|
يا رجال .. إذا بولسن افضل لاعب في الفريق فعزالله رحنا فيها :s5s: فيرارا يا صبر الأرض !!! |
صحيح فورزا يوفي سيسوكو تعودنا على 3 او 4 مناولات غلط بس المجهود الي قدمه بالمجمل يعتبر ممتاز جداً. وحش المنتصف وعنده نزعه هجوميه واختراق. بالنسبة لــ أماوري وياكونتا ياليت يركزون على اقتناص الفرص. الهدف بصراحه اشوف الحظ خدم الاثنين ياكونتا واماوري. واحد يشوت غلط والثاني تجيه الكره مقشره وفي المقابل ياكونتا يضيع فرصتين محققتيين, وحده منهم أماوري كان يبي يسجلها بطريقه استعراضيه. تريزي مكان ياكونتا مهم , نبي نخلص المباراة , نبي ثلاث نقاط. أخوي العسيماوي. أنا أشوف التكتيك اليوم ممتاز.الدفاع منظم جداً بعودة كنفارو. ( قرقيرا ثغره ) وهذا الشي الوحيد الي مفروض فيرارا غلط فيه. نص الملعب مأدي بشكل ممتاز جداً. الهجوم وتضييع الفرص ما نلوم المدرب عليه. بالتوفيق لنا في الشوط الثاني |
حتى الآن أرى أن نجم المباراة حارس الفيولا " سباستيان فري " يوفنتوس يصل للأمام كثيرا و مرتدات الفيولا تخوف شوي دخول كامو سيضيف للهجوم أكثر |
حسبي الله عليك ياشيرو فيرارا الى متى وما تلعب برأس حربه لاياكونتا ولا تريزيقيه رؤوس حربه صريحين اااه بس والله انه يبيله كورس مكثف من ليبي هههههههههههههههههههههههههههههههههههههه. الحين تطلع دييقو يالخبل وتنزل رأس حربه طلع اماوري العاهه مو صانع اللعب:mad: |
شباب الحقوووني وش صار قطع عندي الدريم بوكس |
السلام عليكم الدقيقة 79 تبديل / ياكونتا out دي شيلي in شكل فيرارا يسوي قرعه علشان التبديلات ! |
اثبت اليوم المدرب مما يدعي للشك فشله الذريع اخذ وقته في فترة التوقف لاجديد نفس تفكير تنكرمان مع انه لو يملك التنكرمان نفس الاسماء كان تغير الوضع لا تخطيط ولاتكتيك لعب اقل من عادي مثل ماردونا ماشي بالبركه يعني الهجوم عقيم وينتظر حتى الدقيقه 85 ويبدل تبديل غريب حقيقه حتى تبديل دي شيلي احد عنده جفنكويو يدخل دي تشيلي كلام الخلصي صحيح مدربنا نفس رانيري دلخ كذلك دييغو بعيد عن المهاجمين ويرجع كثير اجل وش فائدة ثلاث محاور دفاعيه قرسو مبدع مع المنتخب سي معنا حتى الاوفر مايعرف كذلك كامو مع المنتخب مبدع معنا سي يحتاج الفريق الى مدرب يعرف كيف يكون الهجوم والضغط على العموم لن ياخذ الدوري اليوفي لانه باقي ضعيف والخلال من المدرب |
سؤالين بس بولسن وش تبي به ؟ السؤال الثاني قريقيرا وش تبي به ؟نزل كاسيراس حتى لو انه لعب مباريات دوليه توه صغير بالسن ,, شباب الدريمر قاطع علي من نص مباراه ليفربول .. والى الان مارجع حسبي الله على ابليس ,, كم لي اتحرى هالمباراه بشوف مستوى فريقنا مع المواجهات الصعبه .. بس على رفعه الظغط اللي اشوفها من ردودكم اقول خيره اشوى اني ماشفتها :s2: ,, تعادل مع الفيولا اصرف من هزيمه على ارضنا >> متحطم اول مره اصير زي كذا مدري ليه :yes: ,, |
سيسوكو كان مرهق و الا لتم تغير كامورانيزي بديلا عن بولسن !! تعادل للأسف مخيب للآمال .. و إبتداءا من الاسبوع القادم وجود كاسيراس أمر مطلوب قريقيرا سئ دفاعيا غير نافع هجوميا لا ننسى الخصم صعب جدا و يجيد الاحتفاظ بالكره في منتصف الملعب بشكل مستفز الآن / كلنا جنوى .. فورزا كرسيبو |
إقتباس:
ننتظر ان ينهزم الانتر حتى ناخذ الفرصه والله شي يرفع الضغط اماوري + ياكونتا كل واحد اناني يريد كل واحد منهم ان يسجل على العموم اتوقع فوز ساحق للانتر |
:: بالله ماجد وش التكتيك عز الله ما أعرف التكتيك أنا مباراة باليرمو تمسخرنا ويطلع يقول لك المدرب كانوا أفضل منا ونحتاج التعويض وخطتك سقيمة واللاعبين ما أدوا تجي في أول مباراة بنفس الخطة ونفس اللاعبين ونفس الأدوار أموت وأعرف وين التكتيك إلا إذا كان إشراك سيسوكو أساسي في مباراة مفصلية في نظري وأما خصمك العنيد على مركزك والإصرار على ثلاثة محاور والإصرار على أماوري واكوينتا وإشراك جرجيرا أساسي هذا تسميه تكتيك ماجد × أماوري بغض النظر عن تسجيله الهدف ومرافسه وبغض النظر عن عشاقه ومحبيه وبغض النظر عن كونه انسان إنا وش نبي به أبي أعرف لايلعب صح لايمرر صح لاكنترول صح لايفتح كل شيء صفر وفي الأخير ون تو بين كامو ودييغو يجي ويقطعها ويشوتها كامو ودييغو تعبوا من هالدلوخ باقي فيرارا يقتنع هارد لك لليوفي وأظن الموسم انتهى بالنسبة لنا وطموحنا مقعد التشامب وانتظار السنة القادمة حضور ليبي بصيص أمل يبقي طموح في إدارة الفريق وإلا أموالك تضيعها في لاعبين وش الفايدة وأنت لاتملك مدرب بالتوفيق لليوفي × |
اماوري الدقيقة 91 يخلص كورة خطيرة من فاول عن طريق كامو والا كان اليوفي فاز 2-1 !!!! نرجع للشوط الاول .... جيرجيرا .. خطأ جسيم من جمهور اليوفي .. والا كان المفروض يتم اغتياله قبل المباراة!! بولسن .. موضوعه سهل وهو طالع للتمرين الصباح المفروض من المشجعين انهم يصدّمونه (بشد الدال) لين يموت !! وانا من هذا المنبر الصريح احمل كامل المسؤليه تجاه مشجعي اليوفي في تورينو ... دييغو المبدع اثبت انه لا يستطيع ان يتحمل صناعة اللعب بلحاله ابدا !! واكبر دليل عند دخول كامو .. شوفو كيف التفاهم و تحس اصلا ان الفريق بدأ يوصل شوي طبعاً ما عجب فيرارا الوضع و التفاهم والون تو راح مطلع دييغو .. لان الوسط لازم يخرب !! ميلو كان المفروض ان احد يليصيه بعقال بين الشوطيين .. لكن للاسف الايطاليين ما يلبسون عقل ... لكن احمل الادارة و المدرب المسؤلية .. لإن الحزام موجود (القايش)!! انا متأكد لما يتصفق ميلو لين يعض الارض بيبطل يسحب عند الباب ويصلح للفرق الثانيه ضدنا !! بصراحة خن نكون واقعيين ما فيه اي هجمة منسقة و مزبطه صح .. يعني مافيه هجمه تحس فيها تكتيك!! واخيرا وليس اخرا .. كلمة لفيرارا ... عـــلـــيـــك تــــغـــيــيـــرات :d |
ياجماعه قسم بالله قهرررررررررررررررر !! فيرارا مدرب اقل من مستوى اليوفي !! تشكيلة سيئة !! تغييرات سيئة !! خطة سيئة !! قسم عقب مباراة اليوم اقول وين ايامك يارانيري (قالوش حادك على المر .. قال اللي أمر منه) !! يعني اليوم ياكونتا ليش يلعب !! قسم ان تريزقيه افضل منه بمرااااااحل !! اجل الكورتين اللي جته هذي تضيع !! بعدين تغيير كامورانيزي تأخر كثييير !! وفي الاخير يطلع ياكونتا ويدخل ديتشلي !! ياخي عندك جيوفنكو في الأحتياط دخله بدال احد محاورك !! انت محتاج تفوووز !! وبعدين يدخل ترزيقيه الدقيقه 82 ... بالله وش تبيه يسوي في 8 دقايق .. وانت تلعب بدون صانع لعب .. عدا كامو اللي يرجع كثير !! بصراحه اليوفي في تدهور كبييييير .. أجل 3 نقاط من 12 نقطه !! قسم قهررر !! يا يعدل فيرارا نفسه ويضبط فريقه ... او يدورون مدرب يشيل الفريق ... مو يضعفه !! انا اقول هالكلام من قهر فيني على اليوفي اللي كاااااان مرشح للدوري !! لكن نقول عسى جنوى يخدمنا ويفوز اليوم ان شاء الله !! اما مباراة حيفا الصهيوني ... فالله يستر منها !! والله قهر اخرتها نخاف من فريق اسرائيلي !! اااااه يايوفي !! |
اسوأ مهاجمين على وجه الارض يلعبون في السيدة العجوز:to: ..!! آه .. منك يا زمن :cry:....!! صار اماوري و ياكونتا الاساسين في هجوم اليوفي ...!! ونقول نبي الدوري >> اذا حجت البقرة على قرونها ان شاء الله ...!! انا ابي افهم وش يحسون فيه كل واحد يخرّب على الثاني والضحية هو اليوفنتوس ..!! عرضية جروسو في الشوط الاول وتخريب ياكونتا على اماوري :s5s:..!! وعرضية قريقيرا و يخرّب اماوري على ياكونتا :s5s:...!! بس اللي ما فهمته ليش خرّب اماوري تمريرة دييغو لكامو يعني الكورة مايبيلها تفكير ون تو بين كامو ودييغو انت وش دخلك :mad:...!! اماوري ما يتدخل في هجمة الا يفسدها ...!! الى الان اتسائل ليش تعاقدنا مع هالمعوق ب 25 مليون !!!! على كلٍ انا راح اتابع الدوري على اننا لا نزال نريد ان نتأهل الى دوري الابطال اما اللقب فليس الفريق اللي شفناه اليوم يستحق اللقب و راح اكون واقعي مو مأمل نفسي في اشباه الرجال وهم يرتدون اقمصة من اصبحوا قادة اوروبا والعالم في كرة القدم...!! اذاً اصبح الخصوم يطلعون من ملعب اليوفي مرفوعي الرأس بعد ان كانوا لا يأتون الى تورينو الا للخروج بأقل الخسائر ...!! ابي اسئل بالله متى اخر مرة فزنا هالموسم ؟؟ :s3s: تصدقون والله نسيت ..!! فيرارا احترامتي لك ما اقدر اقول شئ فيك مشكلتي احبك :( ..!! تقبلوا تحيتي :rose:..!! |
مع السلامة اشوفكم بعد 5 سنين اذا صار الفريق يفتح النفس :) |
| الوقت المعتمد في المنتدى بتوقيت جرينتش +3.
الوقت الان » 06:52 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd