صباحكم عسل مطعًم بريحة القهوة الخولانية ....

إنشالله كل يوم صبح راح اسرد لكم موضوع منوع و انشالله تكون قهوة صباحية تحبها قلوبكم انشالله . و اتمنى منكم التفاعل .



جاء الصيف و جا معه السفر و السهر و فلة الحجاج ..

الكل منا ودهـ انه يغير جو في هالاجازة و يبعد عن الفرن اللي احنا عايشين فيه ( الحمد لله على كل حال)

المشكلة ان بعض الاخوة المسافرين لا يعرفون عن السفر الا اسمه .....

ناخذ أمثلة على بعض المسافرين ...

المشكلة هذي نواجهها في الشرقية بكل اجازة لدرجة ان بعض الشباب الشرقاوية يقعدون في بيوتهم محجت ما يحتكون مع الهيط اللي يشرفون الشرقية كل اجازة .
لا أعرف هل لأن الشرقية خارج حدود المملكة او خارج حدود المجتمع اللي هم عايشين فيه رغم اني لا اجد شيء جديد في الشرقية يخليهم يعملون هالعمايل السودة . و للأسف لمن يخلصون من مهمتهم الشرقاوية يتوجهون لل (تو سيز ) البحرين .. و خذلك يا عمايل و هبايل و طواقي و ثياب معفسة و أشكال تسد النفس و كلام تستحي انك تسمعه و اذا حاولت و تجرأت انك تكلمه بحجة انك تدافع عن وطنك لان هذا يفشلك قالك بكل بساطة ( وشدخلك ) ما نملك الا طلب الهداية لهم صراحة .


تشاهد ما لذ و طاب من الاشكال الغريبة ما اعرف ليش سياسة بعض الشباب ان اذا انت داخل السعودية تطلع بجلابية او بجامة نوم و اذا انت برا السعودية تلبس احلى لبس عندك . موضوع السفر الى خارج السعودية ياخذ مسار كبير صراحة و ينعطى أكبر من حجمه البدل بأسعار فلانية و جنطة ماركة و عطورات و شي ما ينشاف شيف صراحة شي غريب اللي نشوفه وقت السفر .

العوائل المتجهين الى الدول العربية و الاجنبية

ياسلام يا حبيبي ما يحتاج احد يغلطني نشوفهم بالطيارات رحلة الدمام - لندن سبحان الله تشوف البنت و امها متحشمه و متعففة و مجرد ما نركب الطيارة البنت تنقلب 180درجة تشوفها تتفصخ قدامك ولا هي شايفه احد قدامها يعني شوية احترام و للاسف نكتشف ان البنت هذي ما في قلبها دين لكن مبدأ الغصب اللي الدولة حاطته انها تلبس العباية هو العائق الوحيد و الا هي مستعده تتفصخ ما عندها اي مشكلة .





1) ترى ماهو شرط انك تاخذ قرض عشان تسفر أهلك و لا هوب واجب انك تسفرهم و لاهوب مذكور بالقران .. اتمنى بعض الناس يعرفون هالشي .. تفرح اسبوعين و تتكدر 4 سنين .

2) ابي اعرف سبب وضع المكياج بشنطة المرأة بالطيارة .

3) ليش الشباب يسوون نفسهم مثقفين داخل الطيارة و لازم يكون معاه كتاب باللغة الانجليزية .

4) ليش الواحد منا اذا سافر ما يفكر يسأل عن معالم الدولة و عن حضارتها و تراثها و نترك عنا اسئلة ( وين البار الفلاني و الا الديسكو الفلاني و الا الفندق هذا فيه بنات )

5) سياسة الطرارة عند بعض السعودين بدت تنتشر في دبي و البحرين في الاجازات و كلهم سبحان الله فلوسهم انسرقت .

6) متى اشوف بعض السعوديين في السيف و الا في دبي ( فقط هذين الدولتين ) لابسين لبس عدل و يتركون عنهم لبس الجلابية اللي بشكل ثوب و العقال الكبير ذاك .

7) السعودين في الخارج اكثر ناس ملتزمين بالنظام و بالديرة اااااااه بس يا قلب لا تحزن .

8) ياليت اللي يسافرون لا ياخذون رضع معهم لان الصراحة ناس يبون ينامون وقت الرحلة .



أتمنى أن موضوعي نال اعجابكم و انا على اتم الاستعداد على اي تعليق ... و ان شالله بكرة لنا موضوع ثاني



دمتم ..


ترى الكلام اللي فوق و اللي ذكرته يتحدث عن فئة من الشعب و ليس الجميع لذلك وجب التنبيه

ههههههههههههه اما عقال كبير ذي صدقت فيها
طرح راائع ويشرفني المرور المبكر

لاعدمناااااااااااااااكـ

^^^^^^^


فديتك مشكور على مرورك يالغالي