معليش مسيو محمد ، ليفربول بذا الروح ، لو يلعب 180 دقيقة ، ماراح يقلب نتيجة المُباراة .. اداءنا البارح اقل من ليل بكثير ، فريق مستيد للمُباراة طول بعرض ، ماسك كورة ، وشكل خطورة في اكثر من هجمة ، والاهم من ذا كله يلعبون بـ روح .. ليفربول طبيعي جداً أتمنى يتاهل للدور اللي بعده ، لكن بدون روح ما اعتقد ولا حتى 1% بـ المئة أنة راح يتأهل

^^

اذا فريق قدر يغير مستواه بين شوط وشوط . معقوله ما يقدر يغيره بـ 90 دقيقه جديده ..؟
انت بالذات يا ابوعزيز كـ ليفربولي عرف هالشيء وتعرف الهبوط والصعود بمستوى الفريق دائم يحصل بغض النظر عن الاسباب
يعني ما تقدر تحكم بـ 90% بالخروج وباقي 90 دقيقه بعد اسبوع . ؟
دقيقه وحده كلفتنا الخروج من الابطال هالسنه قدام ليون واظنك تذكر هالشيء ..!!

خلاصة الكلام ليفربول يبي يتأهل ان شاء الله وهذا الرأي هو الارجح على ما اعتقد بحكم ضروف المباراه وفارق الامكانات بين الفريقين ان استغل رافا هذي النقطه من صالحه .

اساس الاختلاف والكلام بهالنقاش اللي دخل عرض هو خنبقة رافا بقيادة الفريق باخر المبارايات عطنا وجهة نظرك لاني حتى الان ما عرفت وش موقفك لان كلامك كان محصور عن لوكاس وبابل واكويلاني فقط .

^

الفريق قادر يغيرها في 90 دقيقة ، وقادر يقلبها حفلة اهداف الاسبوع الجاي ، لكن للأسف واقع فريقنا مايساعد بالتفاءل حتى ،،

الاسباب كثيرة في خنبقة الفريق هالموسم ، لكن أهمهما بنظري فقدان الثقة وانعدام الروح وهبوط مُستوى اغلب لاعبي الفريق ..

^^

اللي ذكرته باخر سطر هو عوارض السبب الرئيسي اللي انت تلف وتدور حوله .
وش السبب وراء انعدام الثقه وهبوط المستوى وووو الخ ..؟
الاسباب بالترتيب كما اراها
الملاك
الاصابات = قلة الخيارات
رافا
ما ادري اذا تشاركني الرأي لكن هذي هي الامور كما اراها .

عبوود منور الرابطه ولك وحشه بمثل هالنقاشات وتسلم ياسيدي ع الاطرآء .

السسلآم عليـكم
انا صراحة لاول مرة انتقد بينيتيز
وانتقد اللاعبين واوالهم بآبل محسب نفسه رونالدينهو على غفلة ,.,
وكويت يا حسآفة كنت متوقع منك اكثر انت وتوريسس
اتوقع افضل بدائل بينيتيز اذا فكرو بإقالته
برآنديللي مدرب الفيولا
او والتر مادزاري مدرب نابولي
او كلود بويل مدرب ليون
او مارتن اونيل
وو بسسس ,,
بالنسـبة للادارة فـ ولا حتى نآصر الجوهر يجينآ بهالادارة
وان شاء الله نشوف الامير الي اختفى عننآ ولا سمعناا عنه شيء
وبالتوفيـق لليـفر

المُلاك هم ساس البلى ، لكن إيضـاً الدكتور له نسبة كبيرة باللي حصل البارح ، مو معقول يلعب لوكاس 7 مُباريات في 21
يوم في مركز حسـاس، آلة مو بني أدم ؟ لاعب كـان يعطيك مُباراة كامـلة بـ أداء ومستوى مُمتـاز ، والان مو قادر يعطيك
شوط واحـد على بعض ، من بدري أكرشة وحط مكـانة اكويلاني أو من الاساس لاتشرك لوكـاس ، وأمنح الايطالي فرصـة
تبديلات الدكتور مُعاكسـة تماماً لمُجريـات المُباراة ، إبقي على كـاوت ؟ واخرج بابل ؟ على الاقل بابـل ماهوب اسـوء من
ديرك كاوت ، وانت اذا نيتك تخرج لاعب على الطرف ، أقلع كاوت العقيم واشرك رييرا ودف بابل على الطرف الايمن ورييرا
على الطـرف الايسر ، هالاثنيـن بسرعتهم وبمهاراتهم مُمكـن يعلمون لك الفارق لما تبقى من المُبـاراة ، موب تطلع لي ديـرك
كاوت بـ اخر 4 دقائق وتشرك لي نبيل الزهار اللي ماشفته لي 4 شهور ، وتبيه ينقذ الفريق في دقائق معدودة ؟؟؟؟؟؟!!!

الفريق كامل الان يامحمد ، سكرتل فقط المُصاب الان ، وبدلاءة واجد في خط الظهر ،