مادام الوضع ملل وطفش وعلى طاري التفتيش في مطارات أمريكا بحكي لكم قصه قبل النوم . هههه
بعد التخرج من الجامعه في امريكا توجهنا للملحقيه الثقافيه في واشنطن للإحتفال بالمتخرجين وكنا أول دفعة خريجين وكنت جاي من ولاية نيوجيرسي ساعه بالطياره وانت هناك .. المهم ,, كانت الملحقيه مبلغه المطارات في واشنطن بان الطلاب السعوديين راح يجون من جميع الولايات لحفل التخرج لذلك لكي لايكون هنالك تخوف أوشيء بحضور السعوديين خلال 3 ايام بعدد كبير في المطارات.
جينا وحضرنا الحفل وتمشينا بعد الحفل في واشنطن مع انه مافيها شيء مدينه هادئه جدا مافيها الا المولات الكبيره في الليل والحانات
المهم يوم رحت الوضع عادي جدا ولاتفتيش ولاشيء وكانت رحلة عودتي اليوم الثاني بعد الحفل
طلعت مع الشباب للمطار الصباح وكنا 8 تعرفت عليهم في الفندق من ولايات مختلفه وكانت رحلتي على الساعه 1 الظهر تقريبا
جينا للمطار ومشوا الشباب وبقيت وحدي وكان معي شنطه فيها اوراقي وجالس أتمشى في المطار من ستور الى اخر وانتظر الرحله .. المهم تقريبا باقي ساعتين على الرحله رحت واخذت كوفي من دانكن دونات وجلست قدام البوابه واخذت الجوال اكلم .. أيه صح نسيت حاجه مهمه كنت قبل لاروح لدانكن نزلت الشنطه على الطاوله ورحت اجيب الكوفي
جلست ورشفت رشفه من القهوه واخذت الجوال ومااداني ابحث في الاسماء الا فوق راسي 2 واحد من امن المطار وواحد من الاف بي اي . طبعا رفعت راسي الا على طول اول سؤال عطنا الاي دي .. طلعت الاي دي واعطيتهم اياها .. قالوا وش عندك هنا وشرحت الوضع .. قالوا افتح الشنطه قلت اوكي وأول مارفعت الشنطه بفتحها خافوا قالوا شوي شوي ارفع يدك انتبه والعالم اللي حولي كلن قام ومشى وأصبحت في وضع حرج لان اصابع الاتهام موجهه لي وللشنطه ويتوقعون وجود شيء خطر في الشنطه.
وبهدوء فتحت الشنطه وشافوا الاوراق وتأكدوا من كلامي .. بعدها أخذوا معلوماتي كامله من إلى وسجلوها .
قال الاف بي اي احنا شفناك على الكمره تتمشى ومعك الشنطه وبعدين تركتها ورحت وتوقعنا شيء يصير لذلك هذه احتياطات امنيه . وقال بعدين انتبه لاتجي بدري مره للمطار واذا جيت لا تلفلف كثير اجلس وانتظر رحلتك علشان ماتواجه مشاكل .. قلت ابشر طال شنبك وانا قلبي تحت رجول الكرسي.
المهم ليتها وقفت على كذا ... يوم جيت للبوابه قالوا ماتدخل بالشنطه واخذوها وقالوا تستلمها هناك اذا وصلت
قلت طيب بس ترى أوراقي الرسميه فيها واذا ضاعت مسؤوليتكم قالوا اوكيه ...
ركبنا الطياره ويوم جاء بيقلع الطيار ويجي واحد يدخل عليه ويكلمه ويلتفتون كلهم فيني ,, قلت بس الحين بيراقبوني طول الرحله بس ماعلي منهم.. حرك السواق ومشى شوي وهو يوقف .. وانتظرنا 5 دقايق والعالم كلها تتلفت وش صاير .. عاااد وقتها قسم بالله تمنيت اني ماسافرت خلقه وقررت اذا طلعت من هالورطه ورجعت ماعاد اطب أمريكا طول حياتي الله لايعيدها من ساعه... بعد مضي 5 دقايق تكلم الطيار قال معليش الاجواء على نيوجيرسي أمطار وصواعق وبنحرك بعد ربع ساعه .. بعد ماسمعته ارتحت شوي بس مازلت مرتبك وشاااك في الوضع...
أقلعنا وبعد ساعه وصلنا لديرتنا ويوم نزلت ادور على الشنطه مالقيتها وسألت المكتب قالوا تلقاها عند البوابه اللي نزلت منها .. ,,, ياليل الليل رحت لمكتب ثاني واخذت تذكرة دخول ودخلت ورحت للبوابه .. ويوم جيت الا هم رامينها تحت الطاوله عيال الخنازير واخذ شنطتي واطلع وانا في قمة السعاده اني خرجت من ورطه ... ركبت ورحت لمقهى النيل جنب الشقه وتغديت عند الصعايده وفلة حجاج بعد يوم حافل بالغرابيل والله لايعيده من حفل تخرج..
هذا أسوأ موقف واجهني في أمريكا وكان في اخر اسبوع لي هناااك ..
وبس
عاد حلها من يتوسط لك هناك
ذكرتني بسالفة ولد عمتي رايح نيويورك زياره .. المهم وكان ياكل في سب واي مع كم واحد من الشباب .. الزبده .. خلصوا الشباب وطلعوا وهو طالب فوت لونق يعني مطول !
يوم خلص ويرمي الببسي في الزباله ويطلع يركض ، دقيقتين وجايبينه الاف بي اي .. قعد معهم تحقيق 40 دقيقه شافوا ما وراه شي والريكورد تنسيم قالوله امش
انا كان لي نية اكمل دراسة برى بس عقب سالفة الثلوج والتفتيش والقلق هونت
اجل ترمي بيبسي وتتبهذل تحقيق ومدري ايش ,, انا اليوم كملت بيبسيي برى المطعم ورميت العلبة جنب قسم المرور
الله يوفق الجميع وتجيبون اعلى الشهادات ,,,
يابن الحلال والله هنا الحياة .. وكل شي له بديل هنا الا اهلك .. اما اخوياك اقطعها معهم
ودي اضف اهلي هنا كل العائله ويصير عندنا نيبر هووووود
ماجد تحمد ربك بس عاصفه ثلجيه حطبتين ويزبط الجو .. اما الغبار وش تسوي فيه ؟؟
انا اقترحت على ابوفهد ان امانة الرياض حطون مروحه كبييره من جنوب الرياض عند كيليني ويدفون الغبار على القصيم واهل القصيم يدفونه على حايل واهل حايل يدفونه على الاردن .. والاردن بحريقه خلها تغبر عندهم
رسمت صحيفة توتو سبورت اليوم مستقبل اليوفنتوس في الموسم المقبل بما يتم وصفه بالتغيير الجذري الضروري للعودة ضمن كبار العالم.
وقالت الصحيفة إنه أصبح من الضروري تدعيم الإدارة في النادي الذي يعيش موسماً كارثياً ، ولا بد من أن يكون الرئيس رجل بخبرة كرة القدم وبالتالي سيكون مارتشيلو ليبي رئيساً لليوفنتوس بينما سيكون كلود بلان بمثابة النائب له ومسؤول أكثر عن الأمور التجارية منه عن الرياضية.
ورأت التوتو سبورت أن مارتشيلو ليبي يعد الخيار المثالي ، لأنه عاش في اليوفنتوس سنوات طويلة كما أنه رأى كيف تم بناء فرق أخرى في إيطاليا مثل الإنتر والميلان. وسبيبقى حسب رؤية الصحيفة القريبة جداً من اليوفنتوس روبرتو بيتيجا لإدارة العلاقات الخارجية والداخلية في الفريق.
أما المدرب ، فقد أكدت الصحيفة ذاتها أن تشيزاري برانديلي مدرب نادي فيورنتينا لن يقول لا أبداً في حال تواصل معه اليوفنتوس وطلبوا منه تدريبهم في الموسم المقبل. وقالت التوتو سبورت إن برانديلي أصبح مدرباً بخبرة كافية لقيادة اليوفنتوس خاصة أنه يعرف أجواء الدوري الإيطالي بشكل كامل واعتاد على التحدي والظروف الصعبة.
Pazzini سينتقل الى يوفنتوس الايطالي هذا الصيف.
اليوفينتوس مستعد لدفـع 22 مليون يورو لاقناع رئيس السمبدوريا للتخلي عن مهاجمهم.
هذا القرار سيتم اتخاذه في أعقاب أزمة اماوري الذي ليس في أفضل حالاته.
المهاجم لا يزال لديه عقد 4 سنوات مع سمبدوريا ، وهذا الموسم في 23 مباراة في الدوري قد سجل 11 هدفا.
على اليوفينتوس الحذر من المنافسة الشديدة من قبل ناد كبير مثل تشلسي انشيلوتي.
ومدام انكم ما تعرفوني شخصيا ً بقولها .. وحتى لو خطبت من اهلكم محد داري
انا رجعت الرياض في الكريسمس .. والعيال اللي اعرفهم هنا .. اغلبهم فوق الـ 21 يعني يقدرون يروحون فيقاس .. وانا والله منب راعي كلوبات بس فيقاس هي فيقاس الزبده رجعت ورحت محل سياحه صغير وطلعت رخصة دولية فوق الـ 21 .. المصاريه الله يكثر من امثالهم
المهم رجعت عن طريق واشنطن واصلا ً انا طالع من امريكا بدون ختم خروج يعني مبهذليني مبهذليني .. واخوكم فالله حاط الرخصه في الشنطه ابد تفتح الشنطه وتلقاها بوجهك .. حذروني اني ان كررت فعلتي الشنعاء وطلعت بدون ختم مره ثانيه بيقولون لي عود ديرتك واعتبر نفسك ساقط في مادتي
فتشوني لقوني نظييف لكن المكسيكي ابن الذين يبي يفتح الشنطه .. هو فتح الشنطه وانا تخوبرت وصكتني ام الركب
< وجهه نحس
بغيت اقوله ابرجع بس تكفا لا تلبسوني برتقالي 
الوضع العادي
