ومعنا الان المتصل من السعوديه (مضحي )

اهلين حبيبي مضحي .. يؤبرني هيدا الصوت الخشن

مضحي / هلابتس اكثر يابعد عمري .. لو ما يجي من المسابقه الا الصوت كفى

المذيعه سوسو / شو الجواب ياضوضو << دلع مضحي
مضحي / اذا ما انا واهم .. الجواب الاشاره ما يبي له فتحت افم . شئ بديهي
المذيعه / وإلك تؤؤؤؤبرني.. بحبك يامضحي هيدا الناس اللي تفكر <<-- تقط نغزه على وليد القحطاني
بكره الجهمه ( مذيعه متعلمه بدوي ) توصلك الهمر على سطحه .. خليك باستئابلها هذا مثال بسيطه نصب ودلاخه الشعب السعودي الحبيب .
.اقلقوا روؤسنا بالمسابقات

حطيت على قناه اخبار .. طلعت لي مسابقه ب700 ؛

طيب وش دخلني بالمسابقات انا .. اتابع اخبار كشمير والا ادقدق عليكم
رحت اتابع الرسوم . لقيت قناه على mbc3 .
. والجايزه كورن فلكس ورحله سفاري ( واساسا التصوير باستراحه مكثرين به الزرع وحاطين طش كانه بحر )
قلت ااتابع قناه كوميديه . لقيت حسين عبدالرضا مسوي مسابقه واللي يقدمه الفاهي اشكناني هذاك . ويقول ارسل كلمه تذكره واربح تذكره سفر
يلعن ابو شششششششششكلك هذه مسابقه تقابل به الرجاجيل . . ؟
ولو ارسلت تبن لوجهك . وش اربح . . ؟
ياناس مره رحت دورة المياه( وانتم بكرامه ) لقيت مذيع مسوي مسابقه .
. ابي أخذ راحتي واعيش جو رومنسي بيني وبين نفسي
الا يطلع لي مذيع يعطيني قائمه به ارقام الاتصال وادور رقم السعوديه
وعلى طول ارسل رساله به حرف خاء واسكر الباب( ابي المذيع يفارق بسرعه مو وقته)
ياناااااس حتى باوقات الفراغ ما احد ياخذ راحته .. وين حقوق الانسان وين جمعيه الاغاثه الاسلاميه . وين الملك عبدالله <----- الحين يجيب الطامه

الحين عمركم بالله شفتوا مسابقه اكثر واحد يرسل حرف ( س ) على رقم 98677 يربح نص مليون

طيب انا ارسلت خمسين رساله به حرف سين ..
شلون اعرف انه انا للحين الاول وما احد ارسل اكثر مني
تخيلوا واحد الله معطيه من خيره وجواله فاتوره مو سوا مثلي ؛
وارسل 400 رساله دفعه وحده ؛ شلون انا افوز وقته ؟اسوي تزوير بالنتايج يعني اكثر من يرسل حرف سين يربح ؛ هذه مسابقه تربويه ههههههه ؟
والا تحط على قناه مذيعتهم تكون حلوه وتشبه هامور البورصة ولافه شعره ببكله وحاطه مكياج يهبل
ووراه شاشه به السؤال ( شئ من برا اخضر ومن داخل احمر وسكانه عبيد )
وتجلس المذيعه ساعه كامله حاطين له اغنيه يانار شبي وتراقص على الاغنيه المذيعه .. وتهزهز
والمشاهدين الخليجين متابعين بحماس ويجسلون 3 ساعات بعد وما احد جاوب على السؤال ... لييييييييه لييييييه معقوله كل المتصلين دلوخ ما يفهمون
انا ابي اعرف اللي يتصلون وما يجابون .. وش احساسهم ومن وين جو لو اجيب شغالتنا وقلت جاوبي على السؤال والا اسفرتس
على طول تقول الجواب البطيخ . وهات اصعب من كذا يابابا عشان تسفرني

شئ يأكل ولا يشبع .. ويموت لو كلى
شووووو هيدا السؤال الفضيع .. ياماما انا اتوترت مش عارف أحل هيدا السؤال
لالالاه .. وكاتبين اتصال واحد بس . دق وعلمك بالشر ؛
بس دق مره وحده وخذ الجايزه وحطه بمخباك
ولو دقيت علمنا برقم حسابك عشان نرسل مندوب القناه يسوي ايداع
تخيلوا انه صرت عبيط ودقيت 3 مرات ..
وخربت قانون المسابقه وش يعطوني ؟ <-- وش تحس به . . ؟
يعني مسوين به ذمه وضمير هههههه تكفون لاحد يتصل الا مره ما نبي نخسركم . يررررررحم والديكم بس مره اتصلوا مو لازم خساير

والا الارقام . بكل مكان معروضه . لو ارفع ابط المذيعه يطلع مكتوب رمز السودان والارقام حقتهم

عين مين دي !!
طبعا مستحيل تكون عيون المشاغب ولا القيصر رهيب .. ؛
المشاغب عيونه عسليه واحول
شوفوا الجوايز / مكيف لكل متصل ههههههههه .. يعني مسوين به اغراء للمتصلين يلعن ابو شكلتس احد يحط جايزه مكيف خربانه سنونه
طيب حطوا ثلاجه والا دولكه ماء ..حاطتهم وراه كل هذا حر وهي تسئل
يعني الحين اغرت المشاهدين ؛ شارين 3 مكيفات من الحراج وجايين مسوين عليهن
مسابقه يلعن ابو التبذير والجوايز اللي كذا حطوا مكيف سبلت وابشروا باللي يدق
مو مكيف خربان سنونه ( اول مكيف فوق ) وطبعا ما راحد يربح
لانه اللي يتصلون عيال خالة المخرج واثنين جيران المذيع << -- ما ادري ليه تذكرت قناه فلاش
عبدالله السلمان وولده وواحد هندي يسوي اعلانات وواحد طويل ما ادري وش وظيفته الاصليه بالقناه ؟
تعتبر المسابقات التلفزيونيه عود شفاط لجيوب اشخاص يبحثون عن أحلام وربح سريع
بس من وين يفهم اعزائنا المشاهدين
والا معقوله مسابقه يحطون الجوايز همر اخر موديل والمطلوب منك ترسل sms وتكتب كلمه همر ههههههه
\
@
/
طبعا القناه الاولى بدلاخه المسابقات هي (mbc ) بكل فروعها
يالعنبو ابو ابليسهم حتى قناه الاطفال حاطين له جوايز لكن يدرون ما راح يشارك به الا عيال العز والدلال
مستحيل يجي حدا وغدانا ويرسل مسج لو بالغلط لانهم اساسا مو لاقين سعر
الشورما . شلون عاااد يرسلون رساله بخمسه ريال والا ارسل كلمه هاري بوتر
وتربح فنيله وطاقيه عليها صوره هاري بوتر من حلايا الوجه
يوم ارسل ؛ لو مسوين مسابقه لفنيله ريان بلال يمكن ارسل اما هاري بوتر. وغيد بريطانيه وكافر وسربوت
واخرته البس فنيلته واجلس به بالشبه مع الشيبان.؟
والله حاااااله ومصخره
في اوربا يقولي خويي امريكي انه لو لقوا انك مسوي مسابقه تلفزيونيه به نصب
يلعنون جدفك ويخلونك تعوف ابو الدارهم وتقول ياليت ما شفت صوره الملك فهد بالريال
تبي تسوي مسابقه خلك رجال وامش سيدا لاتروغ يمين ويسار
وتحسب الناس مخفات ياحيوان ياكلب ياخسيس <<-- تحمست من كلام خويي

مو مثل ربعنا .. والله ما اخبر مسابقه كانوا صادزين به كل مسابقه اخس من الثانيه

وياليت عاد بهن بركه وفائده
الا كلهن اما حاطين صوره حصان وشايلين عيونه وحاطين لك طقم عيون يسار الشاشه
اختار وش العيون الصدزيه حقت الحصان
ليه في اوربا يطلعون ريحتك والمسابقات بذمه وضمير

اما هنا الامور سايبه لو تسوي مسابقه عن اكثر واحد يجمع قواطي الببسي
ما احد يقوله شئ
يالربع والله بسنه من السنين ( وتحديدا سنه السبله ) على طاري ببسي انه ببسي ما غيره بنت عم كولا .
سوت مسابقه لو جمعت 100 غطاء لك
كوره موقع عليها لاعبين مشهورين يشار لهم بالبنان وسوريا < كل تبن يالماصل ..يعني ناس مشهورين من قلب مو حي الله لاعب
< اخلص خلصت روحك عاد
ببسي قالوا نبي نصبغ غطيان العلبه بازرق ..
وطبعا عيال البدو نصابين . وما يمشى عليهم النصب هههههههه .راحوا وجمعوا اي غطاء ببسي قديم كان لونه ابيض
وطايح بالشارع( قبل يرشونه ببسي )وكل واحد جالس ببيتهم وجنبهم سطل صبغ .
يغط ويطلع من الغواطي ههههههههههه حتى ببسي وقته استغربوا
شلون كل واحد مجمع الفين غطاء ومبيعات الشركه كله ما تجي 500 علبه

والا المسابقات النوع الثاني
القصه حقت ببسي تابع لنوع الثاني .. بس متعاجز ادمجه واجيبه هنا << انتم نزلوه بقلبكم
لبيتون / شاهي العلامه الصفراء .. تقول كل واحد يشتري كرتون ليبتون .
وبحدا الكراتين ترون في كيس لونه اصفر اللي يطلع له هالكيس . ترونه فاز بمليون ريال .
وشيبانا صافين سرى على البقالات ؛ خذ وافتح من الكراتينواخر شئ ما طلع لهم الا تبن لونه اصفرواللي فاز سوداني
على طاري السودان . ابي اعرف وش السر بفوز السودانين بالجوايز دايم ..
والله ياكثر المسابقات اللي اخبرهن فازو بهن سودانين
عصمان . وعبدالفتاح . وبابكر معقوووووووله كل هذا حظ هههههههههه
لو يشارك مليونين سعودي ... والمشارك رقم مليونين وواحد هو سوداني
معناه المليونين فقير كلوا تبن وابو عمامه بيضه ربح الهايكلس< دايم جوايز محطات البنزين تكون هايلكس غماره

. نصيحه / لا احد يشارك بمسابقه وبه سوداني مشارك
والله عليهم حظ ابن كلللللللللب . بس عيبهم كسالى وما يستلمون جايزتهم
وبالاخير نقول مبروك لسودانين .. ولكل مجهتد نصيب عل الاقل حلوا الاسئله على الكوبونات واجتهدوا

انا شاك بكره القا البقاله اللي جنبنا مسويين مسابقه على عصير راني ..

والجايزه بطاط ليز وكوبون مشتريات بقيمه خمس ريالات صار كل شئ عليه مسابقه مو حلى عاد ..
حتى بسطات العجز سون مسابقه ( اشتر حلتيته واربح شاشه بلازما مجانا )
والا اشتر اثنين كيلو بقل واربح كيس رز المهيدب ؛
وتلقى الشيبان يتمليحون للعجز بالبسطات ويشاركون غدي يفوزون بالبلازما
ويخلون كل واحد يفكر يسوي مسابقه <<-- انا فكرت اسوي مسابقه بس محتار وش الجوايز
الحين نلوم راعين المسابقات والا الدلوخ اللي يرسلون ..!!!
تلقون دلخ يشحن جواله بخمسين ريال وتلقى الجايزه دولكه ماء مع ثلاث صحون
وسعرهن بابو ريالين ما يتجاوز 20 ريال
عاد كلش ولا قنوات الشعر والقصيد وشاعر المليون وجميع مسابقات التصويت انا اكثر شي يحزنني ويضحكني في نفس الوقت
هو لما يجيك مسوؤل الشات في القناة الفلانية " كنتـ أبو فيحان ــرول "
( طبعاً يكتب بيوزرنيم أنتحاري <-- هههه أقصد مخفي
ويجيك يكتب فلان شاعر الوطن أوّ الهلال زعيم أسيا أو العالمي ألخ ولا يكتب مبروك زيادة الرواتب ههههههههههههه هههه

ويجيك ناقص العقل المجرور على شنبة ويزعط يرد عليهم
علانّ شاعر الوطن غصب طيب أحرررق شات لعيوونك ياملك
أحرقو الشاااااااااات ياعيال عمي /, عداكم العيب ( والله العيب فيك وفي شنبك ياخبل )
حركاات ترفع الظغط , أنا مرة ولد عمي في ديرة نائية عن منطقة الرياض اتصل علي مرة الو؟
عزام عزام قلت هاه مالت عليك
قالي حط قناة الساااااااحة بسسرعه عجّل قلت وش فيه انا بعيد عن التلفزيون
والله وأروح لم المقلط انا قلت هالحين في لقاء مع أبوة اللي مسوي شاعر

ولا من هالسوالف ولا لقاء مع حبيب العازمي والله وأحط القناة وأطالع بغيت أطرش وربي عشان كذا مسوي زحمة
لية أتصل علي وسو كل هالزحمة الرجال مرسل رسالة شات للقناة وكاتب : ( تعرفون ...... <-- وكاتب أسمة )
كله أستغلال الشعب السعودي ولهط أموالهم واحد من العيال ايام التصويت في شاعر المليون 1 أخبر كان معة 500 ريال وحطها كلها في تصويت
قلت يافلان تراها نصب في نصب وربي مايحسبونها هالأماراتيين وطبعا كلنا شفنا
وش صار في شاعر المليون 2
( وراح تتكر المهزلة في كل مواسم البرنامج [ لأنهم لاقيينا ] نروح الحين لقناة أبوظبي ( ماتلاحظون يستهطفون فينا ؟ )
أبوظبي الرياضية يوم تسوي مسابقة لأشهر لاعب سعودي <-- مسوين مهتمين بالدوري حقنا
لاوالله اللي لهطو أموالنا وأموال النصراويين وكل ما أشوف القناة الا الشات مولعّ ,

احرررررررق الشات لعيونك ياسعد 11

ولا يجونك الاتحادية هزازي هزازي هزازي هزازي أفضل لاعب مع تحيات فتى جيزان المدلل أو ياسر القحطاني موسيقار زمانك وزماني ماباقي الا يحطون
اطططططط اطط
<-- تفجير دداسن من قوة التعزيز والرسالة بخمسه ريال
<-- طيب فاز اللاعب وش راح تستفيد ! راح تجية كل الفلوس ؟

القناة بتلهط ملايين الملايين وراح تشتري للاعب سيارة بمليون أو مليونين والله لو معي 5 ريال اشتري شاورما من مطعم شرنبي

نستقبل تعليقاتكم وردودكم وتبرعاتكم

[/CENTER]

والله واااضح من الموضوع
انه متعووب عليه لي عوده

المذيعه سوسو هاااه و بعد لبنانيه .؟
بسرعه وين راحت حقوقي .؟ اسمي في موضوعك وبشخصيه شريره بعد .؟

لي عوده بعد ما اصحى من النوم
برب طويل

************************
باااك
المسابقاتت كلها خرابيط والدلخ اللي يعطيهم وجهه

إقتباس 1- مسابقات تلفزيونه / وهي من طقه 700 والا ارسل رساله فارغه وهلما جرئ 2- مسابقات ما ادري وش اسميه / وهي مثل مسابقه ليبتون

فيه مسابقه بعد ما قلتها
علق على مصطفى الاغا بالسب او المدح ولا قل انه هلالي

إقتباس القناة بتلهط ملايين الملايين وراح تشتري للاعب سيارة بمليون أو مليونين والله لو معي 5 ريال اشتري شاورما من مطعم شرنبي

انا بس بعرف وش يحسون فيه اللي يرسلون للي كذا
يشترون للاعب سياره من فلوسي ..!! عساه ما فاز ولا اشترو له سياره اللي يبي سياره يشتري << دخلت جو

سؤال المشاهدين في هذا الرد

ما نسبه العرب الدلوخ الذين يرسلون لمثل هذه المسابقات .؟
1- 0% - 25% ..................... 2- 26% - 50 %
3- 51% - 75 % ...................... 4 - 76% - 100%

نتقبل مشاركاتكم في الرسايل الخاصه وكل واحد يرسل 5 ريال معها ولا ما نحسب جوابه
ايه صح الجائزه البلازما الخربانه اللي عند اختي

هلالي معالي شغلك بعدين بس ترا انت خوي الجن مو انا

و الله يا مستر سمسار اهنيك على هالموضوع

المخيف و المرعب في نفس الوقت

شلون قدرت تكتبه من دون ما تبكي


إبداع قسم بالله اظنك بتحترف في نادي الهلال

ان شاء الله بكره نشوفك مقدم بحري

ولا كاتب في شبكة الزعيم

لفت ماوسي هذه الاسطر:

إقتباس مثل كل يوم انا المذيعه سوسو من قناه ( تيتو ووبس والباقي ياكل خس) >> عربجيه المذيعه سؤالنا اليوم مررره صعب . لكن اكيد الجائزه تكون قيمه .. وإلك مو معئوله نحط جايزه قيمه وسؤالنا يكون خرطي ما هو الشئ الذي له ثلاث عيون ورجل وحده ..

انا اشهد انها صدق يجيبون ذيك المذيعه المااااااااااااااااصله الي مدري وش تبي

لو اناظر في القطو حق الحاره ابرك

ولا يطلعونها لطعه بنت ابو كلب في قناة الاماره تقعد من الساعه 10 الين 2 و 3 ما تتحرك تحتري احد يتصل ولا يتصل احد يطلع دلخ

بصراحه بصراحه موضوع نال إعجابي

و الظاهر انك كاتبه على روآآقه و فنجان شاهي<<ايوه امسك الاخ بدا يحشش

لكن اهنيك على هالسطور يا مستر سمسار


اكثر شي فطست عليه هالمقطع

إقتباس معنا المتصل -وليد القحطاني- من أبها وليد/ يامذيعه سؤالكم صعبه بالحيل .. تكفين قربي الجواب او قولي اول خمس حروف سوسو / يخزي العين شو انت حمار .. خمس حروف شو بئى لنا . الجواب كله 5حروف ؛ كانه اعطيك الجواب تؤبرني . ما يصير هيك .. وليد/ طيب قربي الجواب يلعن ابوك .. مو تصيرين كذا ؛ << عصب ابو قحط وخربت الاخلاق سوسو / هو شئ دايم انت تطوفه .. وكل يوم بيلحئك الضابط ويعطيك مخالفه يحبه الئبك راعي الانفينيتي / اممممم < مسوي فيها يفكر .. طيب هو يومض ويأشر كل دقيقه وله ثلاث الوان المذيعة / إي ياحبيب البي وتسبدي .. هو يومض وله تلات الوان وليد/ صعب السؤال ... اقلبي وجهك والشرهه علي دقيت عليكم

اهنيييييييييييك
بصراحه على هالاسطر المتشابكه

و ننتظر جديدك مثل هالمواضيع و انا ان شاء الله بحاول اكتب شي زي تسذا


تغبل مروري يا زووووووووووووووو....<<عجزاني يكمل

إقتباس الرسالة الأصلية كتبت بواسطة .,. SoOSoO .,. المذيعه سوسو هاااه و بعد لبنانيه .؟ بسرعه وين راحت حقوقي .؟ اسمي في موضوعك وبشخصيه شريره بعد .؟ لي عوده بعد ما اصحى من النوم برب طويل

ههههههههههههآآآآآآآآآآآآآآآآيي

حلللللوه الله يعنيك يا سمسار

تراها شيطانيه انا شاك بأمرها من موضوع الجن

محد رد من البنات الا هي

إقتباس ووراه شاشه به السؤال ( شئ من برا اخضر ومن داخل احمر وسكانه عبيد )

إقتباس وتجلس المذيعه ساعه كامله حاطين له اغنيه يانار شبي وتراقص على الاغنيه المذيعه .. وتهزهز والمشاهدين الخليجين متابعين بحماس ويجسلون 3 ساعات بعد وما احد جاوب على السؤال ... لييييييييه لييييييه معقوله كل المتصلين دلوخ ما يفهمون انا ابي اعرف اللي يتصلون وما يجابون .. وش احساسهم ومن وين جو لو اجيب شغالتنا وقلت جاوبي على السؤال والا اسفرتس على طول تقول الجواب البطيخ . وهات اصعب من كذا يابابا عشان تسفرني

هههههههههههههههههههههههههه

موضـوع فـيه من الصـرقـعه الـشئ الكـثير

إقتباس سوسو / يخزي العين شو انت حمار .. خمس حروف شو بئى لنا . الجواب كله 5حروف ؛ كانه اعطيك الجواب تؤبرني . ما يصير هيك ..

هههههههههههههههههههههههههههههههههههههههههههههههههههههههههههه

سمسـآر

:هلآ وغـلآ بآلسمسآر

على فكـره ترآي متآبع لك إنت والصخره وكم وآحد من قبل لآ إسجل وآلله


شئ يأكل ولا يشبع .. ويموت لو كلى


آلنآر .. عطني الجآيزه لآ إشكيك إلحين


بس والله من جد والله تآفين الشعب السعودي تف مو بصآحي

يآولد والله يوم اشوف الرسآيل على القنوآت اقول ..~> وش عندهم عيآل الدرآهم

وتلقى اللي يرسـل طفرآنٍ علي الحرآم يدور القرش ..~ بس مع الخيل يآشقرآ

ع العــمووم يعطيكـ آلف آلف عآفيه ع المــووضوع الرآئع والفُكآهي والكل ابو شي

لآهنت

موضوعك طويل ومانيب فاضي اقرآه >>ورآنآ صلاة وانا مانمت للحين

لي عودة اذا صرت رآيق