|
وين رايح ؟ المسجد! بذا اللبس؟ يارجال كلها صلاة ! بسم الله الرحمن الرحيم السلام عليكم ورحمة الله وبركاته،ردوا السلام خلكم رجاجيل>>>هذا اللي يبي يتسطر:d ياهلا والله فيكم الله يحيكم من زماااااااااااااااااان كان ودي أشارك معكم بس وش أسوي ظروف الحياة>>وش عنده البزنس مان المهم هذا أول موضوع لي في منتديات الزعيم وفي منتداي المحبوب المجلس العام:smilie47::smilie47: ودي أتكلم عن موضوع خطير يحصل للكثير مننا ألا وهو لباسك للصلاة بعض الناس بيقولون أن حتى اللبس بيحاسبونا عليه أنا أقولك إييييييييييييييه تدري ليه؟؟؟ لأنك رايح تقابل من هو أعظم من ملوك الدنيا وسلاطينها>بعض الناس بيقابل مدير مدرستهم تشوفه كن واحد متوعده بمص دمه من هالربكة وكل ثانية يعدل بالهشماغ:d أنت رايح تقابل ملك الملوك الله سبحانه وتعالى!! والسبب في كتابة الموضوع أن كثير من الناس يدخل المسجد وريحتهه أعوذ بالله ولا ريحة ...... مع احترامي لهم! ومنهم من جاي بثوب نوم جيبه مشقوق و بعضهم من كان له سحاب تلاقيه ناشب بالنص!! إلى آخر الأمثلة . تقولون أجل وش تبينا نلبس بشت وكننا سمو الأمير؟ لا لكن يازين الواحد بثوبه وياحبذا تكون متعطر والله إنك ترتاح بصلاتك وتحس فيها الخشوع. أترك لكم النقاش عن الموضوع الله يكتب لنا الأجر والمغفرة..آمين أعتذر عن عدم ترتيب الموضوع وتنسيقه وذلك لأنه أول موضوع لي وبإذن الله القادم أفضل. |
والله انك صااااااادق خاصتن لاجاك هندي ولابنقااالي والله بعض الاحيان اقطع صلاااتي مشكور يالغلا |
انا اشهد على كلامك يا رجال ناس يجون بقمصان فيه بقع ميرندا فراوله ههههه الله يشفيهم تلقاه ماشي مع ابوه بعد و الابو العن ما يقول شي الشكوى لله يا رجال تقبل مروري الي مدري وش يبي |
مشكورين ع الردود والله يعطيكم العافية النظافة من الإيمان |
﴿ يَا بَنِي آدَمَ خُذُوا زِينَتَكُمْ عِنْدَ كُلِّ مَسْجِدٍ ﴾ المسجِد مكان أجلُّ من أن يُذهب إليه بثيابٍ رثَّة ومنظر بالٍ :) ! شكراً لك أخوي :rose: |
يااخوان ماتدرون عن الظروف .. يعني اترك (صلاة الجماعه) عشان مالبست الثوب الرسمي ؟؟؟ والا عشان مايمديني اغير اللبس اللي علي ؟؟؟ والا عشان جيب مقطوع ؟؟؟ والا عشان بقعة عصير ؟؟؟ جاء في الحديث عن الرسول صلى الله عليه وسلم ((( صلاة الجماعه افضل من صلاة الفرد بسبع وعشرين درجه))) يعني اخسر 27 درجه والا اصلي مع الجماعه بأي هيئة كانت ؟؟؟ واصلا احيانا الشماغ يلهيك في الصلاه مره تحطه على وراء ومره ترده قدام ومره يدك تضرب اللي جنبك وانت قاعد تعدل بشماغك ومره يطيح شماغك على مكان سجود اللي بجنبك فيا اخوان ماتدرون عن الظروف |
إقتباس:
بس ليس مايلبس ويجهز نفسه قبل الصلاة ؟! والله يقبل بس جزاك الله خير ياصاحب الموضوع |
هلا بـ محمد بوخالد . و عليكم السلام ورحمة الله وبركاته . جزاك الله كل خير :rose:. إقتباس:
طب فيه وقت بين الأذان و الاقامه تقدر تستعد فيه :yes: ! شكلك أنت من النوع اللي لا أذن لـ الإقامه رحت لـ المسجد :s2:. عموماً .. جزاكم الله كل خير :rose: وصن كيو محمد بوخالد ع هـ الموضوع ،، سي يا الفيروسه الزرقاء |
حياك الله في مجلسنا وننتظر المزيد من حروفك الجميلة موضوع جميل ومهم الملائكة تتأذى من اللي يتأذى منه بني آدم ما قلنا أكشخوا بشماغ وبشت لكن أقلها إن كان شعرك كشه البس طاقية وبدال ماتطلع بقميص النوم البس ثوب نظيف ترى ما تاخذ معك دقيقتين وكم رشة عطر وانت طالع ولو حصل وأكلت ثوم أو بصل كل شوية نعناع ورق وتروح الريحه يعني الأمور سهلة جداً وما تحتاج الا أن قلبك يستشعر أنك بتقابل ملك الملوك الله سبحانه وتعالى وحتى المرأة في بيتها حلو لما تجي تصلي تتعطر وتعطر سجادتها وشرشفها طبعا أقصد بالبيت وحتى ملابسها للصلاة تكون رائحتها حلوة مو مخليتها مع الأطفال يلعبون فيها والا ريحتها طبخ موضوع جميل ومهم ننتظر قادمك الأروع بالحب والإشراق |
موضوع في الصميم الله يعطيك العافية |
موضوع رائع انا اقول للعضو الي يقول لازم اجي اصلي بثوب ولا شماغ اقول اهم شي لبس محترم والله احينا تكره تصلي من الي جنبك خصوصا صلاه الفجر تحس انه يمن وهو جاي موب جاي يطلب ربه الف شكر لك يا كاتب الموضوع |
المفروض يجي بأناقته وهندامه المعروفه عنه أما اللي يجيني ويصلي بطيحني هاذا ودي أسطره تسطير لا والبوكسر وردي .. خخخخخخ يرحم والديك أستح على وجهك بسوق ولا بحديقه انت. عن نفسي صلاة الظهر بحكم وقتها الشديد الحراره أروحلها بثوب النوم بس شرط مايكون مقطع ومكبوب عليه حاجه<<< يقصد مييييين؟؟ موضوع رائع أخوي وياليت الشباب يستفيدوا ويتعلموا |
إقتباس:
يعني جات الصلاه وهو مايمديه يغير .. وبس ! شكرا لك |
إقتباس:
قالت ايش قالت فيروسه زرقاء ههههه يعني الفيروسات الوان هههههه المهم : انا كلامي واضح واقصد الناس اللي ماتقدر تجهز قبل الصلاه ولو حاول يجهز نفسه بتروح عليه صلاة الجماعه اعتقد مايحجتاج فلسفه |
إقتباس:
يعني رب صلاة الظهر ما هو رب الصلوات الباقيه ؟؟؟؟؟؟؟؟؟؟؟ لا ويقولك موضوع رائع ومدري ايش خخخخخخخخخ ارررررررحمونا يا هوه |
| الوقت المعتمد في المنتدى بتوقيت جرينتش +3.
الوقت الان » 11:15 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd