|
يطالبون بلاعبين فاشلين .... وينسون نجوم الزعيم ... جماهير اللاعبين السلام عليكم ورحمة الله وبركاته جماهير جديده دخلت عالم الكوره وشجعت الزعيم بسبب بعض اللاعبين يطرحون اراء غريبه وعجيبه اشيااء ماتدخل العقل كانهم ضد الزعيم مو معاه يطالبون بتنسيق وطرد بعض اللاعبين المميزين ( الشلهوب _ الزوري _ الصويلح ... الخ ) ويطالبون بلاعبين عاديين او اقل من عاديين بالنسبه لنجوم الزعيم يطالبون ( عبدو.. محمد نور .. نايف هزازي .. الخ ) يعني اللي يفكر لو دقيقه يبي يعرف ان الموجودين بالزعيم افضل اللاعبين في السعوديه فلو افترضنا اننا شرينا (عبدو عطيف) هل عبدو مثل الفريدي ..؟؟ ماعتقد الفريدي افضل من عبدو بكثير الفريدي مهاراه وخبث كروي وصاحب اختراقات نجي لمحمد الشلهوب محمد يمتلك لمسه سحريه توصلك للمرمى باقصر الطرق محمد يقدر يحرك اللعب بسرعه ويقدر يأخره وهو افضل من عبدو ومحمد نور نجي لنايف هزازي ... نايف وش عنده ..؟؟ فقط راس واعتقد العنبر افضل منه بمراحل ويكفي ان العنبر لعب الموسم الماضي تقريبا 8 مباريات وكان من هدافين الموسم العنبر يدخل في نص المباراة ويحسمها ولا ننسى العابد القادم بقوه للنجوميه وهو افضل من هزازي بمراحل للاسف بعض الجماهير الهلالييه اللي شجعو الهلال عشان كم لاعب هم سبب تدهور الهلال نمتلك الافضل في السعوديه حنا فقط نحتاج اجانب واذا الاجنبي مو احسن من السعودي مانبيه نقدر نلعب موسم كامل باللاعبين اللي عندنا ونحقق جميع البطولات ولكن في نص الموسم يطلع لنا البزارين (فلان فاشل وفلان نسقوه وفلان اطردوه .. وفلان مجامل ... الخ ) |
ياشيخ وربي معك حق الله وكبر ياهزازي ونور .. كرستيانو وكاكا على غفله ام الجمهور له حق يطالب بس بش معقوووول ,, الشلهوب الو كان يلعب مع اي نادي كان الهلال دفع 30 مليون بس علشان ينضم للهلال ,,,, والزوري ياخي يكفي انه ظهير ويسجل ويراوغ ,,,,,, ومباره الامارات اكبر شاهد على كلامي , ولكن في نص الموسم يطلع لنا البزارين (فلان فاشل وفلان نسقوه وفلان اطردوه .. وفلان مجامل ... الخ ) ((( وكلامك على متمه بعد كل خساره )) بالعربي (( ياتكون هلالي بلفوز والخساره ولا بلا من تشجيعكم )) |
مستحيل ان يكون هناك شخص عاقل وفاهم يطالب بتنسيق الشلهوب والزوري من فيه بالمملكه طهير يسار افضل من الزوري لكن من حقنا ان نطالب بلاعبين (( بالشي المعقول)) اتمنى من الجماهير عدم الالتفات للنادي الجار او منقارن انفسنا بهم اكبر دليل على فشلهم (( حسين عبدالغني )) كم عمره بالله ؟؟ كم راح يخدمني؟؟ هل تقارن (( ويلي)) و ((رادوي)) و((نيفيز)) بلاعبينهم الاجانب شكرا لك اخوي على الموضوع |
مستحيل ان يكون هناك من يطالب بتنسيق الشلهوب لاكن اذا كان هناك اي لاعب لا يستطيع ان يقدم شي للهلال فيجب عليه هو ان يخلص نفسه بنفسه حتى لايكون عاله على الفريق كمنا رأينا في الموسم المنصرم ... |
إقتباس:
الله يعطيك العافيه ع المرور وخلها على ربك هذا حال بعض جماهير الزعيم |
إقتباس:
ياخوي هذولا يقلدون جمهور الحالمي اللي مستانسين بصفقات (ابوريالين) اتمنى من الامير عبد الرحمن عدم اللتفات لهذي الاشكال شكرا على المرور |
والله كلامك صحيح 100% بصراحه انا استغرب من اللي يطالبون ابعاد لاعبين في الهلال راح يكونون مكسب كبير لاي نادي يروحون له حتى انها وصلت فيهم لدرجة المطالبه بابعاد خالد عزيز وهو اللي مافي منه في الانديه السعوديه اثنين علشان غلطه مشكوور خيو |
المشكلة بعضهم يناظر للاندية الثانية ويطلب من الإدارة أن تعمل مثلهم هذا الزعيم ياعالم افهموا غير كل الاندية لا تقارنونه لا بنادي فلان ولا زفت |
صــادق باالنســبة لابعـادهم أنا ماأتفق معهـــم لكن أنتقادهم أذا أنخفضت مستوياتهم أنا معهم لان الانتقــــــاد يساعد اللاعب على مراجعة نفسه وتطوير نفسه |
السلام عليكم صديقنا ارجوك الكلام الذي تقوله غير معقول اريد اوضح بعض الشئ من كلامك نور ليكون في معلوماتك انه افضل لاعب وسط سعودي الى هذه اللحظة الهزازي معاك غير معروف محمد الشلهوب على بركة الله انسان طيب ويلعب لحظات جيد وممكن يتوصل الى خط 16 وبعدها يتعتر والفريدي انا في نظري ليس لاعب جيد والله انظر وتابع وراجع جميع المباريات التي لعب فيها اوكي معاك لاعب جيد من ناحية ان يكون في المستقبل افضل لكن تقارنه بي نور لا والمشكل نحن في الهلال نعطي للاعب اكبر من حجمه يسمونه الفيلاسوف لا وألف لا ليس فيلاسوف لاعب عادي جداً جداً يجب ان نقول الحقيقة الان الهلال ليس فيه نجوم تعلي بيها قلبك يا أخي وشكراً |
إقتباس:
هلابك اخوي ماعتقد فيه لاعب منتهي ويكمل اقل شئ ياخاف على اسمه الله يعطيك العافيه ع المرور |
إقتباس:
خلها على ربك ياخوي عزيز افضل محور في اسياا يتهم بانه خائن ..؟؟ عزيز اللي حارب عشان الهلال وبالاخير يتهم للاسف هذولا البزراين اللي مسكو نت |
إقتباس:
مثل ماقلت اول هم يشووفون صفقات (ابو رياليين ) ويجون هنا نبي فلان واطردو فلان شكرا على المرور |
إقتباس:
اكيد الانتقاد الهادف يفيد ولكن انا ضد (فلان خائن _ فلان متعاون _فلان فاشل ) هذي لا تفيد اللاعب ولا المشجع </B> |
إقتباس:
شفت انت من اللي مغرر به بالاعلام نور وش .؟؟ متى طلع متى بداء وينه قبل الاربع سنوات لانه صنع هدف وجاب هدفين صار هو الافضل الشلهوب ساهم في تاهل منتخب كامل بسبب ابداعه في 2006 الشلهوب قدم اجمل اللمسات في 2002 و2003 و2004 وحقق مع الهلال اجمل الالقاب الشلهوب اللي يتعثر مالعب ولا مباراة كامله هذا الموسم ولكن اذا دخل يعمل الفارق الشلهوب اذا لعب اخر خمس دقائق تطالبونه مثل اللي لعب 90 دقيقه اما عن الفريدي اذا كان الفريدي لاعب عادي اجل منهو اللاعب الفنان شكلك من جماهير حيري ديري تحب اللاعب اللي يدور وسط الملعب الفريدي من مميزاته يروح للمرمى على طول ماعنده يروح يمين والا يسار الفريدي لاعب عمره بين 22- 21 ويقدم اجمل المستويات ويكفي هدفه في الامارات طوال تاريخ نور مايقدر يجيب مثله طبعا غير البااصاات الخورافيه اللي يصنعها هذا انتم تحبون تقللون من لاعبين الزعيم وتكبرون من لاعبين الخصم لكن سيقى الزعيم شامخ بلاعبينه وبدون مساعدتكم ياجماهير اللاعبين |
| الوقت المعتمد في المنتدى بتوقيت جرينتش +3.
الوقت الان » 06:29 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd