إنهُ المهاجم الشامل .. إنهُ مهاجم العشرين مليون .. إنهُ المهاجم الهداف .. إنهُ الذي سجّل أعلى رصيد أهداف له في موسم واحد 12 هدف .. إنهُ الذي لعب علينا فيه زامباريني وزرفنا
الله يقلعك وياخذ عمرك يالفاشل رح شف أخر تسريحه وشي ترا نزلت أنواع جديده والجزم طلعت أشكال جديده يالعاهه .. قسم بالله عيب وأكبر عيب أحط ترزيقول احتياط عشان هالدلخ التنكه ..
ياحسافة هونتيلار اللي كان في قمّة مستواه وكان هداف الدوري الهولندي وقتها بـ 33 هدف ونجي نفضّل عليه العاهه أماوري اللي ماسجّل الا 12 هدف والظاهر نصها بلنتيات .. أياكس طلب 18 مليون يورو وباليرمو عشرين مليون + عقد نوتشيرنو كامل + نصف عقد لانزفامي هداف البريمرفيرا ومع ذلك نروح ندور اللي يقص علينا ..
لو كان من أبناء النادي مثل باسكواتو او موبيلي كان أهون لكن للأسف دافعين فيه ملايين طائله عشان نجيبه يستعرض علينا بكشّته وجزماته اللي ياجعل زيبينا يصكّه بجبهته بوحده منها عشان يبرد قلوبنا ..
ومن سعة الوجه بعد ناشب لإيطاليا يبي يلعب في منتخبهم قسم بالله ياهو قوي وجه .. فعلاً زمبروتا وباتزيني وجيلاردينو كان معهم الحق يومهم مايبونه ..
اماوري ؟ الله يخلف بس ! شوفو شوتة ديجو قبل شوي ردها الحارس ولا احد كملها ابصم لو تريزقيه موجود كان قنصها هدف بس اماوري خلوه يهجول على غير سنع
ناصر الله يخلف, والله نفس الشي فكرة فيه بالمباراة. هذا شي بديهي لراس الحربه, المتابعه خصوصاً ا
لكرة ارتدت مترين او ثلاثه والمدافعين على الــ 18 في مسافة كافيه, بس ماعندك إلا كمخه.
عندي نقطتين ودي اتكلم عنهم
( 1 . فرض التشكيلة على اللاعب او فرض اللاعب على التشكيله )
( 2. التعاقدات الأخيره وثمارها )
1 فرض التشكيله:
A . فرض التشكيله لأسم واحد " دييقو " : حقيقه أشوف أن تشيرو فيرارا غير تشكيل
اليوفي وطريقة لعبه إلى تكتل دفاعي + صانع لعب + مهاجم واجنحه. كله عشان يعطي
دييقو حرية صناعة اللعب.انا اشوف ان هذي التشكيلةغلط واكبر غلط لأنك تخسر وظايف
محورين ينظمون الخطوط الخلفيه للنص. كذلك تخسر تحرر كامو على الجناح وأضف إلى
انك تخسر مهاجم ثاني في ظل رعونه المهاجميين الاساسيين.
B. فرض اللاعب على التشكيله. الأمثله واجد ( كامورانيسي - دل بييرو - ترزيقيت - سيسوكو ).
المدرب الذكي هو من يضع التشكيله الأنسب لأكبر مجموعة وليس الأنسب للاعب. لأن الفريق مجموعه
وليس لاعب. وهذي اعتبرها قل خبره من السيد تشيرو كنت اطمح منه الكثير بس للأسف.
2. التعاقدات الأخيره :
( دييقو - ميلو ) بالتحديد ونضيف عليهم ( أماوري )
يا شباب هذولي اللاعبين دفعنا عليهم قرابة الــ 80 مليون يورو ولا شفنا منهم مردود طيب ليش؟
الغرب أن ميلو يلعب بشكل خرافي مع البرازيل, ودييقو كان ممتاز في بريمن. اما اماوري فـ ما عليه شرهه.
لعب 9 سنوات في الدوري الإيطالي ولا سجل إلا 56 هدف بس مع فرق متوسطه وضعيفه.
الحين الــ 80 مليون يورو نقدرنشتري فيها ( توريس + فيليب لام + جوركوف ميلان )
أو خيارات أجمل تساعد الفرق وتحمله لــ مستوى أفضل.
انا ما ألوم الأدارة ألوم هالبرازييليين الي طلعو ماهم كفو ولا ينشد عليهم الظهر.
ترى فريقنا بشكل عام ممتاز وزين بس عندنا كذا لاعب مخرب السالفه كلها
من شاف الشماخ أمس عرف أن عندنا دجاجتاً صقعا. لاعب يتحرك ويرجع يستلم كرة وانطلاقات وتمريرات وازعاج دفاع.
ئال ايش ئال أفضل مهاجم بالدوري الإيطالي بعد ايتو وباتو ابو ثامر انا اضم صوتي لصوت خالد اطلع من جسدنا
إقتباس
أيوب خلنا نسفل فيه رافع ضغطي ودابل تسبدي .. خاصه أني ماحب هالنوعيات اللي ينزل الملعب وتقول كأنه رايح للتحليه .. المصيبه شف الرقم اللي ماخذه آآخ يالقهر
خالد
يقول لك المثل من شان وجهه شان طبعه ,, انت شف وجه أماوري واغسل يدك
مشرف منتدى الرياضة العربية والعالمية عضو باللجنة الاعلامية للرياضة العالمية نائب رئيس رابطة عشاق الكالتشيو
تاريخ التسجيل: 13/01/2009
المكان: Riyadh
مشاركات: 6,892
^^^
اتفق معاك ماجد ...
أتمنى تشيرو هو اللي يفرض التشكيل على الفريق وليس لاعبين معينين !!
لكن عموما على كل الأحوال الموسم بدأ وتداخل المباريات بياثرر على حال الفريق إتمنى تشيرو ما يتفلسف المباريات الجايه يلعب بالمضمون..
الله يصبرنا على العقم الهجومي صراحه حالة هجومنا يعيش أسوأ أيامه .
تقبل مروري كل التركيز على اللقاء المقبل ...
,,
الوضع العادي
