|
السلام عليكم ورحمة الله وبركاته ... انا راح اقول هاردلك على التعادل .. وبرضه الف مبرووك التعادل اليوفي هو من كسب اللقاء وليس بوردو .. كون الفريق في اضعف حالاته ويقابل فريق قوي ومرتب ومنظم ويطلع بالتعادل فهذا شي يحسب للفريق كامل .. ١- مباراتين الاسبوع الماضي ومباراة السبت وتتالي المباريات وارهاق اللاعبين . ٢- اصابات عديده قبل بداية اللقاء . دييقو سيسوكو ودلبييرو وهذي اهم الاسماء . ٣- تدخل المباراة بدون الركيزه الاساسيه بقلب الدفاع بسبب الكرت الأحمر . المحصله قروسو كنفارو كاسيريس أول مرره يلعبون مع بعض . ومع ذلك قدرو يأدون الي عليهم . ٤- اصابات داخل المباراة وخروج كنفارو وتياقو بالاصابه . يعني انت تلعب باحتياط دفاع اليوفي . ٥- الفريق ما لعب قدام فريق سهل .. بوردو قدمت كره جميله تكتيكيا ولاعبينهم جاهزين بدنيا . هذي خمس اسباب تخلينا نقول اننا قدرنا نفوز بالتعادل رغم كل هالظروف . اعتقد ان البدايه مبشره بخير .. ولما يكون الفريق ماهو بالفورمه ويخرج بالتعادل او الفوز فهذا انجاز يحسب للفريق والمدرب . ---- بالنسبه لكلام بعض الشبااب على المدرب ،، من الي قريت فهمت ان المشكله بدخول كامو مكان جيوفنكو ،، وفيه ناس تقول ان المدرب ما يفهم وما يعرف الا خطه وحده . انا ما شفت احد بعد مباراة لازيو وروما علق او سب بالمدرب او قال شي . بالعكس حطيتوه افضل مدرب بالعالم ولا احد تكلم عن دخول كامو مكان دييقو في مباراة روما . ولا عن تغييرات فيرارا بمباراة لازيو . مع انها تقريبا نفس التغييرات . يعني مدرب فايز بهدف وعليه ضغط من الاطراف ودفاعه ماهو متجانس بسبب الغيابات وش المشكله بتغيير لاعب هجومي بحت وهو جيونكو بلاعب هجومي ودفاعي وهو كامو ؟؟ مع العلم ان التغيير صار تقريبا بنص الشوط الثاني .. الحين تياقو الي يقاله محور دفاعي بلش بالاطراف لحاله تبي تدخل كامو الي مساندته الدفاعيه اقل من تياقو وتخليه يغطي الجهه اليمني لحاله ؟؟؟ بالعكس الفريق بعد التغيير قدر يسكر والهدف جا من كره ثابته وتسلل .. وش دخل فيرارا ؟؟ والي قال المدرب ماعنده الا هالخطه . عطنا الحلول الي عندك وياليت تعطينا الحلول قبل كل مباراة والخطه الي مفروض يلعب فيها ماهو بعد المباراة . مع العلم ان المدرب غير تغييرين اجباريين بوسط المباراة . يعني ما يمديه يغير الخطه بوسط المباراة وهو ما يملك اوراق واوراقه نزلها والي اجبره عليها الاصابات .. وبالنسبه لدخول تريزي . صحيح ان اماوري كان سيء مرره وماهو زي مستواه باول مباراتين لكن مافيه مجال لدخول تريزي لأن الاصابات حكمت علي المدرب انه يدخل زيبينا وبولسن . وغير كذا معروف ان تريزي لاعب صندوق ويبيله لاعبين يوصلون له الكور . لكن بمباراة اليوم الوسط ما مسك اللعب ولا فيه كور تاصل للهجوم . وتريزي مايقدر يمسك كوره ويعدي ويمشي فيها لين ياصل الفريق ولا يساند بالدفاع صحيح ان اماوري ماهو بعيد عنه لكن اماوري الحسنه الوحيده اليوم انه يساند شوي بالدفاع لكن انهاءه للكور سيء. وارجع واقول ما فيه اوراق بيد المدرب لأن لاعبينه طلعو مصابين . قبل كل شي انا احترم وجهات نظركم .. لكن مع احترامي الشديد ما اشوف انها صحيحه . |
فارس الزعيم !! ياليت تنزل لنا صورة متحركة ومن بينها .. لقطة الملك يوم يدخل الهدف .. وردة فعل المدرب بعد كورة ماركيزو وشكرًا :) |
http://up4.m5zn.com/9bjndthcm6y53q1w.../duldmuxb1.jpg يازينـﮧـآ لـح ـظآت لو ڪانت قليلـﮧ ڪـانت الدنيا مسافـﮧ وڪـنت لـيے أنت الطريق ... http://up4.m5zn.com/9bjndthcm6y53q1w.../e9ra48s4c.jpg تدري ? وش الليے هزنيے فيے غيابـڪ انـڪ بعيـد ..!! |
هارد لنا و مبروك بنفس الوقت لا يخسر من لديه بوفون |
إقتباس:
يا كبير يا ابوحميد لاول مرة اتفق معك <--- جحدت الايام الخوالي :s2: كلامك ممتاز جدا وتحليك منطقي جدا وابضيف على كلامك ان اليوفي كان تعبان لانه لعب مبارتين قوية وخارج الارض ويالله فاز فيها خصوصا لازيو ان شاء الله التعويض قدام اهم شي الدوري يهتمون فيه اكثر لان الابطال بطولة حظ وشوفو هدف انزاغي الثاني :d ياويلي على ذاك اللاعب مع الميلان الكورة تدوره دواره يعني اهم شي التركيز في الكالشيو والمبارةا الجاية ودي فيرارا يريح ميلو واماوري خصوصا الثاني لانه كاد كد غير طبيعي والبديل موجود وهو تريزقول بعدين وش قصة لاعبيننا ؟ شكلهم ما ياكلون اكل طبيعي ومغير قحن في البيبسي والكوكاكولا اي لمسة اصابة تحس ان عضامهم فللين !!! خالد ( فارس الزعيم ) يقولوان ان فيه صدة خرافية من بوفون في الشوط الاول ياليت تنزلها لنا يا خلفهم مثل عوايدك وما تقصر :smilie47: http://up4.m5zn.com/9bjndthcm6y53q1w.../duldmuxb1.jpg فلم امريكي :razz: شكرا شباب :wub: |
إقتباس:
واللهـ انــــا معـكـ بكــلـ كلمهـ قــلـتها يالغآليـ:smilie47: وانا منـ المعجــبـــينـ بكتابتكـ وتحليلكـ:ga: لاتحرمنا مـنـ ابداعكــ:ba1: نجمـ اللقاء :rose:بـــــوفـــــــــــــونـ:rose: لكمـ خالصـ الود |
السلام عليكم ورحمة الله وبركاته في البداية انا مادري اقول هارد لكم ولا مبرووك التعادل بكل صراحة انا ما شفت الشوط الاول لكن شفت الشوط الثاني وكان الفريق جيد واشوف ان تدخل فيرارا كان صحيح والظروف حدته على الشي هذا لكن لو نلقي نظرة بسيطة على تدخل فيرارا في مباراة لاتسيو ومباراة بوردو نجد ان الفريق مر بنفس الظروف بل ان مباراة بوردو ظروفها كانت اشد والفرق بينهم ان في مباراة لاتسيو كان في اكثر من خيار عكس هذي المباراة كان مجبر على خيار واحد وهنا الفرق يعني لم تسمح له الظروف في تغيير التكتيك او تبديل لاعب سيء واتوقع في هذي الحالة يكون المدرب معذور لكن الملاحظ على اليوفي هو انه يكون تائه عندما يقابل فريق يلعب كورة جماعية لابد ان ينتبه المدرب للنقطة هذي واشوف ان الفريق تطور كثير واستفاد كثير من مباراة فياريال وهنا تاتي دور المباريات الودية وفائدتها على الفريق فريق بوردو فريق متطور ومنظم ويلعب كورة جماعية ومدربهم قراء اليوفي بشكل صحيح فالذالك نجد انه كان مكثف الوسط وليس غريب ان يظهر بوردو بالمستوى هذا وراح يكون منافس قوي على بطاقتي التأهل كامو مايسترو وفنان ومتى ما كان في قمة الروقان يعطيك اشياء ماتتخيلها بس متى بيعقل ويترك عنه حركات البزران بالله هذا لاعب يعتبر خبرة ويتصرف تصرفات زي كذا هاتوا كورتي مافيه لعب ولا هذا ملعبنا لا تلعبون فيه اطلعوا برا صراحة ما عندي اكثر من كذا الشباب قالوا كل شي لكن اتمنى من بعض الشباب اذا بيحكمون على عمل يحكمون بالعقل وليس بالعاطفة الوقتيه وعلى حسب نتيجة مباراة ومثل ما يقول دنحي لازم ننظر الى نصف الكأس المليان ونترك النصف الفارغ تحيتي لكم اخوكم ومحبكم (10بيانكونيري10) |
^^^ فيصل " كلام كبير " من عضو كبير أتفق معاك ومع أخوي حظيظ في غالبية محتواكم. / يا شباب ياليت ندفع العواطف على جنب ونترك إنتقاد فيرارا والفريق بشكل لاذع. الفريق حتى الان مقدم إنجاز كبير وتقدم عن الموسمين الماضيين. يبدو أنه أسبوع سئ لنا. فيراري انهزم في الفورملا 1 في إيطاليا, واليوفي تعادل على ارضه معوضين / إيوب نمزح يا بعدي هههههههههه |
السلام عليكم .. هارد لنا ولا مبروك ؟! البعض يحمل سبب النتيجة والمستوى السيئ المدرب وتغييراته ، لكن السببين الرئيسية في التعادل هي [ الإرهاق - الإصابات ] ! وأي سبب آخر غيرها راح يكون ثانوي وليس رئيسي :) على طاري الإصابات .. ماتحسون من أسبابها أرضية الملعب السيئة ؟ الله يجيب الملعب الجديد بأسرع وقت على خير ونفتك من هالتطعيس في الملعب :s2: عودة دييغو وديلبي وكيليني وإراحة اللاعبين بعد عناء الضغط من التصفيات والسفريات ، راح تحسن من مستوى الفريق وتعطي فيرارا حلول أكثر وتعطيه فرصة كبيرة للجرأة وعدم التردد في المجازفة والمغامرة :yes: إقتباس:
هلا دحيّم .. بشرنا عنك عساك مرتاح هناك :smilie47: http://upload.alhilal.com/img/019/UC...Bordeaux-2.gif :smilie47: <-- القلب لـ سونيا :razz: عشانها فرحت قبل ديلبي وهذا يثبت أن مشاعرها اليوفاويه أقوى من زوجها <-- تأيدني يابو فاطمة :s2: ؟ http://upload.alhilal.com/img/019/UC...Bordeaux-3.gif http://upload.alhilal.com/img/019/UC...Bordeaux-4.gif عسانا ماننحرم منك يا سوبر جيجي بس :s5s::ba: :rose: |
أخ فارس الزعيم !! شكرًا لتلبية الطلب والحمدلله الامور مستتبه ولله الحمد ... بوفون بعد المبارايات السابقة اتوقع انه يقدم مستوى مبهر ممكن يساعدنا كثير في حصد الألقاب وبتكون له الكلمة الكبيرة في حسم المباريات هالموسم :) |
إقتباس:
ممكن نتعرف يا اخ كيفي هلالي !! :smilie47::smilie47::smilie47: 10بيانكونيري10 واصل يا خلفهم والله ردك جميل وامتداد لردود جميلة سابقة :smilie47: |
السلام عليكم بالنسبه حق مستوى اليوفي في اول مبارياته والله كنت متوقع هالشي للاسف لي يقول بسبب اليوفي لعب مباريات قويه الفتره لي راحت اقوله انت غلطاااان اليوفي من ايام الاستعداد للموسم واللياقه عنده تعبانه ع الاخر وهذي هي طلعت الحينه .. ولا لعيبتك يصبهم اجهاد ..؟ لا وفي بدايه الموسم ..؟ كل اصابات اليوفي بنفس الطريقه ..؟؟ ماخلاكم هالشي تفكرون ..؟؟ اماوري + ياكوينتا والله ماعرف هذولا الاثنين شو يبون .؟ قسم ان لي يشوف لعبهم امس مايقول الا اثنين من عيال الشوارع مافي راس امهم شي ومنزلينهم يلعبون هذولا لي صدق يبالهم هزب عشان يغدون رجال في المباريات الجايه |
No suspended players for Saturday’s match No suspended players for Saturday’s match http://www.juventus.com/site/filesit...10_liv_eng.jpg مسيهم بالخير حماسكم واضح وماني قادر أنسى نتيجة تعادل أمس لكن الحمدلله على كل حال و مازلنا في أول مباراة واليوفي لن يستسلم بل قادمون بقوه :) لازم اللاعبين بس ما يشتتون تفكيرهم يعني المباراة الجايه قدام ليفورنو واللي عقبها مع جنوى يعني يبيلها شدة حيل ولا مجال للتفريط أبدا!! عموما من الموقع الرسمي الحمدلله مافي إيقافات بس في لاعبين عليهم كروت صفراء Legrottaglie, Amauri, Caceres and Felipe Melo كلهم عليهم بطاقه واحد من لقاء لاتسيو... بالتوفيق لليوفي في اللقاءات المقبله.. ننتظر أخبار اللاعبين المصابين؟ ومتى نشاهد أليكس يشارك؟ :juventus: |
بااااااك :ba1: انا اتفق معك يا خالد :smilie47::d والله بجد تحسه مفهي هو واللي جنبه :s2: مدري فهاوة منهم ولا هي مسبقة الأحداث :s5s: بس صورته اللي قدام أليييمة :ga: ملاحظين معي العالم مسبقة الأحداث ! شوفوا قبل لايضرب فيرارا الدكة فيه واحد مسك راسة :s2: :smilie47::s5s: مجنون هالآدمي :s5s: بس والله بجد الأرضية شكلها سيئة من جد :) ماتوقعتها سيئة لهالدرجة :) ! عوافي ابوخلود :smilie47: فيه انبراشة صغيرة شباب ,, اشوف اعضاء كثير وايضاً عضوات:razz: يخشون يقولون " هارد لنا , هارد لكم " ! الكلمة تكتب بالانجليزي كذا Hard luck ,, اتمنى وصل المغزى :) عوافي على كووووول شي وخصوصاً التحليل الخوقاقي :ga: والله بجد استمتع وانا اقرا التحليل بعد كل مباراة من كل الأعضاء بدون استثناء حتى ماجد >> يقاله معصب:s2: ناقصنا ابوفاطمة يدلوا بدلوهـ ,, واعتقد طقتين بالراس توجع , خسارة فيراري وتعادل فريق فيرارا :d http://sports.maktoob.com/imgs/News/179389/Feature.jpg هالـ منب قايل توي ادري انه محكم مباراة امس ,, ذكرني فيه ناصر الله يذكره الشهادة ,, هو نفس الحكم اللي حكم مباراة تشيلسي والبرشا نصف النهائي التشامبيونز الموسم الماضي ,,! الغريب انه ما توقف ولا عطوهـ غرامة ولا شي ,,! وهدف بوردو يشوفه حكم الساحة قبل الراية :to: تباً لك يا سارق الفرحة ,, إقتباس:
ما فرقت اهم شي ذكرت اللونين >> :ap: فمان الله :ga: :rose: . . |
:: السلام عليكم يسعد مسآء الجميع هلا بك سعد ياغالي عموما الشوط الأول نعمة من ربي خروجنا بالتعادل السلبي الشوط الثاني سيطرنا وتميزنا وسجلنا هدف وترتيب الأحداث دقيقة 63 هدفنا دقيقة 67 تبديل كانافارو اضطراري دقيقة 73 تبديل جيوفينكو دقيقة 75 هدفهم دقيقة 81 تبديل تياغو مع العلم إننا كنا مسيطرين قبل هدفهم وبعد هدفهم ومجمل الشوط الثاني وخطورتهم على اليمين من بداية المباراة واضحة هل تبديلات فيرارا تحكي رتم المباراة تدل على أي طموح للفوز خصوصا إننا حصلنا على خمس انفرادات من بداية المباراة ثلاث منها الشوط الثاني أكوينتا ثلاث وثنتين لأماوري صدقوني الحركة الكثيرة ماتعني التميز ولا هي اللي نحتاجها وأماوري لاحركة ولابركة أمس اماوري نلعب به ليسجل أهداف غريبة أماوري يساند الدفاع أجل وشلون بنسجل أهداف وكامو مساند دفاعي والهدف جاء بعد نزوله والخطورة ماهي على جهته والعام كنا نقول ماركيوني أفضل منه في المساندة الدفاعية والدفاع يساند بقتل الهجوم وتجميع اللاعبين في الوسط تصدقون حسيتنا أمس مسجلين هدف على برشلونة وفي نهائي التشامبيونز ويوم لمحت الحكم تذكرت إن برشلونة سجلوا على أفضل فريق (تشلسي) هدف على ملعبهم وبرشلونة ناقصين دفاعيا قلت وقتها الله يصلح الحال إقتباس:
مع كل الحب والتقدير لجميع الإخوان ناصر وبس هنا حسيت بالأمل يارب لاتخلينا من ناصر http://upload.alhilal.com/img/019/UC...Bordeaux-4.gif تسلم يدينك خالد ولاهنت يارب وعلى فكرة مو هذي اللي يقصدها ناصر هذي اللي في صورة بعد هدفنا مباشرة يعني الشوط الثاني فيه وحدة أروع منها ولا أظنها الشوط الأول دقيقة 47 وفيه الدقيقة الثانية في بداية المباراة والدقيقة 32 يمكنها اللي يقصدها ناصر × |
| الوقت المعتمد في المنتدى بتوقيت جرينتش +3.
الوقت الان » 12:44 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd