17/06/2009, 01:31 PM
|
| زعيــم متواصــل | | تاريخ التسجيل: 30/11/2006
مشاركات: 53
| |
|
مجرد نقاااااااااااااااااااااااااااااااااااااااااااااااااااااااااااط
السلام عليكم ورحمة الله وبركاته
انا جاي مطفي النور بس عندي كلام ودي اقوله واعتبروها وجهة نظر لااقل ولا اكثر
اولا
اقول احمدو ربكم ان عندكم لاعب زي ولي لاعب فنان ويعرف يدافع ويهاجم لكن مشكلته انه جاء عند جماهير تبي لاعب استعراضي لا والي يقهر يجيك واحد يقول ياخي مايعرف يلعب بالحر ياخي تراه بشر زيي زيك مصيره بيتعود واقدر احلف هو خلاص تعود بس مدري وش تحسون فيه يوم تقولون ذا الكلام يعني ايتو مهاجم برشلونه جاي من ديره فقر وحر وعادي مافرقة معه بس اذا جينا نتكلم عن السعوديه لازم نحط الاحوال الجويه سبب رئيسي في هبوط اللاعب طلعنا مطار مو نادي.
الشي الثاني كل شوي ناط لي واحد يقول ليه مانجيب اللاعب الفلاني مدري ماخذين مقلب بالهلال تحسبونه ريال مدريد كل من تحسونه انه هلالي قلتم خلهم يتعاقدون معه لا وبعد نص الاعضاء زي البزارين نبي حسن معاذ والثاني نبي الرهيب ونبي ونبي هذا نادي ماهوب جايب لاعب الا الي يبيه حتى اذا كان لاعب يبيه مو بكيفه يجيبه فيه ظروف تمنعه ولا لازم يعلمونكم بالظبط وش يسوون بس انتم طولو بالكم واصبرو
الشيء الثالث المدرب ياخي من جد ان 90% من الجماهير مو فاهمه شي بالكوره بس اهم شي تشجع يعني مدرب عشان قال مابي التايب طلع المدرب مو فاهم شي ياخوي المدرب ذا رزقه لو سوا شي غلط انكرش وصار في تاريخه نقطه سودا انا من زمان ودي يجي مدرب مايرحم عشان اذا شاف لاعب قاب يتبطح يدور فاول يقعده جنب طرادين الكور عشان يعرف قيمة الفاول ولا انتم تبون لاعب كل ما ينغزه لاعب انبطح وسوا فيها انه جاه شلل اما سالفة التايب انا ادري انه فنان بس عادي خير ياطير اذا راح بيجي لاعب يغطي مكانه زي ايام تفاريس يوم راح قالو الدفاع صار حواري وجاء الموسم ومبدعين الدفاع انا اللاعب الي حسيت انه له 10 سنوات يلعب مع الهلال هو رادوي اقسم بالله لاعب مقاتل يلعب تحس انه فريق ابوه
على العموم لا تحكمون على اي شي التعاقدات صدقني الاداراه اول ماتتعاقد مع لاعب بتنشر الخبر بس هم يتبعون منهج افلاطون الي يقول سكتم بكتم
اهم شي المدرب ياخذله كورس جامد في شوارع منفوحه عشان يعرف وش يحس فيه الشارع الرياضي
وسلام وترا الدعوه سعة صدر |
الوضع المتطور
