أمي تناديني تبغى تحنيني .... - صفحة رقم 2 - نادي الهلال السعودي - شبكة الزعيم

متابعة بجنون · #1 07/07/2009, 02:52 PM

لاحد يسألني ماالذي اتى بالعنوان اعلاه رفيقاً للموضوع .....

إلا على طاري الموضوع المجلس هالمره مشعلل بفعاليات الصيف جيت ابشارك كل مافتحت
صفحه لقيت الجماعه مجاوبين وقلت خليني أروح لإخر صفحه يوم فتحتها لقيت ناس تبارك
وناس تكحل عينها بالإسم والنقطه <<< ابداً ماتقصد ربطه وشباصه

وموضوع فيه قصيده وموضوع فيه خواطر ........
وموضوع فيه معاناه لشاب سعودي ..<<<< ابداً ماتقصد هتلر ..

وموضوع فضاوه لشابه سعوديه تبلغ من العمر ....... >>>ياشينكم يالملاقيف

وهو الآن بين ايديكم ..... >> إلا وش رايكم باللغه العربيه...
إلا على طاري اللغه العربيه مره وأنا ماره سمعت أستاذة اللغه العربية تقول مرض
القولون وغيره ماجانا إلا من الكبت ( عدم التعبير بما داخل النفس) وانه اي تماسيح يفضفض
ماهو إلا لإخذ الاراء عكس السحليه تفضفض من أجل الراحه <<< شفتوا كيف احنا مساكين ....
إلا على طاري ( على طاري ) فيه عضو أنا أذكر موضوعه كان كل أبوه على طاري بس
مين هالعضو اللي مقلدني _ تمون_<<< يعني ابداً موأنت مقلدته ...
إلا تذكرت سبب أختياري للعنوان هذي الله يسلمكم أختِ عندها بنت عمرها( 9 شهور)
وتقول نفسي أحط حناء على شعرها قلت يامال العباطه حطي أحد مانعك قالت يقولون اللي تحط
على بنتها حناء في هالعمر ومايقاربه إذا كبرت تفتش في شنط الحريم >> يااني فطست ضحك
يوم قالتها ...

إلا وش رايكم في التخلف اللي فوق وقد صارت معاكم وصدقتم هالإشياء وآمنتم فيها ؟! وش
عندكم من هالإشياء.....
انا عن نفسي صدقت اللي يقولون إذا طاح رمش من عينك حطيه بين السبابه والإبهام
وتمني بعدين توقعي الإصبع اللي فيه الرمش وأفتحيه وشوفي إذا طلع صح توقعك معناتها
تتحقق أمنيتك والعكس صحيح ..<< ياما تمنيت ولعبت في رموشي إلا أقول عندكم سلف رموش ...

ولا بنت عمي تقول لا إذا طاح رمشك أمسحيه على خدك
وقولي يارب وفقني هههه<<< عندي أحساس ويقين انه اللي اخترعها الطلاب أيام الإختبارات ...
ولا بعد يقولون إذا جاءتك حكه في كفك بتجيك فلوس <<<< يجيب الله مطر

وهذي بعد للبنات إذا صاررمشك يتحرك بسرعه بيجيك خبر

مررررررره حلو

(يعني عينك تلف

)
وهذه الحركات في الأحلام ...
يقولون اللي يتحلم أنه ضروسه تطيح ( الله لايقوله ) تعني حالة وفاة ..
وهذه أمي الله يطول بعمرها قد صار معها هالشيء...
وقصة خلف بن هذال ( والعهدة على الرواي ) بعد انه تحلم انه ضروسه كلها تطيح
وتفسير الحلم انه عياله كلهم يموتون يقولكم قام واهو خايف من الحلم
<<<< واليوم اللي بعده واحد من عياله جاته بنت ....
يعني لاتصدقون مره تصيب وعشرة تخيب ولا واحد منكم يتحلم بضروسه ويقول
متابعه قالت وابتلش .....
وغيرها وغيرها .....
إلا وحده نسيت أقولكم عنها إذا رديت على موضوعي تحصل
مليون بدون أصفار خلفك .....

وهذي مني لكم يابنات وشوي شوي لاتدفين اختك
أنت وياها

وهذولا

:ros e:

لكم ياشباب ولا تدعس
على رجل اللي قبلك ( ماجاء معاها إلا الرجل )<<< هههههههههه

أحس الورود والقلوب خلصت أي أحد بيكتب موضوع بعد ويحتاجها يجي يأخذ من هنا .....

&&&&&&&&&&&&&&&&&&&&&&&&&&&&&&

وهذه مشاركه من طفلة في عمر الزهور أبيض مافيها عيونها وربطتها وشباصاتها
لها مستقبل في اللغه العربية اتحدى أحد ينافسها ....
أمي في الحوش لاترى ولا حاجه كان حرامي هناكه يبغى يجي يسرقها
لكن لايقدر ابداً جاتها أختها غيدا تساعدها بكل حنانها
عطته ذاك البكساً بكساً قوياًلايعرفه أحد وصفقته ذاك الكف
لم يبتعد عني وسوف اصفقه مرة أخرى عطيته ذاك البكساً ...