|
ذكرتني بموقف بايخ ومخييس لأبعد الحدود صارلي قبل فتره قريبه كنت طالع انا وواحد خويي واحد ثاني ماعرفه المهم سهرنا سهرتن طويله بعد ما انتهينا وصلني للبيت ، نزلت من السيارة وانا انواااع النوم والنيكوتين لاعبن في حسبتي وانا نازل نزل ثالثنا الي توي متعرف عليه بيسلم علي ويركب قدام مد يده بيسلم وقالي فرصه سعيده الي تعرفنا عليك ، رديت عليه قلت كيف الحال :to: ولا تسألني وش حسيت فيه :cry: ،، |
موقافكم فللللللة انا مرة صار لي موقف في احد مطاعم ماكدونالدز في الرياض ويسمونه ( ماك 10 ) كنت عند طلبات السيارات انا وعيال عمي مرينا من النافذة الاولى وعدت على خير النافذة الثانية جانا هذاك الاسمر وشنب انا يوم شفته قلت اكيد هندي المهم قلتله يامحمد حط مع البيبسي واحد ثلجة كأني اكلم هندي المهم جت المفاجاة وقال ياخوي تكلم عربي زي الناس والعالم انا قمت اضحك ضحك مو طبيعي وعيال عمي ضحك جا ولد عمي قال والله احسبك هندي بس مرة ثانية حط على جبهتك كلمة سعودي هذا اطرف موقف |
وعليكم السلام ورحمة الله وبركاته أنا صارلي موقف جيت بروح قاعة الاختبار واصعد الدرج وما دريت الا وسفط على وجهي وعاد شف الي جنبي كلهم فاطسين من الضحك |
انا طبعا مواقفي كثيره لكن اللي دايم يجي ببالي انا من زمان وانا احب الاطفال الصغار مره من المرات كنت في السياره واقف عند اشاره الا جنبي سياره رجال وزوجته وبنيه صغيره في المرتبه اللي ورا وانا طبعا زي هالمواقف اقعد استهبل على الصغيره ادلع لساني عليها واسوي حركات بوجهي واحط يدي على اذني بالعربي خفة دم مالها لازمه وانا بقمة حماسي الا خويي يقول لي اعقل ياخبل ترا الحرمه من اليوم وهي تناظر حركاتك والله ياهو ضاع وجهي هههههههههه |
انا صار لي موقف قبل كم سنه في تمايم اخوي عاد انكفرفت في هذا اليوم كانت التمايم في استراحه وكنت اصب قهوه في الخيمه وفيه هندي يصب في المجلس عاد الدلال رسلان ولا جاو يسونها يحطونها على النار ويعبونها فل>>91 كان فيه واحد يعرج اول مره اشوفه جيت ابصب له قهوه مالت الدله شوييييييي>>الدله معبينها على الاخير وتنكب على يده القهوه ماسمعه الا يقول بصوت عالي>>>اححححححححححححححححححححححححححححححححححححححححححححححححححح زين ماكنت في المجلس عاد وجهي راح وطي ............................................................................... هذا الموقف مدري وش يبي بس امسكوه كنا في الراشد انا واخوي وولد عمي وولد عمتي عاد ولد عمتي خبره يعرف وش لون يوقف المصعد يوقفه وفيه حديده يسحبها ينفتح باب المصعد يصير المصعد واقف قبل مايوصل للدور بشوي يعني نقدر نطمر المفروض يوقفه قبل مانوصل للدور اللي نبيه بشوي عاد مره وقفه في النص يعني مانقد نطمر والا ننزل تحت قعدنا ربع ساعه يجينا ولد يقول انتم واقفين يقوله ولد عمتيه ايه يقول مره ثانيه يقول انتم واقفين يقول ايه يقول مره ثالثه انتم واقفين قاله اصبر شوي وبنجيكم عاد قعدنا الين طفوا المصعد وصارت الكلامت في الحروف في المصعد يابانيه ونزلنا تحت بعدين رحنا من مصعد ثاني لقينا الناس واقفين يستنونا نطلع نجي عندهم وش السالفه يقولون في ناس وقف عليهم المصعد ............................................... عسا ماطولت عليكم وخذت من وقتكم الثمين دقيقه ونص:d تقبل مروري............................. |
,, إقتباس:
يلعن أبو الإحرآج يآ شيييييييييخ .. :s2: بعدين ليش تسلم عليهآ و هي أوب محرم لك .. :ranting: و الا كنت صغنون؟ :d الحمدلله اني أوب عجوز .. :to::s2: امزح امزح .. :d:smilie47: . . . . . إقتباس:
و الا لو كآن سعودي كآن الحين انت في خبر كآن .. :s5s: رهيب موقفك و صرآحه لا تحسد عليه أبداً أبداً .. :d:smilie47: و ما شاء الله عليك مركز على الكرآعين .. s121s . . . . . لي عودة بموآقفي ان شاء الله .. :wub::ba1: عـوآفي خيو موضوع رهيب يآ كبير .. :smilie47: :smilie47: :smilie47: :smilie47: :smilie47: ,, |
اكثر موقف ماقدرت امسك نفسي من الضحك فيه كنت طالعه انا وكم بنت بنكلم المراقبه وداخله غرفتها كبيييره ومافيها غير مكتب مقابل الباب على طول ومافيه احد فانا اطل براسي و اقول : بوووووووووووو :s2: مستانسه على الصدى :s4s: وجت صديقتي وراي تقول : دي :s2: يوم مادرينا الا المراقبه بكشتها الحمرا الي كبرها تطلع من تحت المكتب :to: شكلها مرعب كششه كبييره ووجه متعفط تعرفون الواحد اذا نزل للارض يجيب شي شلون يصير وجهه هي كذا :s2: :s2: البنات يوم طلعت كل وحده سحبت عمرها الا انا جالسه اناظر وكاتمه الضحححكه خلاص بنفجر بس اني عاضه على اصبعي عشان ما تطلع الضحكه :d جت المراقبه قالت لي شوفي فيه تحت المكتب مفتاح جيبيه قلت ان شاء الله .. انا قلت ولا ماقلت عقبها طلعت الضحكه مع خشمي ولا عاد قدرت اسكت :s2: :s2: :s2: والانسه جالسه ترتب شوشتها وش تزين وش تخلي :s4s: :smilie47: الله يذكرها بالخير :d :smilie47: :rose: |
قسم بالله انكم فلللللللللللللللللله يالبى قلووبكم بس |
تو قبل صلاة الظهر تذكرت لي موقف خاااااايس وكرهت نفسي ذاك الوقت كان فيه واحد يقربلنا عرَيس طبعا لازم انا والوالد نروح للعرس ورحنا شوي بدري ويوم دخلنا القاعه سلمنا عالاهل وكيفكم وما كيفكم شخباركم المهم ويجي واحد يعرف الوالد قاعد لحاله شوي بعيد قعدنا انا وابوي وهالرجال المهم اننا كنا قاعدين ورا لحالنا شوي حس ابوي شوي بالطفش قال ابوي للرجال امش خل نروح هناك قدام والرجال يقول لابوي هنا ازين خل نقعد وابوي اصر الا نروح ويوم رحنا قدام ويجينا الشاهي وابوي ويا هالرجال يسولفون وطبعا قدام كل الناس موجودين المهم انا سرحاااااااااااااااااااااان واشرب الشاهي واجي ابحطه في الطاوله وانا سرحان وفجأه طاحت البياله وانكسرت والناس تناظرنا المهم قال هالرجال لابوي مو قلتلك خلنا هناك ويقولي ابوي قوم نظف ثوبك بدورة المياه عند المغاسل وثوبي مافيه شي وقمت ورحت اغسل وقعدت لحالي ورا من الفشله مستحي اروح عند ابوي والرجال وش رايكم بهالموقف |
ههههههههههههههههههههه يااااكثر الموااقف اللي تصيرلي..خلهااا مستوره بس..خخخخخ مشكووووووووووور خيوووووووووووووو.. |
هههههههههههههههههههه يا حليلكم انتم و مواقفكم انا الحمدلله ما عندي شيء اقوله |
إقتباس:
بس ماشافني احد ولله الحمد الا سته او سبعة <<:s5s: |
مره رحت لاحد الاسواق عاد كان مواجهي الدرج وانا التفت يسار واشوف قدام مادريت الا وانا صادم البنت اخيييييييييييييييه تناضرني شوي ماعرف وش تحس وتروح وانا طاح وجهي لدرجة اني ماحس بروحي قلت الحين اناس يضحكون علي والتفت يمين يسار مير مأحد منتبه لي الحمدلله وانا اطلع علطول. والله فيه مواقف لاكن لاتحضرني ان شاء الله بجيب لكم مواقف اذا تذكرت . |
والله اخوي بصف اولى متوسط رحت انا والوالد نصلي الفجر وقومناه قناله صل ويلا وثلث ساعه واحنا راجعين الا والولد في وضع التحيات الاخير جيت سألته وانا ماشي رايح على الغرفه صليت يجي يقلي لا باقي التشهد الاخير . رحت الغرفة الواحد يجي مسطل من صلاة الفجر بس ما خشت في راسي الكلمه واجي اضحك ساعة ساعتين ما ادري هههههههههههههههه والله موقف بايخ لكن ما عليه وش وراي اجازه |
امس كنت رايح حياة مول وكنت داخل محل وحاط السماعات واغاني مايكل جاكسون طلعت من المحل ورجعت علشان اشوف وين راحوا اهلي والمحل كله حريم المهم وتنفصل السماعه وتشتغل الاغنيه والاغنيه زي صراخ المهم طلعت الجوال بسرعه وطفيته وسويت نفسي ان هذي نغمتي ورديت عالجوال هههههه |
| الوقت المعتمد في المنتدى بتوقيت جرينتش +3.
الوقت الان » 12:15 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd