بسم الله الرحمن الرحيم
السلام عليكم ورحمة الله وبركاته،ردوا السلام خلكم رجاجيل>>>هذا اللي يبي يتسطر
ياهلا والله فيكم الله يحيكم
من زماااااااااااااااااان كان ودي أشارك معكم بس وش أسوي ظروف الحياة>>وش عنده البزنس مان
المهم هذا أول موضوع لي في منتديات الزعيم وفي منتداي المحبوب المجلس العام
ودي أتكلم عن موضوع خطير يحصل للكثير مننا
ألا وهو
لباسك للصلاة
بعض الناس بيقولون أن حتى اللبس بيحاسبونا عليه
أنا أقولك إييييييييييييييه تدري ليه؟؟؟
لأنك رايح تقابل من هو أعظم من ملوك الدنيا وسلاطينها>بعض الناس بيقابل مدير مدرستهم تشوفه كن واحد متوعده بمص دمه من هالربكة وكل ثانية يعدل بالهشماغ
أنت رايح تقابل ملك الملوك الله سبحانه وتعالى!!
والسبب في كتابة الموضوع أن كثير من الناس يدخل المسجد وريحتهه أعوذ بالله ولا ريحة ...... مع احترامي لهم!
ومنهم من جاي بثوب نوم جيبه مشقوق و بعضهم من كان له سحاب تلاقيه ناشب بالنص!!
إلى آخر الأمثلة .
تقولون أجل وش تبينا نلبس بشت وكننا سمو الأمير؟
لا لكن يازين الواحد بثوبه وياحبذا تكون متعطر والله إنك ترتاح بصلاتك وتحس فيها الخشوع.
أترك لكم النقاش عن الموضوع
الله يكتب لنا الأجر والمغفرة..آمين

أعتذر عن عدم ترتيب الموضوع وتنسيقه وذلك لأنه أول موضوع لي وبإذن الله القادم أفضل.

والله انك صااااااادق خاصتن لاجاك هندي ولابنقااالي والله بعض الاحيان اقطع صلاااتي

مشكور يالغلا

انا اشهد على كلامك يا رجال ناس يجون بقمصان فيه بقع ميرندا فراوله ههههه

الله يشفيهم تلقاه ماشي مع ابوه بعد و الابو العن ما يقول شي

الشكوى لله يا رجال

تقبل مروري الي مدري وش يبي

مشكورين ع الردود والله يعطيكم العافية
النظافة من الإيمان

﴿ يَا بَنِي آدَمَ خُذُوا زِينَتَكُمْ عِنْدَ كُلِّ مَسْجِدٍ ﴾

المسجِد مكان أجلُّ من أن يُذهب إليه بثيابٍ رثَّة ومنظر بالٍ !

شكراً لك أخوي

يااخوان ماتدرون عن الظروف ..

يعني اترك (صلاة الجماعه) عشان مالبست الثوب الرسمي ؟؟؟

والا عشان مايمديني اغير اللبس اللي علي ؟؟؟

والا عشان جيب مقطوع ؟؟؟

والا عشان بقعة عصير ؟؟؟

جاء في الحديث عن الرسول صلى الله عليه وسلم ((( صلاة الجماعه افضل من صلاة الفرد بسبع وعشرين درجه)))

يعني اخسر 27 درجه والا اصلي مع الجماعه بأي هيئة كانت ؟؟؟

واصلا احيانا الشماغ يلهيك في الصلاه

مره تحطه على وراء

ومره ترده قدام

ومره يدك تضرب اللي جنبك وانت قاعد تعدل بشماغك

ومره يطيح شماغك على مكان سجود اللي بجنبك

فيا اخوان ماتدرون عن الظروف

إقتباس الرسالة الأصلية كتبت بواسطة اسامة الرحيلي يااخوان ماتدرون عن الظروف .. يعني اترك (صلاة الجماعه) عشان مالبست الثوب الرسمي ؟؟؟ والا عشان مايمديني اغير اللبس اللي علي ؟؟؟ والا عشان جيب مقطوع ؟؟؟ والا عشان بقعة عصير ؟؟؟ جاء في الحديث عن الرسول صلى الله عليه وسلم ((( صلاة الجماعه افضل من صلاة الفرد بسبع وعشرين درجه))) يعني اخسر 27 درجه والا اصلي مع الجماعه بأي هيئة كانت ؟؟؟ واصلا احيانا الشماغ يلهيك في الصلاه مره تحطه على وراء ومره ترده قدام ومره يدك تضرب اللي جنبك وانت قاعد تعدل بشماغك ومره يطيح شماغك على مكان سجود اللي بجنبك فيا اخوان ماتدرون عن الظروف

كلامك صحيح يالغالي
بس ليس مايلبس ويجهز نفسه قبل الصلاة ؟!
والله يقبل بس

جزاك الله خير ياصاحب الموضوع

إقتباس الرسالة الأصلية كتبت بواسطة الفيروسه الزرقاء طب فيه وقت بين الأذان و الاقامه تقدر تستعد فيه ! شكلك أنت من النوع اللي لا أذن لـ الإقامه رحت لـ المسجد .

من اسمك واضح ان ما وراك الا الخراب خخخخخ

قالت ايش قالت فيروسه زرقاء ههههه يعني الفيروسات الوان هههههه


المهم :


انا كلامي واضح واقصد الناس اللي ماتقدر تجهز قبل الصلاه

ولو حاول يجهز نفسه بتروح عليه صلاة الجماعه




اعتقد مايحجتاج فلسفه

إقتباس الرسالة الأصلية كتبت بواسطة وليد القحطاني كلامك صحيح يالغالي بس ليس مايلبس ويجهز نفسه قبل الصلاة ؟!

انا كلامي على الناس اللي مايمديها تسوي شيء قبل الصلاه

يعني جات الصلاه وهو مايمديه يغير .. وبس !

شكرا لك

موضوع في الصميم

الله يعطيك العافية

موضوع رائع انا اقول للعضو الي يقول لازم اجي اصلي بثوب ولا شماغ

اقول اهم شي لبس محترم والله احينا تكره تصلي من الي جنبك

خصوصا صلاه الفجر تحس انه يمن وهو جاي موب جاي يطلب ربه

الف شكر لك يا كاتب الموضوع

المفروض يجي بأناقته وهندامه المعروفه عنه
أما اللي يجيني ويصلي بطيحني هاذا ودي أسطره تسطير
لا والبوكسر وردي .. خخخخخخ يرحم والديك أستح على وجهك
بسوق ولا بحديقه انت.

عن نفسي صلاة الظهر بحكم وقتها الشديد الحراره أروحلها بثوب النوم بس شرط مايكون
مقطع ومكبوب عليه حاجه<<< يقصد مييييين؟؟

موضوع رائع أخوي وياليت الشباب يستفيدوا ويتعلموا

إقتباس الرسالة الأصلية كتبت بواسطة **الـــــــــواوا** عن نفسي صلاة الظهر بحكم وقتها الشديد الحراره أروحلها بثوب النوم بس شرط مايكون مقطع ومكبوب عليه حاجه<<< يقصد مييييين؟؟

ههههههههههههههه

يعني رب صلاة الظهر ما هو رب الصلوات الباقيه ؟؟؟؟؟؟؟؟؟؟؟



لا ويقولك موضوع رائع ومدري ايش خخخخخخخخخ



ارررررررحمونا يا هوه