|
^^ قال تقريبا .يعني بالعربي الخساائر من الخروج من الابطال بتكون محدوده . الشيء الايجابي .اننا اصحاب الرقم القياسي بالفوز بالبطوله مع الانتر واليوفي ونبي نعزز هالرقم السنه ذي ان شاء الله :d يعني الخروج كان من باب التغيير نوعا ما :d اصلا من اول احس ان فيه شيء مميز بهالبطوله :d وخلها تعيد لنا ايام 2000 :d شطحه . فيورنتينا اتمنى تكون مشاركتم مكان الريدز مهيب لمجرد المشاركه :s3s: >> دقه :d اصلا هالفريق عليه لون مدري وش يبي (فوشي) :razz: >> يستفز مجيد :d |
السلام عليكم هاردلك الخروج من البطولة والله ان البطولة بدون ليفربول بتكون بطولة بدون طعم ولارااائحه ولا لون مدري كيف الفريق ما قدر يتاهل على الرغم من الاسماء والداهية اللي في الدكة يالله كبوة جوااد ومعوضين الموسم القادم ان شاء الله وبرضة ياليت يجيبون الدوري الاوربي بالمرة مبروك التأهل عبدالمجيد وتاهل الفيولا وخروج الليفر من مصلحة الكالشيو وان شاء الله يكملونها الميلان واليوفي بكرة ويتاهلون ويفتكون من الحسابات هاردلك جميييعا s45s يا حبيّـبي يامحمد والله لو اني اعرف رافا بينتز وامون عليه كان سفلت فيه لين بكرة كلش ولا يضيق خاطرك :cry: |
^^ ما رحت بعيد نبي منك تسطر اللي انت عندهم هيكس وجيليت :d البلا كله من هالملاك وهم من رجع الليفر سنين ورا وهم من بيخلونه نسخه مطابقه للمكبايس وليدز :( ولا الوم رافا بهالشيء يمكن كلامي فوق مهوب دقيق شوي لكن المقصد منه اني ما الوم رافا وهو قاعد ينافس بـ الليفر الاولمبي . ماا اقول الا ياحظ اللي عنده رئيس مهوب امريكي :( >> وجه يتذكر ابوظبي القابضه :( . نورت الرابطه مسيو ناصر وداري ان شطحت عن السالفه لكن خلها فضفضه من اللي اشوفه بالفريق :( . لكـs45s |
إقتباس:
يعني الحضور دايم full واسعار التذاكر غالية ماا ذكر اني لقيت تذكرة في البريمر كلها مبيوعه ودوري الابطال تحضرها مع الضيوف 35 جنيه استريلنيي غير كذا حقوق النقل وووو يعني اندية انجلترا ماشية بالسليم ماديا ومع ذلك ما نشوف الليفر يسوي صفقات قوية واخرها على ما اعتقد توريس ناهيك :d عن توجه رافا بينتز للاسبان ومدري من صرح وقال انه بيتورط اذا تطبق قانون 5+6 الملاك المفروض يرخون مخابيهم شوي على النادي واصلا النادي اكيد ممتاز اقتصاديا على عكس الكالشيو اللي اهم مورد فيه معدوم جدا ( اللي هو الحضور الجماهيري ) على طاري قولتك يا حظ اللي ماعنده رئيس امريكي ترا مانشستر مالكهم امريكي <--- والله يا انا رايح وطي معه ساحب على كل شي ومسلم الخيط والمخيط لفرجسون هذا الرئيس والا بلا s13s تدري رئيس يوفنتوس منهو ؟ ترا جنسيته فرنسي :to: طبعا ماوصى عليه بلاتيني ابد :s5s: كيف الديموقراطية بفريقنا :smilie47: على طاري الاموال وتغذية الفريق بالصفقات , اذكر بعد ماصعد اليوفي للدرجة الاولى كان يترنح ماليا , اجتمعو مجلس الادارة والمساهمين وسوو تصويت وانتهت النتيجة الى ان المساهمين بيدفعون للنادي 105 مليون يورو دعم !! صراحة هالحركة اعجبتني , كل شي بفريقنا ماشي بالسليم اجتماعات ومساهمين وتصويت وامور تجارية بحتة , على عكس الليفر والانتر وتشيلسي اللي ينفرد بالقرار شخص واحد رغم ان فيه عائلة تملك 66% من اليوفي الا ان البقية لهم رأي ويدعمون النادي ما ادري هل هالشيء موجود في الليفر ؟ ما اعتقد حقيقة :smilie47: <--- احس النقاش بيطلع كااايف وبنطول فيه :wub: |
^^ نآصر شلون ما يطلع كايف وانت فيه . الا يتكيف غصبا عليه :d اجل باسم الله :d عن الجزئيه الاولى فـ مشكلة الفريق الماديه هي بوجود الامريكان . النادي مثمر وعائداته من الابطال والدوري سواء حقوق النقل او الحضور الجماهيري ممتازه خصوصا مع وصافة الدوري العام . لكن عذر الملاك الاوحد هو الديون اللي على النادي وهذا الشيء المثقل على كاهل الفريق . هم متمسكين بالنادي لانهم لاقين من وراه خيره مع الاسف عشان كذا ذكرت انه فيه نواحي ايجابيه بخروجنا من الابطال . اماا عن الصفقات القويه فـ نظام الفريق من بعد اول سنه لرافا معنا هي نظام بيع لتشتري . خروج نجوم كثر من الفريق وحتى لاعبيين ممتازين كتدعيم للدكه كان بسبب هذا النظام . للعلم فقط . الملاك وعدو رافا بدعم الفريق بـ 20 مليون بالصيف الماضي ومع كذا ما شفنا الا اموال بيع اللاعبين امثال اربيلوا والدون والباقي راح بحجة تسديد الديون لـ احد البنوك . تخيل مجموع قيمة انتقالات اللاعبين من الفريق على حسب الصحف الانجليزيه 40 مليون + 20 الموعوده. ومجموع انتقالات اللاعبين الى الفريق هو 40 مليون وعليك الحساب .!! اماا عن التصريح فـ المقصود هو لاعبين الاكاديميه اللي 40% او 60% منهم اسبان وصاحب المقوله اكيد معروف انه هو السير والهدف واضح !! لكن تاثيرها على المدى البعيد ممكن يكون معه حق لانها نسبه كبيره من شباب الاكاديميه وناشئيها واللي هم تدعيم للفريق الاول مستقبلا . ومعروف ان الملاك ابعد ما يكونو عن دعم الفريق باي شكل من الاشكال . لذلك ممكن نكون بورطه من هذي الناحيه . اماا عن الجزئيه الثانيه فـ مع الاسف الامريكان لهم نسبة 100% من اسهم النادي وبيدهم الحل والربط حتى انهم مره كانو ناوين يبدلون رافا بـ كلينسمان وهذا يبين لك انهم ما طقو شور لـ احد لو الله ثم مضاهرات الجماهير ولا كان النادي بخبر كان . للأسف النظام التجاري البحت مهوب دائم يكون جيد مثل ماهو حاصل مع المان الان . تفكير الملاك مادي بحت حتى انهم الان ومع اعذارهم لرافا بشح الاموال فهم ناوين يبنون ملعب جديد للنادي لزيادة الدخل مع انه لو دفع لرافا قبل اقفال السوق الصيفي بـ 14 مليون كانت الاوضاع الان افضل . شطحه تبين لك جشع هالملاك القبيحين . جيليت وهيكس اعلنو انهم يبون مستثمر جديد يدخل معهم شراكه والكل يبي يبيع جزء من حصته بالمناصفه للشريك الجديد ومع وجود الاميرفيصل بن فهد الكل قام يلف من ورا الثاني لضم الامير معه ويبغى من الاخر بيع حصته كامله عشان يستفيد من وجود الامير خصوصا اذا كان الاخير من النوع الداعم مثل ابوظبي القابضه . وصارت بينهم مشاكل من جديد . وبعدها الكل قام يقدم الكلام المعسول لتهدئة الجماهير وقامو بدعم رافا بكل الطرق المعنويه على الرغم من انهم كانو من كبار منتقديه ودائم بينهم خلافات مع رافا على خلفية تدعيم الفريق . حتى انه كتب بشروط عقده هو حصوله على الدعم المادي اولا باول >> تخيل !! عن نفسي افضل اداره مثل المان يونايتد او السيتي .ولا افضل تكون مثل البلوز او الريال اللي ممكن يفرض على المدرب لاعبين ما يحتاجهم ويرغمهم عليه والامثله كثيـر . ادارتنا تعطي المدرب الضوء الاخضر بشراء اللي يبي لو يحطها كلها بـ لاعب واحد لكن بحدود المبلغ الضئيل اللي معه ..!! |
^ ^ ^ يؤ يؤ والله الوضع مزري اجل !! طيب الحين وضع ليفربول مع رافا والملاك الامريكان مهوب افضل من ايام التنح جيرارد اولييه والادارة السابقة ؟ احس الوضع حاليا افضل من السابق لكن مهوب هو الافضل والمأمول الغريب ان ملاك الاندية يدعمون موراتي يدعم الانتر سواء من جيبه الخاص او من شركاته وابراهيموفتش نفس الكلام يمكن مانشستر ما يدعمون مباشررة بس مسلمين السير كل شي الارسنال متقاطين مع فنجر بحيث انهم يهيكلون الفريق اقتصاديا من جديد ورئيس ارسنال ماله الا 2% من الاسهم على فكرة مدريد سياسته ما تعجبني البرشا هي افضل سياسة لاني ارى والله اعلم ان سياسة القرار الاوحد والمركزي هي اسوأ شي وهذا اللي حاصل مع ريال مدريد , صفقات قبل المدرب على عكس البرشا اللي المدرب له الصحلاية والدليل عدم رغبة بيب بسامويل ايتو وباعه باقرب فرصة وبرضة بايعين واحد فلتة لليوفي تشوفونه بعدين سياسة الانتر سياسة في تدخل اهواء الرئيس واكبر دليل ريكوبا الميلان مدري وش يبي سياسته مهيب واضحه سابقا كان برلسكوني يدعم الحين ما يدفع شي مغير يخزن قروش الابطال وكاكا ولا صرف منها شي اليوفي زي ما قلت لك سياسته مجلس ادارة ومساهمين ومع ذلك ما نقدر نغفل حق العائلة المالكة اللي تكفلت بجزء كبير من صفقة محمد سيسوكو ولها تاثير كبير على النادي تساؤولاتي بعد الفلسفسه السابقة / وش اقرب سياسة من السياسات اعلاه قريبة لسياسة الليفر ؟ وش تفضل اي سياسة منها ؟ ايهم احسن وضع الليفر الحالي والا ايام اولييه ؟ فلوس الونسو وين راحت ؟ كم قيمة العقد السنوي لـ Carlsberg اللي في فنايل الفريق ؟ |
السلام عليكم ورحمه الله وبركاته -- هاردلكم خساره الليفر .. وعلى قولتهم هالسنه راح نخليها بريك والسنه الجايه بإذن الله راح تشوفون الليفر شكله غير لكن ماراح يحصل هالكلام إلا إذا تغيروا ملاك النادي أو غيروا سياستهم الخايسه .. وأخيراً أقول إن البطوله هي من خسرت الليفر وليس العكس .. وزي ماقال ابو عزيز : انا بكون فيولاوي إلى أن يخرج من البطوله لعيون مجيدو :wub::feor: -- skroo هلا والله وغلا بالزين كله :wub: .. أخبارك ياشنب عساك طيب ؟! :smilie47: والله ياخووك الوظع الحين مايسر العين .. مدري حن نلاقيها من الإصابات ولانلاقيها من الملاك عيال الـ#$%)%$ ولانلاقيها من ديون النادي ولانلاقيها من بعض اللاعبين .. يعني خلها على ربك بس . أنا حبيت أشطح في الأسئله إلي وجهتها لمحمد :wub: : وش اقرب سياسة من السياسات اعلاه قريبة لسياسة الليفر ؟ بـيـع لـ تشتري s121s وش تفضل اي سياسة منها ؟ اممممممم .. يمكن سياسه المان وخصوصاً إن رافا من النوع إلي يعرف ينقي وتظهر نتايجه في المستقبل ايهم احسن وضع الليفر الحالي والا ايام اولييه ؟ أصلاً الحين الوضع مزري .. لكن مقارنهً مع هولييه بالتأكيد الوضع الحين احسن . فلوس الونسو وين راحت ؟ علمي علمك .. لكن البعض يقولون راحت عشان تسديد ديون النادي .. وبعضهم يقولون عطوها رافا [ ماعاد عرفنا والله :d ] . كم قيمة العقد السنوي لـ Carlsberg اللي في فنايل الفريق ؟ حوالي 7 مليون واتمنى ما اكون ثقلت عليك خيوو .. وفورزا يوفي اليوم :d:smilie47: لك :rose: |
كاوت : دفعنا ثمن أخطاءنا .. والإصابات صعبت علينا ! http://i.telegraph.co.uk/telegraph/m...t_1491028c.jpg أكد ديريك كاوت لاعب ليفربول أن فريقه دفع ثمن أخطائه التي ارتكبها في المباريات الماضية والتي كلفته الخروج المبكر ، وأضاف المهاجم الهولندي في تصريحات للجزيرة الرياضية :[ إنه أمر مخيب للآمال. ليون وفيورنتينا تبادلا الفوز وهذا الأمر جعل الأمور اكثر صعوبة علينا ، علينا أن نتجاوز هذه المرحلة السيئة وأن نعوض في قادم الأحداث ]. ورداً على سؤال حول ما إذا كانت أسباب النتائج السيئة هي العلاقة بين المدرب واللاعبين قال كاوت إن العلاقة ممتازة بين الطرفين ولا صحة لما يقال وأنه ربما كانت الإصابات علامة صعبة في مشوار الفريق لأنها أثرت عليه كثيراً ولم ينجح الفريق في التغلب عليها . المصدر |
جيرارد يتطلع لتخفيف الآلام عشاق ليفربول بالفوز على إيفرتون !</B> http://www1.pictures.zimbio.com/gi/D...lUXfMRt2Gl.jpg اعترف قائد ليفربول ستيفن جيرارد بأن هذا الخروج يمثل ضربة مريرة لكنه يأمل في تخفيف الآلام هذا الخروج المُبكر بالعودة للمنافسة على لقب الدوري الإنجليزي بتحقيق نتيجة إيجابية أمام جارهم في المدينة إيفرتون عندما يتقابلا في الجولة الـ14 بداية الأسبوع المقبل ، وقال :[ الخروج من دوري أبطال أوروبا ؟ بالطبع أمر مُخيب للآمال العريضة لجماهيرنا ، نحن لعبنا بشكلٍ جيد الليلة بل بطريقة خيالية ، ورغم حصولنا على النقاط الثلاثة خرجنا من البطولة ]. وأضاف :[ كنا نتمنى المواصلة في دوري أبطال اوروبا ولكن علينا تقبل هذه النتيجة ، والتحرك إلى الأمام لمحاولة ربح المقابلات المقبلة ، لتخفيف هذا الحزن علينا الفوز على إيفرتون ثم تحقيق الفوز بالمباراة الثانوية ضد فيورنتينا في ختام هذا الدور للتوجه لبطولة الدوري الأوروبي بروح مرتفعة ]. المصدر</> |
.. ياعيال .. انا اكتشفت بإننا يمدينا نتأهل .. بمعنى : الحين ليون عنده 10 نقاط وله 8 أهداف .. والليفر عنده 7 نقاط وله 4 أهداف .. وعشان كذا لازم ديبرنشين يفوز على ليون على الأقل 2-0 وإحنا نفوز على الفيولا بفارق خمسه أهداف . الحقيقه انا متمسك بالأمل بإذن الله :yes::smilie47: :rose: .. |
^^ الاتحاد الاوربي فـ حال التساوي بالنقاط يرجعون لمباراة الفريقين . يعني طلعنا او بشكل اخر اهلنا للدوري الاوروبي طز نآصر امم سوري النت فصل والدنيا حاست ولا قدرت اشغله الى هالحين . بما انك حصرتها على هالنقاط فـ بعطيك اياها مرتبه . * الاقرب اعتقد المان لان رافا له صلاحيات كبيره الان بعد توقيع عقده الجديد واللي طلب فيه يكون هو الامر الناهي بامور الفريق الفنيه ومايتبعها عكس ماكان الوضع مع ريك باري . للمعلوميه الامريكان عندهم فلوس الدنيا كلها وهيكس توه بايع نادي تكساس رينجز او شيء زي كذا بملغ وقدره ولايهون جيليت ومع كذا ما شفنا ايتها دعم محرز للفريق . * اعتقد اني افضل سياسة البرسا بناءا ع كلامك لاني بصراحه ماني ملم بسياسة البرسا لكن ان يكون المدرب هو الرئيس هذا اللي افضله بكل تاكيد ويكون مدعوم بكل قراراته هذا الشيء المطلوب . * اذا مانيب غلطان الرئيس السابق للنادي ماباع الفريق الا لما تاكد ان هالملاك كانو ناوين على دعم واذا ماني ملخبط المالك السابق كان من مشجعين النادي لكن ماكان عنده ميزانيه تسمح له بدعم الفريق فـ فتح المجال لغيره . الملاك الجدد مع اول قدوم لهم دعمو النادي وهذي حسنتهم الوحيده بجلب رافا والونسو وجارسيا ومن بعدهم النينو . لكن بعد كذا شفنا كلام فاضي ووعود واهيه . اعتقد انك حطيتني بين خيارين احلاهم مر . * الباقي من فلوس الونسو سددوها على اساس مديونيه لـ احد البنوك بناءا على تصريح حدا هالاوادم . * وقيمة عقد شركة النحس 7,5 مليون سنويا لكن ابشرك من الموسم الجاي بتغيير الرعايه لانا وقعنا مع بنك نسيت اسمه بـ 20 مليون وصار الفريق موازي للمان كـ اكبر رعايه بالبريمير . ع فكره احد اسباب هبوط المكبايس رئيسه التووحفه واذا ماني غلطان مثله ليدز . |
ماسكيرانو : الريدز سيعود ! http://images.football365.com/09/11/...ol_2389175.jpg ماسكيرانو واثق من أن الليفر سيعود بعد خروجهم المبكر من دوري أبطال اوروبا ، ولم يكن فوز ليفربول على ديبرنشنين كافياً للتأهل بل إنه يريد خدمه من ليون للفوز على الفيولا ولكن ذلك لم يحدث وفاز الفيولا على ليون ، ومع الآداء المتواضع من الليفر فإن الإنتقادات وجهت بشده إلى رافا وايضاً وتتزايد الضغوط مع مباراه الليفر القادمه في الديربي ضد إيفرتون . وقال ماسكيرانو :[ إنه شعور غريب في النادي ، ودوري أبطال اوروبا هي بطوله خاصه ولكننا خرجنا منه ويجب علينا الإستمرار ونحن الآن في مسابقه أخرى وسنفعل كل مابوسعنا للفوز ، وليفربول يستحق أكثر من ذلك ولهذا السبب سوف نبذل قصارى جهدنا للفوز ببطوله اليورو ليغ ]. ويتطلع ماسكيرانو بأن الليفر سيعود للطريق الصحيح في الدوري عندما يلاقي إيفرتون يوم الأحد القادم حيث قال :[ نحن نعلم بأنها مباراه صعبه ولكنها مهمه بالنسبه لنا ولجماهيرنا ]. المصدر |
http://www.msr-memorabilia.com/produ...1107160539.jpg وداعا حتى آشعآآر آخر . تثبيت على 5 . http://europaenjuego.files.wordpress...erpool2001.jpg بآآك |
-- ابو عتبّ s45s s45s معلق لـ ديربيّ الميرسيايّد .. ! -- |
هذا الشيء اللي ممكن نتفآآئل فيه من الخروج من الابطال ليفربول جمع الثلاثيه كاس الاتحاد الاوروبي والسوبر واهم شيء الدوري . طبعا بعهد المدرب الذهبي بوب بيزلي . http://cache3.asset-cache.net/xc/790...D09967DB774726 تخيلو شباب بسنة 1976 و 1977 فاز الفريق بلقبين دوري وبدوري الابطال وبكاس الاتحاد الاوروبي والسوبر الاوربي ومرتين بالسوبر الانجليزي . http://cache2.asset-cache.net/xc/789...D308C68AB2A915 الزبده انا تفلت بالذكريات لاني قاعد اراجع تاريخ الفريق بكاس الاتحاد الاوروبي وتفاآئلت بهالشيء خصوصا انها كانت الحقبه الذهبيه بتاريخ النادي . |
| الوقت المعتمد في المنتدى بتوقيت جرينتش +3.
الوقت الان » 01:40 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd