!! ... وش اسوي بـ كذا عينات يا ربي :s ... !!
 

مع السلام عليكم :s5s::ba1:

وش اسوي يا ربي :s5s: انط من فوق السطح :s5s: اكسر قزاز المكتب
وانط على الشارع انتحر واموت :s5s: اشق هدومي :s5s: ترى بصيح :cry:

لا احسن شي افقع ام وجهه بقس اخليه عيونه الثنتين يسار :mad:
اشطب وجهه لين افتح طريق خريص كامل فيه :s5s:
اقوله يرحم امك لا عاد تفكر تسوي نفسك تمون :ranting:

<=== ترى اللي فوق هذي اللي يسمونها مقدمه :s2:

مختصر الموضوع !!

مرات الواحد ربي يبليه بصاحب او زميل عمل او احد من عيلته !!
فيه فضول او يعني ثقل دم شي عجيب :s5s: ما يحترم الخصوصيات ابد ابد :mad:

اللي يصير معي انا شخصيا ... واحد زميل لي بالعمل تقريبا حالته المبدأية
من اول ما شفته وشخصته طلع معه انفصام شخصيه حاد :s5s: الرجال هادي
جدا وما يحب يكون علاقات تحسه ما عنده شخصية قوية !! غير انه لو مديره
يقوله نط من فوق السطح يروح ينط على طول :s5s: ولو الله كتب له عمر وما مات
يرجع لمديره يقوله تبغى انط مرة ثانيه :to:

المهم خوينا هذا هو بالشركة من قبل ما اجي ... من يوم جيت انا ويوم شافني
اني ماني تبع مشاكل واحب اذب او يعني بشكل عام عرف اني كويس :wub::s3s:

بدا يحتك بزياده ودايم يسوي انه تكفى صير صقيقي :to: كله ينبلع وعادي
مع انه سوالفه غبية واصلا ما يسولف الا اذا عنده شغل لكن اللي خلاني اكتب
الموضوع هو انه ملقووووووووووووووووووف :mad::to:

جوالاتي احطها عادة على المكتب جنبي ... كل فترة يعني اسبوع اسبوعين
اذا جاء عندي ما القى ابو الشباب بسيوني الا ماسك الجوال ويقلب امه تقليب
رسايل ... صور ... مقاطع صوت وفيديو ... خدمات ومميزات الجهاز ...
احسه يغيب اسبوعين ويجي يقول خلني اشيك وش عنده شي جديد :s5s:

اقسم بالله انه يطلع شغلات من الجوال انا ما اعرف عنها او وين موجوده :s5s:
مرة فتح مقطع فيديو ... انا اسمع الصوت وقامط ام العافيه اقول وش هالصوت
ما قد سمعته الله يستر لا يصير احد من البزران مصور فيديو بالبيت او استهبال
وينكب عشانا :s2: كنت بقوله وقتها تكفى تعال ادخل بدفتر العيله بس لا تفضح :s5s:
اخر شي طلع مقطع مدري من متى واحد مرسله لي وقالي شوفه حلو وانا نسيته
والله :to:

والقلق مرات اخواني الصغار يلعبون بالجوال ويصورون صور نوعا ما فضيحه :s2:
انا ما ادري عنها طبعا هو يدري عنها قبلي :s5s: ومرة اخذ الجوال طول وهو جنبي
واقف يلعب فيه :s5s: بعد شوي جا حطه قدامي قالي : " بص حضرتك ده بيتنا في مصر " :to:
الدب فاتح Google Earth وقاعد يدور ويطمن على حارتهم وبيتهم من زود الفضاوة !!

مصر مين والناس نايمين يقلع بليسك وين وصلت :ranting: وش هالميانه اللي تجي كل
اسبوع تقلب جوالي وتطقطق عليه وتسوي انك اخوي بالرضاعه :mad:

الغباء بالموضوع ... بعد ما يخلص لقافته طال عمره يجي بكل برود يفتح الكاميرا
ويقولي اوف 8 ميغا بيكسيل :s5s: يلعن بليسك عشرين مرة سالتني هالسؤال :s5s:

يعني يحاول يقنعني انه كل هالوقت قاعد يجرب الكاميرا ويحاول يعرف دقتها
وما ادري ايش ... ياخي طفشت دور تصريفه غيرها ... :s5s:

والله احس بعد كذا من طفش تصريفاته بيصير ياخذه يلعب فيه نص ساعه
بعدين يرجعه يقول اوف يا حرام شكله طاح منك الخدش هذا ما كان موجود المرة
الماضيه :to: يا ابن الـ &*%$###** :to: روقني فكني اكره هالنوعية ياخي احترم
خصوصية الناس :mad:

انا والله مرات جوال اختي او اخوي اتردد قبل ما ادخل واسالهم عادة هذا لو مسكت
جوالهم ... كيف واحد ما تمون عليه :ranting:

اللي خلاني اكتب هالموضوع انه توه الحين مشى من عندي بعد ما فصفص ام الجهاز
وانا جنبه اقول يا رب الله يستر لا يصير شي خاص ... وكل شوي اقول متى بيرجعه
لا واحد يناديه يسولف معه ويروح له وهو يمشي بجهازي ويرجع جنبي يكمل
طقطقه عليه :to: اخر شي بكل برود فتح الكام قالي ايه ده 8 ميغا بيكسل :s2:

كنت بقوله وانت خليت فيها بكسيل :s2: قولي ايه ده مش جايب حاجه جديده
من اسبوعين ... قولي ايه ده الموبايل بتاعك شكله وقع من يومين .. قولي
ايه ده رسايلك مش حلوه :to: هاوشني ليش خلصت كل مراحل الالعاب بالجوال
وطفشت تبي مراحل جديده والقلق يوم حطه عندي لقيته مفتوح على صفحة
الجوجل ماب :cry: وربي طفشت منه :cry: ما ابي اكمل لاني لو اخذت راحتي
فيه بيتشفر موضوعي :cry: عارف مجلسكم زي نظام السعودية الاولى :cry::s2:

<=== لازم يذب :s2:

ما يستفاد من الموضوع :

1- وش تنصحوني اسوي معه !!

2- فيه احد يعاني من ناس مثل هالعينات !! :s5s:

3- لا احد يحط جوالاته قدام الناس للرايح والجاي <=== قول لنفسك :s2:

4- لا تخاوي دلوخ .

5- تحسون اني اسمع بشي اسمه ما يستفاد من الموضوع وما اعرف وش هو :s2:

شكرا لكم :smilie47: وربي كتبت عشان افضفض واطلع حرتي منه الغبي :mad::ranting:

سي يو :ba1:

وعليكم السلام ورحمة الله وبركاته
صراحة أهنيك ،
سجلت دخول من مقري في العمل عشان بسسسس أعقّب على موضوعك <== يعلمكم أنه متوظف بالصيف :d ،
الحــل بسيط يا حالمي s45s:d ،
حط رمز قفل للجوال وخله يفصفصه لين يقول بس ،
لكن ما أضمن لك أنه يطفي جوالك ويقشع البطارية ويحط السيريل نمبر بذاك الموقع حق الأجهزة ويفك رمز القفل خخخ :s2::s2:
وعندك حل ثاني ،
قدم استقالتك وتعال اشتغل سكرتير عندي :s2::smilie47:

يـ الله حيـه :D

شـف هـ النـوعـيـات متـواجـدهـ وبـكثـرهـ !! انـا كـنت اعـانـي من نفـس مشـكلـتك الي هـي خـويـك يصيـر ملـقـوف والا يـبي يصـير صـديقـك غصـب !!

يـعني اقولك :D يـدق عـلي ويقـول فيصل اطـلع تـراني عـند البـاب !! اقـولـه وش عـندك !! يـقول بـشوف المـبـارات مـعك !! حسـبي الله علـيك وش ذي الوقـاحـه !! طـيب استـأذن !! انا طبـعاً قـلطته قـهوه شـاهي ويـوم خـلصت المـبارات قلـت ان شاء الله بيظف وجـهه الحـين قـعد !! والله مـاطـلع الا 2 !!

عـقبها نـفس المـشكـله نهـائي الأبطال دق عـلي قـال انا عـند البـاب بـشوف المـبارات عـندك ،، قـلتـله عـندي اخويـاي رح مقـهى وسكـرتـها بـوجـهه !! والى يـومك هـذا مـادق عـلي :D يـعني يـابعدي هـ الأشكـال ماينـفع مـعهم التـلميح !! زبـدله وهـو نفـسه مـاراح يـصير لـه وجـه يـقابـلك :D

موضوع خفـيف ورهـيب :D

كان هنا لسه هنا والا مشيت !! <==== سخييييف :s5s:

لا تلومني اثر علي هالدلخ اللي عندي :cry::ba1: والقلب لك يخسى هو :s2:

حبيب قلبي اول شي اللي اعرفه انك زي اسمي :wub: واسطه يعني :wub::smilie47:

بالنسبة لقفل الجوال المشكلة جوالي سوني اريكسون ... وعجزت احاول فيه
شلون ينحط له قفل ما عرفت :s5s: انا مشكلتي بالجوالات اللي اخق مع شكله اجيبه
بعدين احاول اعرفه مميزاته اول شي ... بعدها اسحب عليه خلاص يصير
ارسال واستقبال وكبر راسك نادر اصلا اني ارسل منه واستقبل وكذا !!

انا منتظره يطفش يقول هذا زبون مو كويس ما يجيب شغلات جديده بس
الى الحين ناشب :s5s:

وانا ما احب القفل قلق كل ما ابغى الجهاز احط قفل ... بس والله لو اعرف شلون
كان احطه بالدوام بس :smilie47: يقلع بليسه بيجيني انفصام شخصية :cry:

بالنسبة لموضوع اصير السوكراتير حقك :s2: ما انصحك تتهور بهالقرار لان
لو جيت انا بصير مديرك :s3s: بعدين احد يصح له يصير مدير وعنده سكرتير
ويجيب رجال :s5s: فكر زين قبل قرارك هذا ... اذا ملزم كلمني اقدم استقالتي :s2:

منور :ba1:

ريكيلمي :smilie47: نفسي ازبد له واكثر من مرة تواقحت مع ناس وما فرقو معي
بس هذا اقولك شخصيته ضعيفه ... يعني اذا ابغى ازبد له لازم ابدا اول شي
اوصله انه يع ما احبك ... بعدين نوصل لمرحلة كش عليك ... بعدها اقوله
تراك نشبه وانا اكرهك يله خلنا نصير اعداء ... بيصيح شوي ومدري وش
يصير بعدين :s5s:

والمشكلة ليت جواله شي الواحد يستاهل تقلب فيه اصلا لو اخذته بيسحب
علي لانه بيكون متاكد اني ما رح اعرف استخدمه ... جواله ممكن تستخدمه
ملعقة اكل ... مشبك غسيل .... وقت الشحن اذا صار حار اكوي فيه ملابسك
اخر شي تقدر تستخدمه جوال :s5s::s2:

جد والله مضايقني بقووووووة ... بنفس الوقت زي هالنوع من الشخصية ما تتوقع
منها ردة فعل معينه ... يعني والله من اول افكر بموقف انهي فيه الموضوع كله
بس الى الحين ما عرفت دواه بس له يوم ان شاء الله :smilie47:


مواصل من عام الفيل :smilie47: اسمحلي اضحك اول شي على البرايفت :s2:

خخخخخخخخخخخخخخخخخخخخ :s2::s2:

خلاص ضحكت يله برد عليك الحين استعد :s2:

موضوع القفل قلت لك حاولت مررررة اسويه بس ما عرفت !!
نظامه غير النوكيا الظاهر !! غير كذا يمكن جد ما تصدق اني الى الحين
اخلاق وبريء ومؤدب ماني راضي اجرح مشاعره :s2: بس صدقني
الشخص غامض جدا بالنسبة لي وماني متوقع ردة فعله ايش بتكون !!

بس صدقني كل زفلت وله مقاول يفرشه :s2::s2: انا اوريك فيه بيجي
يوم اكون متهيض واحس اني قوي الشتيمة وافقع ام وجهه :s3s:

شكرا للجميع على المرور :smilie47::ba1:

ياحبيلك بس تخليه يقلب بالجوال وانت تتفرج :D

ازين شي ازبدله واكرشه وخذ جوالك منه او ..... خذ جواله وقلب فيه :D

ههههههههههههه وربي اقرى وميت ضحك اتخيلك نحيف وهو دب وخايف منة ههههههههه

ههههههههه ذهي ماتمشي علية بيقول خاص اية ياعمي دنا حافز قوالك كله....


اذا تبي نصيحتي وهالكلام مجرب وربي سويتها بواحد بالاستراحة مو بالدوام ..

اشتر جوال ابو 100 كشاف اهم شي بدون كاميرا عشان ما يلاقي ولا بكسل ولا ارخص نوع ولو مستخدم عادي ولا تنظفة خلة وسخان.. ووقت دوامك حط شريحتك فيه ولا تخزن الا رقمة بسسسسسسسسسسسس ولا تبقي بالوارد الا رسايلة ولا تبقي بالسجل الا مكالماتة ووقتها اوعدك انة رح يطفش نهائيا لانة بيصير مايشوف الا تقرير عن ازعاجة..

ههههههههههههههه اذا تبية يفصل حط صورته خلفية..

طبعا جوالك الثاني لاتقولة الا كلمتين بس لانة رح يسالك عنة اكيد .. قلة طفشت منة وعطيتة للسواق وخذيت جوالة خلة يموت من القهر عشان يتمنى انة سواق عندكم..خخخخخخخخخ

***

هلا بالدحمي .. :d:smilie47:
أشوف المجلس منور أثاريك موجود :d:smilie47: << تراها مجاملة :tw:
كثير من الناس ملاقيف , لكن مثل هذا ما لقيت , من جد علة على قلبك
الله يعينك , لكن عندي حل كويس جدا , و إن شاء الله بتسفيد منه
حط الجوال فيه رمز سري و قله إذا جبت الرمز صح أبعطيك الجهاز
هو أصلا ما يقدر يجيبه وقله إنك منتب فاتحة علشان ياخذ الجوال له :d


عاد عطني رأيك بالفكرة :D:D


***

السلام عليكم ..

اسمع يآ صقيقـي ..

نصيحتي لك ،،
ازبدله بس على خفيف.. يعني إذا قعدتوا تسولفون انت و إياه ، حآول توضح له إنك ما تحب احد يشوف خصوصياتك ، و عطه سالفه من نسخ الخيال من رأسك ..

ولا خذ معك جوال ثاني ، وإذا مسك جوالك وبدى يقلب ، اتصل على رقمك .. و حآول تطلع ريحته !!

ولا تقدر ما تعطيه وجه .. وخل علاقتك معه رسميه مرره .. وكل ما حاول يكلمك اشغل نفسك بأي شيء ..

آخر حل ،، إنك تزبد له !!
إذا ما نفعت ولا طريقة .. لأنه معك في العمل ، يعني كل يوم بتشوفه ، وصعبه تزبد له .. وهو على كلامك شخصيته ضعيفه ..

حيه الدحمي ...:smilie47:

انا شفت ملاقيف بهالبلد بس مصري ما قد شفت صراحة .. عشان كذا حالتك صعبه :s2::to:
--
اعاني نفس مشكلتك .. فيه واحد اعرفه .. غصب بيصير خويي اذا بغى يسلم يخبز ام ام ظهري .. عاد تشوف وجهي قاد حاذى الأرض تقل نعامة :s2: ، تعرف بيطق الميانه

صرت ازبدها بوجهه وصرت جدي اكثر ..

قسم بالله صرت اكره اطق ميانه مع واحد من هالآدمي ، الا بعد فحص شخصيته :s2:

ما قد سمعت اللي يقول انزع الجذور من الأطراف :s2:

شوي شوي سكر جوالك اذا اخذه خذه منه بالقوة ، سيم سيم لابك ..

وبعدين اذا شفته اقبل عليك قله مشغول او صرفه ولا تكلمه ولا تقربه ..

الله يعينك ،، واذا كانت حالته مستعصية نادني تراني قوي :d:d

اشوفك على خير ..:smilie47::rose:

يا هلا فيك أخونا الهلالي 11


مثل ما تفضلوا الأخوان وقالوا حط ( رمز قفل ! )
وثاني شيء خل جوالك بجيبك .. : )

وبعدين لا قط وجهه كالعادة لا تعطيه وجه وخذ الجوال منه وقل ( تسمح لي آخذه :s2: بعد إذنك يعني :s5s:)


وسلامتك

الخصوصية

بمفهومها العام مهضوم حقها في مجتمعاتنا

تحس ان اذا ما خليت الواحد يآخذ راحته في اغراضك في اسئلته بيقول عنك متكبر وشايف نفسك :mad:

بقول لك قصة ما ادري تقرب لموضوعك والا لأ بس من زمان ودي اقولها :d

مرة واقف عند صراف طبعا الصراف في غرفة زجاجية :d

دخل واحد يصرف .. وأنا انتظرته برا ابيه يخلص عشان ادخل اسحب دراهم :to:

المهم جا واحد تعطيه حول الخمسين سنه

قالي تفضل قلت له خل الرجال يخلص قال يارجال ادخل بس
قلت هذا شي خاص ما يصير ندخل قال الله واكبر لو ان رصيده مليون
ودخل على الرجال ووقف جنبه لين خلص شغله :mad:

ياخي ليه كذا .. ليه اللقافه وعدم احترام خصوصية الآخرين :mad:

الهلالي 11 :rose:

اشكرك لأنك سمحت لي اشاركك الفضفضة :s2:

وخويك عطه العين الحمراء بس بأسلوب :d

ع ـــندنا وعندك خير .......
آنا مآحب آحد يمسك ولا يفتش في آغر اضي الخاصه ومن ضمنهآ الجوآل لإني مو حاطه رمز قفل ........:yes: وكل شيء عندي مآيردني إلا الملاحظات ..
بس الله يسلمني متخذه سياسه يويله وياسوآد ليله اللي يمسك الجوآل بدون مايستآذن من معآليه .. :smilie47:

هلا براعي الــ ss خخخخخخخ
يمكن الرجال فك ع الموتر وقام يتمصلح :D
والله شوف .. هالعينات اذا عطيتها وجه راح تمون بزيادة ..
وانت مثل ما اعرفك انك رحوم وطيب بس لاتزودها معه وخلك شديد معه
او عطه في وجه وقله انت نشبة وبس ..

بالتوفيق
فمان الله

هلا عبدالرحمن

عندي لك حل نص مشفر :s2: ابخليه اذا شافك يهج :s2:

وعندي جميع الادوات اللازمة وتصلح لمثل حالتك :s2: ولحد يروح بعيد :s2:


ألقاك بالمسن واقولك اياه :s2:

بصراحة حل مميز s121s:naughty:s121s

أنا الحمدلله ما تعرضت لمثل هالموقف أولاً جوالي فاضي ثانيا ما أشيلة ولو شلته بالشنطة وصامت :to:

ماله أي هدف لكن مرة صارت لي على الاب كنت ما خذته معي في دورة وتجي وحده ملقوفة ما أعرفها

وتفتح الجهاز وتقلب فيه المشكلة أنها تعلق ليش كاميرا وليش ما أدري أيش:mad:

أنا عطيتها الجهاز عشان تشغل عليه البروجيكتر مش عشان تجلس تفتشه :ranting:

طبعا أنا ما رديت عليها وأخذت جهازي وبعدها ما عاد عطيته أحد يطلبة مني أقول فيه أمور شخصية

طبعا ما فيه بس ما أحب أن أحد يخرب علي أغراضي

المشكلة لو أعرفها عادي لكن ما ألتقيت فيها الا فترة بسيطة وفتشت كل شبر بالجهاز اللي أدري عنه واللي ما أدري

لما شفته بعدها لقيتها فاتحة مذكراتي وكتاباتي لو كنت شفتها بنفس الوقت كنت قلت وش هاللقافة لكن ربي عتقها

وصرت لما أحد يبي شي من الجهاز أكون معهم للحفاظ على أموري الخاصة:yes:

إذا ما نفع حل الأخ فوق ما لك الا تحط الجوال بجيبك أو بالسيارة ولو طلبة قل ما أقدر فيه أمور خاصة:s3s:

وإذا زعل يطق براسة ستين جدار :naughty:

بالحب والإشراق

هلا واللهـ :rose:..

ياخي هالنوعيه يبي لهم طق بالمطرقه على رووسهم :ranting:

ذكرتني بسالفتي مع وحدهـ من بنات الجامعهـ :yes:
طلبت مني جوالي تقول ماعندها رصيد وتبي تكلم اهلها ضروري ..
انا من قرادة الحظ ذاك اليوم موديهـ جوالي الاساسي :cry:
ماوديت ابو لمبهـ :cry:

والبنت علاقتي معاها عاديهـ يعني بس علاقة جامعهـ مو علاقه قويهـ
مابينا مكالمات ولا شي ..

راحت البنت تكلم رجعت بعدها بخمس دقايق ..
تقولي ترى جوالكـ ضاع :s5s:

يمين يسار وين راح الجوال .. ابد ..جوالكـ حطيتهـ جنبي التفت مالقيته ..:s5s:

دورتهـ اللين ماقلت آمين ..للاسف مالقيتهـ
وهذا ثاني جوال ينسرق مني :s2:
على قولت امي .. ماتدرين وين ربي حاطكـ:to:

قلت الله يعوضنا بس ..:yes:

الحين الواحد مايثق بأحد مثل مايقولون .. من خاف سلم ..
يعني تفشل وانحرج وقول اللي بخاطرك عادي:d
بس لاتعطي احد شي غالي ..:yes:

الله يعطيكـ العافيه ..:rose:

//

هلا عبدالرحمن :rose:

http://www.pc4up.com/2009b/7d-2009/pZg36301.jpg


كنت حاطتها خلفية للجوال .. :d:d

بيشوفها بيرجع الجوال على طول ,, :s4s:

انا صارمثلك بالجامعه وحده جالسه جنبي مااعرفها ,, قالت ليش عندك جوالين

اهلك يدرون ؟ طيب مين تكلمين فيها ؟:s5s:

خييييييييير جيت بقوم قال انتظري بشيل كتب وبروح معاك :s5s: وش تحسين فيه انتي :mad::s3s:


الهلالي 11 كل يوم تعال هنا :s4s::d

الحل عندي وانا ام هندي <<ودها تهايط

اذا تبي تفتك منه خذ لك جوال من هالجوالات القديمه من طقه الرهيب العجيب العنيد الي هو معد يقبل عليك وخله فاضي وامسح اللعاب الي فيه والا اقولك خله يلعب بالدوده ههههه كوده يزهق ..اذا انت من النوع الي يحب يرسل ويستقبل بس < تحس كل العالم مثلها :)

ان مسك جوالك بالله اسئله هو ده 8 ميقا بيكسل هههه

الله يعينك ..اجر اجر

هلا هلا عبدالرحمن :rose:

عليك اسلووووووووب عورني بطنننننننننننني من الضحك :s2::s2::s2:
بس والله جددت لي جروحي أنا وجوالي :cry: ضاع :cry: ماادري انسرق :cry:
وفيه صور لي وفيديو :s5s: فيييس يفحط دموع :cry::cry:
اقول لأهلي تراني مالي دخل لو شفتو بنيتكم :smilie47::wub: إلي هي أنا <<
باللهي احلفي:s2: ولك وجه بعد :s2:
في اليوتيوب :s2:
بسم الله علي والله :ba1: مااقول إلا يارب سترك :smilie47::smilie47:


وبسراااحه :s2: كل موضوعك كوم وهالكملتين كوم الي بنسخها :s2:

ههههههههههههههههههههههههههههههههههههههههههههههههـ
هههههههههههههههههههههههههههههههههههـ
يقطع بليييييييييييسك :s2:
مسببين لك ارهاب هنا :s2:

بالنسبه لموضوعك لحضة بكمل ضحك :s2: الله لايبلانا يارب :s2:
اسمعني او شاهدني :d وأنا أختك الي يصير معاك وقح
صر معاه وقح :yes:..!! وحتى لو الواحد مو عادته الوقاحه ولاهي طبعه ..!!
لازم يصير معاهم هيك لاني والله في هالمجتمع تقابل عينات غريبه وربي :s5s:
ولافيهم من الحياء والأحساس ذره :s5s:
وكذا والله صرت هالسنه ..!! الي وقح ليه تتعب نفسيتي معاه اختصر السالفه :s2: واصير مثله وقح(ه) :s2:
و ليه نصير طيبين وهم وقحين وجرائين ..!! طلب منك جوالك
صرف ياااااااااامصرف :s2::ga: ودورلك مليون تصريفه لين يحس ع دمه :razz:
ويتشطر عاد ويفهمها ..!! :s2:
وكان مافاد مره فيه اقترح عليك تشتري له جوال مثل جهازك وبس ..!!:wub:
هذا الي عندي :s2: وصح القفل زي ماقالو الأخوان الي هنا :yes:..!!


لك تحياتي
فنفن :wub::ba1:

ههههههههههه
الله يعينك ولكن تدري ابعطيك نصيحه من ذهب
تعلم على هذه الاشكال الصبر :)
صدق ترا ماامزح
تعلم عليه الصبر
وانت المستفيد

الله يكون بعوونك

طيب ليه تخليه على الطاوله
حطه بجيبك
والنوعيه مثل كذا مستحيل اعطيهم وجهه

.

اهلين هلالي 11

ذكرني قبل فتره كانت عندنا جآره عله على القلب اول ماتجي (البنات مفروض ماينعطن جوال والبنات مفروض ينحبسن
بالبيت والبنات ..الخ)
والله اذا شغلت هالأسطوانه كتكمت ضحتي اطالع امي وفيني الضحكه بس ما انثبر لين تغمزلي امي تدري اني بجيب العيد :razz:

عاد من شين حظي دق جوالي عندها انت بس تعال شف نظراتها وقتها كأنها تقول هاتي الجوال من اللي متصل ياربي قلللق:cry:
عاد تركت جوالي ومشيت يوم رجعت لقيته معها لا والزين قالت لي كم رمز القفل !
قلت لها جيبي ابفتحه لك قالت لا عطيني انا افتحه قلت لا ماعرف لرقم انا حاطه الرمز على شكل اسم :mad:

قالت عطيني الاسم عمممممممممممممممممممى تقهر قسم تقهر :mad::ranting::cry:

المهم فتحته والغريب قاعده تفتش بالأرقآم مدري وش تبي :razz:
لا وتقولي مين ملكة روحي ومين حبيبة قلبي قلت لها وش رايك يعني انتي تتوقعين مين :s3s:
قسم لو انها مو مره كبيره في السن كان وريتها الشغل :mad:

المهم سحبت جوالي وع طول طلعت اسمعها تقول لامي البنات ماينعطن جوآل
حتى امي صارت تتنرفز منها دايم تقولها لا تتدخلين بتربيتي بس ماتفهم :d
احس اني طلعت حرتي بهالموضوع وتدري احسن شي رمز قفل ولا لاتطلع جوالك عنده :yes:


سيآآ :rose:

.

.

صباح الخير جميعا :ba1::smilie47:

وشكرا لكل من مر هنا وكتب رايه او عطاني حل :smilie47::ba1:

بس ابشركم احس اني قوي اليوم الله يعينه لو طاح بين يدي :s2::smilie47:

مشكلة البعض يتكلم بحلول احس تنفع مع واحد تشوفه كل مدري كم مرة !!
بس احس قلق والله كل يوم معي بوجهي وفيه شغل بيننا يعني :s5s: غير كذا ترى
بيئة العمل وطبيعة الجو والعلافة المفروض انها تكون غير عن المدرسة والجامعه
والحاره و و و ... يعني انا والله مراعي الشغلات والظروف هذي :smilie47: والا انا علي
والله كرشت اللي اوقح منه :s2: وعارف ان فيه ناس مو مصدقه ان عبدالرحمن الى
الحين ساكت ومؤدب وصابر عليه :s2: بس على قولة احد الردود بجرب اتعلم الصبر
فيه :s3s:

موضوع القفل والله ما عرفت اضبطه بالجوال :cry: واما اشيل جوال خايس عشانه
يخسى والله ... اكلف نفسي واشتري جوال عشانه ... انا جوال الشغل ويا الله
شايله مع جوالي :s5s: اروح اجيب واحد ثالث :to:

اعجبتني فكرة اللي ما اخلي الا ررقمه ورسايله وكذا بس من زين وجهه يسوي يمون
ويراسلني وهل تريد ان تصبح صديقي وساضل العب معك ولن انساك :s2: يعني الفكرة
حلوه بس ما بيين وبينه مكالمات ولا راسيل ولا شي بالمكتب شغل وبس :to: تخيل لو بيننا
رسايل وميانه ايش بيسوي :to:

شكرا من القلب لكل من مر هنا :smilie47: بس بعلق على بعض الردود اللي فيه ذبة
او تعليق براسي عليها :s2::smilie47:






تعالي خذي كرتون حليب بدل الي رضعته من امك ولا تقطين معي بكل شي
خلاص نطلع خالصين :s3s::s2: يا ربي انا افتكيت من نشبة اللي هنا بالدوام
يطلع لي ناس هنا ينشبولي بحياتي :cry: يا ربي اش كثر اعاني :s2::s2:

الـ Shabq ... شي مو من مصلحتك تعرفيه :s2: لكن تقدري تقولي
اكله معروفة عند بعض الناس بس ... يعني يمكن ما يعرفها الا اثنين
او ثلاثه ... طبعا انا ومواصل واللي يترجمون الافلام :laugh::s2:

بعدين انا سامج :cry: شكرا الله يخليكي هذا من ذوقك :cry:
<=== مسوي يحرجها :s3s::s2:

شكرا لك متابعه:smilie47:


مهند :cry::smilie47: يا ذا المسن اللي عجزنا نلتقي فيه :cry::s2: كل ما جينا نخلص موضوعنا
يا انا اسحب او انت :s2: وترى امس كنت بنام والله وراي دوام :cry::smilie47: بس انا
تعجبني الحلول المشفرة :s2: ناخذها منك بس اهم شي موضوعنا يخلص :s5s::ba1:

اسمحيلي بدون زعل :s5s: هذي زود طيبه منك !! يعني مو لهالدرجة !!
اصلا المفروض تبغى تكلم وهي جنبك ... تبعد شوي ... اما تاخذه وتغيب
وترجع تقول ضاع بكل بساطه حطيته جنبي !! المفروض تخلص ترجعه
لك على طول مو تحطه جنبها !!

غريبة انتي يمكن عندك برود وهدوء شي عجيب ... بس سرقة عيني عينك
مثل هالموقف ومشيتيها !! :s2: من جد يا اعصابك بارده او قلبك طيب بزياده :yes:

شكرا لك على مشاركتك :smilie47:

يارجال زبد له واكرشه هالنوعيات مافيه على بلاطه

اقسم بالله انك صبووور يارجال لا وبعد مصري والله لااعطيه بين عيوووونه


الوكاد على طاري واحد من الشباب يقول انه متوظف في وظيفه صيفيه


انا كنت متوظف في وظيفه صيفيه قبل سنتين تقريباا وكان المدير المسووول عنا مصري وكان ملعوون خير عاد مثل مانتم خابرين الواحد لازم يزين علاقات علشان يكمل الثلاث شهووور كامله الوكاد قلت خلني ابي اجس نبض هالمصري وانا اسووولف معه يالله يتكلم الوكاد قلت له مامعك جوال ابي اخذ رقمه علشان التعقيب وكذا قال لاوالله جوالي بايعه قلت اجل ابي اجيب لك جوال وبعدها ماعاد يشوووف مثلي وكل ماشافني قال اهلا ياباشا وماعاد يشووف مثلي ويقول انت من احسن السعووديين وبتحب تاكل من عرق جبينك ومادري ايش خرابيط المصاريه عاد انتم تعرفووونها

الوكاد خلال الشهر الثالث التحقت في العسكريه وماشاف الجوال اخوونا بالله

وانا يعلم الله اني نسيته الوكاد وانا مره مار من عند المباني اللي يداومووون فيها قلت لخوويي وقف شوي وحنا على الدوريه الوكاد الهنوود انهبلوووا فيهم واحد بنقالي اسمه شيواز يقول لخويه الجديد هادا اول شغل سيم سيم انا ههههههههه حسيت اني صالح بشير المهم دخلت على المصري ويوم شافني لابس عسكري صابته ام الركب واقعد اسولف معه وهو عرقه خبط خبط

وماعرفني طبعا لدخوولي الدوره العسكريه واختلاف الخشه مثل مانتم خابرين

اللا يوم قلت اسمي وذكرني وقال ايه يابني انتا ناسي الجوال والا ايه


الزبده من هالسالفه


المصري ماينعطى وجه ابد ابد

المصري ماينسى

المصري دبوووس

المصري كثير قرقر

المصري محمد ابو تريكه يالبى قلبه

المصري اللي عندنا بالاستراحه حليل ودايم ساكت>>>معجزه مصري ساكت



واشكرك ياخي الكريم على موضوووعك واسف على المداخله الثقيله

ع
 

بلا في خشمك يالخوف ,, ما خليتني ازبد لهالملقوف :s5s:



والله خويك عله هههههههههههههههه ,,

انت حاول و سو كذا ,,

يجي يدخل عليك مد له الجوال ,, لو كان جنبك احد قل لهم ,, " شباب جاي يجمّع جوالتنا يفتشها عطوه :d " ,,

أو غير جوالك ,,..!! :to: خذ الكشاف تراه زين ,, بس اتوقع العذر بتاعوو لو شريت الكشاف " الله كشاف في جوال ,, " :s5s:
-- يمكن ارجع اقول لك افكار زياده هه -- :d

سلام هلالي :ba::ba1: :d

يـاخي خويكـ قروشه<<جاب شي جديد

خذلكـ نعال شرقي ولآمنه قرب من الجوال أمزع النعال على اصابعه خله يتادب<<<لآعد تعطي حلول مرهـ ثآنيه


لآ الـجد حط قفل وماعليكـ منه

أو حول كل شي على الذاكرهـ وقبل ماتدخل دوامكـ فكـ الذاكرهـ وعطه الجـهاز كم يوم وبيطفش وإذا سالكـ عن الذاكره قل فيها فايروس أو ضاعت يعني أي مخرج ألــيم...

وريحكـ نفسكـ

السلام عليكم

وش قصة حقين الرابطة بادين تطلعون واجد :s2:ارجع بسرعه انت الرئيس عاد
قلي شلون رابطه بدون رئيس :cry::s2:

~~

والله خويك ذا ياحبيله يازينه ياقلبي بس :smilie47:
اعرف اثنين الله لا يبلانا:s2: اخذوا جوالي العاده والمعتاد انك تدخل الاستديو ان خربتها الملاحظات بس :s2: الاول اخذه بدون اذن يوم قلت له وش تناظر قالي الرسايل !! ياخي تحس فيها قلة ادب خاصة انه يدري اني ما اخلي احد يشوف الرسايل..


اما الثاني قبل ماياخذه قلت له لاتخش الرسايل يوم ناظرت وش يشوف لقيته فاتح رساله :s5s: شي يقهرك صراحه عاد انا بالثناوي موب لقافه الا مبزرة <~ كانه مو بعمرهم:s2:

الدحمي كان الله بعونك وحلو ان الواحد يرفه عن نفسه برا الرابطه ويرجع بسرعه :s2:
الختات زينه :smilie47:

~ْ}

:rose:

هلا عبدالرحمن

خذ واحد من هالجوالات ابو 100 ريال اللي تصكه في الجدار ما يصير له شيء :D

وحط فيه شريحه وقل جوالي القديم ضاع وعطه هذا خله يلعب فيه :d