الغدير....هووون؟

لي باك يالقاطع..
ـــــــــــــــــــــــــــــــــــــــــــــــــــ

هلا وغلا بالقاطع..
يقطع حريشك يا شيييييييخ وينك فيه..؟؟
ع الاقل رد باحد المواضيع عشان نعرف انك عايش..

تو ما نورت حتت المجلس..


نبدا نحلل موضوعك..

إقتباس [المهر .. يكسر الظهر ]

اخ يالمهور..المشكله ليت هالتضحيات والاموال تملا عيونهم...بس القهر ما فيه اجحد منهم بعد الزواج
لا وتجيك بكل قوة وجه تقول.. ما حد جبرك تتقدم لي..
لا بوك لا بو ابليسك..ما صدقتي اني تقدمت لك...والظاهر اني الاول شكلي كنت بكون الاخير..

ما علينا ..نعود لمحور الحديث اللي ان الظهر ينكسر بالمهر..

إقتباس شبكة وذهب وهدايا للأم والخوات والعمة والخالة والشغالة يعني يطلع مجموع هذا كله يفووق الـ 80 ألف .. طييب من الأول قولوا إن المهر 80 ألف وبلاش لف ودوران وحييل مال أمها داعي

هذا تقريبا اللي صاير عندنا للاسف..يعني واحد من معارفنا تزوج بالاجازه الاسبوعيه اللي كانت بوسط الترم الثاني
المهم الاب جالس يشتكي لاخوي..يقول دفعنا المهر 60 الف وما رضوا ينزلون ريال بحجة ان اخواتها كل مهورهم كذا..
قال مشيناها وقلنا تم..الذهب قلنا بنعطيكم 20 الف وانتوا اشتروا فيها اللي تبون
قال ابو البنت لا..هي تنزل السوق وتشتري اللي تبي وانتوا تحاسبون..
يقول اب بعد ما قالوا هالكلام..قلت لولدي فكنا منهم وخلنا نشوف لك غيرهم احسن لك ذولا بيشفطونا..
قال الولد لا والله انا ابيها..شكله مغرز عندها..
عاد نزلت البنت السوق واشترت ذهب بحوالي 39 الف وكسور يعني 40 الف..
هذا غير كسوة امها وجدتها وابوها وجدها لو كانوا احياء..
وغير تكاليف ليلة الزواج..

بالله فيه واحد بيتزوج بهيك مبلغ..؟؟
يا ناس هذا التبذير بعينه وخشته
احنا بجماعتي بالذات ..كانت الزواجات حدود 36 زواج الصيف الماضي..
بهذا الصيف 17والاغلب صبايا..
الازمه الاقتصاديه والاسهم طفرت فيهم..والمهور ما تساعد ابد..

إقتباس [ إستغلال .. عواطف الشعب ]

تلوم الشركات والعارتي..؟؟
احنا شعب مكبوت ملعن شكله..لا سمع صوت ناعم ضاعت علومه..

بس الحمدلله الفتره الاخيره صار الاغلبيه متمرس من الخبره اللي اكتسبها من العلاقات العابره..

إقتباس [على حجاجك ..... ]

خخخخخخخخخخخخخخخخخخخخخخ

يا رجال كبار السن حتى وانت تسولف معه يطلع لك كم كلمه ما تدري وش معناها بس تهز راسك لزوووم التسليك..

الحمدلله ما مريت بهالموقف..




الغدير..
الله يعطيك العافيه ولا تقطع يا خوي ..










سلاااااااااااااااااااااااااااااااااااااااااام

هلا بالغدير
صرااحه دااخل احيي يوزرك ..
ولي عوده بعد قراءه الموضوع

هلا والله ابو أزرق ،

إقتباس أقسم بالله يابعض العوايل على هالمهور المرتفعة اللي يطلبونها يحسسونك إنك جااي تتعاقد مع لاعب ماجاي تخطب

خخخخخخخخخخ ،
ياحبي لكم يا أعضاء المجلس بكل موضوع لازم ألقى لي مقطع كوميدي يمزع من الضحـتس ،
صايرين خفاف دم من تالي
ماجد وش تشرّبـــهم ،
/،
بس خـل عنك والله يا بعض العوايل يدورون الستر ، وبصراحة وبدون زعل العوايل المعروفة والمتربية يشترون الرجال حتى لو كانت هالعايلة ماديتها على قدها .




استغلال العواطف ،
ياخي والله معاناة مع بعض هالشركات ،
والله عيب عليكم عيييييب تستغلون بنات خلق الله لأغراضكم التجارية الخسيسة ،


موضوع الحجاجات ،
اللي اردى منها وانت متجه شمال وانت متجه جنوب
قل يمين يسار ، خل المكان الفلاني يمينك خله يسارك وبس ،



يعطيك العافية غدوري ..

هلا والله بالغدير ، حيّاك الله ومنوّر

موضوووع حلوو، وناقش أبعاد مختلفه بأسلوب بطل بطل

إقتباس فعندنا مهورنا 50 إلى 60 ألف شاملة كل شي من شبكة وذهب وهدايا ورواتب ومكافأت

ايه من 50 إلى 60 معقووول ، بس صدق فيه مكافآت ؟ < استانست !

إقتباس وأمنيتي أن تتدخل الحكومة بذلك وتضع حد أقصى للمهور

صحيح ، لأن بعض أولياء الأمور مآخذينها تجارة الله لايبلانا
الرجال السوّي بهالزمن ينشّرى ، واللي يبي الستر لبنته ماراح يبآلغ ويلعب بمستقبلها عشان فلوس مع الوقت بتروووح ،،!!

،،

شكراً لك يالغدييير الأزرق
والله يزوّجكم كلكم بنات الحلآل اللي يخافن الله فيكم ،، ،

إقتباس [المهر .. يكسر الظهر ] لو تسأل أي شاب سعودي وش أكثر شي شايل همه بيقولك المهر بدون تفكير ولذلك تتغير أرقام المهور الفلكية من عائلة لأخرى ومن قبيلة لأخرى وكذلك تتغير طرق التسديد من عائلة لأخرى ومن قبيلة لأخرى منهم من لايرضى إلا بالكاش .. ومنهم اللي يرضى بتقسيط المهر منتهي بالتمليك ومنهم اللي يعامل العرسان كمعاملة البنوك لعملاءها يبي فوائد ومنهم من يعين ويعاون ويدور الستر ... الخ تناقشنا أنا وأحد الأصدقاء عن المهور وسألني عن المهور عندنا فعندنا مهورنا 50 إلى 60 ألف شاملة كل شي من شبكة وذهب وهدايا ورواتب ومكافأت ففاجئني بحديثه إن مهورنا يابلاش .. لأني كنت متوقع إن مهورنا غالية حبيبنا يقوول إن أسرتهم أو المنطقة اللي عايش فيها عندهم الزواج أمام الناس والمأذون بريالين ويدعون مساعدة الشباب ويابخت من وفق رأسين بالحلال ومن هالخمبقة لكن المصيبة والكلام لصديقي بعد عقد النكاح يطلبون منه شبكة وذهب وهدايا للأم والخوات والعمة والخالة والشغالة يعني يطلع مجموع هذا كله يفووق الـ 80 ألف .. طييب من الأول قولوا إن المهر 80 ألف وبلاش لف ودوران وحييل مال أمها داعي أقسم بالله يابعض العوايل على هالمهور المرتفعة اللي يطلبونها يحسسونك إنك جااي تتعاقد مع لاعب ماجاي تخطب .. وللمعلومية أنا منيب ضد المهور وأقول زوجونا ببلاش لاأبداً .. والمهر من أبسط حقوق الفتاة لكن المهور لابد تكون بحدود المعقول .. وأمنيتي أن تتدخل الحكومة بذلك وتضع حد أقصى للمهور فالشاب مامداه يفرح بوظيفته بعد عطالة سنين ويقول هانت خلاص أبتزوج إلا صادمينه أهل العروس بمبلغ وقدره حق مهر وينتظر سنين ثانيه حتى يجمع حق المهر .. يسروا ولاتعسروا ,,

صدقت يا الغالي أسعار المهر مُبالغ فيها بشكل كبير .. ومشكلة بعض أولياء الأمورأنهم يسألون عن منصب ومركز الزوج بغض النظر عن أخلاقه .. والرسول صلى الله عليه وسلم " زوجوا من ترضون دينه وخلقه " ..

إقتباس [ إستغلال .. عواطف الشعب ] يالربع من تالي الشركات والبنوك هابين هبة مهيب صاحية صاروا يطبقون سياسة الخقخقة لامنهم بغوا منك شي هاه خلوا وحدة من هالموظفات تتصل عليك .. ولامنك بغيت منهم شي هاه رد عليك واحد من هالموظفين ونفسه براس خشمه تقل كاسرن عينك وإلا ماسك عليك شي طبعاً هم عارفييين نقطة ضعف شعبنا المغلوب على أمره يخق مع أي صوت أنثوي ذاك اليوم جاي من الدوام عالساعة 2 الظهر وماعندي من الشيطان طاري إلا جاني هااك الأتصال .. ألو .. سلام عليكم السيد فلان الفلاني .. (تناديني بالسيد يقال الحين تراني معطيتك أسلوب لابوتس يالتكرونيه ) معك فلانه من الـ art طبعاً يوم سمعت الـ art دريت إن السالفة فيها تجديد إشتراك .. طبعاً ذولي مايلعبون يسحبونك على وجهك يدرون إنك ماتغديت وبتتشابك أسلاك البطن مع المخ وبتدوخ ويمكن تميع بوسط سماعة الجوال وبغمضة عين ماتدري عن نفسك إلا أنت مجدد لـ سنتين قدام ومثل ذولي ماينفع معهم إلا واحدن متبلد إحساس يسمع بالعواطف الجياشة مهما دغدغوا مشاعره مايتأثر لكن اللي لاحظته بحقين الـ art بما إني زبون دايم عندهم إن أطلق وحده فيهم صوتها فيه لحمية .. اما غير ذلك يكافينا الشر .

ههههههههههه والله صدقت .. الواحد يخق مع هالأصوات ويسوي اللي بيونه

إقتباس [على حجاجك ..... ] إلى وقت قريب أنا من الناس اللي أعاني ويرتفع ظغطي لامنك نصيت مكان معين ومادليته وفجأة طحت بشايب وتبيه يوصف لك هالمكان .. يقولك حط الشمس على حجاجك الأيمن عااد أنت تقعد مبلم وتدربي هالدمجة وتبي تشوف وين يبي يوصل له .. والشايب مبتل بالوصف ويقول .. لامنك وصلت عند رأس ضلع حطه على حجاجك الأيسر .. حطينااه على حجاجنا الأيسر.. وبعدين طبعاً المشكلة مهيب بعدم معرفة معناها لاطبعاً لأن معناها معروف وواضح لكن أنا من الناس اللي مايحب هالطريقة بالوصف ينلحس مخي ولامنك مسكت خط وطول الطريق وأنت تنطل أي شي على حجاجك . وش المانع يمال الغنيمة بكونك تقول أول لفة يمين أو أول لفة يسار وانتهينا لييش لازم ندخل هالحجاج بالموضوع حتى قوقل إيرث لامنه بغى يوصف مايعترف بسالفة الحجاج .. طبعاً الشيبان هم الخير والبركة والمصطلحات كثيرة لكن هذا اللي يحضرني من مصطلح يقلق مندوب مخي

ههههههههههههههههههه الواحد لامن أخذ الوصف من شايب ، تضرب فيوزه ، تحس ان كلام الشايب طلاسم ومافيه شي مفهوم

هلا بالغالي طلال وينك يالقاطع

إقتباس نقطة ضعف شعبنا المغلوب على أمره يخق مع أي صوت أنثوي

للاسف هذا الي صاير

إقتباس فعندنا مهورنا 50 إلى 60 ألف شاملة كل شي من شبكة وذهب وهدايا ورواتب ومكافأت

شكلك ناوي تتزوج يالغدير
عقبالك وعقبال الجميع يالغالي شكرا

هلا والله بالأخ طلال

والله يا أخي يا عليك إيميلات ميب صاحية

أدخل الايميل أدور على ستايل واحشنا عشان أقرأ رسايلك

نمسك الخيط من الطرف

المهور /

يا أخي وش تبينا نضيف .. ؟

ما فيه شي ينضاف لكن بعلمك شغله عندنا بالمنطقة الغربية - الحجاز - الزواج من أوله لأخرهـ على العريس حتى القاعه و العشاء عليه عكس نجد و القصيم يقولون إن القاعه وذا على العروس << ألعن أوم الفله يا حوسام
حنا أهل العروس إن كان بغوا يسوون حفلة للملكة سوها من عندهم و لا الباقي على سي السيد

بس عندنا المهور بالعادهـ لحالها 40 - 50 ألف وعليك حساب باقي الاشياء وذا

art /

برضو ما أدري وش أضيف

لكن دومنيوز بيتزا عندهم رقم موحد تدق عليه ويعطونك رقم أقرب فرع لك
هاك الرقم ما يرد عليه إلا ذوات الاصوات الحسنه عاد أنت تحاول تطلب من دومنيوز كل يوم عشان تسمع صوت حسن جديد


على حجاجك /

بالعكس يا أخي ما أدري ليه انت جالس تسب التراث

تلقى الشايب توعد على هالكلام لو بوصف لك أول لفه و ثاني لفه يمكن ما يعرف ويضيعك

يعني خله يتفلسف عليك ودون المسجد خذ يسار أزين


الغدير الازرق

الفرصة السعيده اللي شفنا لك موضوع

كثر من هالطلات و لا تقطع ايميلاتك

إقتباس الرسالة الأصلية كتبت بواسطة القيصر رهيب المهور / بعلمك شغله عندنا بالمنطقة الغربية - الحجاز - الزواج من أوله لأخرهـ على العريس حتى القاعه و العشاء عليه عكس نجد و القصيم يقولون إن القاعه وذا على العروس << ألعن أوم الفله يا حوسام حنا أهل العروس إن كان بغوا يسوون حفلة للملكة سوها من عندهم و لا الباقي على سي السيد بس عندنا المهور بالعادهـ لحالها 40 - 50 ألف وعليك حساب باقي الاشياء وذا

وعليكم السلام ورحمه الله وبركاته
أجل بعد هذا اللي ناقص احنا نحجز القاعه طيب ارفعوا بالمهر أول ....
50 ابداً ماتكفي نقعد نشيل هم من وين ندبر الفلوس الناقصة من الابو اللي عنده بنات وتجهيزاتهم لعرس أختهم وإلا نجمع في المكأفات ..........
المشكله اللي يقهر خلاص أول مايجي يملك جايب فلوسه معاه بدون مايسأل تكفي وإلا لا ... كل ماأشوف الدفتر عند أبوي المهر 50 ألف <<<< يأخي قهر زودوها شوي خلوها 70 ألف ....
نفسي أقول لإبوي بس مستحيه ........

استغلال عواطف الشعب .....
أنتم تخقون مع اي صوت اثقلوا شوي (الثقل صنعه ) <<<<< بتتصفق

على حجاجك .......
ياشين الوصف ماأحب أحد يقول لي وصفي لي ..
أذكر مره بتجي لنا كوافيره وجلست أوصف لها حسيت أني لحست مخها بالنهايه قلت لها لحظه وعطيتها عمي والحمدلله وصلت بعد لحسه المخ ....

.

.

هلا بـ الغدير الأزرق

إقتباس [المهر .. يكسر الظهر ]

وش وراكم ! ادفعوا
لا الجد والله , الله يعينكم بعض الأحيان أجلس أفكر .. أقول الحمدلله اللي خلقني
بنت .. من جد أحس الله يعينكم ,

لا فيه وظايف ولا شي , وبـ هالوقت الواحد يالله يالله يصرف على عمره
شلون اذآ صار عنده زوجه وعيال وبيت و القائمه تطول

الله يفرجهآ عليكم يارب ,

إقتباس [على حجاجك ..... ]

أول شي وشو الحجاج ؟
بس دام السالفه فيها وصف .. ودي أسألكم كيف تجمعون بين كل هـ الطرق والشوارع والبيوت والاسواق , ماشاءالله الله لايضركم
اذا سمعت ابوي يوصف لأحد أحس اني أدلخ مخلوقه على وجه الأرض

(اذا جيت ماشي من شارع مدري وشو اتجه شرق ) طيّب وش عرفـني وين الشرق

على طاري الوصف .. قبل فتره وصفت لـ صديقتي بيتنآا وأخيرا ً تحقق حلم حياتي ووصف
لأحد , طبعاً الله لايوركم والوصف كل الوصف خلّي شسمه على يسارك بعدين امشي شوي لمّا يجيك شسمه ادخلي من عنده وخليه على يمينك ..
<~ ومن هـ الوصف لمّا وصلت بيتنا بـ سلامه ولله الحمد


الله يعطيك العافيه يـ الغدير الأزرق , موضوع جميل بـ أسلوب أجمل


مع التحيه

يا هلا بك أخونا الغدير الأزرق ..

اولاً بقولك ( الحمدلله على السلامة ) أذكر قبل فترة كتبوا عنك خبر شين الله لا يعيدها ..

إقتباس وكذلك الحال ينطبق على التنسيق

هذي مشكلتي
ترى لا جيت أنسق مـا أدري هو زين ولا شين ..


::
..
::

[المهر .. يكسر الظهر ]

أنا من اللحين قايلة مهري مليون يحمد ربه عاد بالريال مو بالدولار

ترى ماحنا بسيارات عشان يكون المهر 60 و70 !!
اذا البانوراما بنص مليون ..! يعني ع الأقل سعر سيارة كشخة مو حي الله

المهم ..

الصدق أنكم ما تعرفون وش معنى مهر ..؟
المهر يشمل على كل المُستلزمات اللي هي بتحضرها للحياة الجديدة
ووالله العظيم أن خمسين ألف ما تكفي ابداً !! وخلينا واقعيين خصوصاً مع إرتفاع الأسعار...
وبعدين ليه الواحد يستعجل على الزواج ؟ اصلا بعض البنات اللحين يبون واحد بالثلاثينات
مو صغير بالعشرينات لأنك تحسه رجال يُعتمد عليه صدق وعاش وجرب في الحياة كثير
وباني نفسه كويس, والله كثير أشوفهم بالثلاثين تلقاه أستقر وكون نفسه كويس وتفرغ للزواج وما عنده مشكلة يشتري بيت و يحط سيارة و خدم والخ ..

عموماً .. هو مثل ما تفضلت أمر نسبي ويعتمد على المجتمع والطبقة .<< ما أبي أتصفق

::
..
::

[ إستغلال .. عواطف الشعب ]

رحمتك والله

بس الصراحة في كثير ماشاءالله ما يهتمون بالأصوات .. يمكنك حساس جداً



::
..
::

[على حجاجك ..... ]

أشوى أني ما أسوق

أذكر مرة من زمان لما كنت طفلة صغيرة كنت طالعة لمكان وضيعت الطريق << حـريـم

المهم سألت واحد بالطريق عن المكان اللي ابيه فقال لي ( اقطعي هذا الشارع ...)
عاد أول مرة تمر علي هالكلمة قلت مستغربة ( شلون أقطعه ان شاءالله؟؟!)



::
..
::


الله يعطيك العافية أخونا القدير

المهر .. يكسر الظهر

والله تبون تتزوجون ببلاش

مثل ماقال علي عندنا بالحجاز كل شي على العريس ماعدا الملكه

إستغلال .. عواطف الشعب

وانتم مخفه على اي شي تخقون عليه ,, امزح ورربي


على حجاجك

ههههههههههههههه والله فله هالشياب ,,


ماقصرت الغدير

إقتباس الرسالة الأصلية كتبت بواسطة عقد الياسمين بس الصراحة في كثير ماشاءالله ما يهتمون بالأصوات .. يمكنك حساس جداً

معصي

أتحدى تلقين شاب ما يهتم بالصوت

يقول الشاعر /

الاذن تعشق قبل العين أحيانا

والحين لو الشاب الفقير إلى الله ماشي بسيارته وحاط الاف أم وقاصر الصوت وسرحان

لو جا إتصال من بنت دايركت بيرفع الصوت ويسمع صوت البنيه

لو الصوت كويس ركز لو الصوت بايخ قصر ورجع يكمل سرحانه

أسف عالمرور ثانية أبو الطل

إقتباس الرسالة الأصلية كتبت بواسطة القيصر رهيب معصي أتحدى تلقين شاب ما يهتم بالصوت يقول الشاعر / الاذن تعشق قبل العين أحيانا والحين لو الشاب الفقير إلى الله ماشي بسيارته وحاط الاف أم وقاصر الصوت وسرحان لو جا إتصال من بنت دايركت بيرفع الصوت ويسمع صوت البنيه لو الصوت كويس ركز لو الصوت بايخ قصر ورجع يكمل سرحانه أسف عالمرور ثانية أبو الطل

خخخخخخخـ

حالتكم جداً جداً صعبة

طيب سؤال .. يعني اي اي صوت يخقون معه ولا أصوات معينة

لأن صراحة في بنات أصواتهم تجيب الضربة و صداع بالرأس وآلام بالمصران



عُذراً خيو الغدير على المرور الثاني ..