|
بــقاء محمد الدعيع ليـس من مصلحة الهلال..!-الا اذا السلام عليكم مثل ماقريتو بالعنوان الدعيع اذا استمر في الهلال فهو ليس من مصلحة النادي السبب ليس في مستوى الدعيع بل الدعيع يقدم اداء ولا اروع ويحسد عليه لكن مثل ماشفنا الدعيع طول الموسم هو الحارس يمكن مبارتين او مباراة ماحرس فيها مايبون يجرحون او يشككون الدعيع في قدراته اذا حطوه احتياط ولو مباراة واحده لكن اذا اعتزل الدعيع!! فهد الشمري بدر الدعيع يكون مستواهم وكانهم اول مرة يلعبون بكذا حراس الهلال زفت وندور حارس مثل الاتفاقيين اعتقد كلامي مافيه شي خطأ..؟! لكن الا اذا..!! قريتس اعطى الثقة لشمري >>اللي ندمر موهبته بايدينا واشركة في 4 او 5 او6 مباريات دورية ((في الدوري)) حتى لوكانت امام الاتحاد او الشباب الشمري قادر انه يحمي العرين الازرق في مثل هذي المباريات واقسم ان الشمري افضل من وليد عبدالله من كل النواحي ماعدا الطول لكنه اصبح اسير لدكة البدلاء نقطة مهمة:- ليس من العيب ان يكون الدعيع في دكة الاحتياط لبعض المباريات او لانه اذا صار بديل يكون مستواه هابط واذا الهلال ماغير شي بشان الموضوع اللي تكلمت عنه راح تصير مشكلة الهلال بالحراسه مثل الظهير الايمن الان ويمكن تكوون اكبر من مشكلة الظهير.. . . ادعولي وادعوا للزعماء في الامتحانات |
ياأخي الحارس ثابت في اي فريق في العالم شوف المان يونايتد او اليوفي ؟؟؟؟؟؟؟؟؟؟؟؟؟؟؟؟؟ |
اخووي عبد الله الحارس ثابت ما قلنا شي وكلنا مثل قال الغالي الدعيع يقدم مستويات كبيره بس بصراحه لابد نعطي الشمري فررصه يعني موب معقوله من يوم ما جا ولا لعب الا مباريات تنعد على الاصابع وغير كذا الشمري اثبت وجوده فتره خياليه بالتوفييق للهلال |
فان دير سار من سنة كسر المواسير وهو يحرس المان يونايتد وماحد قال دمرو الاحتياط بالفريق هالنغمة مانسمعها الا هناااا صدق ناس ماتحمد ربها احمدو ربكم عندكم محمد الدعيع غيركم يتمنى يحرسلهم لو دقيقة على فكرة الحارس الاحتياط يشارك في البطولات غير المهمة لكن هنا كل بطولة تساوي كأس العالم عشان كذا الفريق مايقدر يمنح الاحتياط فرصة عندنا شعب مايرحم اي لاعب يخطئ |
كلامـك صحيح شاكر لـك |
اخوي كلامك صح الصح فعلا حنا بحاجه اننا نعرف جاهزية احتياطنا الحراس الدعيع اخطبوط القاره الاسويه ما عليه غبار الله يحفظه ويطول بعمره من حق الحراس انهم يلعبون والحارس مو شرط يكون اساسي على الاقل يلعبون في المبارايات المو قويه |
السلام عليكم ورحمة الله وبركاتة :mad: ممكن اطلبك طلب ...؟؟:ranting: ادخل موقع الفيفا اليوم وشف وش كاتبين عن الدعيع... احنا نطالب بدخول الدعيع قائمة المنتخب لكي يحصل على شرف اللعب بكاس العالم ولو لمده دقيقة لخمس مونديالات ..وانت تطالب بدخولة كراسي الاحتياط عشان الشمري ما يتعقد يالحنووووون....!! الدعيع بمستوى ثابت والشمري يكفية انة يدرب مع الدعيع وهالشي رح يخليه خليفة الدعيع اذا فعلا حاول يستفيد منة ... مثلا لو لعبنا الشمري ... هل تتوقع هذا يأثر على المدافعين بزود او بنقص وانت فكر فيها... لاعبي الهلال يلعبون وهم ظامنين ان وراهم سد منيع ولا يخافون علية والشمري المستقبل امامة وترى الدعيع مالة مع الهلال عشر سنوات حتى ماكملها .يعني فهد لاحق خير بس يحفظ اساليب محمد لين يحتاجة الهلال.. عندي سؤال يدور بخاطري ... كم عدد بطولات محمد الدعيع مع الهلال والمنتخب...؟؟؟؟ اتوقع اي حارس يسمع الرقم رح تصيبة غيبوبة:to: وهستيريا :s5s: لأنة بيحس انه يطرد سرآآآآب... فعلا لي العزه ولكل من لعب مع الدعيع الفخر بكونة تشرف باللعب مع اسطوره من اساطير حراس العالم... |
هلا بك اخوي اعتقد بأن الشمري سيأخذ الفرصة كاملة في الموسم القادم بعد تعديل النظام الجديد لبطولة فيصل بن فهد !! اما الدعيع فمازال قادرا على العطاء على الاقل لموسم واحد ولكني اتمنى كما تمنى اخوه عبدالله ان يعتزل وهو في عز مجده الكروي سواء بعد سنة او 10 المهم ان لا ينتظر الا ان يصبح غير قادر على حماية العرين الهلالي !! دمت بخير |
انت ضحـيـــه من ضحــايــا الاعــلام وأثــر عليــك الدعيــع خـبره حراسـه والكل يتمـنــاه .. بالتوفيق للزعيــم |
اتمنى الزج با عبدالله السديري في شباب الهلال فهو خير خلف للكابتن محمد الذي قالها اخوه الكابتن عبدالله ان الموسم القادم اخر موسم له .. اتمنى توصيل هذا الكلام الى سيدي صاحب السمو الملكي الامير عبدالرحمن بن مساعد ال سعود تحياتي لك ولنظرتك الثاقبه |
الله يوفق الهلال مع الشمري او بدونه بس انت صدقت لازم الشمري ياخذ فرصه ويمكن ياخذها في المباريات الوديه لاننا عندنا حارس يعتمد عليه في الحراسه ودفاع والله ok |
موضوع حلو لكن زي ماقال الاخ الحراس ثابتين في كل اندية العالم لكن انا اشوف لو يخلي الشمري يحرس في بطولة الامير فيصل وبعدين الحين في هالوقت ماعندنا مشكله بالحراسه يعني لنا كم موسم ماشفنا مشكله واضحه بالحراسه سواء بالدعيع ولا بغيره take care |
يا خي الدعيع صعبه تخليه احتياط والسبب ان فيه حارس ثاني يبي الفرصه بس الحل الصحيح انك تجدد معه لفترة طويلة وتعيرة لنادي مثل الاتفاق او القادسية وبكذا تكون حافظت عليه وخليته يمارس الكرة في نفس الوقت وبالنسبة لبدر الدعيع النظام الجديد بيكون كافل له بحيث يلعب مباريات كاس الامير فيصل بن فهد ..... تقبل مروري .. الضرغام الازرق |
إقتباس:
صدقت فان دير سار حارس المان يونايتد من 8 سنوات تقريباً ولكن اسمحلي بسؤال بسيييط وجوابه بيقنعك ويقنع كل من فكر مثلك .... بالدوري السعودي هل مسموح تجيب حارس اجنبي محترف ؟؟؟ طيب بالدوريات الاوروبية تعتقد يعتمدون على حراس النادي المحليين ..؟؟ الجواب بديهياً معروف بالاثباتات والأدله طيب خلنا من الاسئلة اللي راحت وبقولك معلومه يمكن تخفى على الكثير وهو رد على كلامك فريق برشلونه الاسباني أقوى فريق بالعالم هالسنه شارك ببطولة كأس ملك اسبانيا بحارسه الاحتياطي مكان فالديس .. ليس لضعف فالديس وانما ليعطي الثقة للحارس ... ومع 1لك كان علامة فاااارقه في تحقيق برشلونه كأس ملك اسبانيا واوقف انفرادااات وفرص محققه وليست اشباه فرص وكلنا يعرف قوة الفرق الاسبانية ... واثنت الصحافة الاسبانية على خطوة المدرب جوارديولا ..!! عموماً ياكثر ماقريت بهالمنتدى مقولة لا تاخـ1كم العاطفة خصوصاً من ادارة المنتدى ..!! وانا الحين اشوف الكل بالمنتدى ادارة واعضاء متعاطفين جداً مع اللاعبين كأسماء واولهم الدعيع وينسون ان الهلال لا يقف على أحد ومن مصلحة الهلال الثقة بلاعبيه الشباب لمستقبل قوووي وليس بلاعبيه كبار السن فهد الشمري لو ياخ1 فرصته بمباريات كأس ولي العهد على سبيل المثال كامله كافيه انها تخليه على قمة هرم حراس المملكة وتعطيه ثقة مايحلم فيها اي حارس ثاني |
. . ادعولي وادعوا للزعماء في الامتحانات[/QUOTE] الله يوفقك وينجحك ان شاءالله |
| الوقت المعتمد في المنتدى بتوقيت جرينتش +3.
الوقت الان » 03:00 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd