السلام عليكم ورحمة الله وبركاته
الله يعطيكم العافية يا شباب
زي ما قلت لكم العذر والسموحة على الشح في الردود
بعد بكرة مباراة اجاكس واليوفي , صراحة هالبطولة من وجهة نظري ماهتم لها من تالي
ايام اول من 99 ونازل كان كاس الاتحاد الاوربي ممتع لكن من بعد التطورت اللي حصلت في الاتحاد الاوربي ومجموعة 14 خلاص صار دوري الابطال مستحوذ على كل شي
برايي ان اليوفي يخلي هالبطولة على جنب ويركز على الكاالشيو ويضمن دوري الابطال الموسم القادم
حلات المباراة ان الخصم له تاريخ عريق مع اليوفي
ابطال 1973 واللي فاز فيها كرويف واخوياه على فريق بيتيقا
ونهائي 1996 اللي تغلب فيها اليوفي عليهم وهي اخر بطولة يحصل عليها فريق السيدة العجوز
هذا كرويف لابس لبس اليوفي ويرفع كاس ابطال اوربا 1973 واعتقد انها الحالة الوحيدة اللي يتوج فيها فريق بلبس فريق ثاني
طبعا اذكر قبل كم سنة مدري من طرح السؤال هنا وقال من هاللي بالصورة ووش مناسبتها
من خلال تجولي الدائم بالمواقع العربية والاجنبية لقيت تصريح لكرويف ان اصعب فريق واجه هو اليوفي ولا صدق انه فاز عليهم وانه يتابع اليوفي حاليا لاجل دل بييرو اللي برايي الشخصي لا يزال فقاعة صابون ولا عنده سالفة
والله يا فيه اعضاء عليهم طلعات مدري وش يبون , دل بييرو رد عليكم ودل بييرو رد عليكم
حسيت اننا منزلين نقاش عن الفرق بين دل بييرو ومحمد النزهان
بالتوفيق ياشباب لزعيمنا يوم الجمعه ولليوفي في منافسات الابطال
على فكرة نسيت ابارك لبزارين اليوفي االفوز بالبطولة وان شاء الله يكونون رافد اساسي للفريق الاول ولعل وعسى الادارة تخالف نهج موجي في السابق يوم كان يفرط بالفئات السنية وعلى الاقل تقدم لاعب واحد كل موسم للفريق الاول
يا زين اللاعب اذا صار من عيال النادي
اجل كابريني يعرض خدماته على اليوفي ويقول مستعد اخدم اليوفي ببلاش بدون راتب وبدون اي منصب رسمي !
يا سلام على كذا
خبريـات التدربيآآت,,, 
<< قديم 
الوضع العادي
