20/07/2009, 09:00 AM
|
 | زعيــم مميــز | | تاريخ التسجيل: 01/02/2001 المكان: Switzerland
مشاركات: 2,760
| |
أعـز الأصـحـابـ !
أعز الأصحاب
حبيب و غالي
متفهم و جوُه خيالي
بالفرح يشارك
و بالأحازن يواسي
أعز الأصحاب
أعرفه من ثلاث سنين
الغريب
ان اعز اصحابه
واقرب ناسه
يذمون فيه !
و رغم هذا
يبقى أعز الأصحاب
بالفرحه يشارك
و بالحزن يواسي
أعز الأصحاب
عرفته من ثلاث سنين
أول موعد بيننا
ما يتنسى
أو نقدر نقول
كيف يتنسى !
ويومها عرفت أعز الأصحاب
أول ايام العيد
كنت مواصل
وللعافيه تافل
وبيني وبين الجميع مشاكل
ووراي هموم وماكان احد سائل
رحت عند اعز الأصحاب
بدقائق قليله
ورغم سكوتي
حسيته يسري بدمي
وعطاني راحتي وجوي
ريح بالي و وسع صدري
ألف خير يجزاك ربي
يا أعز الأصحاب.
أعز الأصحاب
من يومها كنت أشاركه الفرحه
و أشاركه الهم
وبالأحرى كان دايم هو اللي يشارك
بأفراحي دايم يكون أول الحضور
و بحزني دايم يكون المتفهم لجميع الأمور
أعز الأصحاب
صحيح دقايق و أدعسه
لكن يبقى أعز الأصحاب غالي
وللأسف صرت صعب اني أتركه !
وصرت يا اعز الأصحاب ماخذ فكري وبالي
أعز الأصحاب
حذروني الكثير منه
حتى المشايخ حللوا دمه
شخص قالي انتبه
تراها وحده ورى وحده
ومو كل مره تسلم الجره
حاولت اتركه مره مرتين ثلاث
وفشلت بإمتياز
لكن نقول الله يفكك ويفكني منه.
أخيراً أعرفكم على أعز الأصحاب .. !
الله يحمي الجميع منه
ويحفظكم من جميع الشرور
احترامي |
الوضع الشجري
