السلام عليكم و رحمة الله و بركاته

كيف حالكم ياخوان ؟؟؟؟ طيبين ان شاء الله

انا حالياً والله فاضي فقلت وراء ما اقص عليكم عودتي للملاعب بعد انقطاع لمدة (( سنة كاملة )) ... فعلى بركة الله

طبعاً انا تعزبت هاذي السنة و كان وش اقولكم شاد حيلي بكل ما تحمله الكلمة من معنى (( بسم الله ما شاء الله علي )) فانقطعت تماماً عن ممارسة اي نوع من انواع الرياضة و اقتصرت على متابعة عشقي الدائم الهلال

و كان كل من يقابلني يقول وزنكـ زائد ..!! ما شاء الله يا دب !!!

و كنت اقول في نفسي ما عليكـ بتخلص السنة و بترجع الايام الخوالي و الافراح و الليالي الملاح

فانتهت السنة و الحمدلله و رجعت للاحساء و بديت حملة إعلامية النجم الكبير ابو أسامة يعود للملاعب و كل من اقابل اقولهم بتشوفون نسخة كربونية من اللاعب الفرنسي الكبير ترزيقيه


ايه هين ....

المهم بديت حملة إستعادة اللياقة و تخفيف الوزن و في عصر احد الايام << كتاب تاريخ ما هي قصة
و انا جالس اتقهوى مع العائلة الا اخوي الصغير توه متخرج من الثانوي يقول هها ترزيقيه على غفلة تلعب معانا اليوم ناقصين واحد احتياط

و انا اطالع فيه بنظرة فيها نوع من الغرور و السخط عليه اخوه الكبير و يقولي هذا الكلام و اقوله :- ماهو ابو أسامة اللي يلعب احتياط و بعدين انا ما العب مع ناس اصغر مني في العمر <<<< تكفى يا كبير كلها ترا سنة بينه و بينكـ

قال اخوي :- على كيفكـ انت شاور نفسكـ و رد علي المغرب

المهم جلست مع نفسي و قررت ان العب معهم لعد إسباب اهمها :-
- ابغى استعيد لياقيتي << ايه هين
- يعني نشاركـ اخواننا طلاب الثانوي فرحة تخرجهم << تكفى يالقناة الاولى

و عدة اسباب اخرى لا يكفي المجال لذكرها << بدا التصريف

المهم طقمت بالبدلة الرياضية و جهزت نفسي معنوياً و بدنياً
وذهبت انا و اخوي لزملائه في الملعب ....

و الحمدلله اللاعب رأس الحربة غاب عنده ظروف db2 فصار انا اللحين اقدر العب هههههههههههههههههههه

بدت المباراة انا انواع الحماس المفرط فيه و ينالون لي الكورة الاولى قدام الباب و الكورة تفلت من تحت رجلي فا صرفتهم بعذر الهواء قوي هههههههههههههههههههه

و يعطوني الكورة الثانية نفس الكلام قدام الباب و هي تلفت للمرة الثانية و صرفتهم قلت الكورة عليها موية و على ما يقولون زحلطن

و يعطوني الكورة الثالثة نفس الكلام قدام الباب و الحمد لله تمكنت من الكورة و صار بامكاني اسددها وانا اشوت بكل ما اوتيت من قوة و إبدأ اتجهز لفرحة الهدف لكن الخبر المحزن ....

انا سطحت الكورة فوق الباب
و هنا ما عاد لقيت تصريفة وش اقول وش اقول ..؟؟

فما لقيت الا اني اقول جاني شد و لازم اطلع

و بالفعل طلعت بعد عشر دقايق من بداية المباراة و كانت عشر دقايق مليئة بالتعب و الدقة و التركيز << ما هو عشر دقايق هاذي تسعين دقيقة

و اخيراً اتركـ لكم الحكم على هاذي العودة البسيطة لملاعب كرة القدم هل استمر ..؟؟ و لا اريح و ارتاح ..؟؟؟

انتظر تعليقاتكم ابو أسامة

والله أرى إنكـ, تواصل على ما كنت عليه أيام العزوبية
وتريح أخوكـ, وفريقه

هذا رأيي *_^

فريق حآآآرتنا ناقصة لاعب ونى بصرآآحة بما أني المدرب حسيت


إنك رونالدو بس ناقصك لمسات فنية من المدرب ( والله من الدجه)

مشكورين على المرور ياخوان و ان شاء الله بيتطور المستوى قريباً

ويعلنهــا

أبو أسامة انها مازال الطريق طويلة ولا فكرة لديه عن الإعتزال,, < أممممحق معلق.

مشكور يابو جواد العربي و اوعدكـ انه ما فيه نية للاعتزال قريباً <<--- امحق خبر
ههههههههههههههههههههههههههههه