السلام عليكم ورحمة الله وبركاته

فيه دفعة من اجهزة hp نزلت السوق وبطارياتها فيها مشكلة انها تسخن وتوصل لدرجة الانفجار لا سمح الله

على العموم الموديلات مو جديدة يعني ما عليها خوف على قد انتشارها

دحين منظمة حماية المستهلك الامريكية حطت الخبر :
http://www.cpsc.gov/cpscpub/prerel/prhtml09/09221.html

بالاضافة الى موقع اتش بي:
http://bpr.hpordercenter.com/hbpr

تم عرض الموديلات المتضررة ولكن هذا لا يعني انها كلها متضررة,

اولا لازم تعرفوا الموديلات الي عندكم وهي موضحة هنا -موجودة بموقع اتش بي بس حاب اختصر لكم


اذا موديلك مذكور بالقائمة, فك البطارية واقلبها وحتلاقي CT حقها على ستيكر... طبعا يكون متشابه بين الاجهزة ولكن في اجزاء تختلف من جهاز لجهاز, وهذه هي اشكالها الثابته


اذا عندك اي بطارية حقت اللابتوبات المذكورة تحتوي على نفس CT الموضح هنا يعني البطارية متضررة ولازم تستبدلها سواء على الضمان اذا كان مستمر او تشتري بطارية جديدة,,, بس بكل الاحوال بضمان او غيره -المفروض زي ما هو موضح- ان اتش بي تتحملها وتبدلها مهما كان


لسة ضايعين ومو متاكدين وتبوا احد يقلكم من غير لا تدوروا بنفسكم؟؟؟

طيب ولا يهمكم

افتحوا موقع اتش بي الي انا حطيته وانزلوا تحت وتلاقوا :


تختاروا من القائمة موديل جهازكم وتسووا له بحث


بيجيبلكم شكل البطارية مع CT الثابت حق الضرر
بعدها تفتح لك قوائم اختيار البلد الي شريته منها
من وين تعرفت على هذه الصفحة -حطوا اي شي بس عشان تكملوا التاكيد-
تحطوا S/N الي بظهر اللابتوب على ستيكر
تحطوا CT البطارية -الارقام فقط من غير CT- وتعيدوها بالخانة الثانية للتاكيد
بعدها اضغطوا VALIDATE

ودحين تطلعلكم النتيجة اذا بطاريتكم من بين المتضررة او لا