موضوعنا لهذا اليوم يتحدّث عن عشقي وحبّي وهيامي وغرامي وكل خراطيش قلبي ألا وهو " الفيلم الهندي "
اللي ما يحب الأفلام الهندية .. هو بكل صراحة شخص عديم المشاعر .. فاقد الأحاسيس .. كريه .. جبان .. نكرة << هذا الوصف برعاية الاتجاه المعاكس
من صغري وأنا أعشق الأفلام الهندية لذلك كبرت على الرومانسية وحب الأكشن والمغامرات يعني كل الجلد اللي انجلدته في صغري هو بسبب هالأفلام الهندية أذكر مرة شفت مجموعة شباب ما أعرفهم ماسكين لهم بنقالي يستهبلون عليه .. تقمصت دور أميتاب باتشان وجيت عندهم وسحبت الهندي ووخرته من ساحة القتال << مدري وش كنت أحس به وقتها ما ودي أكمّل لكم وش صار بعدها لأني يوم رجعت البيت قلبتها أنا وأمي دعاء على البنقالية واللي يجيبهم للسعودية
المهم أني كنت مخدوع بشكل غريب في الأفلام الهندية وكنت أصدق أغلب حركاتهم .. وبصراحة كان فيه فيلم خطير تابعته وأثّر في عقيدتي
الفيلم باختصار :
هذا واحد بأسميه " سوراج " حبّ وحدة اسمها " بريتي " .. وكعادة أي فيلم هندي لازم يكون فيه زعيم عصابة , وهالزعيم يحفّ على حبيبة البطل المهم تحرّش الزعيم ببريتي .. ودافع عنها سوراج وجلد العصابة جلد لكن لأن الكثرة تغلب الشجاعة .. تم قتل سوراج وبريتي << أذكر أني صحت عليهم هذا كله وهم توّهم في بداية الفيلم ..! بعدها انولد ولد في ديرة .. وانولدت بنت في ديرة ثانية .. طلع الولد يشبه سوراج .. والبنت تشبه بريتي ..! ولأنه فيلم هندي .. جمعت بينهم الدنيا وشبّكها شبيه سوراج سلام سلام << يا حلوهم ما تعوق معهم في التشبيك تستمر الأحداث .. ويبدأ كل واحد منهم يتذكر موقف في حياته الماضية هي تقول له أنت سوراج؟ وهو يقول أنتي بريتي؟ ويتعانقون ويحمدون آلهتهم أنها جمعتهم بعد ما ماتوا ثم يتذكرون من اللي ذبحهم ويقررون الانتقام منه .. وفعلاً يقتلونه عشانه قتلهم ذيك المرة
كل هذا أشوفه وأنا توي بزر ما بعد فكيت الرضاعة كنت أقول أنا إذا مت عادي بأرجع أنولد من جديد .. خصوصاً أني كنت أمرّ بوقتها ببعض المواقف وأحس أني كني قد شفتها من قبل .. وما ألقى لها تفسير غير أنها من حياتي الأولية مثل سوراج وبريتي
على العموم ما أنكر أن الأفلام الهندية كان لها تأثير إيجابي علي وخلّتني شجاع وقوي ورومانسي
بس الحين بعد ما كبرت وصرت أشوف الأفلام الهندية بديت أحس أني كنت سخيف ومنحط وقليل عقل لعنبوا غيرهم .. تجي العصابة وتهجم على البطل ويربطونه بسلاسل , وزعيم العصابة ياخذ البطلة على هيلوكبتر عشان يعتدي عليها مثل ما يجي في الترجمة ولما يوصلون منطقة مهجورة ... يكون البطل فك السلاسل وفقّع وجيه العصابة ثم ركب دباب ..! ما يمدي زعيم العصابة يدف حبيبة البطل أو يسوي معها حركات كبار إلا ونشوف البطل يرفس الزعيم ويبدأ معها الأكشن ..! وحنا مثل الدلوخ .. كفووووو .. والله أن امك جابت رجال .. جعلني لخفة
أنا مدري متى بيعقلون هالهنود؟ والله أني أحب أفلامهم ولا أعرف أبكي على فيلم إلا الأفلام الهندية هي اللي تبكيني لكن عاد مو لهالدرجة تضحكون علينا ودي أتكلم عن مواقف كثيرة مع هالأفلام البوليوودية بس مشغول كثير بأمور أهم منكم
لا لا ما يمديني عليك أدوووخ أنا على حركة البالطو يا شيخ أنا أشهد أن الشنب ما جاء عبث
اللي مثل هالأفلام هي اللي ياما انجلدت وتفقع وجهي بسببها أدخل المضاربة وأنا بارد وواثق مثل هاللي فوق .. لكن أطلع منها وأنا ما أشوف الدرب
أما هاللقطة شي لا تفوتكم وتلوموني في حب أفلامهم؟ أشوا أننا بالسعودية وما مداني أقلدهم والا كاني الحين شبعان موت
أوووما هاللقطة شي لا لا لا والله ما يمديني عليها أبد تعجبت من راعي الحصان .. لكن اللي هبّل بي راعي الجيب خخخـ والله يعرف يسوق راعي الجيب .. تصرّف والا كان راح فيها
بس خلاص .. يكفّي إلى حد كذا حش بهالهنود حبايب قلبي
الموضوع برعاية :
( الموضوع كتبته على السريع وكان ودي أكتبه بترتيب أحسن من كذا .. لكن لو انتظرت عشان أرتبه ما راح أكتبه لذلك لا تدققون بالموضوع )
قوية بحقك سلطان صاروا يسوون فحص لمواضيعك قبل ما تنزل بلا هالأيام مخك مضروب جاري كتابة الرد _______________
أما المقاطع فقعت عليها من الضحك خيال مخرجينهم ( واسع ) على إن آخر فلم هندي شفته من قبل أزمه الخليج ، لكن من المقاطع اللي شفتها أعتقد إنهم على ( حطه يدي )
ولو تلاحظ العكس في هوليوود جميع مخرجي هوليوود سواء بأفلام الدرجة الأولى أو الثانية يتفقون بأفلام الرعب على ( خط واحد ) أعطيك مثال : نفترض إنك تتابع فلم مرعب وفيه ( مخلوق غريب نازل للأرض ) - أو ( حيوان متوحش ) .......... ( اللي هو أهم شئ إنه يآكل البشر ) لو تلاحظ إن هالمخلوق أو الوحش دائما يكون جالس بالغابة ، وما يطلع منها وبنفس الوقت بالفلم ببدايته لازم يكون فيه ( قروب شباب وصبايا ) بيطلعون لرحله برية!!. السؤال اللي محيرني وأتمنى إجابته من المخرجين : يعني معقوله كل وحش بأفلامكم ما يجوع!!. ويكون جالس بالغابة حاط يده على خده ينتظر إجازة نهاية الأسبوع أو إجازة الصيف علشان يآكل آحد!!. طيب يا حبيبي خله ينزل المدينة ، حاول تغير بالفلم ، جب شئ جديد!!.
يعني ما فيه أحد من الكتّاب في بوليوود أو هوليوود يحاول يلفت نظرهم إن الأمور هذي ما صارت تعدي على البشر!!. أو ماخذين فكرة إن الجميع ( تمشي عليه هالأمور )!!.
قوية بحقك سلطان صاروا يسوون فحص لمواضيعك قبل ما تنزل
بلا هالأيام مخك مضروب جاري كتابة الرد _______________
أما المقاطع فقعت عليها من الضحك خيال مخرجينهم ( واسع ) على إن آخر فلم هندي شفته من قبل أزمه الخليج ، لكن من المقاطع اللي شفتها أعتقد إنهم على ( حطه يدي )
ولو تلاحظ العكس في هوليوود جميع مخرجي هوليوود سواء بأفلام الدرجة الأولى أو الثانية يتفقون بأفلام الرعب على ( خط واحد ) أعطيك مثال : نفترض إنك تتابع فلم مرعب وفيه ( مخلوق غريب نازل للأرض ) - أو ( حيوان متوحش ) .......... ( اللي هو أهم شئ إنه يآكل البشر ) لو تلاحظ إن هالمخلوق أو الوحش دائما يكون جالس بالغابة ، وما يطلع منها وبنفس الوقت بالفلم ببدايته لازم يكون فيه ( قروب شباب وصبايا ) بيطلعون لرحله برية!!. السؤال اللي محيرني وأتمنى إجابته من المخرجين : يعني معقوله كل وحش بأفلامكم ما يجوع!!. ويكون جالس بالغابة حاط يده على خده ينتظر إجازة نهاية الأسبوع أو إجازة الصيف علشان يآكل آحد!!. طيب يا حبيبي خله ينزل المدينة ، حاول تغير بالفلم ، جب شئ جديد!!.
يعني ما فيه أحد من الكتّاب في بوليوود أو هوليوود يحاول يلفت نظرهم إن الأمور هذي ما صارت تعدي على البشر!!.
أو ماخذين فكرة إن الجميع ( تمشي عليه هالأمور )!!.
السلام عليكم ورحمة الله وبركاته ..
( ردي لمشاغب )
الافلام الهنديه اللي تعرض على زي افلام عمرهااا يقارب 20 سنه اذا مو اكثر وماتقدر تحكم على سينما قديمه . . بعكس اللحين تطور حتى بالقصص انا لست من محبين الافلام الهنديه .. لانهااا بعيده اتم البعد عن الحقيقه مع انهااا تتركز ع الرومنسيه فقط
( ردي لمواصل )
انت تقصد فلم friday 13 صح هالفلم قصته جايسون ينتقم لوالدته لمشاهدته قتلهااا امامه .. وطريقة انتقامه تكون بقتل ضحايهااا واحد تلو الاخر .. مع العلم انه متشوه بحيث يفرض علينا مشاهدته بقناع >> بصراحه حجه حلوووة + ابداااع في الشخصيه
وبعدين الشخصيه بشر مو حيوووان ياكل انسان الشخصيه فقط انتقااام لاغيرمو اكل .. والانتقام فقط للي يدخل معسكر كريستال
موضوعنا لهذا اليوم يتحدّث عن عشقي وحبّي وهيامي وغرامي وكل خراطيش قلبي
ألا وهو " الفيلم الهندي "
ثبتنآ على عقولنآ يآربي , قآل هيآمي قآل .
إقتباس
أذكر مرة شفت مجموعة شباب ما أعرفهم ماسكين لهم بنقالي يستهبلون عليه ..
تقمصت دور أميتاب باتشان وجيت عندهم وسحبت الهندي ووخرته من ساحة القتال << مدري وش كنت أحس به وقتها
ما ودي أكمّل لكم وش صار بعدها لأني يوم رجعت البيت قلبتها أنا وأمي دعاء على البنقالية واللي يجيبهم للسعودية
يعني رفعو فيك ,
آبرك عشآن تعرف تقضب آرضك آجل آميتآب بآتشآن ,
إقتباس
هذا واحد بأسميه " سوراج " حبّ وحدة اسمها " بريتي " ..
وكعادة أي فيلم هندي لازم يكون فيه زعيم عصابة , وهالزعيم يحفّ على حبيبة البطل
المهم تحرّش الزعيم ببريتي .. ودافع عنها سوراج وجلد العصابة جلد
لكن لأن الكثرة تغلب الشجاعة .. تم قتل سوراج وبريتي << أذكر أني صحت عليهم
هذا كله وهم توّهم في بداية الفيلم ..!
بعدها انولد ولد في ديرة .. وانولدت بنت في ديرة ثانية ..
طلع الولد يشبه سوراج .. والبنت تشبه بريتي ..!
ولأنه فيلم هندي .. جمعت بينهم الدنيا وشبّكها شبيه سوراج سلام سلام << يا حلوهم ما تعوق معهم في التشبيك
تستمر الأحداث .. ويبدأ كل واحد منهم يتذكر موقف في حياته الماضية
هي تقول له أنت سوراج؟ وهو يقول أنتي بريتي؟
ويتعانقون ويحمدون آلهتهم أنها جمعتهم بعد ما ماتوا
ثم يتذكرون من اللي ذبحهم ويقررون الانتقام منه .. وفعلاً يقتلونه عشانه قتلهم ذيك المرة
سلطان تؤبرني ان شاء الله تصدق أخاف أقول أني أحب الافلام الهندية ثم يفصلون عليّ الشعب لذالك أحفظها داخل قلبي وما أشوفها الا لحالي !! شفت كذا فيلم هندي , بس اخاف أقول قصة الفيلم وأمسك خط فالسالفة !! بس من ناحية نصب فهم نصابين وبقوة بعد , أحس المسيح الدجال لو يطلع يتحطم لما يشوف الهنود وكذبهم ههههههه !!
ههههه أفلام هندية .... أنا أذكر ماعمري تابعت فلم هندي إلا واحد ولا بعد مو مترجم .<<< مايحتاج يفهمون ... ونترجم الفلم على أبو أبو كيفنا ونضحك ولا الفلم رومانسي بعد يعني سهلة الترجمة وعلى ذا الحال لين يخلص .... الله لايعوده من فلم<<<< علشانه مو مترجم
اضحك مع هنود الـ بوليوود ..! 
]
![الصورة الرمزية الخاصة بـ ...][ هلالي الخبر ][...](images2/images14/images/avatars/world/Image_00106.png)
الوضع المتطور
