أفضل فلم رعب تحس فيه بالرعب وكل أجزاءة مميزة وأحداثها حلوة غير هالفلم لاتشوف
فلم SAW يصنف تحت مسمى ( دموي ) - مو رعب كنت أقصد بردي إن غالبيتنا أخذ فكرة عن الأفلام الهندية على النحو التالي : 1- أم عندها ولدين - والعصابة أخذت واحد والثاني خلته وواحد يكون مجرم والثاني ضابط وكلنا نعرف النهاية. 2- مثل ما سرد لنا سلطان. القصص تتكرر من ( الثمانينيات ) وبهوليوود أفلام الرعب كلها مكررة بنفس القصة أنا جالس أفكر لو مخرجين أفلام الرعب عايشين بالسعودية وش بيسوون؟!!. ما فيه غابات ، وين بيخلون ( المخلوق المتوحش ) يعيش!!. ما فيه مكان - إذا بيخلونه بالبر بيكون البر مكشوف ( وبإمكان ) اللي بيكشتون يشوفونه من مسافه 3 كيلو وثاني شئ بيتورطون ما راح يقدرون يجمعون قروب ( شباب وصبايا )!!. مثل هالأفلام بإعتقادي إن تكلفة إنتاجها يكون ( قطة ) من الجميع من المخرج ...... وحتى نوصل للكومبارس!!.
ولما أروح لمحل الفيديو ، أقلب بهالصفحات أدور لي ممثل معروف ينقز لي ( الهندي ) راعي المحل ويوريني ( نوعيه أفلام الوحش المستخبي بالغابة )!!. ما أدري هل هو يقرأ شئ على جبهتي - مكتوب عليها ( إنسان خفيف )!!. وفوق هذا الهندي - يقولتس الفلم روعه!!.
أنا معك أغانيهم حلوة , أقصد أصواتهم .
أحيانًا أفضّل الحلاق الهندي على التركي , بسبّة الأغاني اللي يفتحها ,
مع إنّي ما أفهمها كلها يعني شوي هه هه
أمّا أفلام ,
أذكر زمان يوم إني في الابتدائي كنت أشوفها ,
لكن اليوم , ما أشوف إلا جوناثان ستاثام و كريستين دنست طقّتهم
فيصير لهم حادث ما ادري شلون .. وتصير الام عمياء واحد من عيالها يصير شرطي والثاني حرامي وكلهم يحبون شغالة تشتغل بالجهرة ..؟!
خلاصة الرد وزبدتة :
1- لا تتابع فلم هندي مع شغالتكم ..!
2- لا تصدق كل اللي تشوفه (( على طاري لا تصدق تدري مرة شفت فلم البطل معه مسدس يطلق فيه من بداية الفلم الى نهايته ولا خلص الرصاص الي فيه ويسيل دمانه وما مات .. سبحان الله ))
3- لا تقرا موضوع لسلطان كاتبة على عجاله لانك ما راح تفهم شي ..!
سلمت اناملك على الطرح ولا هنت على المقاطع اليوتيوبية
مشكله الافلام الهنديه << طبعا غير الخيال الواسع انهااااا طوووووووووويله يعني 4 -5 ساعات
اذكر اني شفت فلم واحد و الباقي اشوفه ساعه و اطفش منه واتركه ثانكز على الموضوع الجميل والمقاطع الحلوه
يكي يكي يكي طبعـآ آول مآشفت كلمة هنود جيتك مدرعمه ماشوف الدرب .. آنـآ وآلآفلآم آلهنديه قصة عشق لاتنتهـي صحيح فيهم حركآت بآيخـه ولكم من يشوف خشة اميرخآن آو آرجون رآمبآل آو سلمـآن خآن آو شآروخآن يتسدح .. آلآفلآم آلقديمه ايام آميتاب وشلته عنصر القوه فيها مبالغ فيه آومـآ آلحديثه غلب عليهم طابع الرومنسيه وياحلو رومنسيتهم صحيح مو كل فلم هندي اشوف بس ابطال معيننين اتفرج فيهم وبصراحه شاروخان وسلمان خان واكشاي كومار هم الافلام الي اتابعهم بكثر بس الحين ساحبه ع السينماء الهنديه ومدرعمه ع اليابانيه والكوريه والله انهم اطلق شي ناس تعيشك بالعالم الي هم عايشين فيه وتدخل جو معهم من جد عرفت التمثيل ع اصوله عندهم آريقـآتوو خيو ع هيك موضوع حتى وهو مو مرتب حلآته بحوسته ودخل مزآجي كثير .. لك
هلا والله بالغالي سلطان الحب والغرام موضوعكـ تحفه ورائع <<< ماجبت جديد ,, محاولت مني في جلب جديد , غير ماجاء به الأعضاء السابقين , حاولت بأن أفسر وأضع معاني بعض الكلمات الغامظة على البعض من خلال نصكـ :
إقتباس
موضوعنا لهذا اليوم يتحدّث عن عشقي وحبّي وهيامي وغرامي وكل خراطيش قلبي
خراطيش : مصدر رباعي من فعلل يفعلل فعللةً , أي خرطش يخرطش خرطشة , وتعني اللّي الواسع الموصل لدم القلب , نسبةً لخرطوش إلديتر السيارة الذي يوصل الماء ,,
إقتباس
تقمصت دور أميتاب باتشان وجيت عندهم وسحبت الهندي ووخرته من ساحة القتال
تقمصت : مصدرها فعلل من الوزن الرباعي , تقمص يتقمص تقمصًا , وتعني : خلع قميصه ولبس قميص غيره , وهي هنا تعني أن المشاغب انسلخ من شخصيته المعهوده ولبس شخصية المراد في الفيلم .
إقتباس
وكعادة أي فيلم هندي لازم يكون فيه زعيم عصابة , وهالزعيم يحفّ على حبيبة البطل
يحفّ : من حفّ يحفّ حفًّا , على وزن فعلل يفعلل فعللةً , وتعني : بلغ الغاية في الشهوة والبغية ,
إقتباس
ولأنه فيلم هندي .. جمعت بينهم الدنيا وشبّكها شبيه سوراج سلام سلام
شبكها : من شبكـ على وزن فعل , شبك يشبك شبكًا , وتعني : وضع عليها شبكـ خشية من الفحول الأخرى , لكي يكتفي بها لذاته ,,
إقتباس
وحنا مثل الدلوخ .. كفووووو .. والله أن امك جابت رجال .. جعلني لخفة
لخفة : تم البحث في مختلف كتب النحويين بصريين وكوفيين دون جدوى , حيث لم ترد إلا عرضًا في كتاب لإبن عصفور حيث أوردها ضمن استشهاده بكلام أحد أبناء فلاحين ضراس << ياحبي لكـ يابريماكس , وجعل مصدرها لخف يلخف لخفة , على وزن فعل يفعلل فعللة , وتعني عندهم أكله دفعةً واحده , فيقال للرجل الجائع ( أكل المرقوق لخفةً واحدة ) .
الله يقطع إبليسك المقاطع قويييييييه أنا بصراحه أشوف أفلام هنود.. لاكن هذي أفلام قديمه الحين تغيّرت أفكارهم صحيح إنه أحيان تمرعلينا بعض الحركات بس مو مثل قوّة هذي صراحه فيه افلام هنديه حلوه وتقطّع القلب واحب اتابعها خاصه لاصارت البطوله لسلمان خان أو هيرتك أو أبيهشك أو أرجون أو شاروخان هذولاعادي ينصبون علي اعديّها لهم وأحلى شي في أفلامهم الرووووومنسيه
قوية بحقك سلطان صاروا يسوون فحص لمواضيعك قبل ما تنزل
بلا هالأيام مخك مضروب جاري كتابة الرد _______________
أما المقاطع فقعت عليها من الضحك خيال مخرجينهم ( واسع ) على إن آخر فلم هندي شفته من قبل أزمه الخليج ، لكن من المقاطع اللي شفتها أعتقد إنهم على ( حطه يدي )
ولو تلاحظ العكس في هوليوود جميع مخرجي هوليوود سواء بأفلام الدرجة الأولى أو الثانية يتفقون بأفلام الرعب على ( خط واحد ) أعطيك مثال : نفترض إنك تتابع فلم مرعب وفيه ( مخلوق غريب نازل للأرض ) - أو ( حيوان متوحش ) .......... ( اللي هو أهم شئ إنه يآكل البشر ) لو تلاحظ إن هالمخلوق أو الوحش دائما يكون جالس بالغابة ، وما يطلع منها وبنفس الوقت بالفلم ببدايته لازم يكون فيه ( قروب شباب وصبايا ) بيطلعون لرحله برية!!. السؤال اللي محيرني وأتمنى إجابته من المخرجين : يعني معقوله كل وحش بأفلامكم ما يجوع!!. ويكون جالس بالغابة حاط يده على خده ينتظر إجازة نهاية الأسبوع أو إجازة الصيف علشان يآكل آحد!!. طيب يا حبيبي خله ينزل المدينة ، حاول تغير بالفلم ، جب شئ جديد!!.
يعني ما فيه أحد من الكتّاب في بوليوود أو هوليوود يحاول يلفت نظرهم إن الأمور هذي ما صارت تعدي على البشر!!.
أو ماخذين فكرة إن الجميع ( تمشي عليه هالأمور )!!.
السلام عليكم ورحمة الله وبركاته ..
( ردي لمشاغب )
الافلام الهنديه اللي تعرض على زي افلام عمرهااا يقارب 20 سنه اذا مو اكثر وماتقدر تحكم على سينما قديمه . . بعكس اللحين تطور حتى بالقصص انا لست من محبين الافلام الهنديه .. لانهااا بعيده اتم البعد عن الحقيقه مع انهااا تتركز ع الرومنسيه فقط
( ردي لمواصل )
انت تقصد فلم friday 13 صح هالفلم قصته جايسون ينتقم لوالدته لمشاهدته قتلهااا امامه .. وطريقة انتقامه تكون بقتل ضحايهااا واحد تلو الاخر .. مع العلم انه متشوه بحيث يفرض علينا مشاهدته بقناع >> بصراحه حجه حلوووة + ابداااع في الشخصيه
وبعدين الشخصيه بشر مو حيوووان ياكل انسان الشخصيه فقط انتقااام لاغيرمو اكل .. والانتقام فقط للي يدخل معسكر كريستال
اللي ما يحب الأفلام الهندية .. هو بكل صراحة شخص عديم المشاعر .. فاقد الأحاسيس .. كريه .. جبان .. نكرة << هذا الوصف برعاية الاتجاه المعاكس
امااااا عاااد عديم المشاعر مرره وحده الله
إقتباس
ويحمدون آلهتهم أنها جمعتهم بعد ما ماتوا ثم يتذكرون من اللي ذبحهم ويقررون الانتقام منه .. وفعلاً يقتلونه عشانه قتلهم ذيك المرة
افلام هوليوود متنوعه صح فيها شي من الكذب الابيض بس مولدرجة ان يموت ويرجع يعيش ولا ينتقم كمان خخخخخخخخخ اما فلم ...
إقتباس
بس الحين بعد ما كبرت وصرت أشوف الأفلام الهندية بديت أحس أني كنت سخيف ومنحط وقليل عقل
يعني توافقني الرأي
إقتباس
لعنبوا غيرهم .. تجي العصابة وتهجم على البطل ويربطونه بسلاسل , وزعيم العصابة ياخذ البطلة على هيلوكبتر عشان يعتدي عليها مثل ما يجي في الترجمة
ولما يوصلون منطقة مهجورة ... يكون البطل فك السلاسل وفقّع وجيه العصابة ثم ركب دباب ..!
ما يمدي زعيم العصابة يدف حبيبة البطل أو يسوي معها حركات كبار إلا ونشوف البطل يرفس الزعيم ويبدأ معها الأكشن ..!
وحنا مثل الدلوخ .. كفووووو .. والله أن امك جابت رجال .. جعلني لخفة
ههههههههههههه
وكله فقير قوي يحب بنت الاغنياء ويسوي المستحييل عشان يتزوجها
إقتباس
لكن عاد مو لهالدرجة تضحكون علينا
ضحكت لييييين ماشبعت
بصراحه انا ماشفت المقاطع..لأني عارفه كلها كذب×بكذب<<<<ياشيخه
و كريستين دنست 
ffice" />
الوضع العادي
