مبروك علينا نحن معشر الطلاب الإجازة الطويلة وإن شاء الله نستفيد منها , مو مثل الإجازات السابقة اللي ما أذكر في يوم من الأيام إني جنيت أي فائدة منها .: بعد ما خلصت من الإختبارات , وتاحت لي الفرصة لدخول النت , ودخلت البريد , طبعا خشيت ولقيت البريد مليان لأني لي فترة ما فتحته ...
الوضع جدا متأزم عاد ياريت فيها رسالة تستفيد منها , يا صور ومقاطع ولا من ذي الرسائل اللي مدري وش تبي , وأنا ما تقهرني إلا اللي يرسلك رساله ويقول { أرسل هذه الرساله إلى جميع الأشخاص الذين تعتبرهم أصدقاءك , إذا رسالتك هذه عادت إليك ستعرف بأن حولك الكثير من الأصدقاء الذين يحبونك } ودي تصير الرسائل بفلوس عشان الناس تفكنا شوي من ذي الرسائل البايخه
ولما بديت أقرأ في الرسائل وخصوصا رسائل القروبات , في بعض الرسائل تجيب الهم , هذا يسب في وزراة الكهرباء , وذا في وزارة المياه , وذا مدرعم ويتكلم عن السياسة , وكل واحد منهم جالس في البيت ولا هو داري وش يصير في البلد ,,,
الحين فيه ناس ما غير جالسة على النت وتسب في فلان وعلان , ولا في يوم كلفت على نفسها تقدم شيء للوطن , أو حتى تتكلم عنه بصورة إيجابيه , يجيك الواحد ويتكلم في ذا القروب ويسب وهو ييحسب إن المتلقين كلهم سعودين , وهو ما يدري إن قاعد يشوه صورة المملكة ,,,
مثال بسيط لبعض الناس اللي تحاول تنقل صورة حسنة لدولتها / في أحد المجموعات البريدية في قروب إسمه " ضوء عمان " , أتوقع كثير منكم شاف موضوعاتهم , المهم إن ذا القروب تقريبا كل إسبوع يرسل رسالة للمجموعه يتكلم فيها عن معلم من معالم عمان , مره يتكلم عن القصر الفلاني , ومره عن أنواع الزهور و الورود , وغيرها الكثير , لكن نحن ما يهمنا رسائله بكثر ما يهمنا تفكيرهم , انا أتوقع إنهم يكتبون ذي المواضيع عشان يجلبون السياح لعمان , فتستفيد الدولة .....
مو حنا الله يخلف علينا , ننتظر أي شيء عشان نتكلم فيه , إنقطعت المويه غثونا بالمواضيع , إنقطعت الكهرباء سووا زحمه , نزلت شركة الكهرباء إعلان تطالب بالترشيد في الكهرباء , ما سلموا من غثاهم . أنا قبل يومين تقريبا قريت موضوع , فيه واحد قاعد ينتقد وزارة الكهرباء , وإنهم كيف يطالبونا بالترشيد !! وحنا دافعين من جيوبنا . وزارة الكهرباء كل اللي قالته رشدوا , يعني بدل ما انت تنام بغرفه وأخوك ينام بغرفة ثانيه وكل واحد مشغل المكيف , ناموا بغرفه وحده على مكيف واحد , منها تستفيد انت بتقليل الفاتورة ومنها تستفيد الشركة بتقليل الضغط عليها , يعني ما يحتاج تغثنا وتغث وزارة الكهرباء .
إذا الواحد ما كان وده يسوي خدمه للوطن ولو قليلة , على الأقل لا يقعد ينشب لهم بالصغيرة والكبيره , يا تسوي خير , او السكوت أحسن بكثير .
وأخيرا أتمنى إني ما أكون ثقلت عليكم وتحملتوا بربرتي شوي
السـلطـان , وعليكم السسسلام والرحمممه , تصـدق أني من شفت يوزرك وأنا مختبص << , أتوقع من سوء حظك أني أرد عليك أول واحــد , وبعدين أنت عارف أني أخالفك الرأي ,
إقتباس
مثال بسيط لبعض الناس اللي تحاول تنقل صورة حسنة لدولتها / في أحد المجموعات البريدية في قروب إسمه " ضوء عمان " , أتوقع كثير منكم شاف موضوعاتهم , المهم إن ذا القروب تقريبا كل إسبوع يرسل رسالة للمجموعه يتكلم فيها عن معلم من معالم عمان , مره يتكلم عن القصر الفلاني , ومره عن أنواع الزهور و الورود , وغيرها الكثير , لكن نحن ما يهمنا رسائله بكثر ما يهمنا تفكيرهم , انا أتوقع إنهم يكتبون ذي المواضيع عشان يجلبون السياح لعمان , فتستفيد الدولة .....
تكفىآ يالسسعوديه اللي مره السياحه فيهآ تفتح النفسس , يارجال تتكلم عن وشو علشان تجذب السياحه ..! عن الجو الخورافي ..! ولا عن الأماكن الترفيهيه ..! ولا عن أخلاق بعض الشعب المميزه ..! , ولا عن الأسعار ..! ,أو تبينآ نتكلم عن الزحمه رغم أن الشوارع فاضيه ..! < الحفريات , ياليتك متكلم عن أين تقضي العطله أبرك لك , أصبر برجع .. , عودنآ .. بصراحه قاعد أدور نقطه أتفق معك مالقيت الا هذي ,
إقتباس
ما تقهرني إلا اللي يرسلك رساله ويقول { أرسل هذه الرساله إلى جميع الأشخاص الذين تعتبرهم أصدقاءك , إذا رسالتك هذه عادت إليك ستعرف بأن حولك الكثير من الأصدقاء الذين يحبونك } ودي تصير الرسائل بفلوس عشان الناس تفكنا شوي من ذي الرسائل البايخه
, والباقي أختلف معك فيه , مافيه ولا وزاره عندنا مسويه شغلها صح , تبي تقول لي أنت جالس في بيتكم ولاتدري , بقول لك وش عنده اللي يدري , يعني بالله عليك ولاوزاره صاحيه عندنا , المشكله على كثر الدراهم اللي معهم , الا أنهم مايسوون شي , السلطان يابعدي ماراح أروح بعيد , بس بقول لك رح شف دول الخليج وتعال عندنا وشوف الفرق , على أننا ندفنهم بالفلوس الا أنهم يتفوقون علينا في جوانب كثيره , , المهم أنت أخبارك بشرنا عنك , ولا عاد تسوي فيهآ وطنيه بزياده , وبشرنآ على النتيجــه ..
أتوقع من سوء حظك أني أرد عليك أول واحــد , وبعدين أنت عارف أني أخالفك الرأي ,
ما جبت جديد من يوم عرفتك وانت تحب الضد في كل شيء
إقتباس
الرسالة الأصلية كتبت بواسطة هتلــ الزعيم ــر
تكفىآ يالسسعوديه اللي مره السياحه فيه تفتح النفسس , يارجال تتكلم عن وشو علشان تجذب السياحه ..! عن الجو الخورافي ..! ولا عن الأماكن الترفيهيه ..! ولا عن أخلاق بعض الشعب المميزه ..! , ولا عن الأسعار ..! ,أو تبينآ نتكلم عن الزحمه رغم أن الشوارع فاضيه ..! < الحفريات , ياليتك متكلم عن أين تقضي العطله أبرك لك ,
يا حبيب ألبي أنا أتكلم على أقل تقدير إننا نتكلم بالإيجابي شوي , من يوم الواحد يبي يكتب على المملكة على طول يروح يسب ويشتم وينتقد , طيب ليه ما نتكلم بالإيجابي ولو شوي , ولنا من غيرنا عبرة
إقتباس
الرسالة الأصلية كتبت بواسطة هتلــ الزعيم ــر
مافيه ولا وزاره عندنا مسويه شغلها صح , تبي تقول لي أنت جالس في بيتكم ولاتدري , بقول لك وش عنده اللي يدري
أنا ما أدري بس بالع لساني أحسن من اللي ما يدري ويسوي زحمة
إقتباس
الرسالة الأصلية كتبت بواسطة هتلــ الزعيم ــر
المهم أنت أخبارك بشرنا عنك , ولا عاد تسوي فيهآ وطنيه بزياده , وبشرنآ على النتيجــه ..
عاد النتيجة اليوم طلعت بالموقع بس ملخبطة ورحت للمدرسة , كل المدرسة طلعت شهاداتهم إلا أنا وواحد معي بكرة بنروح وامرنا لله
أنا جلست أمس أصفّي صندووق الوارد بتاع الايميل الى ماوصلوا لـ 99 رسالة بعد ثلاث ساعات من التصفية وكلهآ من طقّة اللي قلت ،
إقتباس
مو حنا الله يخلف علينا , ننتظر أي شيء عشان نتكلم فيه , إنقطعت المويه غثونا بالمواضيع , إنقطعت الكهرباء سووا زحمه , نزلت شركة الكهرباء إعلان تطالب بالترشيد في الكهرباء , ما سلموا من غثاهم
ياخي وش نسوي خلنآ نطلّع حرّتنا شوي فيضُ من غيضُ
واللي بيسمعك بيقول دروا عننآ والا طقوا لنا خبر ، !
خذ الموضوع زي الفضفضة ، واللي ينكتب هو شي فعلي قاعد يصير عندنا !
وكل الوسائل اللي ممكن توصل صوتك وشكواك فيها محجوبة قدامك ،يعني نتضرر ونسكت ، صعبه
مالك الا تكتب وترسل للي عندك وتغثُّهم إلى أن يقضي الله أمراً كان مفعولاً
ولو بنكتب عن السياحه ، وش بنكتب ههههههه ؟
عن بحر جده اللي صاير لونه أخضر ، وإلا الشرقيه اللي ماتلقى لك مكان تجلس فيه
وإن جلست تسمع سواليف اللي جنبك من الزحمة ، ومع كل هذا اسعااار نااار ما أدري على إيش ؟
يعني صراحه احنا شعب مظلوم ، ولو يلغون السياحة الداخلية أصرف
ربي راحمنا لأن مكه والمدينه عندنا ، والا كان ماشفت أحد يسيّر علينا ،
لازم تكثر الأصوات عشان تصير فيه خطط مدروسه لتصحيح الوضع
لا جد انا بعد أوافق هتلر واخالفك
اللحين قروب عمان اللي قلت يمكنه يكون واحد من القروبات اللي فعلاً مخصصه لـ اغراء السياح
بس هالشيء صدقني ماينفع الا اقتصاديا ً بس ..!
اللي يهمنا اللحين مشاكلنا اللي مانقدر نعبّر عنها ( حالياً ) الا بهالطريقه !
لازم ننتقد وزارة الكهرباء اذا فيها اخطاء عشان تعدل اخطاءها او تقللها ..
اذا كلنا نبي نسكت ونقعد نمدح ونمدح ونمدح وش استفدنا بالله ؟!
المهم هذا اللي كنت أبقوله
ولو ان هتلر قال الكلام اللي في بالي بس مافي مانع نرد عليك
يعطيك العافيه
أول شي أشكر الأخت الفاضله وجـدان , على موافقتهآ الرأي , وأنتي أحسن كاتبه في الشبكه كلهآ ,وأنا من أشد المعجبين في مواضيعك , وفي أي شي ينكتب لك , وبصراحه مواضيعك تزيد من ثقافة المتابعين للمجلس , [ وكل ماتوفقيني الرأي بمدح أكثر < مصري ] , السلطـان ..
إقتباس
طيب ليه ما نتكلم بالإيجابي ولو شوي , ولنا من غيرنا عبرة
أنت ماتقرآآ جرايد ..! , أغلبهآ مدح فيهم , اللهم كم رسام يرسم له كريكاتير , لايقدم ولا يأخر , ولا ناقد ينتقد بأستحياء , < وأخر المقال يمدح ..! ولاخبر صغير كبر رد الأخ الزعيم صديقي الحميم ولا أحد يطق للخبر خبر ..! وبعدين وش الإيجابي ..! ,
إقتباس
أنا ما أدري بس بالع لساني أحسن من اللي ما يدري ويسوي زحمة
والله أنا أختلف اللي قالوا أن المملكه مافيه شئ زين إلحين فعاليات .,ومسابقات ماليه البلد علشان
الاجازه .,.,صح الجو .,بس هذا إحنا من خلقنا ومتعوديين عليه .,يعني وش الجديد .,
الله من زين الفعاليات والمسابقات ..! أذكر يوم أطلع من بطن أمي كانت ماسكه جدول فعاليات , كانت تبي تروح هي وأبوي , ومن كم يوم أشوف نفس الجدول , اللهم أن اللون يختلف ..! يعني يمرون الأرشيف قبل كل إجازه وياخذون الجدول ويطبعونه من جديد , وصل الله وبارك ..
تحس أني فالهآ في الموضوع , بس أدري أنك تبي تقول الموضوع موضوعك , علشان كذآ ماخذ راحتي على الأخر ..
, يعني بدل ما انت تنام بغرفه وأخوك ينام بغرفة ثانيه وكل واحد مشغل المكيف , ناموا بغرفه وحده على مكيف واحد , منها تستفيد انت بتقليل الفاتورة ومنها تستفيد الشركة بتقليل الضغط عليها , يعني ما يحتاج تغثنا وتغث وزارة الكهرباء .
ومنها تحس بالالفة والترابط الاسري
>> شطحة
انا معك كلشي يزيد عن حقه ينقلب ضده واتوقع شركه الكهرب جاها الي يكفيها ،، حتى الكريكتيرات ماقصرو فيها
الا جد على طاري الكهرب صارلي موقف بايخ وياها تخيلو ليلة اختبار فاينل وانا مو خالصه المادة ،، طبعا اغلب المواد كنت اسكرهم الفجر >> قلت اسكرهم مو اخلصهم
المهم .. هالمادة بالذات ماجا الفجر الا باقيلي فيها واجد وكانت الملفات الي ادرس منها عالكمبيوتر يعني ماعندي شي ابد عالورق
وتوووت فجاة كلشي يطفى !! انا بغيت انجن حتى اللاب توب فاصله بطاريته كان عالكهرب >> شايفين الحظ