نور Vs حسين " قهر تمثلون منتخب " !!! السلام عليكم والله قهر منتخبنا يلعب على المقلط !!! والله قهر ان فيه ناس يمثلون منتخب مثل نور ذا اللي لو انه في الاتشاد كان لعب وحرث الملعي حرث وحسين ذا اللي وش لاقين فيه والا علشانه احترف والله انه مخقه والزوري عاد سلمني عليه هو عبدالرحمن مافيه تفاهم أبد ونايف والله مبدع وكبير وياسر ايضاً لكن هجمته بس هي اللي خربتها والشلهوب لو انه بدأ من بداية الشوط الثاني كان أحدث فرق لكن تلعبه في 20 دقيقه وش تبيه يسوس وشهيل وهوساوي والقاضي كانوا نجووووووووم والله نجوم أدوا اللي عليهم ولا يهون وليد وصاحب تلعبه بدال عزيز طيب وش استفدنا !!! يا أخي طلع حسين ولعب ناصر بداله وخل عزيز محور لكن مانقول الا الله يعين ومباراتنا مع البحرين بعد 4 أشهر " اعذروني الموضوع مخربط بس من القهر والله " |
لا تقولي نور وحسيــن وزيد عليهم كمان ياسر يعني امس ما بدعو الا قليلين وخلهم واللي يسير يسير والله يكتب اللي فيه الخير |
اقول انا من شفت العنوان وانا داري ان مافي راسك كوره حسين يالظالم من افضل اللاعبين اللي لعبوا في المباراه |
والله من جد اتمنى في مباراة الملحق ما يضمون حسن عبد الغني و نور كأنهم شيياب و هم يلعبون يعتزلون احسن |
لاتنسى يا سر القحطاني والله ما سوى شي في المباراة رجا لا تجرح في اللاعبين لا تنسى درجة الحرارة الي لعبو فيها 44 درجه وما تبيهم يتعبون |
افضل الاعبين هم حسين عبدالغني اسامه الشلهوب الحارس القاضي فقط والباقي في الحواري |
اسمحلي اقولك ماتفهم كورهـ حسين لم يقدم مستوى ...؟!؟!؟!؟!؟ |
للي يقولي حسين أفضل لاعب وش سوى للمنتخب غير قتل أي هجمه للمنتخب |
ههههههههههههههههههههههههههههه الله على الظالم الحين صار حسين ونور مايصلحوا.. وقبل فتره..(المنتخب بدونهم مايسوى) لاتخلينا نميل للانديه... بعدين ابو عمر لعب محور مو صلنع الاعاب عشان تلومه.. لوم نور وعبدالرحمن القحطاني... ووو علمني وش سوى ياسر؟؟؟؟؟؟؟؟؟؟؟؟؟؟؟؟؟؟؟؟ الله عليك بس.. واااااااااااااااااااااه يامالك... |
ياخي حسين عبدالغني لعب محور يعني غير المركز اللي عرف عنه وظيفة المحور الأساسية هي قطع الكور وليس صنع الكور للمهاجمين واتوقع ان حسين ماقصر ابد وقام بالواجب وأكثر -اما بالنسبة لمحمد نور فهو لاعب نادي فقط ولايبدع مع المنتخب مثل الاتحاد |
مع احترامي لك الموضوع مايستاهل .. المنتخب لعب والله يصبرنا :) |
إقتباس:
مع احترامي لك اخوي اظنك تشوف المبارة بعيون هلاليه بحته و ليس بعيون سعودية ولعلمك ان ياسر اللي تقول انه افضل من نور و عبدالغني جاء على حساب المجاملات من الاتحاد السعودي ولا تراه مايستاهل المنتخب على مستواه ونور من افضل لاعبين الموسم الماضي وعبدالغني ماتقدر تتكلم وهو حارق دمك ومحترف برا ومقدم موسم اكثر من رائع مع فريقة السويسري واكثر من 5 اندية اجنبيه طالبته |
والله الموضوع تعصب والردود تعصب وتبون تتأهلون ياناس مو كذا التحليل الرياضي وبعدين المنتخب هاجم والكوريين كلهم دفاع والتوفيق بيدالله سبحانه مو مكتوب لنا الفوز على كوريا الشماليه تبو تعترضو على القضاء والقدر اذا يهمكم التاهل فادعو الله وباذن المولى عزوجل نتأهل من اصعب الطرق |
لا وجود المنتخب فى غياب سامى الجابر |
. لا إله إلا الله .. محمد رسول الله ,, سبحانه مغير الأحوال .. يغيِّر ما يتغيَّر ,, شوفوا حال المنتدى أمس .. وحـاله ألحين ,, هذا وحنّا متعادلين .. كيف لو مهزومين ؟!! ,, كان المنتدى هالحين فيه معركة حامية الوطيس ,, أبطالها " المتعصبين " و ضحيتها " العقلانيين " ,, ليه لا !! مو إنتم اللي مدحتوهم أمس ؟!! ,, هالحين أنتم قاعدين تسبونهم وتقولون إنهم فآشلين ,, لا !! وتقولون " نور " و " حسين " ما يستاهلون المنتخب ,, تبونها " واقعية " ولا " مجاملة " وأغلبكم يبي الأولى ,, الواقع يقول المدرب أمس كان يشوف مباراة ثانية بجواله ,, لأنه بصراحة تغييراته تثبت إنه يطالع مباراة غير مباراة المنتخب ,, يعني بالله قدامك فريق 10 مدافعين و" 1 " محور ,, وتلعب بمهاجمين بس !! لا .. و" 1 " منهم ما قدم ولا شي ,, وعنك ظهير ما يعرف يرفع أوفر .. ووسط غايب عن المباراة ,, تقوم تدخل محور بدال محور ؟!! بالله هذا تغيير ؟!! ,, إنت تبي تفوز ولا تبي تتعادل ؟!! والله إلى ألحين مستغرب ,, لا وتطلع عبدالرحمن وتترك نور ؟!! ومدخل مين !! الشلهوب ؟؟ ,, يا أخي والله لو إنك متقدم أربعة ما تبدل هالتبديلات ,, لا وآخر عشر دقايق تدخل مهاجم بدال مهاجم .. وش ذا ؟!! ,, والله لو إني مدرب ..كان أنزل السعران بدال ياسر بداية الشوط ,, وبعدها بعشر دقايق أسحب عزيز وأنزل الشمراني ,, كان شفت الأهداف والضغط والإرتباك الكوري صح ,, وآخر ربع ساعة أنزل الشلهوب للإستفادة في إمتاع الجماهير بعد التقدم ,, عموماً .. ترانا ما بعد طلعنا ,, باقي يمدينا نتأهل .. بحول الله ,, وإن شاء الله المباراة الجاية بالشرقية ,, نغيّر من جو الرياض وتعب الجماهير ,, ونتمتع بنجومنا ونشوفهم مرة وحدة بملعب الدمام ,, ونعيد ذكريات مباراة كوريا الجنوبية بتصفيات 2006 ,, . . |
الوقت المعتمد في المنتدى بتوقيت جرينتش +3.
الوقت الان » 04:40 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd