|
من نلوم في هذا الزمان ... (((بسم الله الرحمن الرحيم )))) السلام عليكم ورحمة الله وبركاته .. حياكم ربي وبياكم وجعل الجنة مثوانا ومثواكم .. قد يكون موضوعي غير مهم للبعض ولكنه متعب فكري بعد مناقشة مع الزميلات .. بعد عدة أيام تبدأ الإجازة للطلبة والطالبات ويبد أ الأهل يسمعون كلمة ..يوووووه طفش !!مع أنهم قبل كم يوم يتمنون لوتبدأ الإجازة ويرتاحون من الدراسة !!!عجباً لهم الله يهديهم ... كنا في الزمن الماضي عندما تنتهي الإمتحانات نشعر بسعادة كبيرة ونشعر براحة أن الهم إنزاح والآن اليوم تنتهي الإمتحانات ومن ساعتهم يبدأ التأفف لماذا ؟؟؟ هذا الأمر لايكون في البيوت التي أنعم الله عليها بالتنسيق والتفاهم الأسري لأنهم مرتبين كل الأمور ويقدرون مسئوليتهم تجاه أبنائهم وقد وضعوا جدول للإجازة ولا ننكر أبداً أن أهم شيء أن يكون فيه تغيير للروتين ويكون تغيير للمكان وهذا يحصل بالسفر وكل أسرة حسب إمكانياتها في وجهة السفر للحرمين الشريفين أو لأحد المصايف أو لمكان قريب مثل الشرقية ... ولكن من كانت جهت عمله لم تمنحه إجازة ..أو ميزانيته لا تسمح بالسفر وأولاده صغار في المرحلة الإبتدائية و المراكز الصيفية بعيدة عن سكنه كيف يرفه عن أولاده ... إحدى زميلاتي تقول رفضت جهة العمل( شركة) منح زوجي إجازة أسبوعين وقد طلبها بدون مرتب لأجل أطفاله ورفضوا؟؟؟؟تقول أهلي يسافرون وأخواني وأخواتي وحتى أهل زوجي ونحن لا !!!!وقد أقترح زوجي أن يعطيني التكاليف وأذهب مع أهلي ولكني رفضت !!!قلت :لماذا ؟؟؟ قالت :كيف نتركه لوحده ...نذهب سوياً أو نبقى سوياً ...ولا أريد أن أكلف على أهلي في تحمل المسئولية .. أنا أقترحت أن تنظم برنامج كل يوم بعد عودته من العمل أن تخرج لمكان معين يكون فيه ترفيه عن الأولاد أو حتى لو يوم بعد يوم ..قالت :لا نستطيع يعود من العمل منهك وينام وبعد الإسيقاظ يبقى في المنزل لايحب الخروج لأنه متعب من العمل الميداني ... حقيقة أنا أشفقت على أطفالها .. من نلوم ؟؟؟؟هل نلوم الشركة التي رفضت منحه إجازة !! أو نلوم هذه الزوجة (مثلها كثير) التي رفضت أن تذهب مع أهلها !!!! أو نلوم .........هل لديكم جدول للأولاد والبنات كيف يقضون إجازتهم السعيدة ؟؟؟؟ رجاءً لانريد سلبية في الحل (الملاهي ليست حل) ... يحفظكم ربي جميعاً .....ويسعد أوقاتكم وينجح أحبابكم أميين .... |
الله يكون في عون صديقتك إن شاء الله و بعدين و ش ذا النذاله في ذا الشركه :ranting: انا أقترح لو يشتركون الاطفال في نادي ع الاقل يتسلون ... أما من ناحية يكون الواحد له جدول في الرياض في ذا الجو الجميل ما أتوقع:d يعني هو مافيه الا شيئين مطاعم ومول بلأضافه الى الثمامه :d وفي النهايه يازين الاجازه وبس:smilie47: مشكوره الضحى ... |
* * وعليكم السلام والرحمة والإكرام , يا مية هلا وسهلا بالأستاذة الضحى :ba1: قبل كم يوم كنت اتساءل .."وين مواضيع أستاذة الضحى؟" واللحين ما صدقت أشوف موضوعك وكالعادة رائع , :yes: ** للأسف هي مشكلة في الحقيقة كون الأب لا يحصل على إجازة في الصيف ! :( :upsetw: والأبناء بحاجة للمتعة والترفيه بالإضافة للفائدة طبعاً , حقيقةً أستغرب من قرار الزوجة من عدم السفر مع أهلها .. طيب أنا عندي حل : جزء من الإجازة تسافر فيه مع أهلها وجزء آخر تبقى فيه مع زوجها :yes: أما بالنسبة للتمشيات والطلعات فــ تطلع هي والأطفال وش المشكلة ؟ :yes: وممكن ايضاً , طالما أنها هي فاضية .. تعمل جدول ترفيهي و تعليمي للأبناء بنفس الوقت . أذكر لما كنت صغيرة كان جدولنا الصيفي مُزدحم بالأنشطة الي تخطط لها ماما :wub: مافي مانع ترتب وقت لـ حفظ القرآن , و الأنشطة الحركية بما فيها الرياضة , وألعاب التسلية الأخرى ويتضمنها أفلام الكرتون و الكمبيوتر :yes: يعني لو كنت أنا مكانها - الله لا يقولها :d - فهذا هو الحل الي بتبعه :rolleyes: :gb: الله يجزاك خير مُعلمتنا الفاضلة , مودتي * * |
وعليكم السلام ورحمة الله وبركاته .. الله يحييك .. والله اختي صراحه نلوم انفسنا:yes: , لأننا شعب يفتقد لتنظيم الوقت بصراحه .. الأجازه تبدأ وتخلص وما سوينا شيء ينفعنا كلها فرفره بهالشوارع << ما يتكلم عن نفسه ابد :d اكيد مو كلنا كذا طبعاً البعض , لكن جد والله الأجازه ثلاثه شهور تمر بغمضة عين :s5s: .. والواحد منا قبل الاجازه يحط لها قائمه فيها مهام مثلاً انا بدخل دوره معينه او احفظ جزء من القران وتلقى الأجازه بدأت وخلصت وما سوا أي شي .. اعوذ بالله تقول الوقت ما فيه بركه :s5s::cry: بالنسبة للرجال ألي ما عنده اجازه يحاول يطلع عياله لو على الأقل في الويكند لمدينة قريبه لتغيير الجوو على الأقل .. او حتى في ايام الأسبوع يتعشى هوو عياله برا البيت أهم شي يطلعون من البيت :yes: .. واذا مرا ما قدر يجيب بلاستيشن ويلعب معهم :d .. يعطيك العافيه الضحى .. |
أهلا بالمربية الفاضلة الضحى :smilie47: أول شي أحمل الاب مسؤولية عدم تسريح مرجعه له لأنه لو قدم على إجازته بدري كان عطوه ما علينا لو تفتح عمل الشيطان إذا نظرنا للموضوع بالتخصيص في زميلتك حفظها الله لك فإن هناك العديد من الحلول الايجابية للترفيه وقضاء عطلة الصيف بشكل ممتع ذكرتي أن الزوج على استعداد لدفع تكاليف الصيف وهذا يعني إنهم الحمدلله ما عليهم قصور يعني بإمكان الاب إدخال أبنائه إلى نادي صيفي أو معهد لغة ينفعهم إذا ما كبروا وبالامكان أيضا الدمج بينهم يعني في الصباح يروح للمعهد والعصر يروح للنادي و في الليل يلعب بأحد أجهزة الفديو قيمز اللي وفرها له الوالد بسبب إنه حس بتأنيب الضمير لأنه ما سفر أولاده ومشاهم :to: و بالامكان أيضا تغير النشاط كل فترة مثلا الخميس والجمعه يكون هناك سهرة عائلية إما في المول أو في الملاهي أو حتى في البيت بعدين بإمكانك أنتي عزيزتي الام ان تجعلي البيت شعلة من الوناسة مثال / لو كان عندك ابناء في سن العاشرة و أكثر أقيمي بينهم مسابقة في الطبخ تحت اشرافك :to: والاب راح يكون الحكم وأتوقع إنه مجبر للخروج ليجلب لكم عشاء زي العالم وبالتالي رح تقدرون تخرجون معاه لو تجيبون عشاء من المطعم القريب اهم شي طلعه :s2: سوي مسابقات بين الاولاد وفيه الكثير من المسابقات النافعه خاصة للأولاد من سن السابعه إلى الثالثة عشر << أقول ما ادري على ايش جالسه اتفلسف وكأني مشرفة اجتماعية :s5s: ادعي لي بس ربي يوفقني باختبار بكره وانجح واعطل |
،، ،، هلا بالمربية الفاضلة :rose:.. أشكرك على موضوعك الجميل .. تصدقين في الإجازات مافيه جدول تمشي عليه العائلة .. أو يمشي عليه الشخص كل لخبطة في لخبطة :d.. لكن تصدقين الإجازات ملحها في إستهبالاتها .. كل يوم تقوم ..ما تدري وش تسوي ! |
إقتباس:
هلا والله بسعادة الأستاذة مربيّة الأجيال الفاضلة : الضحـى :yes: بالنسبـة للإجازة أتوقع في علاقة عكسية بينها وبين تنظيم الوقت يعني الإجازة مايصلح نسوي جدول عشانها ونخطّط وش نسوي فيها :d وإلا ليش إسمهـا إجـازة !! بصراحة حلاتها تعيشها كما هي نظام خرابيــط !!~ يعني سهر وفلّة ومتى ماحبيت ترقد إرقد وإذا بغيت تطلع إطـلع انا اشوف متعتها كذا :naughty: يعني معليش الواحد مايصدّق يخلص من المدرسة ويفتك عشان يقعد يكتب جدول للعطلة ..؟ أبي افهم وشلون جدول يعني كذا !! *** السـاعة الثامنة صباحاً ==> رحلة إلى حديقة الحيوان :d:s5s: الساعة الواحدة ظهراً ==> وقت الغداء s121s الساعة الثانية ظهراً ==> أخذ قيلولة حتى موعد صلاة العصر الساعة الخامسة عصراً==> رحلة إلى بيت جدتي :s2::s5s: أهــدى من كذا عاد :dizzy: تخيّل اسوي جدول وأعلقّه على الجدار :to: *** طبعاً أنا هذا رايي ومو شرط يكون صح لكن هذا اللي اشوفه إن الإجازة فرصة إن الواحد يرتاح ويرفّه عن نفسـه شوي ويعيش جوه !!s121s وبالنسبـة لأولاد صديقتك أنا اشوف لو يدخلهم ابوهم نادي رياضي أو ترفيهي,, راح يفلونها وفي نفس الوقت يستفيدون .. وإذا جاء موعد الويك إند إستراحات الحزم ماقالت شيء :smilie47::d يطلع مع عياله رحلة إستجمام وينادي معهم عيال أقاربه اللي بنفس سنهم يلعبون معهم وخلصت القصة وملصّت وجت القطيوة وتعنفصت :s2:s121s يوم خلصت الرد وجيت بنزله قريت هالجملــة إقتباس:
بعدين وشلون الملاهي مو حل يعني طول السنة كرف في كرف :s5s: بالفهــم والإستيعــاب :rose: |
*** أهلا أختي .. موضوع جميل و الأجمل اشراقتك لنا .. :ga: أنا لن ألوم زوجته أو الزوج أو الشركة .. ! و لكنني سوف ألوم العمل الذي يعمل فيه الآن :yes: فعلى ضرب المثال , والدي يعمل طبيب , و لا يجد إجازة له إلا في الإجازة :s5s: الصيفية وهي تكون الإجازة قبيل شهر رمضان بقليل في العام الماضي طبعا .. :ba: و أما الأعوام التي سبقت تكون قبل المدارس بأسبوع واحد , و هذا ما يعني أن الإجازة أوشكت على الإنتهاء , ولن يستمتع أحد بالسفر ذلك الوقت .. :s5s::smilie47: لكن ما أود اقتراحه , هو تخصيص ثلاثة أسابيع لكل طبيب ( في أوقات متراوحة ) :yes: إجازة له من العمل الشاق , فهناك بعض الآباء كبار في السن , ويريدون الجلوس لو لأسبوع واحد مع أهلهم , ألهذا السبب نسيتم رحمتكم .. :cry: *** |
اولاً : وعليكم السلام ورحمة الله وبركاته ثانياً : صح والله احنا شعب مو منظم بس تدرين بيني وبينك (حلو أحياناً) ثالثاً : اما عن زميلتك ماشاء الله عليها والله لو اني منها اروح مع أهلي نص الإجازة والباقي مع ابو العيال .. بس لام كل بعد يومين على الإقل يطلعون من البيت علشان العيال يستانسون ... بالاخير ... شكراً على موضوعك الحساس |
وعليكم السلام والرحمه اختي الضحى:smilie47::smilie47: موضوع مهم والله وفعلا من تخلص الامتحانات يبدي الملل خاصه للشباب اللي كل مكان لهم ممنوع .. واللي مايقدرون يسافرون او الاب مايقدر ياخذ اجازه مع عياله .. والمشكله تبدي من الملل وجلسة البيت خاصه للبنات .... الله يهديهم ويثبتهم يارب مشكووره حبيبتي عالموضوع الحلو :ga::ga: |
صرآآآآآآآآآآحه بيصير بالعطله القريبه ذي طفش غييييييير طبيعي بتقولوا لي ليه اول شي حناا من النوع اللي ما يساافر < علشآن شغل ابوي ثاني شي اللي يقول لي سجل بنادي < بودي ماستر ما يسجل اي واحد اقل من 18 وانا عمري 17:s5s: < ولا فيه نادي حلو مثله حتى لو حصلت راح يكون اكثر اللي فيه صغااااااااار ثالث شي اللي يقول مول < ما تدخل الا بعواااااايل:s5s: اللي يقول الثمامه < النهار حر وبالليل صرااااااحه يخوف < خطر لا يدخل عليك سكران واذاا انت بتخربها مقاهي شيشه < ما يدخلون الا فوق 18:razz: واللي يقول دوور بشوارع الرياااااااض < حفظتهاااااااااااا حفظظظظظظظ ^^ وغير كذا صرناا نتكي مع بعض ومن الطفش والله صرنا نتهاااوش ونتضارب :s5s: < لحد يضحك:d الله يعيين بس |
والله انا من تجي الاجازة سوني3 بيس 2009 وكال اوف دوتي5 ونت واروح عند اصدقائي ونلعب كوووورة نصيحتــــــــــي لهــــــــا لخويتــك انهـــا تسجل عيالها بنــادي او مركــز صيفي مثل مركز التربية النموذجية بالرياض او مركز الرواد والله اليم ذا ولد عمتي الي بسادس مسجل فيــهـ ونااااســة قدام مول غرناطة وفيه باص ب250ريال ومدة المركز 6اسابيع 800ريال فيه بالاسبوع ملعب صابوني وخيل ودورة علوم وكووورة والي فيه محافظين يعني نصيحة سجلو فيه ولا بالاندية الرياضية ولا مركــز الامير سلمان والا هي تسوي لهم جدول تاجر لهم سواق يوديهم للملاهيات والمولات واشتري لهم دريم بوكس لكن لاتركبين قمر هوتبيرد لانه في اشياء قليلة ادب ركبي النايل سات والعرب سات يناظرون دزني هه ولا كرتون نتورك ولا نكلوديان ولا شو كيدز بالشوتايــم وفيه الجزيرة والشوتيام والاي ار تي ويفلونها افلام وهذا جدولي لهم من 10الصباح :يروحون لمعهد لغــة انجليزية وكمبيوتر على شان يتعلمون ويرجعون 1 الظهر من 1الظهر:يتغدون وذا ويلعبون سوني او اي العاب وتفلزيون من 4العصر:يروحون نادي يفللللللونهــا ويرجعون 8الليل من8الليل: يناظرون تلفزيــون يمسكون الاب توب او الكمبيوتر ويلعبون العاب فديو او شي ويعني وبين كل 3ايام او2يومين تروحون مطعم تتعشون ويرجعون الاطفال وينامون |
إقتباس:
وروح قهاوي صالات بلياردو وبولينغ وتنس طاولة وتجمعو كل اسبوع او كل يوم تقريبا عند واحد فلللله بلوت وسوني وافلام ومباريات:smilie47:ولا تعال مرني وخذني معك |
موضوع خفيف وطريف ويلامس شيئاً من الواقع بارك الله فيك وفي طرحك وان كان لي تحفظ على جزئية زوج زميلتك ربما ان الرجل قد استنفذ رصيده من الاجازات... وفوق الرصيد كم يوم استئذان في هذه الحاله لانلوم جهة عمله اذا قالوا له ( طويق ) رزقنا الله واياكم القول النافع والعمل الصالح وجعل الجنة مثوانا وحرّم وجوهنا عن النار الله يحفظكم جميعا |
والله انا مسكييييييييين اهلي بسافرون يوم الاحد جزيرة بالي <<< اول مرة اسمع عنها وهيسيبوني مرمي بين الكتب يعني هجلس وحيد لمدة 15يوم كان الله في عوني:cry: جالس اسمع في سلم الطائرة بكيت غصب بكيت على محبين قلبي عند ماودعوني :cry: |
| الوقت المعتمد في المنتدى بتوقيت جرينتش +3.
الوقت الان » 03:06 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd