بسم الله الرحمن الرحيم
الحمد لله والصلاة والسلام على رسول الله وآله وصحبه أجمعين أما بعد:

والله انا عندي كم فكره ودي تشاركوني فيها :
أولا : أنا ابي اعرف الحين لما يقولون المجمعات والمولات والأسواق وحاطين لوحه
للعائلات فقط. اوكي طيب البنت اللي تجي الحالها هل تعتبر من العائلات ؟
ثانيا : الحين اللي يغازلون في الأسواق هم البنااااااااااات ولا الشباب .
انا من وجهة نظري انهم البنات ودي لو كنت غلطان تصحوحلي الفكره.
ثالثا:الشباب لما يبون يشترون اغراض لهم من وين اذا الاسواق مقفله في وجههم لا تقولون محلات في الشارع الواحد يبي يسافر يروح يفتر محلات الرياض كلها والسوق قدامه فيه كل شيء يعني بدال ما تروح وتاخذها في 4 او 5 ساعات تاخذها بساعه في السوق.
رابعا ك من عهد الجاهليه مرورا بعهد اصفى البشر محمد صلى الله عليه وسلم الين قبل 20 سنه والسوق للرجال .

ومشكورين وارجو التفاعل

إقتباس اوكي طيب البنت اللي تجي الحالها هل تعتبر من العائلات ؟

معروف أن أفراد العائلة ( أب - أم - بنت - ولد )
قد يفقد أحدهم ، أو يزيد أحد جنس الأبناء على الآخر ،
هذا ما نعرفه عن العائلة
لكن في الرياض العائلة تعني ( الأنثى :s ) !
/،

إقتباس الشباب لما يبون يشترون اغراض لهم من وين

بسيطة ، ياخذ ( أمه - أخته - خالته - عمته - جدته )
وان ما حصل ، يشتري وناسته وراحته بفلوسه ^_* ،
تقول لي كيف ؟
أقول لك ..
انقز لأقرب مكتب استقدام وقدم على شغالة ،
ولبسها البرقع والعباية وادخل معها وين ما تبي ،
وان دخلت وعينت من الله خير زتّــها بأقرب كفي ورح تمش بالبريدات بدل السموم اللي برا ،


/،


بــعدين أنا في موضوع محيرني اذا تسمح لي يا الاخ كاتب الموضوع ،
ألحين دام أن الشباب ممنوع يدخلون الأسواق في ظل وجود سكيورتي ما يسمح بدخول ذباب الا مع ذابابة ،
وش سبب وجود الهيئة داخل الأسواق ؟
عشان يكافحون الحشرات صح ؟
قصدي يكافحون الشباب ،
معناها أن الشباب يقدرون يدخلون ( غصــب ) !!
عشان كذا أنا عندي حل للأسواق يوفر لهم مبالغ ضخمة ^_^
حط لك سيكورتي واحد عند كل بوابة بدل ما تحط ألفين واحد ،
وخل الباقين داخل السوق ،
لو واحد بزوط وبدا يخربط أمسكه وبووووووز برا !
مثل ما هو بالكويت ^_* ..

إقتباس الرسالة الأصلية كتبت بواسطة حتى ظلالي هلالي هم يبون عشان تاخذون خواتكم واهلكم معكم للأسواق وتتمشون سوى

اول مرة تقولي جملة مفيدة ..


وبعدين انت تفر بالشوارع 48 ساعة باليوم مستخسر اربع او خمس ساعات تشتري لك فيها غرض ..

إقتباس الرسالة الأصلية كتبت بواسطة حتى ظلالي هلالي هم يبون عشان تاخذون خواتكم واهلكم معكم للأسواق وتتمشون سوى طيب وش بيضر تاخذ اختكـ معكـ وتروح السوق أو الملاهي .. بكذا ضربت عصفورين بحجر منها انت تتمشى وماحد يقول لكـ لا .. ومنها اختكـ ماتغبطكـ على السيارة والتمشي مع الشلهـ .. بتكون هي فلتها معكـ .. وانحلت المشكلهـ << الكلام سهل

اكثر المولات او الاسواق

%90 من المحلات نسائيه ..
وش يجيبك يارجال الى بعض الاسواق فيها محلات ساعات وعطور متواجد لها فروع على الشوارع الرئيسيه

صحيح ان بعضهم فيها محلات رياضيه .. لكن لها فروع على الشوارع الرئيسيه


ولا اذا كنت مصمم انك تشتري من المجمع رح الصباح تحصل كل شي مفتوح

اي والله البنات هم الي يغازلووووووون وحنا الي ما ندخل المفروض البنت ما تدخل الا بمحرم لووووول

ياخي المفروض الاسواق مفتوحه والي يبزوط برا وخلصنا اوما لازم اجيب اختي معي مشوااااار وعاد البنات الحين يستلعنون يقولون ما فيه روحه لين تسوي طلباتها

يعني اشوف الحل للعيش في الرياض اوما انك تتزوج او انك تشوف ديره ثانيه اصرف لك

حتى ضلآلي هلآلي < بطل

مآدري شقوٍلكَ ~ تسذآإ ولآ تسذآإ معكوسه السآلفه


لكَن اللي قآهرني زيآده

ورآه المولآت تسكر االسآعه 11 وحنآ بعطله ؟ < شطحت


انا اتفق مع حتى ضلآلي هلآلي

أجآد التعبير وحل الموِشكله بكَل برآعه



تشنكَرآآت

إقتباس طيب وش بيضر تاخذ اختكـ معكـ وتروح السوق أو الملاهي ..

هذا الحل على طبق من ذهب

صح البنات هم اللي يغازلون بس الاولاد ما قصروا

وليه مصعبيييينها يعني ؟؟

انا انصح كل المحلات والمولات ..

تجيبها بالحساب صح

يوم شباب ويوم عوائل

سبت واثنين واربعاء وجمعة / عوائل

وخميس واحد وثلاثاء / شباب


صعب ؟؟

والا مستحيل الواحد يفكر بهالطريقة ؟؟؟

إقتباس أولا : أنا ابي اعرف الحين لما يقولون المجمعات والمولات والأسواق وحاطين لوحه للعائلات فقط. اوكي طيب البنت اللي تجي الحالها هل تعتبر من العائلات ؟

هذي صرآآحة صآآدقين فيها خلآآص ولاتزعل
بقول لهم يكتبون للبنآت فقط

إقتباس ثانيا : الحين اللي يغازلون في الأسواق هم البنااااااااااات ولا الشباب .

لا يآشييخ الحين البنآت هم الي يغازلون
لاوالله هذا الي باقي معروووف أصلآ إن الشبآب هم راعين المغآزل
وهذا شي متعآرف عليه يعني ماتقدر تنكره

إقتباس ثالثا:الشباب لما يبون يشترون اغراض لهم من وين اذا الاسواق مقفله في وجههم لا تقولون محلات في الشارع الواحد يبي يسافر يروح يفتر محلات الرياض كلها والسوق قدامه فيه كل شيء يعني بدال ما تروح وتاخذها في 4 او 5 ساعات تاخذها بساعه في السوق.

والله عآآآآدي جيب أمك أو أختك أو أي وحدة من محارمك
بدل ماهم مسآآكين جآلسين 24 سآعة بالبيت

يسلموو على الموضوع

تسوق بالمملكه انا اشوف عادي الشباب هناك يدخلون
والهيئه ما تقول لهم شي !!
هذا الي اشوفه مدري عنكم
والفيصليه خبري بها من زمان الصبح عادي يدخلون شباب
تسوق الصبح صح حر بس اخف زحمه وقلق

إقتباس الرسالة الأصلية كتبت بواسطة هلالي حتى الطمخ وليه مصعبيييينها يعني ؟؟ انا انصح كل المحلات والمولات .. تجيبها بالحساب صح يوم شباب ويوم عوائل سبت واثنين واربعاء وجمعة / عوائل وخميس واحد وثلاثاء / شباب صعب ؟؟ والا مستحيل الواحد يفكر بهالطريقة ؟؟؟

الحركه هذي مسوينا مجمع الراشد

بعد الساعه 7 عوايل

تشوف مظاهرات في العيد اذا مادخلوا


...................................................


تقبل مروري..............................

ما اقدر اقول الا الله يخلف علينا يا اهل الرياض


كل شي على الشاب مهما كان تعامله و اخلاقه

اجل البنت لحالها عائله و الرجال لا ليه عيال حرام حنا ولا طالعين من تحت الارض


بعدين فيه ناس تقول ليه ما يروح الشباب المجمعات الصباح


ما ادري ليه فيه ناس ما تفكر ولا ايش


الصباح دوامات و والله فشله اقول لمديري بروح السوق عن اذنك ساعتين

و غير الموضفين الطلاب ما صدق ينتهى من الدراسه و القومه من صبحيت ربك تبيه يروح الصباح بعد


هذا من غير بعض رجال الهيئه اللى لو يشوفك تمشي في شارع عام قال وين اهلك