المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > أرشيف شبكة الزعيم > أرشيف المنتديات الخاصه بالمناسبات > أرشـــيف منتدى الروابط العالميه
   

أرشـــيف منتدى الروابط العالميه أرشـــيف منتدى الروابط العالميه

 
   
 
LinkBack أدوات الموضوع طريقة عرض الموضوع
  #4546  
قديم 29/12/2009, 10:40 PM
الصورة الرمزية الخاصة بـ Mr.Anfield
زعيــم مميــز
تاريخ التسجيل: 31/08/2008
مشاركات: 4,205
رابط للمباراه .. مافيه تقطيع وعربي :

http://coolzik.blogspot.com/2009/12/sport-online.html

بالتوفيق لليفر
  #4547  
قديم 29/12/2009, 10:45 PM
الصورة الرمزية الخاصة بـ LIVER 4 EVER
إستشاري سابق بقسم الرياضة العالمية
تاريخ التسجيل: 16/07/2008
المكان: الرياض
مشاركات: 1,969
88

ياخي كلنا خاقين مع هاللاعب وراه مانجيبه ...

ابو اصيل تراك نسيت تسجل مستوى سبيرنق الملفت للانظار نزل وعمل كم كوره حلوه بس اللاعب مازال صغير

مستوانا مستحيل يكون زي مستوانا مع ويفلر ... لان الفريق نفسيا صار افضل خصوصا ان فارق النقاط ماهو كبير

بينتز احس انه يحسب لهاللقاء الف حساب ... احس انه يستمتع بهاللقاء لانه يواجه مدرب عملاق


وعلى طاري ابو خالد ... احس ان دخوله مقصود
يالبى قلبكـ يالقاطع ... بس تراى الانبراشات وارده اذا لاقدر الله ولقمناه


بابل بيكون خيار لبينتز اليوم


يالله ..سنتر
  #4548  
قديم 29/12/2009, 11:42 PM
الصورة الرمزية الخاصة بـ LIVER 4 EVER
إستشاري سابق بقسم الرياضة العالمية
تاريخ التسجيل: 16/07/2008
المكان: الرياض
مشاركات: 1,969
مستوى الشوط الاول ممتاااااااااااااز وماينقصه الى التسجيل

توريس هاذا وش يحس فيه ,, والله ياهو محوم تسبدي

لامستوى ولاروح ....!!! << لاحد يقووولي ضغوط وتوه عائد من الاصابه ..؟؟

الشوط الثاني لابد من وجود لاعب ينهي ... وكاوت افضل لاعب بهالكرات

اكويلاني خل عنك الملاحه والاستعراض


ابو خالد شكل مفعولكـ يبي يتحركـ
  #4549  
قديم 29/12/2009, 11:48 PM
الصورة الرمزية الخاصة بـ Mr.Anfield
زعيــم مميــز
تاريخ التسجيل: 31/08/2008
مشاركات: 4,205

" لبى الجو ياشيخ "

شوط أول لم يرتقي بالمستوى المطلوب ويمكن السبب الجو إلي ماساعد الفريقين .. الحقيقه الفيلانز اليوم إفقتد اثنين من اهم لاعبينه ويمكن شفنا تأثيرهم وخصوصاً هيسكي إلي أثر غيابه مره وأيضاً غياب اشلي يونغ مأثر والخوف من اظهرتهم وخصوصاً مينلر .. بالنسبه لليفر كانت هجماته تنعد على الأصابع ولكن تبقى شوته الليدر هي الأفضل في الشوط الأول .

بـرب الشوط الثاني

  #4550  
قديم 30/12/2009, 12:43 AM
الصورة الرمزية الخاصة بـ Anfield Fan
نائب رئيس رابطة ليفربول
تاريخ التسجيل: 02/09/2006
المكان: Anfield Road
مشاركات: 1,629
يلووووموووووووووني بتوريس

المنقذ
بأسوأ مستوياته فيرناندو هو المنقذ لبى قلبه
قلت لك يا محمد حنا متفوقين بتوريس و جيرارد

إقتباس
توريس هاذا وش يحس فيه ,, والله ياهو محوم تسبدي

لامستوى ولاروح ....!!! << لاحد يقووولي ضغوط وتوه عائد من الاصابه ..؟؟

كل يوم انتقد النينو ياشييييخ دامه راح يسجل عشان يرضيك << لا تصدق


مبروووووووووووك الفوز

الحين اقدر اقول

عاد الليفر
عاد الليفر
عاد الليفر

والله انا اكتب هالرد و انا بكاااااامل فرحتي
كيف ما افرح و الفوز جاء من اقدام فيرناندو

ان شاء الله بداية قطار الإنتصارات و لن يوقفنا الا المراكز الأولى ان شاء الله

الحمدلله على كل حااال
  #4551  
قديم 30/12/2009, 01:36 AM
الصورة الرمزية الخاصة بـ Anfield Fan
نائب رئيس رابطة ليفربول
تاريخ التسجيل: 02/09/2006
المكان: Anfield Road
مشاركات: 1,629
صور اللقاء

المعذرة لو كانت كثيرة














ياولد تعوذ من ابليس














نجم المباراة

























رغم انك ماسجلت















المصدر
  #4552  
قديم 30/12/2009, 01:46 AM
الصورة الرمزية الخاصة بـ L F C
زعيــم مميــز
تاريخ التسجيل: 18/05/2008
المكان: ،، !
مشاركات: 3,956








مباراة تكتيكيه .. رفعت ضغطنا بـ اغلب فتراتها .. توريس لعبت فيه ( الانانية ) بـ اغلب التمريرات اللي توصّل له .. لكن الهدف اللي سجلة .. تقريباً مسْح مستواة السئ طول المباريات من مخيلتنا .. اكويلاني بـ الشوط الاول مُمتاز لكن خنبق لين قال بسّ بـ الشوط الثاني .. اغلب تمريراته بـ الشوط الثاني خاطئة خاطئة .. لكن صعب نحكم عليه دايركت من ثاني مباراة له يبدأها اساسياً .. وهو توه راجع من اصابه ممكن ابعدته عن الملاعب مايقارب 8 شهـور .. اللاعب خامته ممتازة جداً ومهارته عالية لكن يعيبه البطئ .. ! لوكاس وريينا وكاراغر وجيرارد واينشوا .. ذولي بـ لحالهم في المباراة .. واخص لوكاس اللي ماسكن الوسط صح .. تمريرات بـ الملي متر .. وافتكاك لـ الكرة .. والاهم من ذا كله .. يلعب بـ روح عالية .. اينشوا مسوي شغل بـ الجهة اليسرىى ولو مايجي منه الا اوفراته .. فـ كثر خيرة اللاعب بـدأ يثق بـ نفسة .. وبدا يعطينا لمحات من مهاراته اللي داسها عنـا ..


==

الان لازم نفكر بـ لقاء ريدينغ التايه بـ دوري الكوكا كوووولا .. واللي يصارع علىى البقاء بـ دوري الكوكا كولا .. وبعدها نفكر بـ لقاء توتنهام الصعب على ارضنا .. !





  #4553  
قديم 30/12/2009, 02:01 AM
الصورة الرمزية الخاصة بـ هلاليـــــــــ أصيل
ليفربولي مخضرم
تاريخ التسجيل: 27/05/2005
مشاركات: 4,984
2009 اسود لكن بنهاية بيضاء للاحمر الابيض اليوم .
فـ 2009 خسرنا الدوري وبـ 2009 فقدنا المنافسه ع اللقب وبـ 2009 خرجنا من الابطال مرتين .
لكن على وعسى يكون العدد لزوجي هو فأل حسن على لفريق مثل ماهو مع 2008 ويكون على النقيض من سابقه .

مباراة اليوم الفيلانز فعلو كل شيء بكرة القدم الا المهم وهو التسجيل ,
تكلمت قبل المباراه وقلت انها اقرب للتعادل ومتفائل بالفوز والحمد لله جت على الامنيات لتكون اخر الاماني بهذ العام الاسود .
رينا بحق هو الورقه الرابحه والعلامه الفارقه بالليفر واعتقد انه استحق حتى الان الافضل بالليفر بعد ما اخذها الراحل الونسو من قبله .
جلين وتخبط غريب وتشتيت للذهن غير مبرر , اكثر ما ازعجني منه لعبه للكرات الهوائيه بينما الارضيه تفي بالغرض وكانت لتكون اخطر بمراحل وقاصمه لخط ظهر الفيلانز .
لوكاس قدم اداء رجولي ولكن يفتقد للدقه والسرعه ويفقتد لأشياء كثيره لكن يذكر بحقه قتاليته للحفاظ على مركزه .
جيرارد مع نزول مستواه مع ذلك قدم 21 اسسيت سليم بالشوط الاول والحظ ونزول المستوى كانو العقبات امامه للتسجيل .
الفريق بالعرضيات للمره الالف بعد المليون سيء الى سيء جدا . كل عرضيه خطره وكل كوره خطره هي عرضيه وبرع باستغلال هالنقطه اونيل بتوظيف ميلنر وداونينج .
انطلاقات لاهور وعدة تساؤلات لمحاور الفريق وتحديدا اكويلاني اللي كان الغائب الحاضر اليوم عدا من بعض اللقطات .
كويت لاحظت عليه عند استقبال الكره بالمرتدات تحديدا تثبيتها اولا ثم الانطلاق وهذا عطل الليفر كثير ليوم والمفروض يكون اكثر سرعه وبديهه من ما كان عليه ,
النينو ما يذكر له اليوم الهدف القاتل وهو اهم من كل ما ذكر فوق وتصدره قائمة الاسرع بتاريخ الكوب .
انسوآآ يحتاج للمزيد من الخبره خصوصا بالتغطيه وقطع الكور .
بابل يحتاج للوقت وكأني ارى فيه بابل زمآآن عل وعسى ان لاتكون احدى ختاته المزاجيه .

المعاتب الارسنالي وش رايك بتحليل اخر الليل
ابوخالد تكفى توقع الليفر يبي يهبط عسى ناخذ الدوري
تصبحون على الف خير ومبروك لفوز للكل .
  #4554  
قديم 30/12/2009, 02:16 AM
الصورة الرمزية الخاصة بـ Anfield Fan
نائب رئيس رابطة ليفربول
تاريخ التسجيل: 02/09/2006
المكان: Anfield Road
مشاركات: 1,629
قبل لا اطلع حبيت احمسكم شوي
الفرق بيننا و بين تشلسي 12 نقطة
ليه ما نفوز ب11 لقاء متتالي مثل المان الموسم الماضي ؟
ترون املنا بالدوري قوي لو فزنا على السبيرز
بأفضل الأحوال راح نكون بالمركز الخامس لكن السيتيزن راح يفوزون باللقاء الجاي بدون صعوبة عشان كذا راح نكون بإذن الله بالمركز السادس لأن الفيلانز راح يبارون ويجان و وويجان فرق مستلج على ارضه

بالتوفيق للحمر
You'll Never Walk Alone

فيـ آمآنـ الله
  #4555  
قديم 30/12/2009, 02:30 AM
الصورة الرمزية الخاصة بـ L F C
زعيــم مميــز
تاريخ التسجيل: 18/05/2008
المكان: ،، !
مشاركات: 3,956






  #4556  
قديم 30/12/2009, 03:17 AM
الصورة الرمزية الخاصة بـ S ạ M i
زعيــم نشيــط
تاريخ التسجيل: 22/06/2008
المكان: R I Y A D H
مشاركات: 654



السلام عليكم ,,

>> ليفربولي صميم يعلنها مدويه واتشرف بالانضمام معكم ,,

بس عاد مخفي العشق من زمان على شان عيون الحساد ,,

كيفكم جميعاً ان شاء الله بخير .. ومبروك الفوز في هالمباراه والمباراه اللي قبلها ,,

ولعلها بدايه التصحيح .. الليفر ماكان سئ بس الاصابات وتأثير الونسو ,,

احد يبيع الونسو ؟ ابيع كريستانو ولا ابيع الونسو ,,

مبروك الفوز اليوم استون فيلا رفع ظغطي في الذهاب حسيت انهم يلعبون نهائي كاس العالم ,,

انا ماشفت المباراه صراحه بس اللي شفته ان توريس مسجل الهدف والدقيقه 93 ,,

آسف على الاطاله ومن بدايتها مسكت بكم خط المعذره مره اخرى وتقبلوا مروري ,,

معكم اخوكم سامي ,,

فمان الله ,,

  #4557  
قديم 30/12/2009, 03:28 AM
الصورة الرمزية الخاصة بـ L F C
زعيــم مميــز
تاريخ التسجيل: 18/05/2008
المكان: ،، !
مشاركات: 3,956
^

حياك الله اخوي سامي .. وان شاء الله نشوفك معنا
بـ شكل دائم وفعال ..

==

اللي وده بـ لقطة معينة بـ المباراة .. يسدح لي " دقيقة " اللقطه المطلوبة
وان شاء الله بـ وفرها له ..



اخر تعديل كان بواسطة » L F C في يوم » 30/12/2009 عند الساعة » 03:58 AM
  #4558  
قديم 30/12/2009, 03:33 AM
الصورة الرمزية الخاصة بـ silva
موقوف
تاريخ التسجيل: 18/05/2008
المكان: اتركني ياحبيبي ضيعني الحنين !
مشاركات: 954
ألف مليون مبروك الفوز ياشباب


توريس يالبى قلبه بس









silva

  #4559  
قديم 30/12/2009, 10:47 AM
الصورة الرمزية الخاصة بـ هلاليـــــــــ أصيل
ليفربولي مخضرم
تاريخ التسجيل: 27/05/2005
مشاركات: 4,984
ابوعزيز جيت والله جابك >> ابتسآمة شر

اللي ابيه باختصآآر .
لقطه من الدقيقه 21 واللي هي تثبيت كويت للكوره .
وفي بعض اللقطات ما اذكر الدقيقه بالضبط لكن بالشوط الثاني وحدى العرضيآآت للفيلانز .
وحتى قال تكلم الغول فيها عن التغطيه لزوايا المرمى .
واذا تقدر تجيب لقطات من مباراة الوولفز فـ بلغني عشان اعطيك سرد للي براسي .
ولاهنت على كلش

سامي هلا بك يالغالي نورت الرابطه ونتمنى نشوفك اكثر معنا .
سيلفا الله يبارك بعمرك ومنورنا .



  #4560  
قديم 30/12/2009, 11:25 AM
الصورة الرمزية الخاصة بـ L F C
زعيــم مميــز
تاريخ التسجيل: 18/05/2008
المكان: ،، !
مشاركات: 3,956

^

هذي اللقطه ولا .. ؟!




   

 


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:16 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2025, Jelsoft Enterprises Ltd

Google Plus   Facebook  twitter  youtube