سلطان البرقان هل من ينصف هذا المخلص,,, بسم الله الرحمن الرحيم اللاعب سلطان البرقان محور الهلال أعوام الإنجازات 2004 وبعدها انا مدري ليه هاللاعب مايحصل انصاف من الجماهير انا لا أنكر ان خالد عزيز محور درجة أولى لكن سلطان البرقان كان في المحور اكثر من رائع يسلم الكرة صح وبمهارة يجيد تسديد الفاولات قليل اخطاءه وبكل صراحة والله ثم والله ان مافيه مقارنه بينه وبين الغنام الغنام اخطاءه كثيرة وتسليمه خاطئ ومهارته ضئيلة جدا وتذكرون نور مايبدع الا قدام الغنام اما امام عزيز والبرقان مايحصل فرصة ويتسبب بالكروت عليه سلطان البرقان لو انه في نادي آخر كان تجده احد لاعبين المنتخب صدقوني ارجعوا لمباريات يوم كان كوماتشو والشلهوب كانوا مرتاحين من محور الدفاع بوجود البرقان وتسليمة للكرات صح انا سمعت ان رادوي قد لايرغب بالتجديد مع الهلال رغم اني اتمنى بقاءه رغم اعتراضي على ضياع لاعب اجنبي بمركز المحور بوجود عزيز والبرقان والغنام والدوسري والغامدي انا ارى ان يبقى البرقان مع عزيز اساسين اذا لم يجدد مع رادوي والله سترى لاعب محور متقدم درجة أولى وتسليمه الكرات صح |
كلامك صحيح أخوي بصراحه الهلال مجامل الغنام البرقان ازين منه ولا بالفرق أتمنى خلاص يبقون على البرقان ويعرضون الغنام على لائحة الانتقال |
لا يالغالي البرقان موب بالمستوى الغنام افضل مع ان الغنام موب ذاك الزود البرقان متحمس زياده وطعاته كثيره اتمنى له التوفيق بس بعيد عن الهلال او احتياط في الهلال |
انا مدري ليش ما تعطيه الاتفاق وتاخذ عبدالرحمن القحطاني ..... هو لاعب مميز الصراحه لكن هو قاله بنفسه قال المفروض ادارة الهلال تعيرني للاتفاق لانني لــن العب الهلال لان ليس لي الا الاحتياط |
اتفق معك ان البرقان افضل من الغنام حالياً فقط البرقان لاعب تعلم كثيراً واصبح يقدم مستويات مميزة في مركز المحور وسبب عدم تواجده سابقاً هو ابداع عزيز في المحور الدفاعي والغامدي في محور الهجوم وكان الادرء رااائع جداً وقدمو مستويات متميزة وكان البرقان احتياط والغنام اصابات والمنتخب الاولمبي ’’ انا اتمنى بقاء عزيز والغامدي لانهم متفاهمين جداً في هذا الخط والافضل هو الاستفادة من خانة المحور بالشكل الافضل |
صدقت البرقان لاعب يذكرني بـــ فبريقاس>>>> ياكبرها المهم والله اذا دخل المعسكر اتوقع انه يلفت نظر المدرب ويبقي عليه والهلال محتاج احتياط قوي مثل ما انه محتاج فريق قوي مو مثل الموسم الماضي الاحتياط مافيه احد بالتوفيق للزعيم |
بصراحة عمر الغامدي انتهى ولعب عمر الغامدي غريب في المحور مايجيد الا ارتكاب الفاولات يعني لو تخير عمر تبغى الكورة ولا تسوي فاول اختار الثانية !! كرات بسيطة تحصل عليها يسبب فاول بعكس البرقان بصراحة لو يعطى الثقة مثله مثل الغامدي وغيره كان عرفت فرقه عن الغنام الغنام بصراحة مهارته ضئيلة واخطاءه كثيرة عزيز والبرقان هم الأفضل |
الله يوفق البرقان مع الهلال ولا اعاره الف شكر |
سلطان البرقان لاعب كبيرصحيح أنه خدم الهلال في سنوات ماضيه لكن في السنوات الأخيره لم يكن كطموح أي هلالي في مركز المحور ولكن لعل وعسى أن يعود لمستواه كما وضحت^^^ بعد عودته من الإعاره |
والله اتمنى يكون موجود مع الفريق في الموسم القادم على الاقل يكون عندنا واحد نعتمد عليه بعد رادوي وعزيز ومثل ما تعرف ان الغامدي والغنام اعتقد انهم اصبحوا من ضمن المستهلكين في الفريق |
إذا الاتفاق يبي البرقان يعطينا القحطاني |
بصراحه البرقان نجم وقدم مستويات كبيره مع الاتفاق واتمنى يكون اساسي هدا الموسم لانه بصراحه قدم مستويات لم يقدمها لاعزيز والغنام هدا الموسم |
بلاش مجاملات يا جماعه خلونا نتكلم بصراحة البرقان والله ما يطقها بالهلال السنه الجايه لو يسوي اللي يسوي لان خانته مليانه نجوم لكن انا عندي تحفظ على موضوع الادارة .. ليه يوقفون بوجه رزقه .. البرقان اصبح احد اهم الاسماء في الخارطه الاتفاقية الموسم اللي فات .. حرام .. عندك مشاكل مع الادارة الاتفاقية .. غير المفاوض تبعك اما انك تربط مصير الهلال بمفاوض (قعيطي) مثل عبدالله بن مساعد يتحسف على كل قرش هذا مرفوض جدا في تاريخ الزعيم.. الشواهد تقول ان اعظم عصور الهلال عصر بندر بن محمد وعصر محمد بن فيصل .. السبب هو كم الفلوس اللي انصرفت في محلها بدون تحسف.. والشواهد تؤكد ايضا ان اسوء عصر مر على الهلال عصر عبدالله بن مساعد السبب لانه كان عصر تقشف حتى على سامي نجم الهلال ..لم نحقق اي بطوله بل كان الخمسات تتوالى على الهلال من كل صوب.. على الرغم انه فيه فتره مرت على الهلال بدون رئيس وحقق فيها بطوله تحياتي |
والله لاعب جيد من الدرجة النادرة كونه يجيد تسديد الفاولات |
الوقت المعتمد في المنتدى بتوقيت جرينتش +3.
الوقت الان » 03:04 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd