انتخابات الرياضه الشعريه !!! تخيل ؟ - نادي الهلال السعودي - شبكة الزعيم

rjaah · #1 04/07/2009, 01:53 PM

السلام عليكم ورحمة الله وبركاته

هناك شغف كبير نراه في السنوات الأخيره في كرة القدم وذلك يكمن في تغيير المفهوم العام للرياضه كـ فهم الكره الطويلة والقصيره وأيضاُ الكل أصبح محللا رياضيا , فتخيلوا معي شعب كروي محلل لكرة القدم ! نقطه محسوبه لجماهير بعض الأندية ونستبعد بعض الجماهير التي لاتفكر الا بلاعب واحد ( كمشجعين له ) والنادي ليس الا مقر تجمع لأستقباله , عندما ارى ذلك أحمد ربي كثيرا لكوني مشجع لنادي بعيدا كل البعد عن أمثال ماذكرت سابقاً ولكوني هلاليا لا أرى مايمنعني من معرفة الأوساط الرياضيه في الكره السعودية , وبين هوس حب الكره و الهلال وجدت نفسي محباً للشعر ! وصاحب ذائقة كرويه سعودية وخليجية وعربية وعالميه , مع وجود القنوات اللتي تنقل المباريات العالميه وغيرها تفتحت أذهننا في مجال كرة القدم كـ لعب ومهاره وأيضاً كـ قوانين الكره والتحكيم ومدى أهمية اللياقه لدى اللاعبين وغيره , كلها جائت من كثرة المشاهدة للمباريات والتغطيات والتحاليل , ثقافتنا اصبحت أقوى بكثير من السابق . فشكرا لكل من قدم المساعده وايصال المعلومات للمشاهد . وباتت المنافسه بين القنوات . اذاً هناك منافسه في كل الرياضه كمنافسة القنوات مع بعضها والمباريات وكل شي ! الرابط الوحيد هوالجمهور والمنافسه .وما الى ذلك إلا أنني لا زلت أتنفس شعراً ( الشعر شعري والبحور بحوري , والجد جدي والشيوخ آبائي ) عندها وجدت في الوسط الشعري أيضاً التنافس وحب الشعر للشاعر وليش للشعر نفســه ! ( ولكن ) تنافس بلا إتحاد يجمعهم في نهاية المنافسـه . إذن الحكام هنا شركات الإتصالات ونساء بهيئة رجل لايفقهون بالشعر , علماً انا هنا لا أنقص من شأن المرأه في ظل وجود أقوى نسوة الأرض شاعرات ومثقفات ومعلمات ومن ضمنهم الشاعره الكبيره نورة الحوشان التي حظت بشعبية في أحد أبيات قصيدتها المعروفه التي أصبحت مثل وارد في كل المجالات !(اللي يبينا عيت النفس تبغيه واللي نبيه عيا البخت لا يجيبه ) لا أريد ان اقول أنها مثال على انها تربعت على قمة مجالها في الشعر لأنها بحد ذاتها مثل تربع على عرش الأمثله , بوجود الكادر النسائي المثقف يزيد شغف الشعر أيضا وجود الشغف الشعري للرجل
جعلنا نؤمن بأن الشعر لا زال ( بخير ) , ومن بين مسج وتشجييع يضيع الشعر وتضيع رسالته التي من المفروض على المستمع والمشاهد فهم الرجال وتذوق الأبيات , ولكن كبرامج الشعر التي ليس لها هدف معين الا شهرتها وشهرة شاعرها المخضرم الذي في يوم وليله نراه شاعرا وبمستويات قوية ويصدر تصاريح تفيد بأن الشعر اصبح من أولوياته ونرى قصائده ليست إضافة كلمات على افكار قصائد أخرى ! كتصميم منزل مشابه لمنزل آخر ولكن يختلف اللون ! ( فلسفة واحد جايع

)

هلاليات ! ( قلب

)
انتشرت في الأونة الأخيره اقاويل تأكد بأن العنصر النسائي سيمتلك الملاعب الرياضية لكرة القدم عما قريب وكما نظرت في إحدى الجرائد انه هناك فرق نسائية كرويــه هل سنرى الهلال سينشيء فريق نسائي ونشوف لاعبات مميزات ( المنفلته أو القناصه أو ام يعقوب ) خلفاء لرجالات الهلال ! لحظة تأمل ودخول في الخيال ! بالله كيف الوضع ( وجه يقول باص لثمه ! ) وش بنسوي يالربع لو جد يصير هالشي ! مايميزنا عن العالم اننا متقيدين بشكل كبير في شريعتنا الإسلامية ونحب الخير ولا نرضى بالسوء لأيً كان , سواء لعبوا أم لم يلعبون حفاظاً على زهور وطننا من تدنيس أنفسهم و منظرهم من دخولهم في عالم التعصب والجماهير لأن هناك جمهور تعدى مرحلة الغباء فعلاً . فسيزداد شره عندما يرى إحدى زهورنا تلعب بالكره ! انا أوافق من لعبهم ولكن العنصر النسائي هو المتحكم الأول والأخير ( جمهور وكل شي ) والعنصر الرجالي لايتدخل , انا ماخفت الا ان بكره افتح الإي ار تي والاقي وحده بالراس جايبه هدف وشوي الا انها رافعه التيشيرت مسويه فيها كرستيانو رونالدو .

بلنتيات ( كرت أزرق )
احمد الدوخي الذي يطالب به الكثير والكثير ليرجع إلى نادي الهلال أنا لا اكرهه بل أحبه ولكن لا أريده لأنه أخذ الكرت الأزرق والكرت الأزرق أقوى من الكرت الأحمر في الاتحاد العالمي ! الكل يطالب به يحسبون ان الهلال متعطل عليه ! طلع وخلانا في وقت حرج ولله الحمد من يوم طلع وحنا كل سنه بطوله او بطولتين ولله الحمد مانقول مانبيه او لانطالب فيه لكن ! لانجامل أبد أبد لأن بكره بيجي واحد غيره في النادي وبيشوف نفسه انه الوحيد اللي كويس في مركزه ويجيه عرض ويطلع ! وبعدين يكرشونه ويعيد لنا سالفة الدوخي , وكأننا في مسرحية ! فيه اللي أفضل منه في السعودية ويأدون بشكل أفضل وصغار في السن ! الله يطول بأعمارهم جميع ويحفظهم لكن مانبي نتعطل على الدوخي أبد . واللي خايف من الكوري الجديد أبقول له ( تفائلوا بالخير تجدوه ) تفائلوا مافيها شي الرسول قال تفائلوا ليه النكد اللي معيشينا فيهـ معكم !

ماكينة سنجر للبيع !
من جد الشعب السعودي اللي يعيش في الطرف الآخر من العقل ولازال ينتظر قطار الثراء من ورى الناس منسم ! بديت اشك ان حنا شعب عبيط ويستهبل ! في كل شي يسمعون عنه يصدقون ! وكل سنه تطلع لنا كذبه ونصدق ! عاد لو انها مدرعه ماتسوى هالقيمه

, بالنظر من الخدعه هذي خلونا نلقي نظره على الجرايد الرياضية واحلى نصب ! وتعاقدات ودقات ورفس في الهلال وان الهلال ماتحرك ! والهلال ميزانيته سيئه وظروفه تعبانه وحنا نصدق واللي يشوفنا يقول كل واحد فينا هو اللي يعد الفلوس اللي في خزينة النادي كل يوم ! واللي يقول الهلال ماعنده شي
, لو الهلال ماعنده شي ماكتبوا عنه الجرايد وش فايدة الجريدة بتكتب عن نادي ماعنده شي , بغض النظر عن المقالات واسم الجرايد الا انهم المفروض يغيرون لون الجريدة الى اللون الأصفر , ألاحظ انهم من الحين وقبل بداية الموسم بدأو يكتبون ويضرون في الهلال , سؤال ودي أطرحه للأمير سلطان بن فهد ! هل لنا الحق كجمهور أو كنادي بالمطالبه بالعقوبات من الذين يكتبون بسوء عن نادي الهلال وعن اللي يكتبون إشاعات ! إن كانت الإجابه ( نعم ) صدقوني الاتحاد السعودي بيقفل وانا باخذه تقبيل وببيع فيه في أقرب سوق حراج ! لأن الكل ضدك الهلال في الرياضه
السعودية .. لاحد يصدق يالربع أي شي وحنا ( أقوياء ) بالأعلام او بدونه بصدقهم أو بكذبهم حنا جمهور الهلال !

تك تك ( فلاشات )
لايدخل غلط علينا الفريان

! , لاعبوا الزعيم نبي أهداف مانبي مهارات وتطلع الكره برا نبي اهداف مايهمنا المهاره بقدر التهديف , نعرف مهاراتكم جميعاً ونقدرها لكن نود منكم التهديف نؤمن بقدراتكم المهاريه ! نبي تهديف ! العنبر من الأشخاص اللي كنت ما أدانيه ! لكن انه يعجبني هداف مايمزح وماعنده فلسفه أنت وضميرك وانت والباب ! هذا اسمه هداف وياليت غيره ياخذ من تمركزه ومفهومه الكروي شوي ! . أحمد الصويلح كنت اقول وش هالعضلات ياناس هذا اللي مسبب له قلق في اللعب !! جيت جنبه استغربت يالربع جسمه عادي جدا فعلا عضلات لكن الكاميرا مسويه تضخيم بشكل غير طبيعي ! فهد المبارك الاعب المشاغب يعجبني اذا لعب اخر المباراه يرهق المدافعين وهو يركض ! سريع ومهاري لكن ماهوب هداف من الدرجه الأولى , يبغاله شوية شجاعه وقوه وتركيز وتفكير ! ياسر ( وخر عني ) مانيب قايل شي عنك الا ان الله يوفقك ويريح بالك ويهديك ويخليك لعينن ترجيك وانتبه لنفسك انا اخوك والله الكلام اللي جاك كنه سكين في صدورنا لاتضرنا معك الله لايهينك انت اكبر من كذا . كلماتي فقط للهدافين ! ( المهاجمين )

اهلن وسهلن ( بشت وكاب )
عيسى المحياني مرحباً مليون وتياقو نيفيز مرحباً مليون يو تو (

) نسأل الله ان يميلينا بركتهم كلهم ويوفقهم معنا ويوفقنا معهم ويجيبون لنا بطولات . ( حطوا في بالكم شي واحد ) أنتم في الهلال فلتعرفوا قيمة النادي قبل التفكير بالخمول !

تدري ولا ماتدري ( info )
-كلمة ( استاد ) هي : يونانية قديمة تعني المسافة المحددة للسباق في العدو وكانت هذه المسافة تقدر بـ 192 متراََ.
-أرضية حلبة المصارعة مصنوعة من المطاط الصناعي؟
- في مباريات الجودو يكون زمن مباراة الدور التمهيدي 6 دقائق والنصف النهائي 8 دقائق والنهائي 10 دقائق.
-سجل اللاعب البرازيلي بيليه أكبر عدد من الأهداف حيث سجل 1281 هدفاََ في 1363 مباراة.
-أقدم نادي في العالم لكرة القدم هو نادي شيفيلد الاٍنجليزي تأسس عام 1857م.
-بدأت لعبة الهوكي في اٍنجلترا عام 1870 م
-أول هدف في تاريخ كأس العالم سجله اللاعب لويس لورانت في المباراة الافتتاحية بين منتخبه فرنسا والمكسيك؟
-أول لاعب يطرد في مباريات كأس العالم دي لاس كاسياس كابتن فريق بيرو بسبب عنفه الشديد مع لاعبي رومانيا؟
-أكتر الدول العربية مشاركة في نهائيات كأس العالم المغرب 1970-1986-1994-1998م؟
- الدورة الأوليمبية الأولى أقيمت في أثينا عام 1896م لم يشارك في ألعابها سوى الرجال؟
-الاتحاد الانجليزي هو أول اتحاد كروي في العالم وقد تأسس عام 1863م؟
- الكاميرون أول دولة أفريقية غير عربية تشترك في بطولة كأس العالم؟
- ديبرتو هو أول لاعب يضيع ضربة جزاء في بطولة كأس العالم؟
-صاحب فكرة بطولة كأس العالم هو المحامي الفرنسي جول ريميه؟
-أول هدف في كأس العالم أحرزه الفرنسي لوسين لوران؟
-أول عربي يحرز هدفا في بطولة كأس العالم هو المصري عبد الرحمن فوزي؟
-أقيمت أول بطولة لكأس العالم في الأوروغواي عام 1930م؟
- توقفت بطولة كأس العالم في عقد الأربعينيات؟
- بيكنباور هوالفائز بكأس العالم لكرة القدم بألمانيا لاعبا ومدربا.
- السعودية في عام 1430 لاتستحق الذهاب الى مونديال 2010 بهذا المستوى السيء والتي تأتي من خطط مدروسه !

لحسة مخ ( عاوزين ونبي وبدنا ولا حد معبرنا

)
نبي نفوز وماننهزم ! كرة القدم لايوجد بها فوز ! لابد من الخساره إن كنت لاترضا بالخساره من حقك ولكن لابد ان تؤمن بالخساره في كل لعبه لوجود المنافس !

وانا أبي أقول لكم اني تعبت وانا اكتب ! ومافيه جزء ثاني واللي انلحس مخه لايكمل قراية