السلام عليكم ورحمة الله وبركاته


قلب ابيض
قلب ازرق
وردة احمر بأخضر
واحد يصفر



أخواني .. أخواتي .. فلذات كبدي ..

لو طرحت على أي شخص منكم أعراض وتركت له التعليق ..


1- سماع أصوات وهمية
2- شعور بالعُظام ( الزَوَر) Paranoia
3- الإيمان بمعتقدات غير منطقية
4- الإنعزال
5- الهياج
6- التحدث بأفكار وآراء غير مترابطة
7- فقد البصيرة
8- ردود فعل عاطفية غير ملائمة


علطول الاجابة راح تكون " واحد نصراوي !! " ..

سواء بيقول عندنا واحد بالدوام نفس هالحالة .. او يقول معي بالكلية انسان نفس الاعراض

أو يكون له قريب أو جار أو شخص بنفس المنطقة السكنية .. أو حتى بياع التميس اللي بحارتهم


بينما هالاعراض هي لحالة نفسية تعرف بالفصام .. Schizophrenia

ويصيب 1 من 100 شخص .. وهالاحصائية تقدر تطلع منها عدد جماهير هذاك وانت حاط رجل على رجل




مشكلتنا كهلاليين .. أو كغير نصراويين .. اننا نعرف هالحقيقة من سنوات .. لكن وش السبب في كوننا نحاول نناقش ونبين الصح والغلط وحنا ندري ان هالكلام مجرد مضيعة وقت !!

والضرب بالميت حرام .. ولو اني بطاول واحد ميت كل هالسنين .. أتوقع بيقول فهمت قسم بالله



ماتحتاج لحجة ولا برهان .. كما طلع لنا السليمان .. وقال انا تحديت و و و .. طيب ليه ياخوي مكلف على عمرك ؟

ادخل مصحّهم العقلي .. اقصد منتداهم وبتشوف عالم ثاني .. شي ماشفته بحياتك الواقعية بتاتن البتة


واحد مثبتين له موضوع .. يتكلم عن الكاركاتيرات اللي ضد النصر .. ويقصد به السليم .. ويعترض ويقول وقفوه عند حده

طيب ياخوي عندك يزيد .. اللي حاط دوبه دوب الهلال .. ياخي خلك ديموقراطي .. مهب لازم تصيحون علشانه حشركم


هذي ترجع للنقطة رقم 6



واحد يطالب الادارة بلاعب قيمته 4 ملايين يورو .. ويقول كحيلان قده .. مايدرون انه يصرف من جيب الاتصالات

4 ملايين يورو ؟؟ .. ماتبي عصير معه ؟

ويقول رخيص بعد .. ياخي لاعب ابها جبتوه بـ200 الف وتهاوشتوا علشان 100 الف زود .. قال ايه قال رخيص

ماتسلفني 10 ملايين يورو اردهن لك بكرا العصر يارخيص ؟

قال كحيلان بيجيبه .. حده علك ابو قرش وحركة هتلر لاجابو هدف ..

هذي ترجع لنقطة رقم 3



اتهامهم لرئيس هلالي سابق انه قال الهلال استفاد تحكيميا مع ان التسجيل واضح ان قصده من أخطاء التحكيم ..

وثبتوها عندهم مع ان كلامه واضح وهم يدرون وش قصده


واحد منهم كاتب رد انه سمع كلام إلتون لحسام غالي يوم تقبس بينهم بالملعب .. والله لو داق عليك جوال ماسمعته وانت وسط جماهير ولجة وصجة

هذي ترجع لنقطة رقم 1





استفتاء قوقل رانك .. !!

وان النصر بالبراهين اكثر شعبية من الهلال والاتحاد .. حسب نتايج البحث بقوقل

هنا ناقف شوي نتأمل .. النصر بالخليج على حسب علمي كثير ..

عندك النصر الاماراتي .. والنصر العماني .. والنصر الكويتي

اي انسان بيبحث بيكتب نادي النصر .. ويضغط على بحث ..


بالاضافة .. معادلة بسيطة .. قل جماهير الهلال 200 وجماهير النصر 50 ..

كثير من جماهير الهلال تبحث عن موقع النصر علشان تقرأ وش قالوا عن الهلال ..

بحكم ان منتدى النصر مخصص للاخبار الهلالية ..

200 تأثر أكثر من 50 .. فالزيارة ماتعتبر احصائية .. العبرة بعدد الاعضاء ..

شبكة الزعيم .. تبي توصل 500 الف عضو .. بينما النصر على 200 الف ..

وين قوقل عن هالاحصائية ؟ ..


هذي ترجع لنقطة رقم 7




ما أقول الا الله يشفي كل مسلم .. سواء نصراوي او غيره ..

وللأمانة .. يمكن تقابل نصراوي عاقل وله نظرة منطقية .. يقول فريقنا زلابة .. وجماهيرنا ماتقارن بجماهير الاتحاد ..

ويترك الهلال برا الحسبة ..


لكن هذا وين تحصله .. ؟ .. الله يعطينا طولة العمر .. بطاعته ان شاء الله


سلام عليكم