السلام عليكم ورحمة الله وبركاته

كيفكم حالكم جميعا

قبل أن تتحسرو على ضياع البطاقة الثانيه عليكم ان تعلمو بأنها ضاعت قبل إستلام بيسيرو المهمه والسبب اصرار البعض على أن يكون الجوهر مدرب وإصرار البعض على خنبقته حتى اضاع ثمان نقاط منها خمس بالرياض .

لن أعفي بيسيرو من المسئولية فمن يشاهد تغييرات ليلة البارح يجزم أن هذا المدرب لايستحق تدريب فريق حواري مابالكم بمنتخب بحجم المنتخب السعودي .. ولا أدري ماسر تلك التغييرات والإصرار على تكتيك واحد طوال مجريات اللقاء ..

علينا أن نحاسب بيسيرو ونناقشه في مافعله من تخبطات بدائية ليلة البارح وتلك المناقشة لاتعني ان نتعامل معه على طريقة اذا أخطأ يقش عفشه ويمشي فماضيع المنتخب الا تغيير المدربين لدرجه اننا صرنا نلعب كل بطولة بمدرب وكل بطولة بكابتن

من ينظر لأداء اللاعبين سيشعر ان بعض اللاعبين جايين يلعبون مباراة خيرية وماشين ولاحد يطالع للجهه اليمين والله ان يشك ان في ذبح ومذابح بين شهيل ونور حيث كان التعاون صفر ومعدوم .. وبالعامية البسيطة لاتناولني ولا اناولك انت بطريق وانا بطريق

عندما شاهدت الشوط الأول : وجدت لاعبان بخط المنتصف غائبان وكأنهما غير موجودان باللقاء وهما عبدالرحمن القحطاني ومحمد نور .. وحتى النشيط الوحيد وصاحب الروح العالية كان يتحرك تكتيكيا خطأ واعني عبدالغني الذي قتل بأسلوب لعبه كل هجمات المنتخب فأسلوب عبدالغني قديم جدا ومايأكل عيش رغم انه يحسب له انه نشيط وروحه عاليه لكن النشاط والروح والخبطه بدون منهجية تكتيكيه وش فائدتها ..

محمد نور لايصنع ولايسدد ولايتيح فرص للطرف اليمين بخلق مساحات ورفع كرات عرضية وللأمانه انني كنت من أشد المطالبين به المنتخب لما أشوفه مع الاتحاد ولكن بعد ماشفته في كل مباريات المنتخب فأقول يجب أن يعود لاعب النادي للنادي هنالك لاعبين اندية ولايمكن ان يخدمو المنتخب ومحمد نور أحد هؤلاء ..

ليس تحاملا على نور ولكنه واقع ومن يعارض على كلامي فليذكر لي ماذا قدم نور منذ مباراة كوريا الشمالية بكوريا الشمالية الى مبارتنا ليلة البارح .. ولاحظو روح نور مع الاتحاد وروحه مع المنتخب واحكمو بأمانه .

افتقد الوسط يوم أمس لعقلية عبده عطيف وحداثة احمد عطيف ولكن هل يعقل ان يتأ ثر منتخب بخسارته للاعبين فقط .. اعتقد نعم تأثرنا ولامجال للفلسفة .

نايف هزازي وياسر القحطاني لايلامان نهائيا وحتى من يطالب بناصر الشمراني لن يحدث شيء طالما يقف خلفهم أسماء غير قادره على تهئية فرص وليس فرصة محققة للتسجيل ..

من يشاهد تغيير وسط يسار بوسط يسار ومحور بدال محور ومهاجم بدال مهاجم حتما سيضحك كثير وربما تشك انها دعابه من مدرب منتخبنا مع يقيني التام بأن تغيير عزيز لأنه مصاب ولكن هل صاحب العبدالله هو البديل الأنسب .. وهل كان كوريا الشمالية يشكل ضغط وخطورة هائلة من العمق لتصر على وجود محورين ..

كلنا نعرف ان صاحب العبدالله بعيد عن مستواه ولماذا لم يغامر مدربنا بوضع عبدالغني محور ثابت دون الحاجة الى اشراك صاحب العبدالله وماذا لو اعتمد على تيسير الجاسم ألن يكون وضع الوسط افضل ..

أما اذا عزيز ماهو مصاب ولاشيء فتغييره نكته جديده اضافها السيد بوسيرو ربما نجدها في كتاب بعنوان نوادر المدربين

لماذا بقي نور وهل كان نور جيد وهل شخص المدرب الخلل بأنه من الهجوم عندما اشرك ناصر الشمراني .. ومافائدة اشراك مهاجم بدل مهاجم في آخر دقيقتين ..

الفريق الكوري كان متكتل في منطقته اوافق بيسيرو بالتركيز على الأطراف لأن الدخول من العمق صعب ولكن كان بحاجه الى الإيعاز للاعبي المنتصف بالتسديد وهنا اتسائل كم تسديده سددت على المرمى .. واذا كان الإعتماد على الأطراف الا يشاهد بيسيرو ان الجهه اليمنى كانت محبطة للناظرين ولم تكن فعالة من ناحية هجومية .. لماذا لم يحاول حلها مبكرا ..

اللاعبون كان على علم من المدرب بالإعتماد على العرضيات ولكن من الواضح انهم لم يكونو على توصيات بمن أين تأتي تلك العرضيات وكيف تأتي ومن يعرض لهذا لاشفنا شهيل يعرض ولانور ولاعبدالرحمن القحطاني ولاحتى الشلهوب بعد اشراكه ..

من يشاهد عرضيات شهيل بعد النص بشوي يقول ياولد الظاهر بيليه ولافان باستن بالمنطقة الحق قبل ينقلعون .. شهيل مميز ولكن خانه وسطه اليمين فلم يحركه ولم يساعده نهائيا في تهيئة فرص للمهاجمين ولهذا لجأ الى العرضيات عبر البريد المستعجل

الحلول كانت كثيرة لدى بيسيرو ولكن اصرار المدرب على تكتيك واحد ومنهجيته واحده اضاعت المنتخب بل إصرارة على الابقاء على بعض العناصر أساسيين يعد حماقة وذنب لايغتفر .

والله ماندري نحط الحق على مين
والله تعبنا تعبنا
ياناس شيلوا بلوط وعلقم وجيبوا واحد فاهم كورة وخلوه ينقذ مايمكن انقاذه

من ما بناه فيصل بن فهد

إقتباس الرسالة الأصلية كتبت بواسطة وسن الهلالية والله ماندري نحط الحق على مين والله تعبنا تعبنا ياناس شيلوا بلوط وعلقم وجيبوا واحد فاهم كورة وخلوه ينقذ مايمكن انقاذه من ما بناه فيصل بن فهد

لاتقييمين الكفاءات الاداريه

عاد شوفي المعسكرات الطويلة وتأثيرها على اللاعبين اصابات وارهاق وانخفاض مستوى

مابقول شي بتنظيم المسابقات والتأجيلات والأستنئافات ولجان الاتحاد السعودي وكل لجنه وش تسوي

ماني بقايل من يتحمل خسارة ثمان نقاط من البداية والثقة اللي بغير محلها

لاني مقتنع بأن التخطيط علمي ومدروس

صبحك الله بالخير اخوي
ما شاء الله عليك كتبت ف ابدعت
لكن من شاف مباراه امس يؤكد ان جميع الاعبيين يلعبون بدون روح بستثنا
الملك اسامه هوساوي ووليد عبدالله
مشكلة عبدالجواد يشوف بعين واحده يعني ترى نور وعبدالرحمن القحطاني قاتول وابدعو والي ضيع تعبهم ياسر والله مشكله اذا في محلل يتحدث بهذا المنطق اشره على قناة الجزيزه الي تعاقدة معك

مع احترامي لكـ وللمنتخب ..

أسباب الخساره يتحملهــــآ نور وياسر بالتساوي ..



أسوء ن السيئين وأعتقد يفتقدون للموجه كما قلت .. مثل سامي ..


وبالنسبه لبيسيرو :

لا تعليق ..


أما عبدالجواد ..

فا أنا أرى أن كلامه محق وصحيح وواقعي 100% ..

ياسر لعب مجامله .. وإلا وين السعران ..؟

إقتباس الرسالة الأصلية كتبت بواسطة فـــرفـــور™ مع احترامي لكـ وللمنتخب .. أسباب الخساره يتحملهــــآ نور وياسر بالتساوي .. أسوء ن السيئين وأعتقد يفتقدون للموجه كما قلت .. مثل سامي .. وبالنسبه لبيسيرو : لا تعليق .. أما عبدالجواد .. فا أنا أرى أن كلامه محق وصحيح وواقعي 100% .. ياسر لعب مجامله .. وإلا وين السعران ..؟

ياسر سيء بناء على ماذا .. ممكن توضح اكثر

إقتباس الرسالة الأصلية كتبت بواسطة fsoli صبحك الله بالخير اخوي ما شاء الله عليك كتبت ف ابدعت لكن من شاف مباراه امس يؤكد ان جميع الاعبيين يلعبون بدون روح بستثنا الملك اسامه هوساوي ووليد عبدالله مشكلة عبدالجواد يشوف بعين واحده يعني ترى نور وعبدالرحمن القحطاني قاتول وابدعو والي ضيع تعبهم ياسر والله مشكله اذا في محلل يتحدث بهذا المنطق اشره على قناة الجزيزه الي تعاقدة معك

اختلف معك لاعب فقط لعب بدون روح وهو نور والباقي لعبو بروح ولكن في هبوط مستوى لدى البعض وفي لعب بلا تكتيك يعني لعب ماله تاُثير زي عبدالغني .. اللي عليه باصات من العصر الحجري والمدرب يتحمل الجزء الأكبر .. الروح فيه روح

هل تقدر تقول نائف القاضي لعب بدون روح طبعا لا .. لكن مستواه مايسمح يلعب لانه لاعب نادي وراحت عليه وش جابه للمنتخب مادري

هل تقدر تقول الزوري وشهيل لعبو بدون روح طبعا لا هذي امكانياتهم

هل تقدر تقول عبدالغني لعب بدون روح ..

إقتباس الرسالة الأصلية كتبت بواسطة algohmani ياسر سيء بناء على ماذا .. ممكن توضح اكثر

حبيبي خلنا واقعيين شوي بعيد عن العاطفه ..!


وين تمركز ياسر وين تحكم ياسر بالكورة اللي عرفنا فيه ياسر وعرفنا أنها من أهم مميزاته



ياسر متغير جداً ..!

وأنا لا ألقي اللوم عليه ..

ياسر مر بظروف ما يعلم بها غير ربكـ ..

كافة الظروف وأهمها الإصابات اللي أثرت فيه .. والضغوط النفسية اللي كان لها دور كبير في هبوط مستواه


بصراحه ياسر ضغط على نفسه الموسم هذا
عشان يتحدى كل الظروف ..!


ولكن ...


بوجهة نظري الشخصية ..


ياسر لم يقدم أي مستوى يذكر اليوم ولا جزء بسيط من مستواهـ ..

ولا ألومه .. ألوم الجهاز الفني اللي ضغط عليه وأجبره على الانضمام للمنتخب ..


للأسف كان في قمة السوء هو ونور ..



وكذلك لايعتبر موسم جيد بالنسبه لياسر وعليه مراجعة نفسه وبداية صفحه وتحدي جديد الموسم القادم ..!


بالتوفيق لياسر ولمنتخبنا في الملحق


أما بالنسبه لنور ..

بصراحه أعتقد أن نور حتى : ما يلعب بمركزه ..!

يعني المدرب أجبر نور على اللعب بمركز غير مركزه ..

هلا بالغالي ابو عبدالله

صدقني ان الفريق كله يتحمل هذه النتيجة باستثناء اسامة هوساوي ووليد عبدالله ونايف هزازي الي حاول وحاول بس بدون فايدة !!

انا لن احمل ياسر مسؤلية اضاعة الهجمة الخطيرة بداية الشوط الثاني ولكن هل حقا ياسر هو الكاسر الي نعرفه !!

الزوري يجيد الاختراقات اما الاوفرات فمن كل 10 تجي ثنتين !!

والله مالي حيل اكمل والا الكلام كثير عن اداء الفريق لاعبين وجهاز فني !!

اما الجهاز الاداري فما عندنا غير الرجوع الى الله سبحانه والاكثار من طلب الدعاء لعل وعسى !!

تحياتي لك

اخوك عاشق البطل قديما سعود الفيفي

إقتباس الرسالة الأصلية كتبت بواسطة فـــرفـــور™ حبيبي خلنا واقعيين شوي بعيد عن العاطفه ..! وين تمركز ياسر وين تحكم ياسر بالكورة اللي عرفنا فيه ياسر وعرفنا أنها من أهم مميزاته ياسر متغير جداً ..! وأنا لا ألقي اللوم عليه .. ياسر مر بظروف ما يعلم بها غير ربكـ .. كافة الظروف وأهمها الإصابات اللي أثرت فيه .. والضغوط النفسية اللي كان لها دور كبير في هبوط مستواه بصراحه ياسر ضغط على نفسه الموسم هذا عشان يتحدى كل الظروف ..! ولكن ... بوجهة نظري الشخصية .. ياسر لم يقدم أي مستوى يذكر اليوم ولا جزء بسيط من مستواهـ .. ولا ألومه .. ألوم الجهاز الفني اللي ضغط عليه وأجبره على الانضمام للمنتخب .. للأسف كان في قمة السوء هو ونور .. وكذلك لايعتبر موسم جيد بالنسبه لياسر وعليه مراجعة نفسه وبداية صفحه وتحدي جديد الموسم القادم ..! بالتوفيق لياسر ولمنتخبنا في الملحق أما بالنسبه لنور .. بصراحه أعتقد أن نور حتى : ما يلعب بمركزه ..! يعني المدرب أجبر نور على اللعب بمركز غير مركزه ..

خلك من الظروف ومالظروف مافي ظروف يعاني منها ياسر

ياسر جته فرصة واحده واضاعها .. ماعدى ذلك ممكن تذكر كم فرصة اتيحت لياسر متاحة للتسجيل .. اذا بتقولي لازم يطلع ويتحرك ويدور على الكورة بقولك وهذا خطأ تكتيكي لوفعله لانتقدته عليه .. علما ان المدرب اخطأ في تحديد رأس الحربة طالما تكتيكه يعتمد على العرضيات فكان من الأفضل وضع هزازي مهاجم لايتحرك وياسر هو اللي يطلع برا الثمان تعش وليس العكس .

طيب نور وين مركزه اللي تقول عليه

والله ماحد بدع زي الملك اسامه

إقتباس الرسالة الأصلية كتبت بواسطة سعود الفيفي هلا بالغالي ابو عبدالله صدقني ان الفريق كله يتحمل هذه النتيجة باستثناء اسامة هوساوي ووليد عبدالله ونايف هزازي الي حاول وحاول بس بدون فايدة !! انا لن احمل ياسر مسؤلية اضاعة الهجمة الخطيرة بداية الشوط الثاني ولكن هل حقا ياسر هو الكاسر الي نعرفه !! الزوري يجيد الاختراقات اما الاوفرات فمن كل 10 تجي ثنتين !! والله مالي حيل اكمل والا الكلام كثير عن اداء الفريق لاعبين وجهاز فني !! اما الجهاز الاداري فما عندنا غير الرجوع الى الله سبحانه والاكثار من طلب الدعاء لعل وعسى !! تحياتي لك اخوك عاشق البطل قديما سعود الفيفي

ليس كل الفريق الدفاع والهجوم لاحملهم شيء .. ثلاثي الوسط القحطاني وعبدالغني ونور اثنين منهم خارج الخدمه وواحد يجرب باصاته وبيسيرو زادها بتغييراته واصراره على نهج نفس التكتيك

بالنسبة للجهاز الاداري مادري اي جهاز اداري تقصد ....................>>>> اذا اللي فوق فوق ترا بالرغم من كل اخطائهم وتخطيطاتهم المعفوسه الا اني كنت واثق ان المدرب واللاعبين ممكن يصحلون ما افسده العطار

هلابك ومرورك شرفني ومنور باليوزر الجديد

إقتباس الرسالة الأصلية كتبت بواسطة مناوس الهلال والله ماحد بدع زي الملك اسامه

لو ماهو موجود اليوم كان ادهرو الكوريين الله يخليه لنا ويوفقه يارب

هلا بك ابو عبدالله

انا قلت جهاز اداري وما وضحت حتى لا يجيني اتصال

لكن ايه الي قصدته ان الرئاسة بكبرها يبي لها غربلة وصدقني هذا الامر لن يحدث اذا ما تأهلنا الى كأس العالم

طيب باسألك سؤال وجاوبني بكل صراحة لو فزنا امس وتأهلنا هل تتوقع انه راح يصير شي جديد بكأس العالم ؟

والا كالعادة 3 هزايم واحدة منها ثقيلة واخرى نقول عنها مشرفة وواحدة قد نفوز او نتعادل على حسب المزاج !!

من عام 99 في كأس القارات واسلوبنا واحد وطريقتنا وحدة تعاقد مع مدرب يبدع لك في كم مباراة ثم يبدأ يتخبط

ليش مادري ؟؟

وبعدها نجيب مدرب وطني ويبدأ مسلسل المدح والتطبيل

وتعود الروح لمباراة او ثنتين وبعدها يقال ومدرب جديد وهذه هي الاسطوانة المعروفة لكل مشجع سعودي !!

انا لا يهمني التأهل لكأس العالم فهو ليس انجاز وخاصة اذا كان من قارة ضعيفة مثل قارة اسيا !!

ولكن المهم ماذا سيحدث هناك في حالة الوصول ؟!!

يبدو لي بأن الخطط العلمية المدروسة قد بدأت تنتهي واتوقع بأن الفرج سيكون قريب

مو قريب يعني سنة او سنتين يمكن 6 او 8 على حسب

لك يابو عبدالله