#1  
قديم 07/07/2009, 05:04 PM
زعيــم مميــز
تاريخ التسجيل: 29/01/2009
المكان: الريآض
مشاركات: 2,785
وآقع الشباب السعودي بين اهله و ناسه!

موضوع جاني على الايميل و حبيت انقله لكم


بسم الله الرحمن الرحيم


السلام عليكم ورحمة الله وبركاته,,,,,,



طبعا الرساله هذي زي ماهو باين بالعنوان احنا يالشباب والحق المهضوم في الرياض بالذات


طبعا انا ماكتب الرساله هذي الا والله من الغبنه الي احنا عايشينها قسم بالله صحيح اني اطلع واتمشى بسيارتي بس احس اني بنت لاني كل مارحت لمكان لقينا الكلمه المعروفه والكل عارفها عوائل ياابو الشباب



نبدا حبه حبه ونسرد كل المشاكل والحلول المتوقعه



اولا:طبعا المشكله الي حاصله الان الاسواق وهي من الاشياء الي تقهر



الاسواق وماادراك مالاسواق لما اجي انا شاب سعودي لي الحريه في بلدي اني اتسوق واخذ الي ابي

وداخل السوق راز خشتي توها نازله المكافاه او الوالد معطيني مبلغ وقال خذه لك


انا تلقاني مبسوط جاي موقف السياره بطريقه فسيولوجيه نظاميه ماعليها اي مخالفه

قفلت السياره وماشي بكل ثقه الى بوابة المول

فجاه تجيك يد توقفك تقولك وين يبو عوائل لو سمحت شوي الي تحس كان واحد صاطرك بكف


تقول طيب بشتري ملابس وبطلع يقولك لا توكل على الله ولا بسوي وبسوي


طبعا في هذه الحاله ترجع بخفي حنين وتتوكل على الله يااما للشعله الي مافيها لبس زي العالم والناس ولا المحلات الي اذا جيت تشتري تقطع محل في الشمال ومحل عند مدري وين وقصه وسالفه


طبعا كل هالمعاناة عشان بنطلون الله لايعيده من بنطلون


طبعا احنا بنقول شي من الحل يااخي والله الشباب كلهم موب واحد ياناس والله ورب البيت فيه شباب يغار على اي حرمه بالشارع اعظم من غيرته على اهله والله ياناس احنا شباب وربي فينا خير


انا ماادري ليه احنا دائما متهمين بالفساد ولما نجي ونشوف البنات الي مطلعين شعورهم وميك اب الي عشان تلمس بشرتها لازم تحفر ولا عبايه مفتوحه ولابسه لي برموداولا سكني وتضحك وباعلى صوتها ولا تنادي صديقاتها بصوت عالي مافيها شي وانا يالشاب المسكين اذا ناظرتها نص نظره سوو معاك تحقيق سنه


ياعاااااااالم خفوا علينا شوي وربي احنا شباب عندنا طاقات اذا انا شاب وشفت هالاغراءات او شاب مكبوت في جهه معينه الا وهي الشارع وش تبي مني اكثر من كذ1 ياناس ارحمونا تكفون وربي اننا نعاني لاوالي يقهرك تجيك اختك تقولك ياحظكم بالعيال تروحون كل مكان طيب مو انتو كل الاماكن لكم 1-ملاهي 2- اسواق 3-حتى البر اذا جلست وجمبك عايله يااما انك تستحي على دمك وتقوم ولا كلن بينقد عليك


انا اتوقع بعد 5 سنوات حتى الشوارع عوائل


ياناس والله اننا شباب وعندنا طاقات ومهاراات هائله فينا خيرر والله العظيم فينا خير بس محد جا وطلعه

والي يقهرك يقولون لك توظف ولما تجي تتوظف في شركه يقولون لازم 3 شهور بدون راتب وبعدين نعطيك الراتب طيب ليه كذ1 اشتغل بلاش وين الحقوق



لاعاد تعال وشف الضحكه الكبيره الاهالي والعوائل اذا شافوا 3 او 4 بالسياره خذلك دعاوي واتهامات يااما يقولون هذولي فاسدين وين اهلهم عنهم ((طيب وين تبونا نروح)))والله ياعالم ان نسبة الشباب الي يشربون شيشه انا متاكد انها زادت عن 70% ليه لان مافي مكان يتقبلنا الا هو


مهاراتنا لاتستغل ابدا وتقولون شبابنا فاسد طيب وين المساعده احنا تونا كالعين ع الدنيا ونبي من يوجهنا وين التوجيه


طبعا الكل عارف ان الدين مبني على الحسن بالظن لا هنا بالسعوديه لو تشوف 5 مجتمعين على طول اساءه بالظن


والله ياعالم ارحمونا تعبنا لا والحين بيجيني واحد يقول اعرس طيب انا بعرس بس من الي بيزوجني يلا انا شاب عمري 20 سنه قلي منهو السعودي الي بيزوج بنته شاب توه حتى راتب ماعنده

ياناس قسم بالله بنموت كل شي مسكر لييه طيب ليه التعميم بالغلط والله اصابع يدينكم موب سوا والي يغلط نزلو فيه اقصى العقوبات



طيب والعقوبه الجديده الي بما معناه طبعا بالعاميه تقول في امك خير رح للشارع ببرمودا ولا شورت

ليه طيب وش فيه البرمودا الشورت ممكن نقول فيه خلاف لكن البرمودا وش فيه

اذا تبونه من ناحيه شرعيه هو مطبق للشرع بالتمام لانه فوق الكعب يعني نص الساق

ليه كذا ؟؟الاجابه مدري




المحلات وسكرت 12 بالليل قلنا اوكي لكن تدور بالشارع على التوقيف ليه؟؟؟؟


بالنسبه لنا كشباب كل شي عوائل وممنوع ومنبوذين


قسم بالله قهر وبالاخير يجيك من يقولك ليه تسافرون برا والله اذا قالوها لي اصيح قهرررررر




تمت احس ان الي كاتب الموضوع موب بس مقهوور
اضافة رد مع اقتباس
  #2  
قديم 07/07/2009, 11:09 PM
زعيــم مميــز
تاريخ التسجيل: 29/06/2008
المكان: الظهران
مشاركات: 1,970
مافيه الا

قوة الشعب


يعني جمع اكبر عدد ممكن في المنتديات والشوارع


انكم في يوم

تتجمعون في المجمع الفلاني

وتدخلون كلكم



ومين بيردكم السكرتيه والا الشرطه


محد رادكم





تقبل مروري.................................
اضافة رد مع اقتباس
  #3  
قديم 08/07/2009, 05:02 AM
زعيــم مميــز
تاريخ التسجيل: 29/01/2009
المكان: الريآض
مشاركات: 2,785
احلى و الله حركه قدحه

لكن وين الي بيجون ههههههههههه
اضافة رد مع اقتباس
  #4  
قديم 08/07/2009, 10:55 AM
زعيــم نشيــط
تاريخ التسجيل: 02/01/2007
المكان: k.S.a
مشاركات: 510
والله انك صــادق كل شي في السعوديــة عوائل حتــى البقـاله والمطاعـم بتصير عووائل

المفروض يسون شي ينقذ شباب المجتمع..!

تفبل مروري
اضافة رد مع اقتباس
  #5  
قديم 08/07/2009, 01:53 PM
زعيــم مميــز
تاريخ التسجيل: 20/12/2008
المكان: الـريـاض
مشاركات: 2,100
والله يمكن قريبا يصيير كل شي عوائل
,
,
إقتباس
لاعاد تعال وشف الضحكه الكبيره الاهالي والعوائل اذا شافوا 3 او 4 بالسياره خذلك دعاوي واتهامات يااما يقولون هذولي فاسدين وين اهلهم عنهم ((طيب وين تبونا نروح)))

يمكن لازم يركب كل واحد بسياره لحاله عشان ما يشكوون انا فاسدين
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:06 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube