|
طيب من قالك ان لاعبين المنتخب ماراح يتواجدون بالمعسكر ولا تبي نتعاقد مع لاعبين عشان يشاركون بالمعسكر |
إقتباس:
انا لم اقل ان لاعبى المنتخب لن يشاركون انا قلت ان لاعبى المنتخب لن يكملوا مده المعسكر وربما يتم استدعائهم فى اى لحظه شكرا لك |
إقتباس:
يالغالي من الصعبة ان كل الاعبين يغادرون الى المعسكر كذا بيصير زحمة في المعسكر عوافي ،، |
الطامه الكبرىا .. ان الاعبين الذاهبين لمعسكر البرازيل 10 منهم راح يغادرون نادي الهلال .. |
هذه اسلحتك ويجب ان تحارب بها فيه اكثر من لاعب انتهت فترة اعارتهم وبيرجعون مع الهلال |
السبب في انك وصلت لهذه الحسبه بسيط جدا وهو انك تفترض افتراضات من عندك وتتحدى بالمواضيع المثبته انها غير صحيحه والافتراضات التي من عندك هي تنسيق 8لاعبين بناء على اخبار من الصحافة رغم ان الاداريين قالوا لك رسميا انه لن يتم التنسيق او الاعارة الا بعد المعسكر لرغبة المدرب الاطلاع على مستويات جميع الاعبين والموضوع مثبت اعلاه من المركز الاعلامي بتصريح من مدير عام ادارة كرة القدم وسلامتك . |
إقتباس:
صدقت يالغالي للاسف الموضوع بالكامل مبني على افترضات وتاويلات وليس على اخبار من مصادر رسمية من النادي هدفها اثارة الجمهور على الادارة فقط ،، عوافي ،، |
والله ياخوي الاداره أبخص ويعرفون شغلهم زين وراح أذكرك الموسم الجاي بإذن الله |
أخي العزيز الناقد الصريح المعسكر لم يبدأ إلى الآن ولم تعلن الأسماء المشاركه فيه لذا أرى أنك استعجلت في طرحك لهذ الموضوع ولم تبنيه على أخبار صحيحه بل على أفتراضات من مخيلتك والأسوا من ذلك أنك تحاول أن تثبت أن الأخبار المثبته غير صحيحه بينما أفتراضاتك تصر على أنها صحيحه رغم أنها مجرد افتراضات ولم تكن بالدليل كما زعمت في عنوان موضوعك |
اسمك الناقد الصريح تكلم وقول اللي براسك على بلاطة اعرف من تقصد بكلامك لكن اترك الادارة تعمل انت و بعض من جماهير الزعيم ينحني منحنى خطر في تأجيج الجماهير على الادارة و الطاقم الاداري ارجوك ثم ارجوك ثم ارجوك اتركوا الادارة تعمل وعليكم بالوقوف معها و المساندة وعليكم بالوقوف معها و المساندة وعليكم بالوقوف معها و المساندة |
الله يعطيك العافيه يالناقد الصريح تمنايتي للهلال بالتوفيق |
والله اني ماني متطمن السنه الجايه الله يستر لانه وبكل بساطه يكررون اخطاء العام بطريقه ثانيه بس بتغيير المسميات المدرب الكل بالكل وصار ظرف وراح ولا قدرو يحلون شي . والحين المدرب معطى 100% وياليته كان من زمان مع الهلال عشان اقول يستحق الــ 100% من اربع سنوات والمهاجم الصريح لا يوجد بالهلال (مهاجم عليه القيمه) وهم يقولون الفتره الثانيه اذا احتجنا مهاجم نجيبه؟؟؟ والعام قالو مانقدر نجيب مدرب المدرب الممتاز معه نادي ما يوجد الا عاطل او مفلس والمهاجم نفس المدر ب بس تناسو انها نفسها يعني فيه مهاجم عليه الكلام يتخلى عنه ناديه الفتره الثانيه ويجي للهلال؟؟؟؟؟؟؟ ما اقول الا الله يستر بس |
::السلام عليكم :: اخي العزيز / الناقد الصريح :rose: انا ملاحظك من فترة ليست بالقصيرة وانت ماغير تحوم تسبودنا ,, كل يوم منزل لك 4 - 5 مواضيع ,, ترا ماصارت ياخوي ,, الدعوة مهيب ترص لك كم كلمة وتعتبر نفسك ناقد ,, المشكلة اني كنت من اشد المعجبين بمواضيعك اول قبل لا تعلن التوقف عشان ظروفك ,, بس للاسف من رجعت للكتابة ومواضيعك كلها ضد الادارة ,, انا مدري اذا فيه شي بينك وبين الادارة ياليت تخليه بينك وبينهم وما تغث خلق الله فيه ,, امرك غريب ياخي ,, تتهم الادارة بالبخل مع انها دفعت في موسم واحد مالم تدفعه ادارة اي نادي سعودي ,, بس للاسف ان اوجه الصرف ما وافقت هواك طال عمرك ,, بعدين مرة تطالب الادارة يجيبون لاعبين محليين ,, ومرة اجانب عليهم القيمة خصوصا في خط الهجوم ,, ومرة تطالب بتصعيد الشباب ,, عمى اجل وش بقيت من لعيبة النادي الاساسيين ,, بعدين والله لو الادارة مالهم شغلة الا انت يلبون طلباتك كان ما امداهم يلحقون ,, ارفق وانا اخوك ترى الركادة زينة ,, قال رسول الله صلى الله عليه وسلم : (( ان الرفق لا يأتي في شئ الا زانه ,, ولا ينزع من شئ الا شانه )) ,, اتمنى اخي العزيز انك تتقبل وجهة نظري بصدر رحب ,, وترجع لنا اطروحاتك زي اول عقلانية ,, :rose: |
إقتباس:
انا كل مواضيعى تصب فى مصلحه الهلال لعدم وجود التطبيل والنفاق فيها لان الذى يهمنى هو الهلال فقط اما باقى الاشخاص فهم راحلون لا محاله والهلال سيبقى طويلا الا ان يشاء الله موقع الزعيم عودنا على الحريه دون التجريح او السب انا قلت وجهه نظرى اعجبتك اهلا وسهلا وان لم تعجبك لا يستحق ان تذكر كلمه ( عمى ) و ( تغث خلق الله ) و ( ترص كم كلمه ) فى ردك لان هذا الكلام عيب والله اتمنى منك الاعتذار لأن سياسه الموقع لا تسمح بذلك تحياتى لك |
تتحمس واجد يا الناقد الصريح :d الطاقم المرافق هو مدير الفريق ومساعده + شخص مسؤول عن الأمانات ومرتبط بالرئيس مباشرة وطاقم الجهاز الفني ( بأكمله ) وفريق العلاج ( بأكمله ) والعمال المرافقين ( لا يتعدون اثنين ) والمراسلين من المركز الإعلامي والموقع كل الأسماء تتعلق في الفريق الأول ما عدا الشخص المسؤول عن الأمانات والمرتبط بالرئيس مباشرة والمراسلين وهذا عددهم ثلاثة فقط أما غير ذلك فهم من الفريق الأول بغض النظر عن كل ذلك أحنا كجمهور وش علاقتنا بالموضوع ما دام برنامج الفريق يمشي تحت سير إدارة الجهاز الفني واشرافه !! |
| الوقت المعتمد في المنتدى بتوقيت جرينتش +3.
الوقت الان » 02:27 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd