كل واحد يخش ويعطينا جدول العطله الصيفيه!!!! - نادي الهلال السعودي - شبكة الزعيم

@@الفارس@@ · #1 15/06/2009, 01:26 AM

بسم الله الرحمن الرحيم
السلام عليكم ورحمة الله وبركاته
العطلة قرررررربت

... عساها دووم قريبة
الناس ماتعرف ايش تسوي به.

.
وين تقضي وقت فراغها فيه؟؟ والفراغ يذبح هههههههههه

اللي ابي منكم كل واحد يدخل يقول ايش برنامجه في العطله؟؟

والتخطيطات اللي ناوي يسويهاااااااااا؟؟
وجدوله اليومي بالعطله
عشان نفيد ونستفيد من خبراتكم؟؟؟

yasser-we-bs · #2 15/06/2009, 01:32 AM

والله ودي استانس بالعطلة بس للأسف

بما اني طالب في كلية الهندسة ومعروفة انها سهلة >>>>>>>>يقال اني جايب في المعدل 5 ههههههههوالله من الفقش

والهندسة تبي انجليش <<<<<<قصة حياتي

في العطلة بكون نظامي كاالتالي:-

1- باخذ ترم صيفيي.......حارررررررررررررررررررر الجو

2-دورة انجليش.......مع الحر بطلع غراب انجليزي..

3- يمكن اخش مع اخوننا المستقيمين للمركز....شباب اللي فاضي لايخلي المركز والله اني مو مستقيم بس انه مرررررة حلو...

4- لازم نسافر طبعاًً...

تقبل مروري

Meme · #3 15/06/2009, 01:54 AM

جدولي في العطله بنسافر مباشره او ل من خلص اختبارات الى سوريا وبنجلس فيها 3 أسابيع
وودي ادرس بدار تحفيظ او ادرس واراجع كتاب الله الكريم
وودي انااااااااااااااااااااام واسوي ريجيم هع هع ياربي وش بعد <<<< جالسه افكر
وبشهر رمضان باذن الله ما اقطع صلاة التراويح في المسجد
هذا ما افكر به حاليا واول ماتبدى الاجازه بسوي جدول بس بيكون اغلبه لعب في لعب هع

اختكم ميمي

ربطـه و شبـاصه · #4 15/06/2009, 02:12 AM

هلا بك أخوي < الوردة بعد بس مدري وش جابها قبل

أنا تحطمت من التخطيط ولا عاد بخطط مره ثانيه :/
لأني طموحه زياده ، أسوي لسته وش طولها وتنتهي الإجازة وانا ماسويت ولا شي

الحين صرت أخلي يومي عفوي ، باستثناء السفرات : قول وفعل

الله يسعدكم بالإجازة ويوفقكم قبلها بالاختبارات

A L 7 Z N · #5 15/06/2009, 02:14 AM

انا الظاهر اني بنطق بالدوادمي

لآن زواج اختي في شهر سبعه

والمركز يقولون لي بتمسك رائد اسره ( والله قلق

) لكن أجر ان شاءالله

واخر العطله يمكن اسافر للغربيه وللجنوب

متآبعه بصمت · #6 15/06/2009, 02:30 AM

الصيفية بإذن الله بتكون فلّة حجاج

بس وين وكيف ؟! الله أعلم

أنا عن نفسي ما أفكر حاليا ألا بالنجاح فقط

شُكراً أخوي ,

إحساس خالد · #7 15/06/2009, 02:51 AM

ابفضفض ياناس

اباخد ترم صيفي وانزل اسواق ماليه اخر ماده واتخرج

وابمغط نفسي بالنادي ابطيح الخمسه كيلو الزايده

واكيييد في نهايه شعبان (( اذاخلص الترم الصيفي ))

نشوف الشرقيه مع الشباب يقولون فيها علم(ن) طيب

واكيد مابين هذه وتلك

بسافر للقصيم مع الاهل

---------

وبعد الاجازه الوكاد ابكون فاضي لاشغل ولا مشغله

اباخذ لغه ENG في السفاره البريطانيه

مع شويه تطوير ودورات

وعلى الله اتوظف

@@الفارس@@ · #8 15/06/2009, 03:09 AM

مشكورين على الردود
ونطمح بردود اكثر

..departed.. · #9 15/06/2009, 05:00 AM

أولاً :بما أني أتخرج الترم القادم لازم آخد ترم صيفي

<< الله يعين على الحرررررررررر

ثانياً : دورة انجليزي عند المركز البريطاني .

ثالثاً : السفر الصيفيه هاذي على حسب الإتفاق مع الشلة بتكون صلالة

وبس .

المجازف الازرق · #10 15/06/2009, 05:06 AM

إقتباس


	كل واحد يخش ويعطينا جدول العلطه الصيفيه!!!!

حاليا أفكر بالنجاح فقط

ولا نجحت ربك يحلها

لك

وسن الهلالية · #11 15/06/2009, 05:43 AM

انا عن نفسي ببدأ اكمل كورسات الخياطة والتفصيل
وتصميم الازياء
عشان ابغى على الاقل الحق دورات السنة الدراسية الجديدة
طبعا في رمضان اكيد قراءة قران وصلاة تتراويح

أحمد الهلال 20 · #12 15/06/2009, 09:05 AM

الحمد لله برنامجي

كوره في كوره

ليل نهار

>>هلالي<< · #13 15/06/2009, 10:44 AM

انا بدخل اكاديمية الفيصل اول شهر

والباقي ادور نادي رياضي يقبل عمر 15

9هلالي قصيمي9 · #14 15/06/2009, 12:06 PM

انا ما افكر الان الى اني انقبل بجامعه
واذا انقبلت راح تصير الصيفيه فلللللللللللللله
اما اذا قدر الله وما انقبلت >>الله لا يقوله تكفون ادعولي انقبل
فراح تصير عطله نكد في نكد
والله يوفق الجميع

الشلهوب الموهوب · #15 15/06/2009, 01:03 PM

الطفران مثل حالتي يجلس في الرياض ويداوم ويستمتع باجواء الرياض الصيفيه