#1  
قديم 08/07/2009, 12:49 AM
الصورة الرمزية الخاصة بـ أحد المشجعين
زعيــم متألــق
تاريخ التسجيل: 20/08/2006
مشاركات: 1,007
Talking لكل سعودي و سعودية

بسم الله الرحمن الرحيم

تعليق شخصي:
رهيييييييييييييييييييييبة هههههههههههههههههههههههه والله ماكذبت كاتبة الموضوع صامدون صادمدون صامدون ههههههههههههههه

أرجو قراءة الموضوع للنهاية
إلى كل سعودية
وسعودي..
ارفع القبعه احتراما وتقديرا..
بارككم الرب وجزاكم الجنه خير جزاء للصابرين..

كلنا تمر علينا لحظات تفكير عنيفه..تاخذ الواحد لبعيد..
وكل شخص له اجواء خاصه تحفز مثل هالافكار وتخرجها للخارج..
والافكار والهواجيس تختلف من شخص لاخر..وتختلف جوده هالافكار برضو من شخص لاخر..

وبينما انا في الباص(القلب له بس اذا كانت راجعه للبيت)..
و شمس الرياض اللطيفه تطبخني على نار هادئه..
قفز لعقلي الملئ بـخربشات عبيطه..حقيقة واستكشاف..


اكتشفت انا نحن الشعب السعودي شعب عظيم..شعب.. قوي..مكافح..صبور..
شعب شعارهفلها وربك يحلها..بكل مايعنيه هذا الشعار من معاني وفوائد..

ليه؟..

اولا..على الرغم من الضايقه المالية اللى يعيشها اغلب الشعب..
والتطفير والفقر اللى يشع ويلمع من عيوننا..
الا اننا اكثر بشريه في العالم تتسوق..شغالين مقاضي من سوق لسوق..من محل لمحل..
مايمديك تسمع عن كريم رائع رهيب فله الا خلص..
بلوزة حلوة في المحل الفلاني تعال افلقني اذا لقيتها في اي فرع من فروع المحل..
روج وردي خاقوقي..جزمه فلات مريحه..تنورة سوداء راكزه..مافيه بح اختفت
..
وياليته عالاسواق ابد فرمنا ابو المطاعم فرم..
مطاعم الاسواق تشتكي..مطاعم الشوارع..
امه لا اله الا الله عندها..

فتح تشيليز وابل بيز ولو تشوف الطوابير حولها تقول هذولاء ماعمرهم شافوا أكل..
مطفرين و شغالين بلع..


من ناحيه الدراسة..
عندنا من اسوأ الجامعات والمدارس..اغبى الانظمه والقوانيين..تعقيدات ومصاعب
..

مبانينا خربانه.. قاعاتنا مكسره(اذا جيت بدخل القاعة متاهه..لازم اتأكد ان كل بلاطه بمشي عليها ثابته تفاديا لاي تعكرف والا طيحه ممكن تسبب فشيله).. حماماتنا زكيه(الله الله يا الحمامات على اخر الدوام وبما ان التصريف عندنا على قدر عالى ماتشم غير روائح الفل والياسمين)..
مكافئاتنا ماتصرف(تخيلوا كليتنا نزلوا مكافئتنا على البنك بعد معاناه دامت لسنين من التسليم يد بيد..وبعد فتره وجيزة تطاقوا هم والبنك ورجعوا على النظام الاول)..قاعتنا ماتبرد(طيب تخيلوا مره ثانيه انه طول الترم الثاني اغلب قاعتنا خربت المكيفات تخيلوا في هالحر بدون مكيفتدرون ليه؟برضوا الشركة المسئوله عن التكييف عندنا تخاصموا مع كليتنا)..


بس وفي المقابل الشعب شغال تعليم..طلابنا كثييييير..الجامعات والمدارس مليانه..
واجبات وبحوث تعجيزية نقدم..
امتحانات صعبه نحل..
انشطه نشتغل..
تفوف نتفوق..
نظام التراكمي من اولى ثانوي تحسب الدرجات..
القدرات..
التحصيلي..
تخصصات قليلة ترضى الطموحات..
ومازال طلابنا يحصدون الـ99 والـ100..
هب عليكم..ماتعوق معهم ماشاء الله..



سقط سوق الاسهم سقطه..
عورت المجتمع وضربته على قفاه ضربه موجعه..
المؤشر احمر احمر احمر..
والشراء اخضر اخضر اخضر..
ومازال شعبي الجميل يشتغل بالاسهم..



بناتنا يقولون..
عيالنا شيون.. خشنيين..مايدلون طريق الرومانسيه..انانيين..مشهبين..مايملى عينهم الا التراب..
عيالنا يقولون..
بناتنا..شينات..دلوعات..مايتحملون مسئوليه..ركبهم سود..مهورهم غاليه..
ومع ذلك الزواجات على افى من يشيل..
القاعات فل..
المشاغل زحمه..
وماليزيا تشتكى..



مافيه اماكن نتمشى فيها..
لاطبيعه ولا تطور..(ياحبايبي انا..طلعت المملكة والفيصلية من خشومنا..دخلوها في كل شئ حللو ابوها تحليل)..
فماذا فعلنا؟؟..
افترشنا المخططات..
مترنا الاسواق..
استوطنا الثمامه..



شوارعنا محفره..مكسره..معفنه..
وفوق كل ذا نعاني من زحمه مو طبيعيه..


النت عندنا خايس..
وندخل النت ونسولف ونتواصل ونحمل ونسوى اشياء كثيييير ولا بيهمنا..



هذا الموضوع الى كل سعودية وسعودي مكافح..
سلخته الشمس واعدمت جلده..
اتعبه الكبت وكتم نفسه..
قتلته الواسطه وحطمت اماله..
صامدون صامدون صامدون..
سنعيش..سنلعب..سنحب..وسنرقص ونغنى ولو حتى بدون موسيقى..

والله اننا قويين..


لله دركم ما أعظمكم




اضافة رد مع اقتباس
  #2  
قديم 08/07/2009, 01:20 AM
زعيــم متواصــل
تاريخ التسجيل: 05/10/2008
مشاركات: 130
صاااااااااادق بمعنى الكلمة
اضافة رد مع اقتباس
  #3  
قديم 08/07/2009, 02:56 AM
في انتظار تفعيل البريد من قبل العضو
تاريخ التسجيل: 07/08/2008
المكان: الرياض
مشاركات: 386
يااااااااااااي والله موضوع خطير شي معبر والله انا صامدون صاااااامدووووون وان من ضمن الصامدون لان مدرستنا في عز الحر المكيف يوم شغال وعشر خربان وفصلي صامد يذاكر ويحل واجبات ويشارك ويتفاعل في الحصه نعم اننا صامدون

يدق جرس الفسحه سيدا على الساحه والله مادري من زينها والا حلاتها والابرودة الجو الا حر يشوي شوي ومع ذلك نستمتع بالفسحه ونتمنى ا نها طويله نعم اننا صامدون



جامعاتنا خياس والله ونسابق على التسجيل

مناهجنا قرف وغبيه وحنا نذاكر ونصر على النجاح

ماقلت شي غلط والله شعب عظيم يستحق التكريم تحدينا كل الصعوبات وتكيفنا مع الوضع غصب

دائما افخر باني سعوديه ويحق لي الفخر

فلتفتخروا بهذا الشعب العظيم وافتخروا بانكم سعوديين

شكراااااااااااااااااا شكرااااااااااااااااااااااااا


والله جنان موضوع رهيييب كثير عجبني
اضافة رد مع اقتباس
  #4  
قديم 08/07/2009, 04:15 AM
زعيــم متألــق
تاريخ التسجيل: 09/06/2008
المكان: وفي احلى من الشرقيه ,؟!!
مشاركات: 1,175
قـــــــــــصم موضووووع غير شكل

اي والله صـــــــــــــــــــــــــــــــــــــــــــــــادمدووووون
اضافة رد مع اقتباس
  #5  
قديم 08/07/2009, 02:21 PM
الصورة الرمزية الخاصة بـ أحد المشجعين
زعيــم متألــق
تاريخ التسجيل: 20/08/2006
مشاركات: 1,007
ولد المودة
20قناصة هلالية20
كلي على بعضي هلالي

تشكرررات على المرور...
اضافة رد مع اقتباس
  #6  
قديم 08/07/2009, 03:27 PM
زعيــم مميــز
تاريخ التسجيل: 20/12/2008
المكان: الـريـاض
مشاركات: 2,100
و الله انك صااادق بكل كلمه بالموضوع
خاصه بهذي
إقتباس
النت عندنا خايس..
وندخل النت ونسولف ونتواصل ونحمل ونسوى اشياء كثيييير ولا بيهمنا..

ترا السعوديه اسوا نت و اغلى نت ....!!

مشكوور اخوي
اضافة رد مع اقتباس
  #7  
قديم 08/07/2009, 03:35 PM
زعيــم مميــز
تاريخ التسجيل: 29/06/2008
المكان: الظهران
مشاركات: 1,970
هذي الدنيا



على كف القدر نمشي
ولاندري وش المكتوب




تقبل مروري.............................




اضافة رد مع اقتباس
  #8  
قديم 10/07/2009, 12:36 PM
الصورة الرمزية الخاصة بـ الأسطورة الجابرية
زعيــم متألــق
تاريخ التسجيل: 20/10/2008
المكان: Riyadh
مشاركات: 1,325
موضوع في قمة الروعه ..~

مشكوور أخوي ..

لا تحرمنا جديدك ..
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:55 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube