السلام عليكم شباب

كيف الحال ..

حبيت استشيركم .. في جوال لان هنا ماشاء الله ناس فاهمه في الجوالات واتمنى مايبخلون علينا بالمعلومات والنصائح المفيدة

انا شباب محتار بين نوكيا 5800 .. و سامسونج s5233

مع العلم ان النوكيا 5800 سعره حاليا 1050 .. والسامسونج S5233 سعر في BEST 899 ريال !!

انا استغربت صراحه حتى اليوم بالجريدة منزلين العرض هذا بنفس السعر اللي شفته عندهم .. !؟

يعني سامسونج اسمها بعالم الالكترونيات وبعد جوال لمس واخر شي بها السعر انا الجوال اعجني لانه كشكل احلى من 5800 بس مدري اخ ولالا

المميزات ..
ويتميز سامسونغ S5233 بأحدث خصائص الوسائط المتعددة إلى جانب شكله الأنيق وتصميمه الرفيع الذي يبلغ 11.9 ملم فقط. كما تم تزويد الهاتف بشاشة WQVGA تعمل باللمس بسمك 3 بوصة بالإضافة إلى واجهة المستخدم TouchWiz ذات الأجزاء المتحركة بحيث يمنح سهولة الاستخدام لحامله. كما يستطيع المستخدمون إجراء المكالمات بمجرد لمس الصورة المحددة من خلال خاصية "صور الاتصال".

ويتمتع هاتف سامسونغ S5233 بمختلف خصائص الوسائط المتعددة حيث يحتوي على كاميرا 3 ميجابيكسل وكاميرا فيديو. كما يتميز الهاتف بخاصية البحث عن الموسيقى باستخدام Shazam's "العثور على الموسيقى". وبالإضافة إلى ذلك، تم تزويد هاتف سامسونج S5233 بمكان مخصص لبطاقة ذاكرة خارجية تبلغ سعتها 8 غيغابايت لتمكين مسخدمي الهاتف من الاستمتاع بمحتوى الوسائط المتعددة المختلفة عن طريق دعم الذاكرة التي تبلغ 50 ميغابايت



الصور
7
7

UP>>>>>>>>>>>><"<<<<<<<<<<<<<<<<<<<

أنت أصلاً رغبتك بجوّال نظامه ويندوز موبايل وإلا سيمبيان ؟!
لأن هنا فيه فرق كبير في الاستخدام !

إقتباس الرسالة الأصلية كتبت بواسطة سكب أنت أصلاً رغبتك بجوّال نظامه ويندوز موبايل وإلا سيمبيان ؟! لأن هنا فيه فرق كبير في الاستخدام !

والله ..

مدري وش اقولك ..

انا ماعرف وش الانظمة سمبيان او ويندوز موبايل ..

لكن انا معجبني جوال اللمس لان اعرف واحد معه 5800 وحلو وسهل وانا ابي زي نظامة ومدري وش يقال للنظام حق 5800 وانا قلت في البداية اني ابي اعرف هل السامسنج اللي تكلمت عنهزي 5800 ولانظامة غير ويختلف ووش الاحسن لو كانو نفس النظام وابي اعرف هل جودة السامسنج افضل من النوكيا ولا ..؟

إقتباس الرسالة الأصلية كتبت بواسطة سكب نظام السيمبيان هو النظام اللي تشوفه في أجهزة نوكيا , ويتميز عن غيره بالبساطة والسرعة أحيانًا .. أفضل ميزة هي سهولة استخدامه وتوفر الإضافات والبرامج له بكثرة وبعد حلول المشاكل.. وهذي الميزة في جهاز 5800 .. أما سامسونج , فهي سبقت النوكيا في عالم اللمس , و تقريبًا بتكون أفضل من هالناحية عن نوكيا .. وبعد سامسونج رائدة في عالم الويندوز موبايل , وعندها أجهزة قنابل مثل الأومنيا ( I900 ) ولو نويت إنك تاخذ السامسونج بتعاني في البداية , مو معاناة معاناة لكن ما راح تعرف كل شيء من البداية مع العلم إنّي استخدمت 5800 وما عجبني , لأني تعودت على الويندوز موبايل عمومًا توكّل على الله وخذ اللي ببالك ! الله يكتب لك اللي فيه الخير

طيب اخوي انت جربت الجوال حق اومنيا

الله يطوي في عمرك ويخليك لاهلك وعين ترجيك

عز الله ماقصرت معي

إقتباس الرسالة الأصلية كتبت بواسطة سكب ايه أنا استخدم الأومنيا حاليًّا .. جهاز أقل ما يقال عنه , انّه رائع ,

‏ طيب اخوي ممكن لاهنت نشوف صور لجوال الأومنيا.
لأنه حيرتوني صراحه بين 5800 وسامسونج هذا نفس اللي قال عنه خوينا وانا معي ان 95 مطور.طفشت ودي اغير. وش تنصحوني في..؟

خذ الكلام اللي يجمد على الشآرب :

آذا انت مبتدئ بالجوالات ( يعني ماتعرف الأنظمة وكذا ) ..

وأهم ماتبيه بالجوال هو السعوله والبساطة ..

الـ5800 أفضل جهاز ( استخدام سهل - صوت أكثر من رائع - تصميم جذاب ) ..

بلا سامسونج بلا خرابيط ..

لأني بصراحه أستخدم الجهازين ( I900 + 5800 ) ..

وبالنسبة لك أتوقع أن الـ5800 أفضل ..

حتى اذا كنت من النوع اللي كل شوي يغير جواله << HE IS

النوكيا ماسك سعرهـ وبشكل ممتاز .. بعكس الأحهزة الأخرى ..

أخوي أنا أقولك هالكلام من باب الخبرة والنصح ..

واذا معجبك الساسمونج بالطقاق << ترآ أمزح

مَوَد َّتـ ي