السلام عليكم !!!
الف مبروك الفوز يا شبااب ... والف مبروك خسارة المشترك
---
انا ابي اعلق على نقطتين :::
برانديلي : انا على استعداد لتمديد عقدي لمدة 5 سنوات
بصراحه اتمنى انه يجدد مع الفيولا وما يجي لليوفي ...
برانديللي ممتاز ومدرب طموح .. لكن انا اتمنى يجينا مدرب كبير وله اسمه وتاريخه ويكون عنده من البطولات ما لا يعد ولا يحصى ..
اليوفي يحتاج لمدرب كبير بالذات بالوقت هذا !! برانديللي ممتاز لكن لا يملك التاريخ ولا الانجازات !!
زاكروني مثله تقريبا او احسن لأن زاكروني حقق كم بطوله مع ميلان وله تاريخ افضل من برانديللي ..
وغير كذا قدر يرتب الفريق ويعرف المشاكل .. واول ما استلم المهمه تعادل مباراتين وبعدها بدا الوضع يتحسن ..
يعني ماهو شي معنوي اول ما استلم الفريق فاز ،، بالعكس غير اشياء بالفريق سواء التكتيك او التشكيله الي ينتهجها ..
اذا فيه مدرب افضل من زاكروني هاتووه .. اما برنديللي ما اعتقد انه افضل ..
التغيير للمدرب لازم يكون بالافضل ماهو للأسوأ او مثله .. لأن على الاقل زاكيروني عرف اليوفي واجواءه وعرف كل شي ورتب اوراقه ورتب الفريق .. بينما برنديللي لو بيجي بيحتاج وقت يعرف الفريق وهذي ممكن تضر الفريق لأن فريقنا ماهو فريق بطل ..
لكن فريق اقدر اسميه بمرحلة انشاء واعادة تأهيل ..
باختصار .. يا مدرب افضل من زاك ... او يبقى زاك ...
---
نقطه ثانيه حبيت اتكلم عنه وهي تغيير اللعب من 4-3-1-2 -----> 4-3-2-1 أو 4-2-3-1 وكلها باختصار 4-5-1
وهذي نقطه تحسب للمدرب ... لأن قوة اليوفي بلاعبين الوسط ليش العب مهاجم متوسط المستوى على حساب لاعب وسط قوي ؟
وهذا اللي صار وكثرة الوسط اعطت الحريه للأظهره انهم يتقدمون لأن فيه لاعبين يغطون اماكنهم ... وكثرة الوسط تبطل الهجمات المرتده على الفريق ..
واهم شي المدرب حقق لي امنيتي بان الفريق يتداور الكوره ويحافظ عليها على الاقل 3 دقايق بعد اول كنا نشوف هجمه هنا وهجمه هناك
وهذا الي اتمناه وصار .. وقد ما يحتفظ الفريق بالكوره ويحرم الخصم منها قد ما كان الفريق افضل ..
الفريق يقدم نتائج ايجابيه رغم ضعف المهاجمين !! تريزي اماوري ياكونتا دلبييرو كلهم مستواهم متوسط مع ان دلبييرو ما يعتبر راس حربه
يعني الفريق يسجل مع ضعف المهاجمين !!! اتمنى ياكونتا يكون افضل من اماوري وتريزي او يعود احد هاللاعبين لمستواه
اذا كانت الاداره تبي تبقي على زاك للموسم القادم فالفريق واضح وش يحتاج من لاعبين !!
لكن اذا تبي تغيره فراح ننتظر وشلون بيلعب المدرب وبعد ما يبدى الدوري بيدري وش بيحتاج وبيروح علينا الموسم الجاي مع اني استبعد ان اليوفي ينافس على الدوري الموسم الجاي ..
بوفون
* كليني * كاسيريس
ميلو ماركيزيو
كاندريفا ... دييقو ... كامو
*
ظهير ايسر + قلب دفاع + مهاجم عالمي ( دزيكو مثلن ) وبيكون الفريق كامل وتوب + شراء عقد كاسيريس وكاندريفا
بالتوفيق لليوفي قدام سيينا !!!
شطحه ::::
بالله الي يقدر يجيب لقطة دلبييرو وزاك بعد ما انتهت مباراة اليوفي والفيولا ..
زاك راح على طول للملعب فرحان للفوز يبي يسلم علي لاعبينه .. وجاه دلبييرو وغطا فمه ( عشان ماحد يدري وش قال ) لكن ردة فعل زاك خلتنا ندري وش قال له
قاله: يا كمخه رح سلم على برانديللي 

