قبل قليل اتصل علي واحد مكالمة فيديو ظنيت انه صديقي او واحد من الاهل .. المهم رديت وشفت شئ يضيق الصدر وكلكم تعرفون هالشئ يعني ودي اعرف وش هالحقارة اللي وصلت ؟ تعرض فيديو وماهمك أحد ؟! والله العظيم ياشباب كلمته وقلت له خلك معي صريح ليش كذا انت ؟! قال ابوي كل يوم في البحرين وانا لحالي في البيت وامي مشغولة ومافيه احد معي .. انا بعد ماسكرت وعطيته كلام جامد حسيت انه بيعقل ومابيتصل .. شوي ويتصل فيديو !!! مدري وش الحل معهم هذولا العينات !؟ والله يجعل كيدهم في نحورهم اميييييييييييييييين
لا أحد يسألني كيف جاب رقم جوالي ولا يمكن @أبو مطلق@ لان تجيني اضافات ع الايميل ويسوون مثل مايسوي راعي الجوال اسألهم من وين اضفتوني يقولون انت اللي قلت اضيفنا من البالتوك .. انا انلحست وقلت ويييييين ؟ انا مادخلت بالتوك ولا اجيه ! السالفة ان ابو مطلق يعطيهم ايميلي ويقول هذا واحد كذا وكذا , وتعرفون سالفتي معاه
ناس فيها دناءهـ وحقارهـ زي كذا وأشد .. بس انت وش بيدكـ تسوي الا تدعي لهم ربي يهديهم .. يمكن انهم مبليين بلوى .. الله يعافيهم ولا يبلانا .. ويمكن يهتدون على ايدكـ .. ودام انهـ قال لكـ سببهـ فهو مقتنع بقناعه نفسه ان الي يسويهـ غلط .. بس مو لاقي بديل او تعويض .. وهذي بادرهـ خير ان شاء الله اذا دق مره ثانيه حاول تدور طريقه تنصحه فيها .. ترى مهما كان الانسان مفطور على الخير .. بس الشيطان يزين لهـ أعماله الشنيعهـ ..
والرقم اتصل وبلغ عنهـ اذا كررها مرهـ ثانيهـ من غير فايدهـ
أنا مبتلي بمغربيات بس للأسف شيوون مدري من يضبطهم في مواقع الزواج والمسيار ويحط إيميلي طيب ياللي تحط ايميلي دامنك مبتليني .. على الأقل اختر لي مزايين يمكن توفق بين راسين بالحلال وتاخذ أجر
أما أنت يا وليد .. فأنت مبتلي بالبسبوسة مدري السمبوسة بس لا تتهم أبومطلق يمكن يكون بريء .. بعدين أنت لو ما تبي .. كان قفلت السماعة في وجهه بدون ما تكمل المكالمة معه وتسوي فيها الناصح الأمين ترى أمزح .. والا أدري أنك مقفل في وجهه قبل ما يوصل للحدود المحظورة
يا حبي لك يا وليد .. دايم الدوم تكره الدناءة والانحطاط والسفالة الله يبقيك ذخر للأمة الإسلامية السعودية وتنصح كل اللي يحبون البسبوسة وما جاورها
هلا وغلا وليدوه .. والله لك وحشة .. وراك صايرقليل هالايام ..
بيني وبينك ما ينلامون اللي يشوفك ما يقدر يقاوم نفسه .. وبعدين المفروض ما قفلت الخط شف اخرتها معه .. !! وليد انتبه لعمرك تراك مستهدف من هالفئة .. ذكرتني بسالفة لخويي صارت له بالراشد ما يصلح اقولها هنا بعدين اقول لك بالمسن ..
باين انك منقهرررر هههههههه روّق روّق
لو بترفع ضغطك على هالأشكال اللي ماتستاهل أحد يفكر فيها مجرّد التفكير والله إن ينفجر ضغطك الله لايقووله من كثر اللي بتشوفه !
طيب وبعدين لاسوّا هالشي مدري وش بيستفيد غير الدعاوي اللي بتجي عليه ؟
وياشيين اللي يتعذّر بأهله ، طيب تتبلى خلق الله عشان أهلك مشغولين عنك ؟
اذا اتصل مره ثانيه انعن شكله وبلّغ على رقمه ، هالأشكال ماينفع فيها
والا أحسن لك لا ترد عشان ما يتمادى ،،