|
الترقيم\\بقلمي سلآآآآم عليكم كيف حالكم في موضوع مهم جداً الا وهو ..{الترقيم}.. كثير صرنا نشوف شبابنا يرقمون بنات و حالتهم حاله و تشوف واحد يقول احب فلانه بنت علان و الثاني يقول حتى انا احب ذيك و حالتهم حاله بصراحه قد شفتو حب عن طريق الجوال لا و يبي يتزوجها و مصمن اليوم يجي يخطبها طيب بالعقل فكر فيها شوي انت الحين البنت هذي رضت تطلع معك و رضت ترسلك صورها و رضت انها تكلمك هل هذا يمنع انها تسوي هالاشياء مع واحد ثاني؟ يعني انت بتتزوج و انت ما تدري و عمرك شفت واحد يحش في خويه ولا قريبه؟ يعني اذا بتسأل عن البنت و كيف حالها بتسأل اهلها و جماعتها و الجيران طبعا كلهم بيمدوحنها و هي من جنبها يعني بصراحه انا اشوف هالنوعيه من الناس {([مرضى و متخلفين])} لا و المشكله الي يرقمون يا ليت يكونون حلوين تشوف واحد مربي له شجره فوق راسه و مطيح البنطلون الي تحت و طلعت فضايح و جاي يرقم الله يخسك انت حتى امك ما تداني تشوف خشتك بهالطريقه اجل شلون بنات خلق الله؟ لا و المصيبه الاكبر هي الاخت.. ما يرضاها لأخته ليه طيب؟؟ ترضاها لبنات الناس ولا ترضاها لأختك؟ ليه بنات الناس لعبه بين ايدينك؟؟ ولا انت و اختك فيكم زود عن الباقين؟؟ طيب الحين انت اخذت رقم بنت من البنات و كلمتها ططيب بعدين الفائده وشهي؟؟ لا و الشي الي يقهر هو ان الحين البنات يرقمون الشباب و الشاب يستانس و يموت من الفرح و تشوفه مع البنت رومنسي و كله ذوق و اخلاق و مع اهله و امه و ابوه و اخوانه اخلاقه دايم زفت ليه كذا طيب؟ و البنات الي يرقمون الشباب الحين ذولي الفئه من البنات ابي اعرف وش يحسون فيه؟ ما عندهم اخوه؟ ما عندهم اهل؟ ليه كذا طيب؟ مغير هايتات في الشوارع من شارع لشارع و اذا شافو واحد معه سياره و كشخه على طول انطل له الرقم ليه كذا؟ و اذا كان الاخ الي نٌطل اليه الرقم اخلاق و متربي و ذوق كان اخذ الورقه و ذبها لكن لا لازم يدق و يكلمها و بعدين يبدون فيه علاقه رومنسيه مع العلم انها محرمه من الشرع و فيه ادله على هالشي لكن لا حيات فيمن تنادي و تبدا العلاقه تتطور يبدا يرسلها شحن جوال 300 ريال و امه تقوله جب اغراض من المكان الفلاني ما معي فلوس يا يمه..! و تدق عليه البنت طالبتك طلب تشحن لي و دز يا ولد بدل الكرت الكرتين ولا ابي هديه منك يقول ابشري و يروح يشتري لها سواره ولا تعليقه و ساعه ولا جوال و لابتوب يا عمي وين حنا فيه واذا جاه اخوه ولا احد من الاهل او اخوياه ما اقدر ما عندي دراهم يخوي و مدري ايش و للبنت حااااضر و سمي آمري شبابنا تخلفو بناتنا تخلفو وش باقي شيبانا؟ وراعيننا؟؟ قليل من تجد يذهب للمسجد و كثير من تجد يذهب للحفلاات الغنائيه وين راحو امة محمد؟ الغرب منهم المسلم و الكافر الكافر منهم يعرف الاسلام اكثر مننا حنا يالعرب لكن لا ننجرف عن محور الموضوع و نرجع لموضوعنا و احيانا البنت تقوله ابي اهديك هديه يا حبيبي يقولها تسلمين يا بعدي انتي ناس متخلفين هالنوعيه بصراحه يعني بعد ما تكلم النت ابي اعرف شعورك.. هل انت حسيت بزود في نفسك؟؟ اذا حسيت بزود في نفسك فإعرف اخي القارئ انك للأسف متخلف.. اسمحلي لصراحتي الزايده و اتمنى اني وفقت في توصيل الرساله للإخوه القراء سواءً زوار او اعضاء.. ملاحظه:تآبع للمجله تحياتي للجميع اخوكم محبكم في الله هلآلي معآلي |
., انت أخذت المسأله على إنها قلة وعي وتحاول تقنع هالفئه إنهم على غلط ..! ترى هم دارين إنهم غلطانين وعارفين إن سواتهم لاترضي الله ولا خلقه :cry: ومع هذا مستمرين ولاعليهم من أحد :cry: المشكله مو بأنهم غلطانين .. لا كل واحد عقله براسه ويسوي اللي يبي لكن لايتفاخرون بهالشيء ولايزعمون إنها رجوله إنك تكلم بنت الناس قدام اخوياك..! اذا مكلّم مكلّم إستر على نفسك وماله داعي تخرّب سمعتك :cry: ولو إن هالشيء صار مايعيب الرجال ..! وحدها البنت تنعاب من هالاشياء على العموم مشكور على نصيحتك :rose: ولو إن السالفة سالفة قناعه كان مافي أحد يغلط بهالشيء لكن اللي براسه حب ماانطحن لاتحاول تناقشه ..! يعطيك العافيه :rose: |
لي عودهـ بعد الصلاة !!!!!!!! |
عدنا :: والله انك صادق اخوي وش فيهمـ هاللي يرقموون المشكله انهمـ دارين انهم غلط لكن مع ذللكـ مستمرين آي دونت نو واي هز دوينق ذات <<< أخص E ما اقول الا الله يبعدنا عن هالافعال ..؟؟ تشكرات |
,, ياخوي خل الناس تاخذ راحتهآ :d:rose: . كل واحد منهم عقله براسه ويعرف الي يسويه :s5s: : ) // الي يبي الخير يدل دربه والي يبي الشر ياصل لدربه :s2::smilie47: . تقبل وجودي :rose: ,, |
إقتباس:
بالعكس يا اختي الناس قامو يتفاخرون بالهشي و الي يكلم بنت يصير رجال و مدري ايش تفكير ما ادري وش يبي يعطيك العافيه اختي منوره بوجودك |
إقتباس:
تسلم على المرور و كلامك صحيح |
إقتباس:
لكن لا حيات فيمن تنادي يعني بعض شبابنا بالخط العريض من جنبها :s2::s2::s2::s2::s2::s2: |
105 مشاهدات و 7 ردود بس؟ ليه؟ وين التفاعل وين صيفنا تمام:d |
يااخوي كل واحد يعرف مصلحته ويعرف ان هذا الطريق صح والثاني غلط بس الحين ماعاد فيه رجال والله نادر لان الجنس الثالث موجود وبكثرة يعرف اللي يكشن شعره ويطيح البنطلون وش يحس فيه غير الاهانه والمذلة وربي انكم اكبر من كذا وربي ياحلات الواحد لم يكون لابس ثوب وشماغ وربي يحترم وينهاب لكن واحد يجيك لابس بنطلون وتيشيرت وربي لينداس وينهان بعد ومشكور اخوي على هييييك موضوع |
ادري ان وجهة نظري ماراح تعجب احد لكن راح اقول انا اشوف اي شاب (ذكر او انثى) يرتكب اي خطا في مرحلة المراهقة احمل المسئولية لاهله لان مستحيل فيه شاب يرتكب خطا مثل المعاكسات الا وفيه نقص في تربيته لان للاسف تربيتنا تقتصر على اصدار الاوامر وطلب التفيذ من الابناء من دون اي نقاش مع الابناء فمن الطبيعي انهم يرتكبوا الاخطاء من وراء ظهور اهاليهم لكن هذا مو معناه ان الشباب مايتحملوا جزء من المشكلة لكن الشباب وقت فراغهم كثير و لايوجد مايشغلهم ولايوجد من يوجههم بطريقة لطيفة مع العلم ان اكثرهم غير راضي عما يفعله شبابنا ذكورا واناثا فيهم الخير لكن يحتاجون من يوجههم وينصحهم باللين واللطف نسأل الله الهداية لنا ولهم ولجميع المسلمين يعطيك العافية |
إقتباس:
الله يعينك على تفكيرك , شكلك في حقبة زمنية تعود للعصر الكريستالي الموضوع عن الترقيم وفجاءة صار عن اللبس حلو أن الواحد يقول وجهة نظره باحترام وبدون تجريح أهنيك على وجهة نظرك الراقية و رأيك الخورافي |
إقتباس:
ياخوي عارفة انه عن الترقيم واللي يرقمون وش يلبسون اصلاَ غير البنطلون والشعر الكشة واصلاَ وش بيستفيدون لم يرقمون بنات خلق الله غير الكذب وخساير الفلوس والحشن الحمدلله والشكر وربي اللي اشوفه يرقم بنات خلق الله اني احزن عليه واقعد ادعي الله انه يهديه الله يهدي الجميع ومشــكور وانا ماشحطت بعيد ههههههههههههه |
إقتباس:
بس أنتي سفلتي باللي يلبسون بناطيل وكأنهم ارتكبوا كبيرة يعني مايلبس بناطيل الا اللي يرقمون منطق غريب دوك ذي من أخوك الصغير :rose: |
إقتباس:
انا ماامانع ان الشباب يلبسون بناطيل وترى حتى انا البس بنطلون ومو حرااام بس انت شوف كيف يلبسون البناطيل وش بقوا ماوروه خلق الله ابغاك يااخوي تقول لي وش بقواااا |
| الوقت المعتمد في المنتدى بتوقيت جرينتش +3.
الوقت الان » 02:43 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd