهاية الشوط الاول أستقبلنا هدف وفي الشوط الثاني لعب الفريق بشكل ممتاز وخلقنا الفرص وضغطنا على الخصم بشكل جيد وأستطعنا تقليص الفارق الى هدف لكننا تعرضنا لركله جزاء فى بعض الاحيان فأن هذه الأخطاء خلال بعض اللحظات المهمه تصنع الفارق الفريق كاكل
لم يلعب بشكل جيد لقد منحنا الكره لفريق يجيد اللعب على الهجمات المرتده ونحنو ما نفكر فيه هي المباراه القادمه أمام بولتن وعندما
تخسر الشي الوحيد لنسيان الخساره هو الفوز والفريق كاكل الان دون استثناء يجب عليهم التحسن
بعض الاعبين الكبار لديهم الخبره الكبيره و عليهم الأن أن يتولى مسئولياتهم و يدفعوا الفريق الى الأمام
.

LFC

88

8

مادامه يقول المستوى ممتاز معناه لسى ماقتنع ...؟؟!!

ابو هيبيا كلامك صحيح .. وشماعة التحكيم عمره ماصارات حل للمشاكل
حتى القى اللوم على لوكاس ماهو صحيح ...
حتى ماسكي عقب عرض البارسا ماهو طبيعي واللاعب حتى داخل الملعب متنرفز


افضل من قدم بهاللقاء انسو وبعده سكيرتل والباقين صفر وعلى رئسهم توريس
بصراحه قمه بالقهر انه يكون عندك مهاجم بهالامكانيات ولاتستغله صح

الليفر دائم ينتظر الصفعه عشان يستفيق ,, لكن هالمره الصفعه قويه مثل صفعه تشلسي العام الماضي

الفريق عيبه بالكرات العرضيه ... من افضل فريق بالكرات العرضيه الى فريق سيء جدا بالكرات ...؟؟!!
والسبب رحيل هيبيا من العام الماضي والاشكاليه موجوده

حتى رحيل الونسو كان له اثر عميق على الليفر ومايحل هالاشكاليه الى جيرارد
اللاعب امس يوم رجع صرنا نشوف كور توصل للمهاجمين
وصرنا نشوف جيرارد الحقيقي


امس الفريق ماوقف نهائيا
ويوم ضيع جيرارد الكوره اللي بالدقائق الاولى قلت خلاص نبي ننهزم

لانه جاء ببالي مباراة توتنهام العام الماضي

في مثل هاللقائات نحتاج الى مهاجم مثل دروجبا وهونتيلار

ولهذا السبب كنت اتمنى ان الليفر يتعاقد مع هونتيلار او نيستلروي
لانهم لاعبين بالبركه ...

هارد لكم الخساره ياشباب


وتونا ببدايه الدوري وان شاء الله نعوضها بس المدرب على كلام اخوي EL Reds

تأخر في تغيراته

لكن ان شاء الله يتدارك الاخطاء المباراه القادمه ومايحتاج المدرب كبير ويعرف الامور ان شاء الله